Yelemiya 1–3; 7; 16–18; 20

Fuanyikija ne udi uyukila ne mulunda udi kayi muaji kumvua bua baprofete, ne upangadika bua kumvuija mmuenenu mu kuenzela dibikidibua dia Yelemiya bua kuikala muprofete mu Yelemiya 1:4–19. Tshinyi tshiwudi upeta mu tunungu etu tshidi tshikulongesha tshintu kampanda pa baprofete ba Nzambi? Udi mua kutangila kabidi mu Yelemiya 7:1–7; 20:8–9 ne musambu bu mudi “We Listen to a Prophet’s Voice” (Hymns, no. 22).

Udi kabidi mua kusua kulongesha mulunda weba pa muprofete wa moyo wa lelu. Kudi tshintu kampanda mu tunungu etu tshidi mua kuambuluisha anyi? Tshilejilu, tshinyi tshidi baprofete ba matuku etu â “bajomona” anyi “bashimbula”? Ntshinyi tshidibu “bibaka” ne “bakuna”? (Yelemiya 1:10). Mushindu kayi uwudi mufika ku dimanya ne Muprofete wetu udi ne moyo udi mubikidibua kudi Nzambi?

tangila kabidi Tunungu tua Ditabuja 1:6, 9; “Why Do We Have Prophets?” (video), ChurchofJesusChrist.org.

1:37

Tshinyi tshivua Yelemiya mulonga pa yeya nkayenda mu Yelemiya 1:5? Bu mudi muprofete mubikila mupiamupia, buatshinyi bualu ebu budi mua kuikala bua mushinga kudiyi bua kubumanya?

Bia bungi bia ku bivua Yelemiya mulonga pa yeya nkayenda mu Yelemiya 1:5 bidi kabidi bia bushuwa pa wewa. Nzambi kabidi uvua mukumanya kumpala kua wewa kuledibua ne mu kulongolola bua majitu mamanya. bua kulonga biabungi pa moyo weba kumpala kua kuledibua, bala Alama 13:1–4; Dilongesha ne Bipungidi 138:53–56; ne Abalahama 3:22–23. Enza lista wa malelela awudi mujandula. Buatshinyi bidi ne mushinga bua kutshimanya?’

Bua kulonga pa mushindu uvua malelela â menzeja moyo wa Mukulu Ahmad S. Corbitt, longa mukenji wenda “You Can Gather Israel!” Liahona, Ngondu Muitanu 2021, 63–63). Mushindu kayi udi kumanya pa moyo weba wa kumpala kua wa tshifuaka kuenzeja mushindu uwudi usomba mu moyo weba wa tshifuaka?

Monayi tshidi Mulombodi Mukulu Russell M. Nelson muamba pa moyo weba wa kumpala kua tshifuaka.

“Tatu weba wa mu Diûlu uvua mukumanya ntanta mula. Wewa, bu Muanenda muluma anyi mukaji, uvua musungudibua kudiye bua kulua pa buloba mu tshikondu etshi mena, bua kuikala mulombodi mu mudimu Wenda munena pa buloba. Uvua musungudibua kabiyi bua buikadianganyi mubidi weba to kadi bua mapa eba a nyuma bumudi bukola, dikima, butoka bua mutshima, nyota ya bulelela, nzala ya lungenyi, ne dijinga dia kusadila bakuabu.

“Udi mukolesha amua a ku mapa â mu moyo wa kumpala kua wa tshifuaka. Makuabu udimua ku akolesha pa buloba apa mu kuakeba ne dinanukila” (“Decisions for Eternity,” Liahona, Ngondu wa Dikumi ne umua. 2013, 107).

Ela meji pa malu kampanda awudi mua kututakana nawu mu owu bidi mua kuikala ne mushinga bua kuvuluka malelela â pa moyo weba wa kumpala kua wa tshifuaka. Tshinyi tshiwudi mua kuenza bua kudivuluija nkayeba malelela â?

Tangila kabidi Russell M. Nelson, “Decisions for Eternity,” Liahona, Ngondu wa Dikumi ne umua. 2013, 106–9; Topics and Questions, “Foreordination,” “Premortal Life,” Tshisangi tshia Lumu Luimpa.

Mu bitupa bia bulaba biuma muvua bena isalela basombela, bantu bavua balama mâyi a mushinga mu bilaminyi bia muishi mua bulaba bibikidibua ne citerne. tshinyi tshiwudi wela meji ne “citerne mitubuka” mitela mu Yelemiya 2:13 idi mua kuikala tshimuenekelu? Buatshinyi kupeta kua mâyi a ku mushimi kudi kulenga kupita kutekemena citerne? Tshinyi tshidi tshiumvuija kulekela “mushimi wa mâyi a moyo”? Pawudi ubala Yelemiya 2 ne 7, funda mushindu kayi uvua bantu balekela mâyi a moyo a Mukalenga (tangila, bu tshilejilu, Yelemiya 2:26–28; 7:2–11). buatshinyi “mâyi a moyo” adi tshimuenekelu tshimpa bua tshidi Mupandishi mukupesha? Ela meji pa mushindu kayi uwudi upeta mâyi a moyo.

