Ngondu wa Dikumi ne Umua 2–8. ‘Nengela Nyuma Mupiamupia Munda Mueba’: Yehezekele 1–3; 33–34; 36–37; 47Yehezekele 1–3; 33–34; 36–37; 47 Luaku, Undonde—Bua mu Dîku ne mu Ekelezia: Dipungila Dikulukulu 2026 (2026)

Ngondu wa Dikumi ne Umua 2–8. ‘Nengela Nyuma Mupiamupia Munda Mueba,’” Luaku, Undonde: Dipungila Dikulukulu 2026

Ngondu wa Dikumi ne Umua 2–8: “Nengela Nyuma Mupiamupia Munda Mueba”

Yehezekele 1–3; 33–34; 36–37; 47

Yehezekele uvua muprofete mu bupika. Pamua ne bena Isalela bakuabu, bavua bamukuata ne bamutuma mu Babulona. Mu Yelushalema, Yehezekele uvua mua kuikala muakuidi uvua wenza mudimu mu mtempelo. Mu Babulona, uvua munkatshi mua “bavua bakuatshibua” ne waka “somba muaba uvuabu basomba” (Yehezekele 3:15), kilometre nkama ne nkama ne nzubu munangibua wa Nzambi ne ditekemena dikesa dia kupingana. Pashisha dimua dituku Yehezekele wakapeta tshikena kumona. Wakamona “butumbi bua Mukalenga” (Yehezekele 1:28)—ki mu ntempelo wa mu Yelushalema kadi mu Babulona munkashi mua bena bupika. Wakalonga ne moyo mubi mu Yelushalema wakapita bungi ne Nzambi kavua kabidi muaba awu to (tangila Yehezekele 8–11; 33:21).

Kadi kudi ditekemena mu mukenji wa Yehezekele. Nansha muvua bantu ba mu tshipungidi bapona, Nzambi kavua mubalekela. Bu bobu “bumvua dîyi dia Mukalenga” (Yehezekele 37:4), tshivua tshifua umua musangu tshidi mua kupetulula moyo. “Mutshima wabu wa mabua” badi mua kuwupingaja ne “mutshima mupiamupia” (Yehezekele 36:26). Ne mu matuku atshilualua, Mukalenga neashikika ntempelo mupiamupia ne Yelushalema mupiamupia, “ne dîna dia tshimenga kutuadijila ku dituku adi nedikala, Mukalenga udi muaba ewu” (Yehezekele 48:35).

Bua tshikosu tshia mukanda wa Yehezekele, tangila “Yehezekele” mu Dictionnaire dia Bibliya.

Ngenyi bua Dilonga mu Dîku ne mu Ekelezia

Yehezekele 3; 34

Mukalenga udi umbikila bua kudisha mikoku yenda.

Mu Yehezekele 3 ne 34, Mukalenga udi wakula bua balombodi ba bantu benda bu nsentedi ne balami ba mikoku. Pawudi ubala shapita eyi, ela meji tshidi mianzu eyi ileja bua tshidi tshitangila kuikala mulombodi kudi kumvuija tshinyi.

Mbanganyi badi “mikoku” idi Mukalenga mujinga bua udisha? Ntshinyi tshiwudi mupeta mu Yehezekele 34 tshidi mua kuambuluisha muntu udi udilongolola bua kusadila mu bukenji, kukolesha bana, anyi kukumbaja mudimu udibu bamupesha? Mushindu kayi uwudi mua kulonda tshilejilu tshia Mupandishi bu mulami wetu? (tangila tunungu 11–31).

Udi kabidi mua kunana meji bua tshimanyishilu tshiwudi upeta mu shapita ewu. Ntshinyi tshidi “budimi buimpa” ne “tshikumbi tshimpa” bileja mu kanungu 14? Dishilangana kayi didi pankashi pa mukoku udi “mujimina” ne umua udi “wenda unyema”? (kanungu 16). Bimanyinu bikuabu kayi biwudi mupeta?

Tangila kabidi Yone 21:15–17; Gerrit W. Gong, “Ministering,” Liahona, Ngondu Muitanu 2023, 16–19.

Yehezekele 33:10–19

Mukalenga mmusua kubuikidila.

“Bikala mibi yetu … idi pa mutu petu,” bena Isalela bavua mubupika bakela meji, “mushindu kayi utudi mua kuikala ne moyo?” (Yehezekele 33:10). Mu diandamuna, Mukalenga wakabalongesha pa dikudimuna mutshima ne dibuikidila. Nkonku eyi idi mua kukuambuluisha bua kunana meji pa bivuaye mulongesha:

Bueba wewa, tshinyi tshidi tshiumvuija “kueyemena buakana [bueba]”? (tangila Yehezekele 33:12–13).
Tshinyi tshiwudi mua kuambila muntu udi wela meji ne bantu badibu bakuila mu Yehezekele 33:12–19 kabena babenzela malu ne buakana to? (tangila kabidi Matayo 21:28–31; Luka 18:9–14).
Tshinyi tshiwudi upeta mu tunungu etu tshidi tshikuambuluisha bua kumvua tshidi tshiumvuija kukudimuna mutshima? Ngenyi kayi mikuabu iwudi mupeta mu Yehezekele 36:26–27 ne Alama 7:14–16?

Yehezekele 37

Mukalenga udi usangisha bantu benda ne ubapesha moyo mupiamupia.

Disangisha dia Isalela didi dileja mu Yehezekele 37 kupitshila ku bimanyinu. Bu muwudi ubala tshidi tshitangila tshia kumpala—mifuba mipetulula moyo (tangila tunungu 1–14)—nana meji bua tshiditu tukuambila bua disangisha dia Isalela ku nseka yonsu ibidi ya tshilamba (tangila kabidi Yehezekeel 36:24–30). Ela meji konku bu eyi:

Tshinyi tshidi Mukalenga uteta bua kukumbaja kupitshila ku disangisha dia Isalela?
Mushindu kayi udiye ukumbaja?

Udi mua kudiela konku imua eyi pawudi ubala pa tshimayinu tshibidi, mu tunungu 15–28. Tshimanyinu etshi tshidi tshileja mitshi ibidi, idi bamanyi ba bungi bumvuija bu mabaya a kufunda nawu adibu balamakaja ne tshiamua kampanda. Mutshi wa Yuda udi mua kuikala tshimfuayi tshia Bibliya (bualu bavua bafunda Bibliya mujima kudi ndelanganyi ya Yuda), ne mutshi wa Jozefe udi mua kuikala tshimfuanyi tshia Mukanda wa Molomo (bualu dîku dia Lehi divua ndelanganyi ya Josefe wa mu Ejipitu). Ne meji â, tshinyi tshidi tunungu etu tukulongesha pa mudimu wa mifindu mu disangisha dia Isalela?

Ela meji bua mushindu udi Bibliya ne Mukanda wa Molomo bipetangana mu nsombelu weba—nangananga, bua kukuambuluisha bua kulua kudi Kilisto? Bitupa kayi bidi ne mushinga wa pabuawu kuwudi?

Tangila kabidi 2 Nefi 3:11–13; 29:14; “Israel, Israel, God Is Calling,” Hymns, no. 7; Topics and Questions, “Biblia,” “Mukanda wa Molomo,” Tshisangi tshia Mikanda ya Lumu Luimpa; “The Book of Mormon Gathers Scattered Israel” (video), Tshisangi Tshia Mikanda ya Lumu Luimpa.

The Book of Mormon Gathers Scattered Israel

Mbû Mufua mujingila kudi tshipela — Mu tshikena kumona, Yehezekele wakamona musulu upatuka mu ntempelo ne ondopa Mbû Mufua.

Yehezekele 47:1–12

Ndi mua kupeta londopu lua mu nyuma mu nzubu wa Mukalenga.

Pawudi ubala Yehezekele 47:1–12, udi mua kuambuluisha bua kumanya mushindu udi Mbû Mufua muikala ne mukela wa bungi udi wenza bua mishipa ne mitshi kabiyi mua kusombamu to. Tshinyi tshidi tshikukemesha bua mâyi adibu bakula mu tunungu 1–12? (tangila kabidi Buakabuluibua 22:1). Mâyi â adi mua kuikala tshimfuanyi tshia tshinyi? Tshinyi tshidi mitshi idi mu kanungu 12 mua kuikala ileja ?

Tshinyi tshidi mukenji wa Mukulu Dale G. Renlund “Family History and Temple Work: Sealing and Healing” tshikumbaja ku ngumvuilu weba? (tangila Liahona, Ngondu Muitanu 2018, 47–48). Nana meji mushindu uwudi mupeta moyo wa mu nyuma ne londopu kudiambuluisha dia ntempelo.

Ngenyi bua Kulongesha Bana

Yehezekele 3:17; 33:1–5

Bambi badi bu sentedi idi itudimuija bua njiwu.

Bana bateketa badi mua kusanka bua kuenza malu adi apetangana ne Yehezekele 3:17. Tshilejilu, badi mua kufunkuna mêsu abu, matshi, ne mukana panudi nubala miaku “sentedi,” “ditshi,” ne “mukana.” Badi kabidi mua kuikala basua kuya kuendakana—pambelu anyi mu nzubu. Padibu benda, badimuija bua bintu bidi mu njila, bu mudi misulu ya kusambuka, bisumbu bia mitshi ya kudîna, anyi nyama ya kuepuka (bilelela anyi bifuanyikija). Etshi tshidi mua kutuala ku muyuki pa mushindu udi Muambi wa Mukalenga utudimuija bua njiwu itudi mua kumona.
Apa padi mushindu mukuabu wa kuleja Yehezekele 3:17; 33:1–5. Umua wa ku bana beba udi mua kudishiya bu “sentedi” utangila pa dididishi ne wambila bantu bakuabu malu adi enzeka pambelu. Nudi kabidi mua kutangila video “Watchman on the Tower” (ChurchofJesusChrist.org). Mushindu kayi udi Muambi wetu muikala bu sentedi buetu?

4:17
Watchman on the Tower

Yehezekele mukuata mivungu ibidi — Muambi Yehezekele, kudi Lyle Beddes

Yehezekele 37:15–23

Bibliya ne Mukanda wa Molomo bidi bituambuluisha bua “kusemena” kudi Yezu Kilisto.

Panyima pa dibala Yehezekele 37:15–23 pamua, wewa ne bana beba nudi mua kupeta mitshi ibidi ne kufunda pa umua bua Yuda (Bibiliya) ne pa mukuabu bua Jozefe (Mukanda wa Molomo). Pashisha nudi mua kuabanyangana miyuki anyi mifundu ya mu Bibliya anyi mu Mukanda wa Molomo idi inuambuluisha bua kudiumvua pabuipi ne Musungidi ne kushala “bantu [Benda]” (kanungu 23). Bua tshinyi bidi bimpa bua kuikala ne mikanda yonsu ibidi eyi ya mifundu?

Kanutêtshi bua kubuikila bintu bionsu. Kuena mua kukumbana bua kulonga bulelela bonsu budi mu Yehezekele ne bana beba. Mu disambila ela meji tshidibu ne dijinga bua kumvua, ne keba buludiki bua mu nyuma bua kumanya malu awudi ne bua kuimanyina. (Tangila Teaching in the Savior’s Way17

Yehezekele 47:1–12

Mêku ne mitshima yetu bidi mua kupeta londopu mu nzubu wa Mukalenga.

Yehezekele 47 udi uleja tshikena kumona tshia Yehezekele tshia mâyi apueka mu ntempelo ne ondopa Mbû Mufua—mbû wa mukela wa bungi udi wenza bua mishipa ne mitshi kabiyi mua kusombamu to. Pamuapa yonsu wa ku bana beba udi mua kuzola tshintu tshimua anyi bibidi tshia mu tshikena kumona, bu mudi ntempelo, musulu, tshipela, Mbû Mufua, mishipa ya bungi, anyi mutshi wa mamuma. Pashisha pawudi ubala tunungu 1–12 pamua, badi mua kuabanyangana tshidibu bazola padi tshintu atshi tshitela. Mabenesha kayi akalua ku musulu mu tshikena kumona? Ambuluisha bana bua kumona mushindu udi mabenesha â mikala bu mabenesha adi Musungidi upesha badi balama bipungidi bia ntempelo. Video “And the River Will Grow” (Tshisangi Tshia Mikanda ya Lumu Luimpa) udi mua kuambuluisha.

3:43
And the River Will Grow
Nudi kabidi mua kuimba pamua musambu udi uleja mabenesha a ntempelo, bu mudi “Families Can Be Together Forever” (Mukanda wa Misambu ya Bana, 188). Tshinyi tshidi musambu ewu ulongesha pa mushindu udi Mukalenga utubenesha mu nzubu Wenda wa tshijila?

Bua ngenyi ya bungi, tangila malu a ngondu ewu a makazina a Mulunda.

musulu upueka mu ntempelo wa Yelushalema — “Tangila, mâyi akapatukila muishi mua mushiku wa mbelu mua nzubu. … Ne bintu bionsu nebikala ne moyo muaba udi musulu umbukila” (Yehezekele 47:1, 9). Bimfuanyi bipatula kudi goodsalt.com

Dibeji dia tshibilu tshia bana: Bibliya ne Mukanda wa Molomo bidi bituambuluisha bua “kusemena” kudi Yezu Kilisto. — “Tangila, mâyi akapatukila muishi mua mushiku wa mbelu mua nzubu. … Ne bintu bionsu nebikala ne moyo muaba udi musulu umbukila” (Yehezekele 47:1, 9). Bimfuanyi bipatula kudi goodsalt.com