Անգե 1–2, Զաքարիա 1–4, 7–14

Երուսաղեմը վերակառուցելու համար պետք էր անել շատ կարևոր բաներ: Բայց իսրայելացիների վերադարձից մոտ 15 տարի անց Տերը դժգոհ էր, որ տաճարի վերակառուցմանն առաջնահերթություն չէր տրվել (տես Անգե 1․2–5, տես նաև Եզրաս 4․24)։ Անգե 1, 2․1–9 հատվածները կարդալիս տվեք հետևյալ հարցերը․

• Ի՞նչ հետևանքների բախվեցին իսրայելացիները՝ տաճարը չավարտելու պատճառով։

• Ի՞նչ օրհնություններ էր Տերը խոստացել նրանց, եթե նրանք ավարտեին Իր տան շինարարությունը:

• Ո՞րն է ձեզ ուղղված Տիրոջ ուղերձը Անգե 1․5–7 հատվածներում: Ինչպե՞ս կարող եք համապատասխանեցնել ձեր առաջնահերթությունները Տիրոջ առաջնահերթությունների հետ: Ե՞րբ եք օրհնվել ձեր կյանքում՝ Աստծուն առաջին տեղում դնելու համար:

Վաղ շրջանի Վերջին Օրերի Սրբերը բախվեցին նույնանման իրավիճակի, ինչ իսրայելացիները՝ Անգեի օրերում (տես Վարդապետություն և Ուխտեր 95): Այս երկու օրինակից ի՞նչ եք սովորում տաճարների հանդեպ Տիրոջ վերաբերմունքի մասին:

Տես նաև Դեյլ Գ. Ռենլանդ, «Հիսուս Քրիստոսն է գանձը», Լիահոնա, նոյ․ 2023, 96–99, Տերենս Մ. Վինսոն, «Փրկչի ճշմարիտ աշակերտները», Լիահոնա, նոյ․ 2019, 9–11; «We Love Thy House, O God», Հիմներ, հմր. 247, «Provo City Center Temple Completed» (տեսանյութ), ChurchofJesusChrist.org։

7:17

Ձեր կարծիքով, ինչո՞ւ է կարևոր, որ «Տիրոջ սրբությունը» գրությունը փորագրված լինի կենցաղային առարկաների վրա, որոնք նշված են Զաքարիա 14․20 հատվածում (տես նաև Ելք 28․36–38)։ Ինչո՞ւ է կարևոր այսօր տաճարների վրա այն փորագրելը: Ի՞նչ է այս արտահայտությունը նշանակում ձեզ համար: Ինչպե՞ս կարող եք սրբությունը դարձնել ձեր առօրյա կյանքի մասը: Խորհեք այս հարցերի շուրջ, երբ Զաքարիա 1․1–6, 3․1–7, 7․8–10, 8․16–17 հատվածներում կարդաք Տիրոջ հրավերներն Իր ժողովրդին՝ ավելի սուրբ դառնալու վերաբերյալ։

Կարող եք նաև կարդալ Զաքարիա 2․10–11, 8․1–8, 14․9–11, 20–21 հատվածները՝ իմանալու համար, թե ինչպիսին կլինի կյանքը ապագայում, երբ մենք բոլորս սուրբ վիճակում բնակվենք Տիրոջ հետ: Զաքարիայի տեսիլքից ի՞նչն է տպավորում ձեզ Երուսաղեմի ապագայի վերաբերյալ։ Ի՞նչ եք այնտեղ գտնում, որը կցանկանայինք տեսնել ձեր համայնքում: Ինչպե՞ս կարող եք պատրաստվել՝ Զաքարիայի նկարագրած պայմաններում ապրելու համար։

Զաքարիայի գրվածքներից մի քանիսը պատմում են Հիսուս Քրիստոսի երկրային ծառայության և ապագայում Նրա Երկրորդ գալուստի մասին։ Ստորև բերված են Զաքարիայի մարգարեություններից մի քանիսը, ինչպես նաև դրանց կատարման վերաբերյալ սուրբ գրությունները: Երբ ուսումնասիրեք, հարցրեք ինքներդ ձեզ. Ի՞նչ է սա ուսուցանում ինձ Փրկչի մասին։

• Զաքարիա 9․9–11 (տես Մատթեոս 21․1–11, Ա Պետրոս 3․18–19)

• Զաքարիա 11․12–13 (տես Մատթեոս 26․14–16, 27․1–7)

• Զաքարիա 12․10 (տես Հովհաննես 19․37, Հայտնություն 1․7)

• Զաքարիա 13․6–7, 14․1–9 (տես Մատթեոս 26․31, Վարդապետություն և Ուխտեր 45․47–53)

Ձեր կարծիքով, ինչպիսի՞ զգացողություն կունենայիք, եթե հայտնվեիք այն մարդկանց մեջ, որոնք ողջունում էին Հիսուսին Երուսաղեմում, ինչպես նկարագրված է Զաքարիա 9.9–11 հատվածներում: Ինչպե՞ս կարող եք ողջունել Նրան ձեր կյանքում, ձեր ընտանիքում և ձեր համայնքում:

