Jól

Jólin eru þekkt sem gleðitími, sökum gleðinnar sem Jesús Kristur færir í heiminn. Mörgum öldum fyrir fæðingu frelsarans, fundu spámenn Gamla testamentisins gleðina af því að ræða um komu Messíasar. Lesið eitthvað af eftirfarandi ritningarversum og íhugið ástæðu þess að þau voru dýrmæt þeim sem væntu þjónustu frelsarans: Sálmarnir 35:9; Jesaja 25:8–9; 44:21–24; 51:11; Sefanía 3:14–20; HDP Móse 5:5–11. Af hverju eru þessi vers ykkur dýrmæt? Hvaða ástæður gefa þessi ritningarvers fyrir því að vera gleðrík?

Sjá einnig Dallin H. Oaks, „Mikil gleðitíðindi“ (jólasamkoma Æðsta forsætisráðsins, 4. des. 2022), Gospel Library; „Fagna þú veröld,“ Sálmar, nr. 76.

Margar hefðir sem tengjast jólum geta haft táknræna merkingu sem vísar til Krists. Þegar þið lærðuð Gamla testamentið á þessu ári, gætuð þið hafa veitt athygli hinum mörgu táknum um frelsarann. Nokkur þeirra eru tilgreind hér á eftir. Íhugið að læra þau og skrá það sem þau kenna ykkur um hann.

• Stjarna (4. Mósebók 24:17; Matteus 2:2; Opinberunarbókin 22:16).

• Hirðir (Sálmarnir 23; Lúkas 15:4–7; Jóhannes 10:11)

• Lamb (1. Mósebók 22:8; 2. Mósebók 12:5; 1. Pétursbréf 1:18–20).

• Vatn (2. Mósebók 17:1–6; Jeremía 2:13; Esekíel 47:1–12; Jóhannes 4:7–14).

• Klettur (1. Samúelsbók 2:2; 2. Samúelsbók 22:2–3; Sálmarnir 118:22–23; Jesaja 28:16; Efesusbréfið 2:20).

• Kvistur (Jesaja 11:1–2; Jeremía 23:5; 33:15).

• Ljós (Sálmarnir 27:1; Jesaja 9:1; 60:19; Míka 7:8; Jóhannes 8:12).

Hvaða önnur tákn, vers og frásagnir hafið þið fundið í ritningunum sem vitna um Jesú Krist?

Sjá einnig 2. Nefí 11:4; Mósía 3:14–15; HDP Móse 6:63; „Tákn um fæðingu og dauða Jesú Krists“ og „Jesús Kristur,“ hvort tveggja í Leiðarvísi að ritningunum (Gospel Library).

Jesús Kristur hefur mörg ólík og mismunandi nöfn og titla. Gætið að titlum í eftirfarandi versum: Sálmarnir 23:1; 83:18; Jesaja 7:14; 9:5; 12:2; 63:16; Amos 4:13; Sakaría 14:16; HDP Móse 7:53. Hvaða fleiri nöfn dettur ykkur í hug? Þið gætuð jafnvel notið þess að skrá þá titla Jesú Krists sem þið finnið í jólasálmum. Hvaða áhrif hefur hvert nafn eða titill á tilfinningar ykkar til hans?

Íhugið að velja titil eða hlutverk frelsarans sem mun hjálpa ykkur að hafa hann í huga á komandi ári.

Sjá einnig Quentin L. Cook, „Persónulegur friður á krefjandi tímum,“ aðalráðstefna, október 2021; „Ljós heimsins,“ Sálmar, nr. 80.

• Þið og börn ykkar gætuð átt jólaskraut sem þið getið notað til að hefja samtal um Jesú Krist. Þið gætuð ef til vill rætt um það hvernig jólastjarna, ljós eða gjöf minnir okkur á frelsarann. Þið gætuð síðan leitað í einu eða fleiri eftirfarandi ritningarversum að einhverju sem gæti verið táknrænt fyrir Jesú Krist: 1. Mósebók 22:8; 4. Mósebók 24:17; Sálmarnir 23:1; 27:1. Börn ykkar gætu ef til vill haldið á lofti mynd eða skreytingu sem passar við hvert vers er þau lesa það. Hvernig er Jesús eins og lamb, stjarna, hirðir eða ljós? Íhugið að syngja saman jólalag, eins og „Jólanótt“ (Barnasöngbókin, 24).

