Maraki

N ana bong Maraki, a tia Iteraera ni manga katea te tembora i Ierutarem, ma ngkai bon aomata ngaiia a riai ni manga katea aia reitaki ma te Uea. Ngkai ko kamatebwaia Maraki, kakaei titiraki are te Uea e titirakiniia iai Iteraera ke ake a titirakinna iai. Iangoia n titirakiniko titiraki aika ti te arona (tabeua katooto a baireaki inano) ni buokiko n tuo am reitaki ma te Uea ao ni kaaniko riki ma Ngaia.

• N na kanga n namakina ana tangira te Uea ibukiu? (taraa Maraki 1:2).

• Au angabwai ake nakon te Uea a karinea raoi? (taraa Maraki 1:6–11)

• Tera kawai ake I kainnanoi n “rairaki nakon te Uea? (taraa Maraki 3:7).

• I kuribwaia te Atua n aanga nako? (taraa Maraki 3:8–11).

• E kanga anuau inanon taai ni kangaanga ni kaota au namakin nakon te Uea? (taraa Maraki 3:13–15; taraa naba 2:17).

Ngkai ko wareka taekan te angabwai are e kabwarabwaraaki ni Marakii 1, tera ae ko nooria ibukin angabwai ake a anga tenaan ibonga? Tera kaoti iango iaon karea aikai ibukin aia namakin ibonga nakon te Uea? (taraa Maraki 1:13). Kaain te kiraati a kona ni karinanii taian angabwai, ke anga karea, ake ti karaoi nakon te Uea n te bong aei. Man baike a karinanaki, a kona ni maroroakinna bwa tera mai iai aika angabwai aika “kamwaraeaki” ke a “itiaki” (Maraki 1:7, 11).

Iangoa iai raoraom are e a tibwa kunea bwa ko kakabwaka am kabwianibwai. “Bukin tera ngkai ko karaoa anne?” e titiraki raoraom. Iangoa aei ngkana ko wareka Maraki 3:8–12. Tera ae ko kunea ikanne are e kona ni buoka kaekaan ana titiraki raoraom? Tera ae ti na tangiria bwa a na ataia tabeman iaon te kabwianibwai? Ibukin ibuobuoki riki tabeua, ko kona n ukora ana rongorongo Unimwaane Neil L. Andersen “Kabwianibwai: Kaukan Wintoon Karawa” (Riaona, Nob. 2023, 32–35), ukoran taian kaeka nakon aekakin titiraki aikai:

• Bukin tera e tangiria te Uea bwa ti na kabwaka ara kabwianibwai?

• Tera te bwai ae e na kona n totokoa temanna man kabwakaan ana kabwianibwai ao ti na kanga n tokanikai iaon totoko akanne?

• E kanga kabwakaan te kabwianibwai ni kakorakora ara onimaki iroun Tamara are i Karawa ao Iesu Kristo?

Ko kona naba n tibwaia ma raoraom bwa e kanga n tia ni kakabwaiako te Uea ngke ko kabwaka am kabwianibwai. Ko kona ni kunei iango inanon te mwakoro ae atunaki n “Lesson Number 1—Significant but Subtle Blessings” inanon ana marooro Unimwaane David A. Bednar “The Windows of Heaven” (Riaona, Nob. 2013, 17–18). Aekan aomata ra ngaira man kabwakaan te kabwianibwai?

N am iango tera te kibuntaeka ae “kauka mataroan nako karawa” (te kibu 10) ae nanoaki iai? Tao ko kona n taraa tinaniku man te wintoo ao iaongoia bwa tera raoi te kantaninga ibukin te wintoo. Bukin tera “wintoon karawa” te kawai ae raoiroi ni kabwarabwara bwa e kanga te Uea ni kakabwaiaira ngkana ti kabwaka ara kabwianibwai?

Ngke Moronaai e taekina Maraki 4:5–6 nakon Iotebwa Timiti, e bon karaoia “ma iai teutana te kaokoro ma aron warekana” n te Baibara (taraa Iotebwa Timiti—Rongorongo 1:36–39). Tera te kaokoro are e reitia Moronaai nakon otam n te taetae ni burabeti aei? N ae onoti, iangoi raoi titiraki aikai:

• Antai “am bakatibu”? (taraa Te Tua Kaua 29:13). Tera berita ake a tia ni karaoaki nakoia? (taraa Aberaam 2:9–11). Ko na kanga ni buoka kakoroan bukin berita aikai?