Տես նաև Սուրբ գրքերի ուղեցույց, «Մեսիա», Ավետարանի գրադարան, «The Lord’s Triumphal Entry into Jerusalem» (տեսանյութ), Ավետարանի գրադարան, Ռոնալդ Ա. Ռասբանդ, «Օվսա՛ննա Բարձրյալ Աստծուն», Լիահոնա, մայիս 2023, 108–12։

1:22

• Երբ ձեր երեխաների հետ կարդաք Անգե 1.2–5 հատվածները, օգնեք նրանց գտնել, թե ինչու Տերը գոհ չէր մարդկանցից: Երեխաները կարող են ընտրել մի արտահայտություն հատված 6-ից և մի նկար նկարել այդ թեմայով։ Նրանք կարող են ցույց տալ միմյանց իրենց նկարած նկարները և կռահել, թե որ արտահայտությունն է ներկայացնում այս կամ այն նկարը: Երբ մենք ժամանակ ենք հատկացնում ոչ այն բաներին, որ Տերն է ցանկանում, ինչո՞ւ է դա նման ուտելուն, բայց չկշտանալուն: Կարող եք խոսել միմյանց հետ այն մասին, թե մենք ինչպես կարող եք ժամանակ հատկացնել Տիրոջ համար կարևոր բաներին:

• Երեխաների համար կարդացեք հատված 8-ը և առաջարկեք նրանց ձևացնել, թե կատարում են հետևյալը՝ «բարձրացե՛ք բլուրները», «փա՛յտ բերեք» և «[Տիրոջ] տունը շինեցե՛ք»։ Ձեր երեխաներին առաջարկեք կազմել ցանկ, թե իրենք ինչ պետք է սովորաբար անեն ամեն օր՝ ներառելով այն բաները, որոնք Տերը պատվիրել է իրենց անել։ Հանձնարարեք երեխաներին «ուշադրություն դարձնել [իրենց] ճանապարհներին»՝ շրջանի մեջ առնելով այն բաները, որոնք Տերն ամենակարևորը կարող է համարել իրենց ցանկում։

• Տեսիլքում Զաքարիան տեսավ մի քահանայապետի, որը «կեղտոտ հագուստներ էր հագել» (Զաքարիա 3․3)։ Հրեշտակը նրան մաքուր հագուստ տվեց։ Կարող եք օգնել ձեր երեխաներին բացահայտել կարևոր ճշմարտություններ՝ միասին կարդալով Զաքարիա 3․1–7 հատվածները և խոսելով այն մասին, թե ինչ կարող են խորհրդանշել կեղտոտ հագուստն ու մաքուր հագուստը: Ինչպե՞ս ենք մենք մաքրվում մեր մեղքերից, նույնիսկ մկրտվելուց հետո: Մեր մկրտության ուխտը ինչպե՞ս է օգնում մեզ «[Տիրոջ] ճանապարհներով գնալ»։

• Դուք և ձեր երեխաները կարող եք դիտել մկրտության վերաբերյալ նկար, օրինակ՝ այս նյութում տեղադրված նկարը: Ինչո՞ւ ենք մենք սպիտակ հանդերձ կրում մեր մկրտության ժամանակ։ Կարող եք նաև երգել մկրտության մասին մի երգ, օրինակ՝ «When I Am Baptized» (Children’s Songbook, 103). ի՞նչ է ուսուցանում երգն այն մասին, թե ինչու է Տերը ցանկանում, որ մենք մկրտվենք:

• Ձեր երեխաներին առաջարկեք պատկերացնել Զաքարիա 9․9 հատվածում կանխատեսված իրադարձությունը, երբ Հիսուսը եկավ Երուսաղեմ Իր մահկանացու կյանքի վերջին շաբաթվա ընթացքում: Նրանց օգնելու համար ցուցադրեք այդ իրադարձության նկարը, օրինակ՝ այս նյութում տեղադրվածը։ Կարող եք նաև կիսվել նրանց հետ «Փրկիչը գնում է Երուսաղեմ» տեսանյութով (Նոր Կտակարանի պատմություններում, 110–12)։ Ձեր երեխաները կարող են ցույց տալ նկարներում պատկերված մարդկանց, ովքեր «մեծապես ուրախանում են»։ Ո՞վ է թագավորը Զաքարիա 9․9 հատվածում։ Մենք ինչո՞ւ ենք երախտապարտ Նրա համար:

  

  1:35

• Օգնեք ձեր երեխաներին համեմատել Զաքարիայի մարգարեությունները Նոր Կտակարանի այն հատվածների հետ, որոնք նկարագրում են դրանց կատարումը: Ահա որոշ օրինակներ․ Զաքարիա 9․9 և Մատթեոս 21․5–9, Զաքարիա 9․11 և Ա Պետրոս 3․18–19, Զաքարիա 11․12 և Մատթեոս 26․14–16, Զաքարիա 13․7 և Մատթեոս 26․31։ Ի՞նչ ենք սովորում այս հատվածներից Փրկչի մասին: