Մաղաքիա

Մաղաքիայի օրերում իսրայելացիներն արդեն վերակառուցել էին Երուսաղեմի տաճարը, բայց որպես ժողովուրդ նրանց դեռ անհրաժեշտ էր վերականգնել իրենց հարաբերությունները Տիրոջ հետ: Մաղաքիայի գիրքն ուսումնասիրելիս փնտրեք այն հարցերը, որոնք Տերը տվել է իսրայելացիներին կամ նրանք են Աստծուն հարցրել: Կարող եք ինքներդ ձեզ նմանատիպ հարցեր տալ (որոշ օրինակներ առաջարկվում են ստորև), որոնք կօգնեն ձեզ գնահատել ձեր հարաբերությունները Տիրոջ հետ և ավելի մոտենալ Նրան:

• Ինչպե՞ս եմ ես զգացել Տիրոջ սերը իմ հանդեպ (տես Մաղաքիա 1․2)։

• Արդյո՞ք Տիրոջը տված իմ ընծաները մեծարում են Նրան (տես Մաղաքիա 1․6–11)

• Ես ի՞նչ եղանակներով պետք է «ետ դառնամ» Տիրոջ մոտ (տես Մաղաքիա 3․7)։

• Ես որևէ կերպ խաբո՞ւմ եմ Աստծուն (տես Մաղաքիա 3․8–11)։

• Դժվար պահերին իմ պահվածքն ինչպե՞ս է արտացոլում իմ զգացումները Տիրոջ հանդեպ (տես Մաղաքիա 3․13–15, տես նաև 2․17)։

Երբ կարդում եք Մաղաքիա 1-ում նկարագրված ընծաների մասին, ի՞նչ եք նկատում քահանաների մատուցած զոհաբերությունների վերաբերյալ: Այդ զոհաբերություններն ի՞նչ են բացահայտում Տիրոջ հանդեպ քահանաների վերաբերմունքի մասին (տես Մաղաքիա 1․13)։ Կարող եք կազմել այն ընծաների կամ զոհաբերությունների ցանկը, որոնք մենք այսօր մատուցում ենք Տիրոջը: Ցուցակի յուրաքանչյուր կետի համար խորհեք, թե ինչը կարող է այն դարձնել «պիղծ» ընծա կամ «մաքուր» ընծա (Մաղաքիա 1․7, 11)։

Պատկերացրեք, որ ունեք ընկեր, որը հենց նոր իմացավ, որ դուք տասանորդ եք վճարում: «Ինչո՞ւ ես դու դա անում»,- հարցնում է ձեր ընկերը։ Մտածեք այս մասին, երբ կարդաք Մաղաքիա 3․8–12 հատվածները։ Ի՞նչ եք այս հատվածներում գտնում, որը կարող է օգնել պատասխանել ձեր ընկերոջ հարցին: Ուրիշ ի՞նչ կցանկանայիք, որ ձեր ընկերը հասկանա տասանորդի մասին: Լրացուցիչ օգնության համար կարող եք ուսումնասիրել երեց Նիլ Լ. Անդերսենի «Տասանորդը բացում է երկնքի պատուհանները» ուղերձը (Լիահոնա, նոյ. 2023, 32–35)՝ փնտրելով հետևյալ հարցերի պատասխանները.

• Ինչո՞ւ է Տերը ցանկանում, որ մենք տասանորդ վճարենք։

• Ի՞նչը կարող է խանգարել մարդուն տասանորդ վճարել, և ինչպե՞ս կարող ենք մենք հաղթահարել այդ խոչընդոտները:

• Ինչպե՞ս է տասանորդի վճարումն ամրացնում ձեր հավատքը Երկնային Հոր և Հիսուս Քրիստոսի հանդեպ:

Կարող եք նաև կիսվել ձեր ընկերոջ հետ, թե ինչպես է Տերն օրհնել ձեզ, երբ վճարել եք տասանորդը: Կարող եք գաղափարներ գտնել «Թիվ 1 դաս՝ Կարևոր, սակայն աննկատ օրհնություններ» բաժնում՝ երեց Դեյվիդ Ա. Բեդնարի «Երկնքի պատուհանները» ելույթում (Լիահոնա, նոյ․ 2013, 17–18)։ Ինչպիսի՞ մարդիկ ենք մենք դառնում տասանորդ վճարելով։

Ձեր կարծիքով, ի՞նչ կարող է նշանակել «ձեզ համար բացել երկնքի պատուհանները» արտահայտությունը (հատված 10)։ Կարող եք նայել պատուհանից դուրս և մտածել պատուհանների նշանակության մասին: Ինչո՞ւ է «երկնքի պատուհանները» արտահայտությունը լավ միջոց՝ նկարագրելու, թե ինչպես է Տերն օրհնում մեզ, երբ մենք վճարում ենք տասանորդը:

Երբ Մորոնին մեջբերեց Մաղաքիա 4․5–6 հատվածները Ջոզեֆ Սմիթի համար, նա արեց դա «մի փոքր փոփոխված այն ձևից, որ կարդում ենք» Աստվածաշնչում (Ջոզեֆ Սմիթ—Պատմություն 1.36–39)։ Ի՞նչ է ավելացնում Մորոնիի փոփոխությունը այս մարգարեության ձեր ընկալմանը: Մասնավորապես՝ մտածեք հետևյալ հարցերի շուրջ․

