Haggeai 1–2; Zekaraia 1–4; 7–14

Ekar lōn̄ men ko raorōk n̄an kōm̧m̧ani n̄an bar kalōk Jerusalem. Ak ālkin 15 jima iiō ko rem̧ootļo̧k jān iien eo RiIsrael ro rekar jepļaak, Irooj ekar jab bun̄ buruōn bwe rekar jab likūt bwe ekkaļ eo an tampeļ eo en men eo jinointata en kōm̧m̧an (lale Haggeai 1:2–5; bar lale Ezra 4:24). Ilo am̧ riiti Haggeai 1; 2:1–9, ļōmņak kōn kajjitōk kein:

• Ta kaje ko ri Israel ro raar iooni kōnke raar jab kadedeļo̧k tampeļ eo?

• Ta kōjeraam̧m̧an ko Irooj ekar kallim̧ur kaki eļan̄n̄e renej kadedeļo̧k m̧weo Im̧ōn?

• Ta enaan eo an Irooj n̄an kwe ilo Haggeai 1:5–7? Ewi wāween am̧ maron̄ kōm̧m̧an bwe men ko raorōk ippam ren jokkin wōt juon ippān Irooj? N̄āāt eo kwaar jeraam̧m̧an kōn am̧ kar likut Anij m̧okta ilo mour eo am̧?

Armej ro rekwojarjar ilo raan ko āliktata etto raar ioon ejja jekjek eo an ri Israel ro ilo raan ko an Haggeai (lale Katak im Bujen Ko 95). Ta eo kwoj ekkatak jān waanjon̄ak kein ruo kōn en̄jake eo an Irooj kōn tampeļ ko?

Bar lale Dale G. Renlund, “Jisōs Kraist ej men eo Eaorōk,” Liaona, Nob. 2023, 96–99; Terence M. Vinson, “True Disciples of the Savior,” Liahona, Nov. 2019, 9–11; “We Love Thy House, O God,” Hymns, no. 247; “Provo City Center Temple Completed” (video), ChurchofJesusChrist.org.

7:17

Ilo ļōmņak eo am̧, ta aorōk in an “kwōjarjar n̄an Irooj” jeje ilo aolep men kajjojo raan āinwōt ko kōnaan kaki ilo Zekaraia 14:20? (bar lale Exodus 28:36–38). Ta aorōk in an jeje ioon tampeļ ko rainin? Ta meļeļein naan in n̄an eok? Ewi wāween am̧ kōm̧m̧an bwe kwōjarjar en m̧ōttan mour eo am̧ aolep raan? Ļin̄ūri kajjitōk kein ilo am̧ riit kōn karuwanene eo an Irooj n̄an armej ro An bwe ren ļapļo̧k aer ekwojarjarļo̧k ilo Zekaraia 1:1–6; 3:1–7; 7:8–10; 8:16–17.

Komaron̄ bar riiti Zekaraia 2:10–11; 8:1–8; 14:9–11, 20–21 n̄an ekkatak waween nej kar mour ilju im jekļaj n̄e kōj aolep ej pād ilo jekjek in kwōjarjar eo an Irooj. Ta ko rej im̧we kōj kōn visōn eo an Zekaraia kōn ilju im jekļaj eo an Jerusalem? Ta eo kwoj loe ijin me kwojkōņaan loe ilo jukjuk in pād eo am̧? Ewi wāween am̧ kepopo in jokwe ilo jekjek ko Zekaraia ekar kōmeļeļeik?

Jejjo iaan jeje ko an Zekaraia ej kwaļok kōn iien kwaļo̧k naan eo an Jisōs Kraist im n̄an bar Itok eo an Kein Karuo. Ilaļ ej jet iaan kanaan ko an Zekaraia, im eoon ko kōn aer kar kūrm̧ool. Ilo am̧ ekkatak eoon kein, kajjitōk ippam̧ make: Ta eo men in ej katakin eō kōn Rilo̧mo̧o̧r?

• Zekaraia 9:9–11 (lale Matu 21:1–11; 1 Piter 3:18–19)

• Zekaraia 11:12–13 (lale Matu 26:14–16; 27:1–7)

• Zekaraia 12:10 (lale Jon 19:37; Revelesōn 1:7)

• Zekaraia 13:6–7; 14:1–9 (lale Matu 26:31; Katak im Bujen Ko 45:47–53)

Kain jekjek rōt kwoj ļōmņak enaaj kar n̄an juon eo ibwiljin armej ro raar karuwanene Jisōs n̄an Jerusalem āinwōt kar kōmeļeļeik ilo Zekaraia 9:9–11? Ekōjkan am̧ maron̄ karuwaneneik E n̄an mour eo am̧, m̧weeo im̧ōm̧, im jukjuk in pād eo am̧?