• Börn ykkar gætu líka skoðað myndina aftast í þessum lexíudrögum þegar þið lesið Jesaja 9:5 fyrir þau. Biðjið börn ykkar að benda á Jesúbarnið þegar þau heyra orðtakið „barn er oss fætt“. Miðlið vitnisburði ykkar um að spámenn í Gamla testamentinu vissu að Jesús myndi fæðast.

• Þegar þið búið ykkur undir að læra um líf Jesú Krists í Nýja testamentinu á næsta ári, íhugið þá að rifja upp með börnum ykkar það sem þið lærðuð um hann á þessu ári í Gamla testamentinu. Þið gætuð farið yfir lexíudrögin í þessari kennslubók og allar persónulegar glósur, til að rifja upp það sem þið lærðuð. Ung börn gætu haft gagn af að fletta í Sögur úr Gamla testamentinu eða skoða myndirnar í Kom, fylg mér. Hvaða spádómar eða frásagnir vöktu mestan áhuga? Hvað hafið þið lært um frelsarann?

• Fjölskyldur Ísraelsmanna höfðu hefðir eins og páska og aðrar hátíðir, sem ætlað var að beina hjarta þeirra og huga til Drottins (sjá 2. Mósebók 12). Hvaða hefðir haldið þið og börn ykkar á jólum sem hjálpa ykkur að einblína á Jesú Krist? Hvaða hefðir vitið þið um úr ættarsögu ykkar? Þið gætuð íhugað að ræða við börn ykkar um einhverjar hefðir sem þið vilduð koma á. Hugmyndir gætu t.d. verið að þjóna einhverjum sem þarfnast þess, velja eitthvað sem þið munið bera fram sem „gjöf“ til frelsarans, bjóða vini að horfa á jólasamkomu Æðsta forsætisráðsins með ykkur (broadcasts.ChurchofJesusChrist.org), yrkja ykkar eigin jólasöng eða finna frumlegar leiðir til að miðla boðskap um fæðingu Krists.

• Hvernig getið þið hjálpað börnum ykkar að finna lotningu og gleði vegna fæðingar Krists? Þið gætuð horft á myndbandið „Barnið Kristur: Jólasaga“ (kirkjajesukrists.org/kristsbarnid-jolasaga) eða lesið saman Matteus 1:18–25; 2:1–12; Lúkas 1:26–38; 2:1–20. Hvert barn gæti valið einstakling í myndbandinu eða frásögn ritninganna og miðlað tilfinningum sínum til frelsarans. Þið gætuð síðan miðlað hvert öðru tilfinningum ykkar til hans.

  

  17:56

• Þið og börn ykkar gætuð ef til vill rætt um gjafir sem þið hafið gefið eða hlotið gegnum árin sem hafa fært gleði. Þið gætuð síðan lesið saman Jesaja 25:9 og rætt ástæður þess að þið fagnið því að himneskur faðir hafi sent okkur frelsara. Til að hjálpa börnum ykkar að skilja betur hlutverk Jesú Krists sem frelsara okkar, bjóðið þeim þá að lesa Jesaja 25:8–9; 53:3–5; og Hósea 13:14. Hvað kenna þessi ritningarvers okkur um það hvernig Drottinn frelsar okkur?

• Þið gætuð líka sungið saman jólasöng, t.d. „Í jötu“ (Barnasöngbókin, 26) eða „Ó, borgin litla Betlehem“ (Sálmar, nr. 81). Hjálpið börnum ykkar að finna orðtök í söngnum sem hjálpa þeim að vita að himneskur faðir og Jesús Kristur elska þau.