Haggeo 1–2; Zacarias 1–4; 7–14

Dihay daghang importanting mga butang nga buhaton sa pagtukod pagbalik sa Jerusalem. Apan kapin o kulang sa 15 ka tuig ang milabay sukad sa pagbalik sa mga Israelita, ang Ginoo wala mahimuot nga ang pagtukod pagbalik sa templo wala hatagi og mas dakong prayoridad (tan-awa sa Haggeo 1:2–5; tan-awa usab sa Esdras 4:24). Samtang kamo magbasa sa Haggeo 1; 2:1–9, hunahunaa ang mga pangutana sama niini:

• Unsa nga mga sangpotanan ang giatubang sa mga Israelita tungod kay wala sila makahuman sa templo?

• Unsa nga mga panalangin ang gisaad sa Ginoo kanila kon ilang humanon ang pagtukod sa Iyang balay?

• Unsa ang mensahe sa Ginoo nganha kanimo diha sa Haggeo 1:5–7? Unsaon ninyo nga makalaray sa inyong mga prayoridad ngadto sa Ginoo? Kanus-a kamo napanalanginan tungod sa pagbutang sa Dios og una diha sa inyong kinabuhi?

Ang unang mga Santos sa Ulahing mga Adlaw miatubang og susamang sitwasyon sa mga Israelita sa panahon ni Haggeo (tan-awa sa Doktrina ug mga Pakigsaad 95). Unsay imong makat-onan gikan niining duha ka ehemplo mahitungod sa mga pagbati sa Ginoo mahitungod sa mga templo?

Tan-awa usab sa Dale G. Renlund, “Jesukristo Mao ang Bahandi,” Liahona, Nob. 2023, 96–99; Terence M. Vinson, “Tinuod nga mga Disipulo sa Manluluwas,” Liahona, Nob. 2019, 9–11; “Kaanindot sa Templo Mo Ginoo,” Mga Himno, nu.180; “Provo City Center Temple Completed” (video), ChurchofJesusChrist.org.

7:17

Sa inyong opinyon, unsa ang bili sa pagbutang og “pagkabalaan ngadto sa Ginoo” nga isilsil diha sa matag adlaw nga mga butang sama niadtong gihinganlan diha sa Zacarias 14:20? (tan-awa usab sa Exodo 28:36–38). Unsa ang bili sa pagbutang niini nga gisilsil diha sa mga templo karon? Unsa ang kahulogan niini nga hugpong sa mga pulong nganha kaninyo? Unsaon ninyo paghimo sa pagkabalaan nga kabahin sa inyong inadlaw nga kinabuhi? Pamalandonga kini nga mga pangutana samtang kamo nagbasa sa pagdapit sa Ginoo ngadto sa Iyang katawhan nga mahimong mas balaan diha sa: Zacarias 1:1–6; 3:1–7; 7:8–10; 8:16–17.

Makabasa usab kamo sa Zacarias 2:10–11; 8:1–8; 14:9–11, 20–21 sa pagkat-on kon sama sa unsa ang kinabuhi sa umaabot nga adlaw kon kita tanan nagpuyo uban sa Ginoo sa usa ka kahimtang sa pagkabalaan. Unsa ang nakapadani kaninyo mahitungod sa panan-awon ni Zacarias sa kaugmaon sa Jerusalem? Unsa ang inyong makaplagan dinhi nga gusto ninyong makita sa inyong komunidad? Sa unsang paagi kamo makaandam sa pagpuyo diha sa kahimtang nga gihulagway ni Zacarias?

Daghan sa mga sinulat ni Zacarias nagpakita sa yutan-ong pangalagad ni Jesukristo ug ngadto sa Iyang mahinabo nga Ikaduhang Pag-anhi. Sa ubos mao ang pipila sa mga panagna ni Zacarias, uban sa mga kasulatan mahitungod sa katumanan niini. Samtang kamo magbasa niini nga mga tudling, pangutan-a ang inyong kaugalingon, “Unsa ang gitudlo niini kanako mahitungod sa Manluluwas?

• Zacarias 9:9–11 (tan-awa sa Mateo 21:1–11; 1 Pedro 3:18–19)

• Zacarias 11:12–13 (tan-awa sa Mateo 26:14–16; 27:1–7)

• Zacarias 12:10 (tan-awa sa Juan 19:37; Pinadayag 1:7)

• Zacarias 13:6–7; 14:1–9 (tan-awa sa Mateo 26:31; Doktrina ug mga Pakigsaad 45:47–53)

Unsa sa inyong hunahuna kon sama sa unsa kaha nga mahimong usa sa katawhan nga nagsugat ni Jesus ngadto sa Jerusalem ingon nga gihulagway diha sa Zacarias 9:9–11? Unsaon ninyo Siya sa pag-abiabi diha sa inyong kinabuhi, sa inyong mga panimalay, ug sa inyong komunidad?

