Malaquias

Sa panahon ni Malaquias, ang mga Israelita nakatukod na og balik sa templo sa Jerusalem, apan isip usa ka katawhan gikinahanglan gihapon nila ang pagtukod og usab sa ilang relasyon ngadto sa Ginoo. Samtang ikaw magtuon sa Malaquias, pangitaa ang mga pangutana sa Ginoo sa mga Israelita o ang ilang gipangutana Kaniya. Hunahunaa ang pagpangutana sa imong kaugalingon og sama nga mga pangutana (ang pipila ka mga ehemplo gisugyot diha sa ubos) sa pagtabang kanimo sa pagtimbang-timbang sa imong relasyon ngadto sa Ginoo ug mas mapaduol ngadto Kaniya.

• Sa unsang paagi ako mibati sa gugma sa Ginoo alang kanako? (tan-awa sa Malaquias 1:2).

• Ang ako bang mga paghalad ngadto sa Ginoo sa tinuod nagpasidungog Kaniya? (tan-awa sa Malaquias 1:6–11)

• Sa unsa nga mga paagi ako nagkinahanglan sa “pagbalik” ngadto sa Ginoo? (tan-awa sa Malaquias 3:7).

• Ako ba nangawat sa Dios sa bisan unsa nga paagi? (tan-awa sa Malaquias 3:8–11).

• Sa unsang paagi ang akong kinaiya atol sa malisod nga mga panahon nagpakita sa akong mga pagbati ngadto sa Ginoo? (tan-awa sa Malaquias 3:13–15; tan-awa usab sa 2:17).

Samtang kamo nagbasa mahitungod sa mga halad nga gihulagway diha sa Malaquias 1, unsa ang inyong namatikdan sa mga sakripisyo nga gihalad sa mga pari? Unsa ang gisugyot niini nga mga sakripisyo mahitungod sa mga pagbati sa mga pari ngadto sa Ginoo? (tan-awa sa Malaquias 1:13). Hunahunaa ang paghimo og usa ka lista sa mga halad, o mga sakripisyo, nga kamo naghimo ngadto sa Ginoo. Alang sa matag usa ka butang diha sa lista, palandonga unsa kaha ang maghimo niini nga “hugaw” nga halad o usa ka “putli” nga halad (Malaquias 1:7, 11).

Handurawa nga kamo adunay usa ka higala kinsa nakahibalo nga kamo nagbayad og ikapulo. “Nganong naghimo kamo niana?” nangutana ang inyong higala. Hunahunaa kini samtang magbasa ka sa Malachi 3:8–12. Unsay inyong nakita diha nga makatabang og tubag sa pangutana sa inyong higala? Unsa pa ang gusto ninyo nga masabtan sa inyong higala mahitungod sa ikapulo? Alang sa dugang nga tabang, makasiksik kamo sa mensahe ni Elder Neil L. Andersen “Ang Ikapulo: Mopaabli sa mga Bintana sa Langit” (Liahona, Nob. 2023, 32–35), mangita alang sa mga tubag sa mga pangutana sama niini:

• Ngano nga ang Ginoo gusto kanato nga mobayad og ikapulo?

• Unsa kaha ang magpugong sa usa ka tawo gikan sa pagbayad sa ikapulo, ug unsaon nato nga makabuntog niadto nga mga babag?

• Sa unsang paagi nga ang pagbayad sa ikapulo naglig-on sa atong hugot nga pagtuo diha sa Langitnong Amahan ug ni Jesukristo?

Kamo makapakigbahin usab ngadto sa inyong higala kon giunsa sa Ginoo pagpanalangin kaninyo kon kamo mobayad sa ikapulo. Makakaplag kamo og mga ideya diha sa seksiyon nga giulohan og “Leksiyon Numero 1—Mahinungdanon apan Dili Dayon Makita ang mga Panalangin” diha sa mensahe ni Elder David A. Bednar nga “Ang mga Tamboanan sa Langit” (Liahona, Nob. 2013, 17–18). Unsa nga matang sa katawhan kita mamahimo pinaagi sa pagbayad og ikapulo?

Unsa sa inyong hunahuna ang hugpong sa mga pulong “buksan ko kaninyo ang mga tamboanan sa langit” (bersikulo 10) nagkahulogan? Tingali kamo makapamintana ug maghunahuna mahitungod sa mga katuyoan sa mga bintana. Nganong ang “mga bintana sa langit” usa ka maayong paagi sa paghulagway kon giunsa sa Ginoo pagpanalangin kanato kon magbayad kita og ikapulo?