• Tera taneiai ake a tia ni buokiko n raira nanom nakoia am bakatibu? Bukin tera e rangi ni kakawaki anne n ana babaire Tamara are i Karawa?

N reiakina riki taekan okin Eria ao aron kakoroan nanon te taetae ni burabeti aei n te bong aei, taraa Reirei ao Berita aika Tabu 110:13–16 ao D. Todd Christofferson, “Mwaakan te Kabaebae” (Riaona, Nob. 2023, 19–22). Bukin tera ngkai ko kakaitau ibukin Eria?

Taraa naba Gerrit W. Gong, “We Each Have a Story,” Riaona, Meei 2022, 43–46; “Turn Your Hearts,” Anene n Taromauri, nambwa 291; “The Sealing Power” (video), ChurchofJesusChrist.org.

3:38

• Ko na kanga ngkoe ma am ataei ni kaeka te titiraki ae kuneaki n Maraki 1:2—“Tera [te Uea] ae tangirira iai?” Tibwaia imarenami bukina tabeua ngkai ko ataia bwa E tangiriko. Tao a bae ni kona ni koro tamnei am ataei ni kauringiia ibukin Ana tangira.

• Ko na kanga ni buokiia ami ataei n reireiniia taekan te kabwianibwai? Tuangiia am ataei bwa a na wareki 10 bwaai aika uarereke, n aron te mwane inanon te iteraniba ni waaki ni kakukurei n te wiiki aei. Ngkanne a kona ni kaokoroa teuana te bwai man ake nikiraia—aio mwaitin ae ti angan te Uea bwa ara kabwianibwai. Ni kaineti ma Maraki 3:8–12, bukin tera ngkai e tangiria te Uea bwa ti na kabwaka ara kabwianibwai? (taraa naba “Maraki are te Burabeti” inanon Karaki n te O Tetemanti, 171–72; “First Things First!” [video], Gospel Library).

  

  0:58

  

  1:18

• Ngkai kam wareka Maraki 3:10 ni kabane, ko na n tuangiia am ataei bwa a na tei irarikin te wintoo ngkana ko wareka te kibuntaeka ae “wintoon karawa.” Ke ko kona ni kabaroa te ran nako nanon te mwangko ni karokoa are e a taburorake ni kamataata te kibuntaeka ae “ni karokoa e aki reke n nnena.” Tuangiia ataei taekan kakabwaia ake e a tia n anganiko te Atua ngkai ko kabwaka am kabwianibwai. A kona am ataei ni koroi tamnein bwaai ake a tei ibukin kakabwaia ao katinei ieta ke irarikin wintoon mweengam.

• Ni Maraki 4:5–6, a kona am ataei ni kakaei kaekaan titiraki aikai ibukin ana taetae ni burabeti Maraki: Antai are e berita te Uea bwa e na kanakoa? Ningai ae E taekinna bwa e na roko te aomata aei? Tera te bwai ae taekinna te Uea bwa e na karaoia te aomata aei? Bukin tera e kainnanoaki te aomata aei bwa e riai n roko? Te tabo ra ae koro iai bukin te taetae ni burabeti aei? (taraa Reirei ao Berita aika Tabu 110:13–16).

• N ukeria bwa e kanga te berita n Maraki 4:5 ni koro bukina, ko kona naba ri rinanoa “Iotebwa ma Oliver Anganaki te Nakoanibonga” n Karaki man Reirei ao Berita aika Tabu, 26–30. Te anene n aron “The Hearts of the Children” (Aia Boki n Anene Ataei, 92) e kona ni buokiia am ataei n ataia bwa bukin tera ngkai e rangi ni kakawaki rokon Eria. Ko kona naba n nakon FamilySearch.org/discovery, te FamilySearch Tree app, ke te My Family booklet ibukin waaki ni kakukurei ake a na kona ni buokiko ma am ataei n raira nanomi nakoia ami bakatibu.