Kiritimati

E ataaki te Kiritimat bwa te tai ae kakukurei ibukina bwa e uota te kimwareirei Iesu nakon te aonaaba. Bubua n ririki imwaan bungiakin te Tia Kamaiu, burabeti n Te O Tetemanti a namakina naba te kimwareirei ngke a taekina rokon te Meetia. Wareki kiibu aikai, ao iangoia bwa tera kakawakina nakoia aomata ake a ingainga ni kan beku ibukin te Tia Kamaiu: Taian Areru 35:9; Itaia 25:8–9; 44:21–24; 51:11; Tebania 3:14–20; Mote 5:5–11. Bukin tera ngkai a kakawaki kiibu aikai nakoim? Tera kakukurein kiibu aikai nakoim?

Taraa naba Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Gospel Library; “Joy to the World,” Hymns, no 201.

Mwaitin taian katei aika a irekereke ma Kiritimati a kona ni iai nanoia aika a kairiira nakon Kristo. Ngkai ko kamatebwaia Te Otetemanti n te ririki aei, ko kona n atai kanikina aika mwaiti ibukin te Tia Kamaiu. Tabeua a karinanaki i nano. Iangoa kamatebwaian aikai ao korei mwiin baike a reireiniko taekana.

• Te Itoi (Warekaia Iteraera 24:17; Mataio 2:2; Te Kaotioti 22:16).

• Te tia Kawakin Tiibu (Taian Areru 23; Ruka 15:4–7; Ioane 10:11)

• Te Tiibu te tei (Karikani Bwaai 22:8; Te Otinako 12:5, 1 Betero 1:18–20).

• Te Ran (Otinako 17:1–6; Ieremia 2:13; Etekiera 47:1–12; Ioane 4:7–14).

• Te Atiibu (1 Tamuera 2:2; 2 Tamuera 22:2–3; Taian Areru 118:22–23; Itaia 28:16; I-Ebeto 2:20).

• Mwaanga (Itaia 11:1–2; Ieremia 23:5; 33:15).

• Te Oota (Taian Areru 27:1; Itaia 9:2; 60:19; Mika 7:8; Ioane 8:12).

Baikara kanikina, kiibu, ao rongorongo, ae ko a tia ni kunei ni koroboki aika tabu ae a kaota koauan Iesu Kristo?

Taraa naba 2 Nibwaai 11:4; Motiaea 3:14–15; Mote 6:63; “Aekakin ke Kanikina ibukin Kristo” ao “Iesu Kristo,” ni kauoua n Kairi nakon Koroboki aika Tabu (Gospel Library).

E kaotaki Iesu Kristo n ara aika a kakaokoro ao mwioko. Taratarai atuun kibu aikai: Taian Areru 23:1; 83:18; Itaia 7:14; 9:6; 12:2; 63:16; Amota 4:13; Tekaria 14:16; Mote 7:53. Tera mwioko aika ko kona n iangoi? Ko na kona ni kukurei ni karinani nako mwioko ibukin Iesu Kristo ae ko kona ni kunei n anene n taromauri ibukin te Kiritimati. E na kanga te mwioko teuana n anaa nanom n arom ni iangoia?

Iangoia n rinea tibwangan ke nakoan te Tia Kamaiu are e na buokiko n ururingnga rinanon ririki aika a na roko.

Taraa naba Quentin L. Cook, “Personal Peace in Challenging Times,” Riaona, Nobembwa 2021, 89–92; “Hark! The Herald Angels Sing,” Boki n anene, nambwa 209.

• Ngkoe ma am ataei kam bae n iai tabeua ami katamaroa n te Kiritimati ake kam kona ni kabongangai ni waakina te maroro n taekan Iesu Kristo. Tao kam kona n taekina taekan te itoi n te Kiritimati, taura, ke bwaintangira ake a kauringiira taekan te Tia Kamaiu. Ngkanne ko kona n tara riki teuana ke e raka riki man koroboki aika a tabu ibukin te bwai are e kona n tei ibukin Iesu Kristo: Karikanbai 22:8; Warekaia Iteraera 24:17; Taian Areru 23:1; 27:1. Ke tao am ataei a kona n taua tamnein ke bwaai ni katamaroa ake a airi ma kibu aikanne ngkai a wareki. E kanga Iesu n riki kanga te tiibu te tei, te itoi, te tia kawakin tiibu, ke te ota? Ikotaki n anenea kunan te Kiritimati, n aron “Stars Were Gleaming” (Aia Boki n Anene Ataei, 37).