Yelemiya 7 udi wamba kudi bantu bavua babuela mu “nzubu wa Mukalenga … bua kukukuila Mukalenga,” kadi bienzedi biabu kabiyi bikumbanangana ne didifila diabu dia pambelu to (tangila tunungu 2–11). Mukenji kayi uwudi umvua Mukalenga nawu bueba mu tunungu 21–23?

Mu Yelemiya 16:14–15, Yelemiya wakelakaja disangisha dia Isalela mu matuku a ndekelu ne Tshimuanyi tshia bena Isalela kumbuka ku Egypitu. Mu weba muenenu, buatshinyi disangisha divua mua kuikala ne mushinga wabungi kudi bantu ba Nzambi kupita tshimuanyi?

Tshinyi tshidi Yelemiya 3:14–18; 16:14–21 uleja pa mushindu udi disangisha difika?

Mu mukenji wenda “Hope of Israel,” Mulombodi mukulu Russell M. Nelson, momumua ne Yelemiya, muamba ne disangisha dia Isalela “didi tshintu tshia mushinga munena tshidi tshipitakana pa buloba lelu” (dituilangana dia bansonga dia buloba bujima, Ngondu Muisambombu 3, 2018, Tshisangi tshia Mikanda ya Lumu Luimpa). Bala anyi teleja mukenji wenda, ne tangila ne udi mua kujandula (a) mushindu kayi udi Mulombodi Mukulu Nelson umvuija disangisha dia Isalela, (b) mushindu kayi udiyi uleja mushinga wadi, ne (c) mushindu kayi uwudi mua kuikala tshitupa tshia disangisha.

• Bua kubangisha bulelela bua mushinga buamba mu Yelemiya 1:5, udi mua kuleja bana beba tshimfuanyi tshia muana mutoka (anyi, biobi bikumbana, udi mua kutangila bimfuanyi bia bana beba patshivuabu bana batoka). Konka bana beba ne mbamanya muaba uvuabu basomba kumpala kua bobu kuledibua. Nudi kabidi mua kuimba pamua musambu udi ulongesha pa moyo wetu wa kumpala kua wa tshifuaka, bu mudi “I Lived in Heaven” (Mukanda wa Misambu wa Bana, 4).

• Pikala bana beba mua kujinga bua kulonga bia bungi, udi mua kubambuluisha bua kupeta “Premortal Life” mu buludiki bua mifundu. Badi mua kukeba mandamuna ku “nganyi,” “dîba kayi,” ne “tshinyi” bu konku pa moyo wa kumpala kua wa tshifuaka.

• Ela meji bua kuleja bimfuanyi bia muprofete udi ne moyo anyi baprofete ba mu mifundu (udi mua kupeta imua mu Church magazines, Gospel Art Book, ne Luaku, Undonde). Konka bana beba tshinyi tshidibu bamanya pa baprofete aba.

• Bua kulongesha pa bidi baprofete benza, udi mua kusungula tumua tunungu tuambuluishi mu Yelemiya 1, bu mudi tunungu 5, 7, 10, ne 19. Bana beba badi bonsu mua kusobola kamua ka ku tunungu etu, kukabala, ne kuabanyangana tshintu kapanda tshidibu balonga pa baprofete.

• Pawudi wenda ubala Yelemiya 16:16, bana beba badi mua kuenza bu badi “baloba” anyi benza “bulembi” bua bintu bidi mu mushiku wa nzubu. Mulombodi Mukulu Russell M. Nelson wakelakaja balobi ne bilembi mu kanungu aka ne bena bukenji (tangila “The Gathering of Scattered Israel,” Liahona, Ngondu wa Dikumi ne Umua. 2006, 81). Tshinyi tshidi bena bukenji benza? Mushindu kayi utudi mua kuambuluisha bua “kuloba” ne “kukuata” bua Isalela Mutangalaja? (Tangila “A Message for Children from President Russell M. Nelson” [video], ChurchofJesusChrist.org).

  

  3:30

• Bua kulondesha tunungu etu, nudi mua kuyukila anyi kuleja mushindu kayi udi tshilowa tshienjibua (tangila tshimfuanyi kundekelu kua bulondianganyi ebu). Mukenji kayi udi Mukalenga nawu buetu mu Yelemiya 18:1–6? Tshinyi tshidi tshiumvuija kuikala dima mu bianza bia Mukalenga? (tangila kabidi Yeshaya 64:8). Bua mukuabu muyuki udi utuelakaja ne dima dia mufumbi, tangila mukenji wa Mukulu Richard J. Maynes “The Joy of Living a Christ-Centered Life” (Liahona, Ngondu wa Dikumi ne Umua. 2015, 27–30).