Maraki

I ngā rā o Maraki, kua oti kē i ngā Iharāira te hanga i te temepara ki Hiruharama, engari i tika tonu kia tuitui tonu i te herenga aroha ki te Ariki. I a koutou e rangahau ana i a Maraki, rapua ngā pātai i uia ai e te Ariki ki ngā Iharāira, ā rātou pātai rānei ki a Ia. Me ui aua momo pātai ki a koe anō (kei raro iho nei ētahi tauira) hei āwhina i a koe kia arotake i tō hononga ki te Ariki, ā, kia tata ake ki a Ia.

• Kua rongo rānei au i te aroha o te Ariki mōku? (tirohia Maraki 1:2).

• E whakahōnoretia tūturuhia te Ariki e ōku tāpae? (tirohia Maraki 1:6–11)

• He aha ngā āhua me “hoki” au ki te Ariki? (tirohia Maraki 3:7).

• Kei te tāhae au i te Atua i tētahi o aku mahi? (tirohia Maraki 3:8–11).

• He aha ngā mea e puta ana i taku waiaro i ngā wā uaua e whakaata mai nei i ōku whakaaro ki te Ariki? (tirohia Maraki 3:13–15; tirohia anōtia 2:17).

I a koutou e pānui ana e pā ana ki ngā tāpaetanga i Maraki 1, he aha ngā mea e kitea ai e koe i ngā whakahere a ngā tohunga? He aha ngā mea e kitea ai e pā ana ki ngā tohunga i ā rātou whakahere ki te Ariki? (tirohia Maraki 1:13). Me whakarārangi e koe tētahi rārangi mō ngā tāpaetanga, ngā whakahere rānei e meatia nei e koe ki te Ariki. Kia whakaarohia ia mea kei tō rārangi, he aha e kīa ai he tāpae “poke” he tāpae “poke kore” rānei (Maraki 1:7, 11).

Kia whakaarohia ake anō nei kātahi anō ka kite tētahi o ō hoa kei te tuku whakatekau koe. “He aha koe e pēnā ai?” tā tō hoa. Me whakaaro ki tēnei pātai i a koe e pānui ana i Maraki 3:8–12. He aha ki reira e āwhina ki te whakautu i taua pātai? He aha atu ngā mea e hiahia ana kia mārama ai tō hoa e pā ana ki te whakatekau? Hei āwhina anō, rapua te karere a Erata Neil L. Andersen “Tithing: Opening the Windows of Heaven” (Liahona, Noema 2023, 32–35), e rapu ana i ngā whakautu ki ngā pātai pēnei:

• He aha te Ariki e hiahia ai kia tuku whakatekau tātou?

• He aha ngā mea e raru ana i tētahi kia tuku whakatekau, ā, he aha ngā mea hei turaki i tēnei?

• Me pēhea te tuku whakatekau e whakakaha i tā tātou whakapono ki te Matua i te Rangi rāua ko Ihu Karaiti?

Māu e kōrero ki tō hoa e pā ana ki ō manaakitanga i ahu mai ai i reira. Māu e rapu whakaaro i te wāhanga e kīa nei ko “Lesson Number 1—Significant but Subtle Blessings” i tā Erata David A. Bednar karere “The Windows of Heaven” (Liahona, Noema 2013, 17–18). Ka ahatia tātou ina tuku whakatekau?

He aha te tikanga o te rerenga “huakina ngā matapihi o te rangi” (whiti 10)? Tērā pea me titiro whakawaho koe i tētahi matapihi kātahi ka whakaarohia ake he aha te tikanga o ngā matapihi. He aha e pai ai te kōrero “matapihi o te rangi” hei kōrero whakamārama i tā te Ariki manaaki i a tātou ina tukuna te whakatekau?

