Malakias

Iti aldaw ni Malakias, nalpasen a binangon manen dagiti Israelita ti templo iti Jerusalem, ngem kas maysa a tao kasapulanda pay laeng a buklen manen ti relasionda iti Apo. Bayat ti panagadalmo iti Malakias, sapulem dagiti saludsod a dinamag ti Apo kadagiti Israelita wenno dinamagda Kenkuana. Ibilangmo ti panagsaludsodmo iti bagim iti isu met la a saludsod (naisingasing iti baba ti sumagmamano a pagarigan) a makatulong kenka a mangamiris iti relasionmo iti Apo ken umas-asideg Kenkuana.

• Kasano a nariknak ti ayat ti Apo para kaniak? (kitaen iti Malakias 1:2).

• Pudno kadi a mangpadayaw iti Apo dagiti datonko Kenkuana? (kitaen iti Malakias 1:6–11)

• Iti ania a wagas a kasapulak nga “agsubli” iti Apo? (kitaen iti Malakias 3:7).

• Taktakawak kadi ti Dios iti ania man a wagas? (kitaen iti Malakias 3:8–11).

• Kasano a ti galadko kabayatan dagiti narigat a panawen ket mangyanninaw iti riknak ti Apo? (kitaen iti Malakias 3:13–15; kitaen met iti 2:17).

Bayat ti panangbasam maipapan kadagiti sakripisio a nailadawan iti Malakias 1, ania ti makitam maipapan kadagiti sakripisio nga indaton dagiti saserdote? Ania ti isingasing dagitoy a sakripisio maipapan kadagiti rikna dagiti saserdote ti Apo? (kitaen iti Malakias 1:13). Ibilangmo ti panangilistam kadagiti daton, wenno sakripisio, nga aramidem iti Apo. Para iti tunggal aytem iti listaan, utobem no ania ti mamagbalin iti daytoy a maysa a “narugit” a daton wenno maysa a “nadalus” a daton (Malakias 1:7, 11).

Panunotem nga adda maysa a gayyemmo a naammuanna laeng nga agbayadka iti apagkapullo. “Apay nga ar-aramidem dayta?” dinamag ti gayyemmo. Panunotem maipapan iti daytoy bayat ti panangbasam iti Malakias 3:8–12. Ania ti masarakam idiay a makatulong a mangsungbat iti saludsod ti gayyemmo? Ania pay ti kayatmo a maawatan ti gayyemmo maipapan iti apagkapullo? Para iti ad-adu pay a tulong, mabalinmo a sapulen ti mensahe ni Elder Neil L. Andersen a “Tithing: Opening the Windows of Heaven” (Liahona, Nob. 2023, 32–35), nga agsapsapul iti sungbat kadagiti saludsod a kas kadagitoy:

• Apay a kayat ti Apo nga agbayadtayo iti apagkapullo?

• Ania dagiti mabalin a manglapped iti maysa a tao iti panagbayad iti apagkapullo, ken no kasano a maparmektayo dagita a lapped?

• Kasano a mangpapigsa iti pammatitayo iti Nailangitan nga Ama ken ni Jesucristo ti panangbayad iti apagkapullo?

Mabalinmo pay nga ibinglay iti gayyemmo no kasano a binendisionannaka ti Apo no agbayadka iti apagkapullo. Masarakam dagiti kapanunotan iti benneg a napauluan iti “Lesson Number 1—Significant but Subtle Blessings” iti mensahe ni Elder David A. Bednar “The Windows of Heaven” (Liahona, Nob. 2013, 17–18). Ania a kita ti tao ti pagbalinantayo babaen ti panagbayad iti apagkapullo?

Ania iti panangkunam a kaipapanan ti ragup ti balikas a “luktan kadakayo dagiti tawtawa ti langit” (bersikulo10)? Nalabit a mabalinmo ti kumita iti tawa ket panunotem maipapan kadagiti panggep dagiti tawa. Apay a “dagiti tawa ti langit” ket nasayaat a wagas a mangiladawan no kasano a bendisionannatayo ti Apo no agbayadtayo iti apagkapullo?

Idi inadaw ni Moroni ti Malakias 4:5–6 ken ni Joseph Smith, inaramidna daytoy tapno “adda bassit pakaigidiatanna iti wagas a pannakabasana” iti Biblia (kitaen iti Joseph Smith—Pakasaritaan 1:36–39). Ania ti pinagduduma ni Moroni a nayon iti pannakaawatmo iti daytoy a padto? Kangrunaanna, utobem dagiti saludsod kas kadagitoy:

• Asino “dagiti amma”? (kitaen iti Deuteronomio 29:13). Ania dagiti kari a naaramid kadakuada? (kitaen iti Abraham 2:9–11). Kasano a makatulongka a mangipatungpal kadagitoy a kari?

• Ania dagiti padas a nakatulong kenka iti panangiturong ti pusom kadagiti kapuonam? Apay a napateg unay dayta iti plano ti Nailangitan nga Ama?

Tapno masursuro ti ad-adu pay maipapan iti yaay ni Elias ken no kasano a maipatpatungpal daytoy a padto iti agdama, kitaen iti Doktrina ken Katulagan 110:13–16 ken ti mensahe ni D. Todd Christofferson, “The Sealing Power” (Liahona, Nob. 2023, 19–22). Apay nga agyamanka nga immay ni Elias?

Kitaen met iti Gerrit W. Gong, “We Each Have a Story,” Liahona, Mayo 2022, 43–46; “Turn Your Hearts,” Hymns, no. 291; “The Sealing Power” (video), ChurchofJesusChrist.org.

3:38

• Kasano a sungbatam ken dagiti annakmo ti saludsod iti Malakias 1:2—”Ania ti nangayatan [ti Apo] kadatayo?” Ibinglayyo iti tunggal maysa dagiti rason nga ammom nga ay-ayatennaka. Nalabit a mabalin nga agdrowing dagiti annakmo kadagiti ladawan a mangipalagip kadakuada iti ayatna.

• Kasano a matulongamto dagiti annakmo nga agsursuro maipapan iti apagkapullo? Mabalinmo a kiddawen kadakuada nga agbilang iti 10 a babassit a banag, kas kadagiti sensilio iti panid ti aktibidad iti daytoy a lawas. Kalpasanna, mabalinda nga isina ti maysa kadagiti banag manipud kadagiti dadduma—kastoy ti kaadu ti itedtayo iti Apo kas apagkapullo. Segun iti Malakias 3:8–12, apay a kayat ti Apo nga agbayadtayo iti apagkapullo? (kitaen met iti “Malachi the Prophet” iti Dagiti Estoria iti Daan a Tulag, 171–72; “First Things First!” [video], Gospel Library).

  

  0:58

  

  1:18

• Bayat ti panangbasayo iti Malakias 3:10 nga aggigiddan, mabalinmo nga awisen dagiti annakmo a tumakder tunggal mangngeganda ti ragup ti balikas a “dagiti tawtawa ti langit.” Wenno mabalinmo ti mangibukbok iti danum iti kopa agingga nga aglaplapusanan a mangiladawan iti ragup ti balikas nga “awanto ti lugar a makalaon nga umawat.” Isaritam kadagiti ubbing maipapan kadagiti bendision nga inted ti Dios kenka idi agbayadka iti apagkapullo. Mabalin nga agdrowing dagiti annakmo kadagiti ladawan a mangibagi kadagitoy a bendision ket ibitin dagitoy iti tawa wenno iti asideg ti maysa a tawa iti pagtaenganyo.

• Iti Malachi 4:5–6, mabalin a sapulen dagiti annakmo dagiti sungbat kadagiti sumaganad a saludsod maipapan iti padto ni Malakias: Asino ti inkari ti Apo nga ibaonna? Kaano a kinunana a yaay daytoy a tao? Ania ti kinuna ti Apo nga aramiden daytoy a tao? Apay a nasken nga umay daytoy a tao? Sadino ti nakaipatungpalan daytoy a padto? (kitaen iti Doktrina ken Katulagan 110:13–16).

• Tapno maammuan no kasano a naipatungpal ti kari iti Malakiai 4:5 , mabalinmo pay nga irebyu ti “Umawat da Joseph ken Oliver kadagiti Tulbek ti Kinasaserdote” iti Dagiti Estoria iti Doktrina ken Katulagan, 26–30. Ti kanta a kas iti “The Hearts of the Children” (Children’s Songbook, 92) ket makatulong kadagiti annakmo a mangammo no apay a napateg unay nga immay ni Elias. Mabalinmo pay a sarungkaran ti FamilySearch.org/discovery, ti FamilySearch Tree app, wenno ti My Family booklet para kadagiti aktibidad a makatulong kenka ken kadagiti annakmo a mangiturong iti puspusoyo kadagiti kapuonanyo.