Hageo 1–2; Zacarias 1–4; 7–14

Madamo ang importante nga buluhaton para tukuron liwat ang Jerusalem. Pero pagligad sang halos 15 anyos halin sang pagbalik sang mga Israelnon, wala malipay ang Ginuo nga ang pagpatukod liwat sang templo wala ginhatagan sang mas mataas nga prayoridad (tan-awa sa Hageo 1:2–5; tan-awa man sa Esdras 4:24). Samtang ginabasa mo ang Hageo 1; 2:1–9, pamensara ang mga pamangkot nga pareho sini:

• Ano ang mga konsikwensya nga gin-atubang sang mga Israelnon tungod wala nila matapos ang templo?

• Ano nga mga bugay ang ginpromisa sang Ginuo sa ila kon matapos nila tukod ang Iya balay?

• Ano ang mensahe sang Ginuo para sa imo sa Hageo 1:5–7? Paano mo i-ugyon ang imo mga prayoridad sa mga prayoridad sang Ginuo? Sang san-o ka ginbugayan tungod gin-una mo ang Dios sa imo kabuhi?

Ang una nga mga Santos sa Ulihing mga Adlaw nangatubang sang pareho nga sitwasyon sa mga Israelnon sang panahon ni Hageo (tan-awa sa Doktrina kag mga Kasugtanan 95). Ano ang imo matun-an sa sining duha ka halimbawa parte sa balatyagon sang Ginuo parte sa mga templo?

Tan-awa man sa Terence M. Vinson, “Matuod nga mga Disipulo sang Manluluwas,” Liahona, Nob. 2019, 9–11.ChurchofJesusChrist.org.

7:17

Sa imo opinyon, ano ang bili nga masulat ang “balaan sa Ginuo” sa adlaw-adlaw nga mga bagay pareho sang mga ginmitlang sa Zacarias 14:20? (tan-awa man sa Exodo 28:36–38). Ano ang bili sang pagkurit sini sa mga templo sa karon? Ano ang kahulugan sining dinalan sa imo? Paano mo himuon ang pagkabalaan nga parte sang imo adlaw-adlaw nga pangabuhi? Binagbinaga ining mga pamangkot samtang ginabasa mo ang imbitasyon sang Ginuo sa Iya katawhan nga mangin mas balaan sa Zacarias 1:1–6; 3:1–7; 7:8–10; 8:16–17.

Pwede mo man basahon ang Zacarias 2:10–11; 8:1–8; 14:9–11, 20–21 para tun-an kon daw mangin pareho sa ano ang kabuhi sa palaabuton kon magpuyo na kita tanan upod sa Ginuo sa kahimtangan sang pagkabalaan. Ano ang nanamian mo sa panan-awon ni Zacarias sa palaabuton sang Jerusalem? Ano ang nakita mo diri nga gusto mo makita sa imo komunidad? Paano ka magpreparar para mag-estar sa mga kondisyon nga ginlaragway ni Zacarias?

Pila sa mga sinulatan ni Zacarias nagatumod sa pareho dutan-on nga pag-alagad ni Jesucristo kag sa Iya man nga palaabuton nga Ikaduhang Pagkari. Sa idalom ang pila sa mga propesiya ni Zacarias, upod ang balaan nga mga kasulatan parte sa katumanan sini. Samtang ginatun-an mo ining mga dinalan, pamangkuta ang imo kaugalingon: “Ano ang ginatudlo sini sa akon parte sa Manluluwas?

• Zacarias 9:9–11 (tan-awa sa Mateo 21:1–11; 1 Pedro 3:18–19)

• Zacarias 11:12–13 (tan-awa sa Mateo 26:14–16; 27:1–7)

• Zacarias 12:10 (tan-awa sa Juan 19:37; Bugna 1:7)

• Zacarias 13:6–7; 14:1–9 (tan-awa sa Mateo 26:31; Doktrina kag mga Kasugtanan 45:47–53)

Daw ano sa banta mo ang mangin kaupod sa mga tawo nga nagsugat kay Jesus pasulod sa Jerusalem nga ginlaragway sa Zacarias 9:9–11? Paano mo Sia abiabihon sa imo kabuhi, sa imo mga balay, kag sa imo komunidad?