• Am ataei a kona naba n tarai tamnei n te kabwarabwara aio ngkai ko wareka Itaia 9:6 nakoia. Tuangiia am ataei bwa a na kotea te merimeri ae Iesu ngkana a ongo te kibu “e bungiaki te merimeri.” Tibwaua am koaua bwa burabeti n Te O Tetemanti a ataa bungiakin Iesu.

• Ngkai ko katauraoi ni kamatebwaia maiun Iesu Kristo n te Nu Tetemanti n te ririki ae na roko, iangoia manga rinanoia ma am ataei baike a tia n reiakinna taekana n te ririki aei n Te O Tetemanti. Ko na kona n rinanoi kairan iango n te bwai n reirei aei ni bon oin am kamatebwai ni buokiko n uringnga te bwai ae ko a tia n reireinaki . Ataei aika a uarereke a kona n reke aroia man taraan Karaki man Te O Tetemanti ke tamnei inanon Nakomai, Iriirai. Tera taetae ni burabeti ke karaki aika a teretere nakoira? Tera ae ti a tia n reireinaki n taekan te Tia Kamaiu?

• Iai aroaron aia katei n ikawai utun Iteraera, n aron Te Toa are te Riao ao toa tabeua, aika a nanonaki ni kaineta nanoia ma aia iango nakon te Uea (taraa Te Otinako 12). Baikara aroaron katei ni kawai ae iai irouia am utu n tain te kiritimati ae buokiko ni kabotoa am iango i aon Iesu Kristo? Baikara katei ni kawai ae ko atai man rongorongon am utu? Ko kona ni iangoa te maroro ma am ataei i aon tabeua katei ni kawai ae ko tangiria ni waaki iai. Tabeua iango a kona n raonaki ma buokakin temanna ae kainnanoa buokana, n rinea te bwai teuana ae kona anga bwa te “bwaintangira” nakon te Tia Kamaiu, ni kaoa te rao bwa e na mataku irarikim n te bootaki n taromauri n te Kiritimati te Moan Beretitentii (broadcasts.ChurchofJesusChrist.org), karioan oin kunam ni Kiritimati, ke kakaean te kawai n tibwa rorongorongon bungiakin Kristo.

• Ko na kanga ni buokiia am ataei n namakina karinean ao kakukurein bungiakin Kristo? Ko kona ni mataku n te witeo “The Christ Child” (Gospel Library) ke ikotaki wareka Mataio 1:18–25; 2:1–12; Ruka 1:26–38; 2:1–20. A kona ataei n tatabemaniia n rinea te aomata man te witeo ke karakin koroboki aika tabu ao n tibwaia bwa tera ana namakin te aomata anne ibukin Tia Kamaiu. I mwiina ko kona n tibwaia i marenami ami namakin ibukina.

  

  17:57

• Tao ngkoe ke am ataei a kona n taetae i aon te bwaintangira are kam a tia n anganaki ke ni karekea inanon te ririki are e a tia n uota te kakukurei. Ngkanne kam kona ni wareka Itaia 25:9 n ikotaki ao ni maroroakinna bwa bukin tera kam kukurei ngkai Tamara are i Karawa e kanakoa e kanakoa nakoira te Tia Kamaiu. Ni buokiia ataei bwa a na mataata raoi n taben Iesu Kristo bwa ara Tia Kamaiu, kaoiia bwa a na wareka Itaia 25:8–9; 53:3–5; ao Otea 13:14. Tera ae a reireiniira kiibu aikai aron te Uea ni kamaiuira?

• Kam kona naba n ikotaki n anenea kunan te Kiritimati, n aron “Away in a Manger” (Children’s Songbook, 42–43) ke “O Little Town of Bethlehem” (Hymns, no. 208). Buokiia am ataei ni kakaei kibun te anene are e na buokiia n ataia bwa Tamara are i Karawa ao Iesu Kristo a tangiriia.