Bar lale Unin Tōl eo n̄an Jeje ko rekwojarjar, “Messaia,” Gospel Library; “The Lord’s Triumphal Entry into Jerusalem” (video), Gospel Library; Ronald A. Rasband, “Hosana n̄an Anij Eutiejtata,” Liaona, Māe 2023, 108–12.

1:22

• Ilo am̧ riiti jidik in Haggeai 1:2–5 ippān ajri ro nejum̧, jipan̄ er kappukot etke Irooj ear jab m̧ōņōņō ippān armej ro. Kajjitōk ippān ajri ro nejum̧ n̄an bōk juon naan jān eoon 6 im jin̄aiki juon pijaen. Remaron̄ bar kwaļo̧k n̄an doon im kajidede ta naan ko kajjojo rej jutak kaki? N̄e jej bōk ad iien ilo men ko jet me Anij ejjab kōņaan, ewi jekjek in an men in āinwōt m̧ōn̄ā ak kojjab mat. Kom̧ maron̄ kōņaan kōnono ippān doon kōn ekōjkan ami maron̄ kōm̧m̧an iien n̄an men ko me raorōk ippān Irooj.

• Komaron̄ bar riiti eoon 8 n̄an ajri ro, im kajjitōk ippāer n̄an kōtan n̄e “rej wanlōn̄ļo̧k n̄an ioon toļ eo,” “bōktok aļaļ,” im “kalōk m̧weo [im̧ōn Irooj].” Ajri remaron̄ kōm̧m̧ane juon laajrak in men ko remaron̄ kōm̧m̧ani ilo juon raan, ekoba men ko Irooj ekar kajjitōk ippād n̄an kōm̧m̧ani. Kajjitōk ippān ajri ro n̄an “kōļmenļo̧kjeņ kōn iaļ ko [aer]” ilo aer doululi ta eo Irooj emaron̄ ba kōn men eo me eaorōktata aer ilo laajrak eo aer.

• Ilo juon visōn, Zakaraia ekar lo juon pris eļap etan Joshua, eo ekar “kōņak nuknuk ko rettoon” (Zakaraia 3:3). Juon enjeļ ej leļo̧k nuknuk ko rerreo n̄ane. Komaron̄ bar jipan̄ ajri ro nejum̧ kappukot m̧ool ko raorōk ilo ami riit ippān doon Zekaraia 3:1–7 im kōnono kōn ta ko nuknuk ettoon im nuknuk erreo rej jutak kaki. Elmen ad erreo jān jerawiwi ko ad, jekdoon n̄e em̧ōj ad peptaij? Elmen an bujen peptaij ko ad jipan̄ kōj “etal ilo” iaļ ko an [Irooj]?

• Kwe im ajri ro nejum̧ maron̄ lale juon pija in peptaij, āinwōt eo ilo unin tōl in. Etke jej ekkōņak nuknuk mouj ilo iien ad peptaij? Kom̧ maron̄ al juon al kōn peptaij, āinwōt “When I Am Baptized” (Children’s Songbook, 103); ta eo al in ej katakin kōn etke Irooj ekōņaan bwe jen peptaij?

• Ajri ro remaron̄ kōņaan pijaikļo̧k iien ko kar kanaan kaki ilo Zekaraia 9:9, ke Jisōs ar itok n̄an Jerusalem ilo wiik eo āliktata in mour eo An ioon laļin. N̄an jipan̄ kōn men in, kwaļo̧k n̄an er juon pija in iien eo, āinwōt eo ilo unin tōl in. Komaron̄ kwaļo̧k n̄an er “RiLo̧mo̧o̧r eo ej Etal n̄an Jerusalem” (ilo Bwebwenato ko an Kallim̧ur Ekāāl, 110–12). Ajri ro nejum̧ remaron̄ jitōn̄ armej ro ilo pija ko ro rej “kanooj lan̄lōn̄.” Wōn Kiin̄ eo ilo Zekaraia 9:9? Etke jej kam̧moolol kake E

  

  1:35

• Ļōmņak in jipan̄ ajri ro nejum̧ keidi kanaan ko jān Zekaraia ippān eoon ko ilo Kallim̧ur m̧okta me rej kōmeļeļeik aer kar kūrm̧ool. Erkein jet waanjon̄ak: Zekaraia 9:9 im Matu 21:5–9; Zekaraia 9:11 im 1 Piter 3:18–19; Zekaraia 11:12 im Matu 26:14–16; Zekaraia 13:7 im Matu 26:31. Ta eo jej ekkatak kōn Rilo̧mo̧o̧r eo jān eoon kein?