Sa dihang gikutlo ni Moroni ang Malaquias 4:5–6 ngadto ni Joseph Smith, siya mibuhat sa mao nga “adunay gamay nga kalainan sa paagi kon kini basahon” diha sa Biblia (tan-awa sa Joseph Smith—Kasaysayan 1:36–39). Unsa ang gidugang sa kang Moroni nga kausaban sa atong pagsabot niini nga panagna? Sa laing paagi, pamalandong og mga pangutana sama niini:

• Kinsa “ang mga amahan”? (tan-awa sa Deuteronomio 29:13). Unsa nga mga saad ang gihimo ngadto kanila? (tan-awa sa Abraham 2:9–11). Unsaon ninyo pagtabang nga matuman kini nga mga saad?

• Unsa nga mga kasinatian ang mitabang kaninyo sa pagpabalik sa inyong kasingkasing ngadto sa inyong mga katigulangan? Nganong kana importante kaayo ngadto sa plano sa Langitnong Amahan?

Sa pagkat-on pa og dugang mahitungod sa pag-anhi ni Elias ug giunsa niini nga panagna sa pagtuman karon, tan-awa sa Doktrina ug mga Pakigsaad 110:13–16 ug sa mensahe ni Elder D, Todd Christofferson, “Ang Gahom sa Pagselyo” (Liahona, Nob. 2023, 19–22). Nganong mapasalamaton ka nga mianhi si Elisas?

Tan-aw usab sa Gerrit W. Gong, “Matag Usa Kanato Adunay usa ka Istorya,” Liahona, Mayo 2022, 43–46; “Ablihi ang Inyong Kasingkasing,” Mga Himno, nu. 181; “Ang Gahom sa Pagselyo” (bidyo), ChurchofJesusChrist.org.

3:38

• Unsaon sa inyong pamilya pagtubag ang pangutana nga makaplagan diha sa Malaquias 1:2—“Sa unsang pagkaagi [ang Ginoo] nahigugma kanato?” Pakigbahin sa usag usa og mga rason nga kamo nahibalo nga Siya nahigugma kaninyo. Tingali ang inyong mga bata makadrowing og mga larawan nga magpahinumdom kanila sa Iyang gugma.

• Unsaon ninyo pagtabang ang inyong mga bata sa pagkat-on mahitungod sa ikapulo? Makahangyo kamo kanila sa pag-ihap og 10 ka gagmay nga mga butang, sama sa mga sensilyo diha sa pahina sa kalihokan niini nga semana. Dayon sila makalain og usa sa mga butang gikan sa uban—kini mao ang kantidad nga atong ihatag ngadto sa Ginoo isip ikapulo. Sumala sa Malaquias 3:8–12, ngano nga ang Ginoo gusto kanato nga mobayad og ikapulo? (tan-awa usab sa “Malaquias ang Propeta” sa Mga Istorya sa Daang Tugon, 171–72; “First Things First!” [bidyo], Gospel Library).

  

  0:58

  

  1:18

• Samtang kamo magbasa sa Malaquias 3:10 og dungan, makadapit kamo sa inyong mga bata sa pagtindog sa may bintana kon inyong basahon ang hugpong sa mga pulong “mga tamboanan sa langit.” O makabubo kamo og tubig ngadto sa usa ka tasa hangtod kini moawas sa paghulagway sa hugpong sa mga pulong “wala unyay dapit nga igong kabutangan sa pagdawat niini.” Sultihi ang mga bata mahitungod sa mga panalangin nga nahatag sa Dios kaninyo samtang kamo nagbayad og ikapulo. Ang inyong mga bata makadrowing og mga hulagway nga nagrepresentar niini nga mga panalangin ug ibitay kini sa bintana o duol sa usa ka bintana sa inyong panimalay.

• Sa Malaquias 4:5–6, ang inyong mga bata makapangita sa mga tubag ngadto sa mosunod nga mga pangutana mahitungod sa panagna ni Malaquias: Kinsa ang gisaaran sa Ginoo nga padad-an? Kanus-a ang Iyang giingon kini nga tawo moabot? Unsa ang gisulti sa Ginoo nga buhaton niini nga tawo? Nganong kinahanglan nga moanhi kini nga tawo? Diin natuman kini nga panagna? (tan-awa sa Doktrina ug mga Pakigsaad 110:13–16).

• Sa pagpakita kon giunsa ang saad diha sa Malaquias 4:5 pagtuman, makarebyo usab kamo sa “Joseph ug Oliver Gihatagan sa Pagkapari” diha sa Mga Istorya sa Doktrina ug mga Pakigsaad, 26–30. Usa ka awit sama sa “Family History—Naghimo Ko” (Songbook sa mga Bata, 100) makatabang sa inyong mga bata sa pagkat-on nganong kini importante kaayo nga si Elias moanhi. Ikaw makabisita usab sa FamilySearch.org/discovery, sa FamilySearch Tree app, o sa Akong Pamilya booklet alang sa mga kalihokan nga makatabang kaninyo ug sa inyong mga bata sa pagpabalik sa inyong mga kasingkasing ngadto sa inyong katigulangan.