• Ովքե՞ր են «հայրերը» (տես Բ Օրենք 29․13): Ի՞նչ խոստումներ են տրվել նրանց (տես Աբրահամ 2.9–11): Ինչպե՞ս եք դուք օգնում իրականացնել այդ խոստումները:

• Ո՞ր փորձառություններն են ձեզ օգնել ձեր սրտերը դարձնել դեպի ձեր նախնիները։ Ինչո՞ւ է Երկնային Հոր ծրագիրն այդքան կարևոր։

Ավելին իմանալու համար Եղիայի գալուստի մասին և այն մասին, թե ինչպես է այդ մարգարեությունը կատարվում այսօր, տես Վարդապետություն և Ուխտեր 110․13–16 հատվածները և Դ. Թոդ Քրիստոֆերսոնի «Կնքման զորությունը» ելույթը (Լիահոնա, նոյեմբեր 2023, 19–22)։ Ինչո՞ւ եք դուք շնորհակալ, որ Եղիան եկավ:

Տես նաև Գերիթ Վ. Գոնգ, «Յուրաքանչյուրս պատմություն ունի», Լիահոնա, մայիս 2022, 43–46, «Turn Your Hearts», Հիմներ, հմր. 291, «Կնքման զորությունը» (տեսանյութ), ChurchofJesusChrist.org։

3:38

• Դուք և ձեր երեխաներն ինչպե՞ս կպատասխանեիք Մաղաքիա 1․2-ում տրված հարցին՝ «Ինչո՞վ ես սիրել մեզ [Տեր]»։ Կիսվեք միմյանց հետ ձեր իմացած պատճառներով, թե ինչու է Նա սիրում ձեզ: Ձեր երեխաները կարող են նկարներ նկարել, որոնք հիշեցնում են իրենց Նրա սիրո մասին:

• Ինչպե՞ս կարող եք օգնել ձեր երեխաներին սովորել տասանորդի մասին: Առաջարկեք երեխաներին հաշվել 10 փոքր առարկաներ, ինչպես, օրինակ, այս շաբաթվա վարժությունների էջի մետաղադրամները։ Այնուհետև նրանք կարող են առարկաներից մեկը առանձնացնել մնացածից. ահա թե որքան ենք մենք տալիս Տիրոջը որպես տասանորդ: Համաձայն Մաղաքիա 3.8–12 հատվածների, ինչո՞ւ է Տերը ցանկանում, որ մենք տասանորդ վճարենք (տես նաև «Մաղաքիա մարգարեն» նյութը Հին Կտակարանի պատմություններում», 171–72, «First Things First!» [տեսանյութ], Ավետարանի գրադարան):

  

  0:58

  

  1:18

• Մաղաքիա 3․10 հատվածը միասին կարդալիս՝ կարող եք առաջարկել ձեր երեխաներին կանգնել պատուհանի մոտ, երբ կարդաք «երկնքի պատուհաններ» արտահայտությունը: Կամ կարող եք ջուր լցնել բաժակի մեջ՝ մինչև այն լիքը լինի, որպեսզի պատկերավոր ցույց տաք «այնքան շատ, որ բավարար տեղ չլինի» արտահայտությունը: Պատմեք երեխաներին այն օրհնությունների մասին, որ Աստված տվել է ձեզ, քանի որ վճարել եք տասանորդը: Ձեր երեխաները կարող են նկարել այս օրհնությունները պատկերող նկարներ և դրանք կախել ձեր տան պատուհանի վրա կամ դրա կողքին:

• Մաղաքիա 4․5–6 հատվածներում ձեր երեխաները կարող են փնտրել Մաղաքիայի մարգարեության վերաբերյալ հետևյալ հարցերի պատասխանները. ո՞ւմ էր Տերը խոստացել ուղարկել: Համաձայն Նրա խոսքերի, ե՞րբ էր գալու այդ անձնավորությունը։ Համաձայն Տիրոջ խոսքերի, ի՞նչ էր անելու այդ անձնավորությունը։ Ինչո՞ւ էր անհրաժեշտ այդ անձնավորության գալուստը։ Այդ մարգարեությունը որտե՞ղ իրագործվեց (տես Վարդապետություն և Ուխտեր 110․13–16)։

• Տեսնելու համար, թե ինչպես կատարվեց Մաղաքիա 4.5 հատվածի խոստումը, կարող եք նաև վերանայել «Ջոզեֆը և Օլիվերը ստանում են քահանայությունը» բաժինը՝ Վարդապետություն և Ուխտերի պատմություններում, 26–30։ «The Hearts of the Children» (Children’s Songbook, 92) երգը կարող է օգնել ձեր երեխաներին իմանալ, թե ինչու էր այդքան կարևոր Եղիայի գալը: Կարող եք նաև այցելել FamilySearch.org/discovery, FamilySearch Tree app կամ My Family booklet՝ գտնելու վարժություններ, որոնք կարող են օգնել ձեզ և ձեր երեխաներին ձեր սիրտը դարձնել դեպի ձեր նախնիները: