Хаггаи 1–2; Зехариа 1–4; 7–14

Иерусалимыг сэргээн барихын тулд олон чухал зүйл хийх шаардлагатай байв. Гэвч израилчуудыг буцаж ирснээс хойш ойролцоогоор 15 жил өнгөрсөн ч ариун сүмийг сэргээн босгох ажлыг нэн тэргүүнд тавиагүйд Их Эзэн дургүйцжээ (Хаггаи 1:2–5; Езра 4:24-ийг үзнэ үү). Хаггаи 1; 2:1–9-ийг уншиж байхдаа тэдгээртэй адил асуултуудыг авч үз:

• Израилчууд сүм барьж дуусаагүй байсан учраас ямар үр дагавар амсах болсон бэ?

• Их Эзэний өргөөг барьж дуусвал Тэрээр ямар адислал өгөхөөр амласан бэ?

• Хаггаи 1:5–7-д Их Эзэний танд өгсөн захиас юу вэ? Та нар өөрсдийн эн тэргүүнд тавих зүйлсийг Их Эзэнийхтэй хэрхэн нийцүүлж болох вэ? Та Бурханыг амьдралынхаа эн тэргүүнд тавьсныхаа төлөө хэзээ адислал хүртсэн бэ?

Эртний хожмын үеийн гэгээнтнүүд Хаггаин үеийн израилчуудтай адил нөхцөл байдалтай тулгарсан (Сургаал ба Гэрээнүүд 95-ыг үзнэ үү). Та ариун сүмүүдийн талаарх Их Эзэний бодол санааны тухай энэ хоёр жишээнээс юу мэдэж авсан бэ?

Мөн Дэйл Г.Рэнланд, “Есүс Христ бол үнэт эрдэнэ,” Лиахона, 2023 оны 11-р сар, 96–99; Тэрэнс М.Винсон, “Аврагчийн үнэнч шавь нар,” 2019 оны 10-р сарын Ерөнхий чуулган, 6; “Таны өргөөнд бид хайртай,” Дуулал, д.129; ChurchofJesusChrist.org, “Provo City Center Temple Completed” видеог үзнэ үү.

7:17

Таны бодлоор, Зехариа 14:20-д дурдсан шиг өдөр тутмын зүйл дээр сийлэгдсэн “Эзэнд ариун” байх нь ямар ач холбогдолтой вэ? (Мөн Гэтлэл 28:36–38-ыг үзнэ үү). Өнөөдөр ариун сүмүүд дээр үүнийг сийлсэн байх нь ямар ач холбогдолтой вэ? Энэ үг таны хувьд ямар утга агуулгатай вэ? Та хэрхэн ариун байдлыг өдөр тутмынхаа амьдралын нэг хэсэг болгож чадах вэ? Их Эзэн Өөрийн хүмүүст өгсөн Зехариа 1:1–6; 3:1–7; 7:8–10; 8:16–17 дахь илүү ариун болох урилгыг уншихдаа эдгээр асуултыг тунгаан бод.

Та мөн Зехариа 2:10–11; 8:1–8; 14:9–11, 20–21-ийг уншаад, бүгдээрээ ирээдүйд Их Эзэнтэй хамт ариун байдалд орших тэр өдөр амьдрал ямар байхыг мэдэж авч болно. Иерусалимын ирээдүйн талаарх Зехариагийн бошиглолын юу нь танд гүн сэтгэгдэл төрүүлсэн бэ? Тэнд өгүүлсэн ямар зүйлийг та өөрийн амьдарч буй нийгмээс олж харахыг хүсдэг вэ? Зехариагийн дүрсэлсэн нөхцөл байдалд амьдрахад та өөрийгөө хэрхэн бэлтгэж болох вэ?

Зехариагийн бичсэн хэд хэдэн бичвэрт Есүс Христийн дэлхий дээрх тохинуулал, хожмын Хоёр дахь ирэлтийнх нь талаар өгүүлжээ. Зехариагийн бошиглолууд, тэдгээр нь хэрхэн биелсэн тухай өгүүлэх судруудыг доор харуулав. Уншиж байхдаа өөрөөсөө: Энэ нь надад Бурханы төлөвлөгөөний талаар юу зааж байна вэ? гэж асуу.

• Зехариа 9:9–11 (Матай 21:1–11; 1 Петр 3:18–19-ийг үзнэ үү)

• Зехариа 11:12–13 (Матай 26:14–16; 27:1–7-г үзнэ үү)

• Зехариа 12:10 (Иохан 19:37; Илчлэлт 1:7-г үзнэ үү)

• Зехариа 13:6–7; 14:1–9 (Матай 26:31; Сургаал ба Гэрээнүүд 45:47–53-ыг үзнэ үү)

Зехариа 9:9–11-д дүрсэлснээр Иерусалимд Есүсийг угтаж авах хүмүүсийн дунд байх нь ямар байх бол гэж та нар бодож байна вэ? Та нар Түүнийг амьдралдаа, гэр орондоо, нийгэмдээ хэрхэн урин авчирч чадах вэ?