1:22

• Samtang ginabasa mo ang mga bahin sang Hageo 1:2–5 upod sang imo kabataan, buligi sila nga hibaluon kon ngaa wala malipay ang Ginuo sa mga tawo. Basi pwede magpili ang imo kabataan sang dinalan sa bersikulo 6 kag idrowing ini. Pwede nila ini ipakita sa kada isa kag pakton kon ano nga dinalan ang ginasimbolo sang tagsa ka drowing. Kon nagahatag kita sang oras sa mga butang nga magluwas sa gusto sang Ginuo, paano ina daw pareho sang pagkaon nga waay ka nagakabusog? Pwede ninyo istoryahan kon paano ninyo hatagan sang oras ang mga butang nga importante sa Ginuo.

• Pwede mo man basahon ang bersikulo 8 sa imo kabataan kag hagaron sila nga kuno-abi “magtaklad kamo sa bukid,” “magdala sing kahoy,” kag “patindugon ang balay [sang Ginuo].” Pwede ilista sang imo kabataan ang mga butang nga ginahimo nila sa ordinaryo nga adlaw, pati na ang mga butang nga ginapahimo sa ila sang Ginuo. Pangabaya ang imo kabataan nga “binagbinagon ang [ila] pangginawi” paagi sa pagbilog sang posible nga ihambal sang Ginuo nga pinakaimportante sa ila listahan.

• Sa palanan-awon, nakakita si Zacarias sang mataas nga pari nga “mahigko ang bayo” (Zacarias 3:3). Ginhatagan sia sang anghel sang matinlo nga bayo. Pwede mo buligan ang imo kabataan nga diskubrehon ang importante nga mga kamatuoran paagi sa pagbasa sing ululupod sang Zacarias 3:1–7 kag hambalan kon ano ang ginasimbolo sang mahigko nga bayo kag bag-o nga bayo. Paano kita matinloan sa aton mga sala, bisan pagkatapos naton nga mabunyagan? Paano nagabulig sa aton ang kasugtanan sa bunyag nga “maglakat sa mga dalanon sang Ginuo”?

• Pwede kamo magtan-aw sang imo kabataan sang litrato sang bunyag, pareho sang ari diri sa outline. Ngaa nagasuksok kita sing puti sa aton bunyag? Pwede man kamo magkanta sang kanta parte sa bunyag, pareho sang “When I Am Baptized” (Children’s Songbook, 103); ano ang ginatudlo sang kanta kon ngaa gusto sang Ginuo nga mabunyagan kita?

• Basi gusto sang kabataan mo nga mapanan-aw ang hitabo nga ginpropesiya sa Zacarias 9:9, sang magsulod si Jesus sa Jerusalem sa katapusan nga semana sang Iya mortal nga kabuhi. Para buligan sila, magpakita sa ila sang litrato sang isa ka hitabo, pareho sang ari diri sa outline. Pwede man itudlo sang imo kabataan ang mga tawo sa litrato nga “nagahugyaw sing dako.” Sin-o ang Hari sa Zacarias 9:9? Ngaa nagapasalamat kita sa Iya?

  

  1:35

• Pamensara nga buligan ang imo kabataan nga ikumparar ang mga propesiya sa Zacarias sa mga dinaan sa Bag-ong Katipan nga nagalarawan sang katumanan sini. Ari ang pila ka halimbawa: Zacarias 9:9 kag Mateo 21:5–9; Zacarias 9:11 kag 1 Pedro 3:18–19; Zacarias 11:12 kag Mateo 26:14–16; Zacarias 13:7 kag Mateo 26:31. Ano ang aton matun-an parte sa Manluluwas sa sining mga bersikulo?