Tan-awa usab sa Giya ngadto sa mga Kasulatan, “Mesiyas,” Librarya sa Ebanghelyo; “The Lord’s Triumphal Entry into Jerusalem” (video), Gospel Library; Ronald A. Rasband, “Hosanna ngadto sa Labing Halangdon nga Dios,” Liahona, Mayo 2023, 108–12.

1:22

• Samtang kamo magbasa og mga bahin sa Haggeo 1:2–5 uban sa inyong mga bata, tabangi sila sa pagpangita kon nganong ang Ginoo wala mahimuot sa katawhan. Hangyoa ang mga bata sa pagpili og hugpong sa mga pulong gikan sa bersikulo 6 ug sa pagdrowing og hulagway niini. Sila mahimong magpakita niini ngadto sa usag usa ug tag-anon unsa nga hugpong sa mga pulong ang matag drowing nagrepresentar. Kon kita mogahin og panahon diha sa mga butang gawas sa unsay gusto sa Ginoo, unsa kana ka parehas nga mokaon apan dili mabusog? Mahimo kamong maghisgot ngadto sa usag usa mahitungod kon unsaon ninyo sa paghimo og panahon alang sa mga butang nga mga importante ngadto sa Ginoo.

• Makabasa usab kamo sa bersikulo 8 ngadto sa mga bata, ug makadapit kanila nga magpakaaron-ingnon nga “[mo]tungas sa bukid,” “[mo]dalag kahoy,” ug “[i]tukod ang balay [sa Ginoo].” Ang inyong mga bata makahimo og usa ka lista sa mga butang nga ilang buhaton sa kasagaran nga adlaw, lakip ang mga butang nga gihangyo sa Ginoo kanila nga buhaton. Hangyoa ang mga bata sa pagpamalandong sa [ilang] mga dalan pinaagi sa paglingin sa unsa kahay isulti sa Ginoo nga mao ang labing importanteng mga butang sa ilang lista.

• Sa usa ka panan-awon, si Zacarias nakakita og usa ka pangulong pari kinsa “sinul-oban ug mahugaw nga mga sapot” (Zacarias 3:3). Usa ka anghel mihatag kaniya og limpyo nga sapot. Makatabang kamo sa inyong mga bata sa pagdiskobre og importanting mga kamatuoran pinaagi sa pagdungan og basa sa Zacarias 3:1–7 ug maghisgot mahitungod sa unsay girepresentar sa mahugaw nga sapot ug sa limpyo nga sapot. Unsaon nato nga mahimong limpyo gikan sa atong mga sala, bisan human kita mabunyagan? Sa unsang paagi nga ang atong mga pakigsaad sa bunyag makatabang kanato sa “paglakaw diha sa mga dalan [sa Ginoo]”?

• Kamo ug ang inyong mga bata makatan-aw og usa ka hulagway sa usa ka bunyag, sama sa usa dinhi niini nga latid. Nganong magsul-ob kita og puti sa atong bunyag? Kamo makakanta usab og usa ka awit mahitungod sa bunyag, sama sa “Kon Ako Bunyagan” (Songbook sa mga Bata, 53); unsa ang gitudlo sa awit mahitungod kon nganong ang Ginoo gusto kanato nga magpabunyag?

• Ang inyong mga bata mahimong gusto nga mohanduraw sa hitabo nga gitag-an diha sa Zacarias 9:9, sa dihang si Jesus miabot sa Jerusalem sa panahon sa kataposang semana sa Iyang mortal nga kinabuhi. Sa pagtabang niini, ipakita kanila ang usa ka hulagway sa hitabo, sama sa usa nga ania dinhi sa latid. Makahimo usab kamo nga makigbahin kanila sa “Ang Manluluwas Miadto sa Jerusalem” (sa Mga Istorya sa Bag-ong Tugon, 110–12). Ang inyong mga bata makatudlo sa mga tawo diha sa mga hulagway kinsa mga “nagmaya sa hilabihan.” Kinsa ang Hari diha sa Zacarias 9:9? Nganong mapasalamaton man kita alang Kaniya?

  

  1:35

• Hunahunaa ang pagtabang sa inyong mga bata sa pagtandi og mga panagna gikan ni Zacarias ngadto sa mga bersikulo sa Bag-ong Tugon nga naghulagway sa pagkatuman niini. Ania ang pipila ka ehemplo: Zacarias 9:9 ug Mateo 21:5–9; Zacarias 9:11 ug 1 Pedro 3:18–19; Zacarias 11:12 ug Mateo 26:14–16; Zacarias 13:7 ug Mateo 26:31. Unsay atong makat-onan mahitungod sa Manluluwas gikan niini nga mga bersikulo?