Haggai 1-2; Zechariah 1-4; 7–14

Nna ndzɛmba a ohia pii wɔ hɔ a ɔwɔ dɛ wɔyɛ dze san si Jerusalem. Eso beyɛ mfe 15 abasen ofitsi Israelfo no hɔn nsanee ekyir no, Ewuradze n’enyi anngye ho dɛ temple a wɔresan esi no annyɛ hɔn ehiadze tsitsir (hwɛ Haggai 1:2–5; san so hwɛ Ezra 4:24). Ber a ekenkan Haggai 1; 2:1–9, hwɛ nsɛmbisa tse dɛ iyinom:

• Ebɛn nsunsuando na Israelfo no hyiaa osiandɛ nna wonnsii temple no nnwiei ntsi?

• Ebɛn nhyira na Ewuradze dze bɔɔ hɔn anohoba sɛ wowie Ne fi no si a?

• Ewuradze n’asɛm ma wo wɔ Haggai 1:5–7 no yɛ ebɛnadze? Ibesi dɛn dze w’ehiadze abata Ewuradze ne dze ho? Mber bɛn na woehyira wo osiandɛ edze Nyankopɔn edzi kan wɔ w’abrabɔ mu ntsi?

Latter-day Saintfo edzikamfo no hyiaa gyinabew a nna ɔtse dɛ Israelfo no wɔ Haggai ne nda mu (hwɛ Nkyerɛkyerɛ na Ahyɛmudzi 95). Ebɛnadze na isũa fi mfatoho ebien no mu fa Ewuradze ne atsenka fa temple ho?

Hwɛ Dale G. Renlund, “Jesus Christ Is the Treasure,” Liahona, Ɔberɛfɛw 2023, 96–99; Terence M. Vinson, “True Disciples of the Savior,” Liahona, Ɔberɛfɛw 2019, 9–11; “We Love Thy House, O God,” Asɔr Ndwom, nkanee 247; “Provo City Center Temple Completed” (video), ChurchofJesusChrist.org so.

7:17

Ɔwo w’adwen mu no, worukrukye “krɔnkrɔnyɛ ma Ewuradze” wɔ daa daa ndzɛmba do tse dɛ ma wɔabobɔ edzin wɔ Zechariah 14:20 (san so hwɛ Exodus 28:36–38) no bo a ɔsom nye ebɛn? Worukrukye wɔ ndɛ temple ho no no bo a ɔsom nye ebɛn? Asɛnsin yi n’asekyerɛ nye ebɛn ma wo? Ibesi dɛn botum ama krɔnkrɔnyɛ akã wo daa daa abrabɔ ho? Dwendwen nsɛmbisa yinom ho ber a ekenkan Ewuradze ne nsato ma No nkorɔfo dɛ wɔnyɛ krɔnkrɔn wɔ Zechariah 1:1–6; 3:1–7; 7:8–10; 8:16–17.

Ibotum asan so akenkan Zechariah 2:10–11; 8:1–8; 14:9–11, 20–21 dze esũa dza ndaamba abrabɔ bɛyɛ mber a hɛn nyinara yɛnye Ewuradze bɛtsena wɔ krɔnkrɔnyɛ tsebea mu no. Ebɛn nkenyan na inya fa Zechariah n’enyido-adzehu a ɔfa Jerusalem ne ndaamba ho no? Ebɛnadze na ihu no wɔ ha a epɛ dɛ ibohu no wɔ wo sɔn mu? Ibesi dɛn botum ayɛ dɛ ebɛtsena tsebea a Zechariah kãa ho asɛm mu no?

Zechariah ne nkyerɛwee dodowara kyerɛ Jesus Christ ne asaase do somdwuma na ewiei koraa no Ne Mbae a Otsia Ebien no do. Zechariah no nkɔnhyɛsɛm, a kyerɛwsɛm a ɔfa ne mãhyɛ ho ka ho wɔ ase ha. Ber a isũa nsɛnsin yinom no, bisa woho dɛ: Ebɛnadze na iyi kyerɛkyerɛ me fa Agyenkwa no ho?

• Zechariah 9:9–11 (hwɛ Matthew 21:1–11; 1 Peter 3:18–19)

• Zechariah 11:12–13 (hwɛ Matthew 26:14–16; 27:1–7)

• Zechariah 12:10 (hwɛ John 19:37; Nyikyerɛ 1:7)

• Zechariah 13:6–7; 14:1–9 (hwɛ Matthew 26:31; Nkyerɛkyerɛ na Ahyɛmudzi 45:47–53)

Sɛ nna ekã nkorɔfo a nna worihyia Jesus wɔ Jerusalem no hɔn ho dɛ mbrɛ wɔakã ho asɛm wɔ Zechariah 9:9–11 no a, nkyɛ ɔbɛyɛ tse dɛn? Ibesi dɛn behyia No wɔ w’abrabɔ mu, wo fie, na wo sɔn mu?

San so hwɛ Guide to the Scriptures, “Messiah,” Gospel Library; “The Lord’s Triumphal Entry into Jerusalem” (video), Asɛmpa Nwoma Korabea; Ronald A. Rasband, “Hosanna to the Most High God,” Liahona, Esusow Aketseaba 2023, 108–12.

1:22

• Ber a enye wo mbofra kenkan Haggai 1:2-5 ne fã bi no, boa hɔn ma wɔnhwehwɛ siantsir a nna Ewuradze n’enyi nngye nkorɔfo no hɔn ho no. Bia wo mbofra no botum eyi asɛnsin bi efi nyiyimu 6 mu na wɔadorɔw ho mfonyin. Wobotum dze akyerɛkyerɛ hɔn ho na woesusu dza asɛnsin kor biara a wɔadorɔw no gyina hɔ ma. Sɛ yedzi mber wɔ ndzɛmba afofor ho kyɛn dza Ewuradze pɛ no ho a, osi dɛn tse dɛ iridzidzi eso emmee? Hom botum nye homho edzi nkɔmbɔ afa mbrɛ hom besi botum enya mber ama ndzɛmba a ohia ma Ewuradze ho.

• Ibotum asan so akenkan nyiyimu 8 akyerɛ wo mbofra no na ato nsa frɛ hɔn ma woepetuw dɛ “[wɔro]fow mbepɔw no,” “[re]kɛfa ndua,” na “[wori]besi ofi no [Ewuradze ne dze].” Wo mbofra no botum akyerɛw ndzɛmba a wɔtɔ dɛ wɔyɛ no da bi mu no nkorkor, a ndzɛmba a Ewuradze ase hɔn dɛ wɔnyɛ no kã ho. Se wo mbofra ma “wɔndwendwen [hɔn] akwan ho” ber a wotwa hankra wɔ ndzɛmba a Ewuradze botum ase dɛ ohia dodow no wɔ dza wɔakyerɛw no mu

• Enyido-adzehu mu no, Zechariah hun sɔfo panyin bi a nna “ɔhyɛ ntar fĩ” (Zechariah 3:3). Ɔbɔfo bi maa no ntar a ho tsew. Ibotum aboa wo mbofra no ma wɔahwehwɛ nokwar horow a ohia ber a wɔbɔ mu kenkan Zechariah 3:1–7 na wɔakã dza ntar fĩ na ntar a ho tsew no botum egyina hɔ dze ama ho asɛm. Yesi dɛn na hɛnho tsew fi hɛn bɔn ho, mpo ber a woenuma hɛn ekyir no? Hɛn enuma ahyɛmudzi no si dɛn boa hɛn ma “[yɛ]nantsew Ewuradze [n’akwan] mu”?

• Ɔwo na wo mbofra botum ahwɛ enuma mfonyin a ɔtse dɛ kor no a ɔwɔ n’apɔwdo n’apɔwdo yi mu no. Ebɛnadze ntsi na yɛhyɛ fufuw wɔ hɛn enuma ber? Hom botum asan so atow ndwom a ɔfa enuma ho, tse dɛ “When I Am Baptized” (Children’s Songbook, 103; ebɛnadze na ndwom no kyerɛkyerɛ wo fa siantsir a Ewuradze pɛ dɛ wonuma hɛn ho?

• Wo mbofra no botum esusu dza osii a wɔkãa ho asɛm wɔ Zechariah 9:9, mber a Jesus baa Jerusalem no wɔ Ne ɔnnkyebo abrabɔ ne dapɛn a odzi ekyir ber mu no ho. Ebɔboa hɔn iyi ho no, fa dza osii ho mfonyin, tse dɛ dza ɔwɔ n’apɔwdo yi mu no kyerɛ hɔn. Ibotum asan so nye wo mbofra no akyɛ “The Saviour Goes to Jerusalem” (wɔ New Testament Stories mu, 110–12). Wo mbofra no botum atsen hɔn nsatseaba wɔ nkorɔfo a “woridzi ehurusi kɛse” wɔ mfonyin no mu do. Woana nye Ɔhen no wɔ Zechariah 9:9? Ebɛnadze ntsi yɛ da No ase?

  

  1:35

• Hwɛ dɛ ebɔboa wo mbofra no ma wɔdze nkɔnhyɛsɛm fi Zechariah atoto Ahyɛmu Fofor nyiyimu a ɔkã hɔn mãhyɛ no ho asɛm ho. Mfatoho bi nye yi: Zechariah 9:9 na Matthew 21:5–9; Zechariah 9:11 na 1 Peter 3:18–19; Zechariah 11:12 na Matthew 26:14–16; Zechariah 13:7 na Matthew 26:31. Ebɛnadze na yesũa fa Agyenkwa no ho fi nyiyimu yinom mu?