Мөн Gospel Library-аас Судруудын удирдамж, “Мессиа”; “The Lord’s Triumphal Entry into Jerusalem” видео; Роналд А.Расбанд, “Бүхний дээд Бурханд Хосанна,” Лиахона, 2023 оны 5-р сар, 108–112-ыг үзнэ үү.

1:22

• Та хүүхдүүдтэйгээ Хаггаи 1:2–5-ыг уншиж байхдаа Их Эзэн яагаад хүмүүст таалагдаагүйг олж мэдэхэд нь тэдэнд тусал. 6-р шүлгээс нэг үг хэллэг сонгоод, зургийг нь зурахыг хүүхдүүдээс хүс. Тэд үүнийг нэг нэгэндээ үзүүлж, зураг бүр нь ямар үг хэллэгийг төлөөлж байгааг таах хэрэгтэй. Биднийг Их Эзэний хүсдэгээс өөр зүйлсэд цаг зарцуулах үед энэ нь хоол идсэн байтлаа цадаагүй байхтай хэр адил байдаг вэ? Та нар Их Эзэний хувьд чухал зүйлсэд хэрхэн цаг гаргаж болох талаар бие биетэйгээ ярилцаж болно.

• 8-р шүлгийг хүүхдүүдэд уншиж өгөөд, тэднийг “уул өөд явж,” “мод авчран,” “[Их Эзэний] өргөөг барь[ж байна]” гэдгийг дүрслэн үзүүлэхэд урь. Хүүхдүүд тань ердийн өдөр хийдэг, үүний дотор Их Эзэний тэднийг хийгээсэй хэмээн хүссэн зүйлсийнхээ жагсаалтаа гаргаж болно. Жагсаалтдаа Их Эзэний хамгийн чухал гэж хэлж болох зүйлсийг дугуйлах замаар “зам мөр[өө] хянах”-ыг хүүхдүүдээс хүс.

• Зехариа үзэгдэлдээ “бузар муу хувцас өмссөн” дээд пристийг харсан (Зехариа 3:3). Тэнгэр элч түүнд цэвэрхэн хувцас өгөв. Та нар хүүхдүүдтэйгээ Зехариа 3:1–7-г хамтдаа уншиж, бохир хувцас, цэвэр хувцас зэрэг нь юу байж болох талаар ярилцсанаар чухал үнэнүүдийг олж мэдэхэд нь тусалж чадна. Баптисм хүртсэнийхээ дараа ч бид хэрхэн нүглээсээ цэвэршүүлэгдэж болох вэ? Баптисмын гэрээ маань хэрхэн бидэнд “[Их Эзэний] замаар алхахад” тусалдаг вэ?

• Та хүүхдүүдтэйгээ баптисмын зургийг энэ тоймд байгаа зурагтай адил харж болно. Бид баптисм хүртэхдээ яагаад цагаан хувцас өмсдөг вэ? Та нар мөн “Намайг баптисм хүртэхэд” (Хүүхдийн дууны ном, д.53) гэх зэрэг баптисмын тухай дуу дуулж болно. Энэ дуу яагаад Их Эзэн биднийг баптисм хүртээсэй хэмээн хүсдэг талаар юу өгүүлж байна вэ?

• Хүүхдүүд Есүсийг мөнх бус амьдралынхаа сүүлчийн долоо хоногт Иерусалимд ирэхэд Зехариа 9:9-д зөгнөн бичсэн үйл явдлыг төсөөлөн бодож болно. Ийн төсөөлөхөд туслахын тулд тэдэнд энэ тоймд байгаатай адил уг үйл явдлыг дүрсэлсэн зургийг үзүүл. Та тэдэнтэй “Аврагч Иерусалимыг зорьсон нь” (Шинэ Гэрээний түүхүүд, 110–112)-ийг хуваалцаж болно. Хүүхдүүд зургуудаас “үлэмж их баярла[ж]” буй хүмүүсийг зааж болно. Зехариа 9:9-д дурдсан хаан гэж хэн бэ? Бид яагаад Түүний төлөө талархдаг вэ?

  

  1:35

• Хүүхдүүддээ Зехариагийн бошиглолуудыг Шинэ Гэрээн дэх тэдгээрийн биелснийг дүрсэлсэнтэй харьцуулахад нь тусалж болно. Зехариа 9:9-ийг Матай 21:5–9-тэй; Зехариа 9:11-ийг 1 Петр 3:18–19-тэй; Зехариа 11:12-ыг Матай 26:14–16-тай; Зехариа 13:7-г Матай 26:31-тэй харьцуулж болно. Бид эдгээр шүлгээс Аврагчийн тухай юу сурч мэдсэн бэ?