I te wā i takina ai e Moronai te kōrero i Maraki 4:5–6 ki a Hōhepa Mete, i pēnei “i runga i te panoni pakupaku” i tāna i te Paipera (tirohia Hōhepa Mete—Hītori 1:36–39). He aha tā Moronai e tāpiri nei ki tāu e mārama nei e pā ana ki tēnei poropititanga? Hei tauira, whakaarohia ngā pātai pēnei:

• Ko wai “ngā matua”? (tirohia Teuteronomi 29:13). He aha ngā whakaari kua meatia nei ki a rātou? (tirohia Aperahama 2:9–11). He aha tāu hei āwhina ki te whakatutuki i ēnei whakaari?

• He aha ngā āhuatanga kua āwhinatia kia huri ai tō ngākau ki ō tūpuna? He aha e whakahirahira ai tēnā ki te mahere a te Matua i te Rangi?

Hei ako anō i ngā mea e pā ana ki te haerenga mai o Iraia me te āhua e tutuki ai tana poropititanga i ēnei rā, tirohia Whakaakoranga me ngā Kawenata 110:13–16 me tā D. Todd Christofferson, “The Sealing Power” (Liahona, Noema 2023, 19–22). he aha koe e whakawhetai ai kua tae mai a Iraia?

Tirohia anōtia tā Gerrit W. Gong, “We Each Have a Story,” Liahona, Mei 2022, 43–46; “Turn Your Hearts,” Hymns, nama. 291; “The Sealing Power” (whitiāhua), ChurchofJesusChrist.org.

3:38

• He aha tā koutou whakautu ki te pātai i Maraki 1:2—“I hea arohaina mātou e [te Ariki]?” Kōrerohia atu ngā tohu e mōhio nei koe e arohaina ana e Ia. Me tā pikitia pea ō tamariki mō ngā mea e whakamaharatia ana rātou ki Tōna aroha.

• Me pēhea koe e āwhina i ō tamariki kia ako ai e pā ana ki te whakatekau? Me tono rātou kia tatauria ngā mea tekau, pērā i ngā kapa i te whārangi mahi i tēnei wiki. Kātahi ka wehe atu tētahi i ērā atu—koinei te rahi e hoatu ai ki te Ariki hei whakatekau. E ai ki Maraki 3:8–12, he aha te Ariki e hiahia ai ki tuku whakatekau tātou? (tirohia anōtia “Malachi the Prophet” i Old Testament Stories, 171–72; “First Things First!” [whitiāhua], Wharepukapuka Rongopai).

  

  0:58

  

  1:18

• I a koe e pānui ana i Maraki 3:10, māu ō tamariki e tono kia tū ki tētahi matapihi ina rangona te rerenga “ngā matapihi o te rangi.” Ka taea rānei te riringi iho i ngā wai ki tētahi kapu kia purena rā anō hei whakaatu i te rerenga “kāore e whai wāhi kia whiwhi te katoa.” Kōrerohia atu ki ngā tamariki e pā ana ki ngā manaakitanga kua homai nei e te Atua mōu i tuku whakatekau. Mā ō tamariki e tā pikitia e hāngai ana ki ēnei manaakitanga kātahi ka iriiringia i te kāinga.

• I Maraki 4:5–6, me rapu ō tamariki i ngā whakautu ki ngā pātai e whai ake nei e pā ana ki te poropititanga a Maraki: I whakaari te Ariki kia tono i a wai? Hei āhea tae mai ai tēnei tangata? He aha tā te Ariki kī hei mahi mā tēnei tangata? He aha ai me haere mai ai tēnei tangata? I hea whakatutuki ai tēnei poropititanga? (tirohia Whakaakoranga me ngā Kawenata 110:13–16).

• Kia rapu māramatanga e pā ana ki te tutukitanga o te whakaari i Maraki 4:5, me arotake koe i “Joseph and Oliver Receive Priesthood Keys” i Doctrine and Covenants Stories, 26–30. Mā tētahi waiata pērā i “The Hearts of the Children” (Children’s Songbook, 92) e āwhina i ō tamariki ki te ako he aha e whakahirahira ai te haerenga mai a Iraia. Me toro atu ki FamilySearch.org/discovery, te FamilySearch Tree app, te My Family booklet rānei mō ētahi atu mahi e āwhina ai i a koutou kia tahuri ai ō ngākau ki ō tūpuna.