Yeshaya 58–66

Bua tshinyi muntu udi mua kudisuila bua kubenga kudia padi biakudia bikalaku? Pawudi ubala Yeshaya 58:3–12, udi mua kuela meji pa kabingila keba ka kujila kua bia kudia—ne kabidi tubingila tua Mukalenga bua difila dia mukenji ewu. Eyi idi nkonku mikuabu ya kunana meji:

• Bua tshinyi kujila kua biakudia imua misangu kudi kumueneka bu bujitu pamutu pa dibenesha? (tangila Yeshaya 58:3–5). Mushindu kayi udi malongesha a Mukalenga mu shapita ewu ashintulula muenenu awu bueba?

• Bidi mua kumvuija tshinyi bua “kusulula nkanu ya malu mabi” ne “kutshibula mutshi wa tshikokedi”? (Yeshaya 58:6). Mushindu kayi udi kujila kua biakudia mua kubenesha bakuabu? (tangila kanungu 7).

• Mushindu kayi ukatu kujila kua biakudia kukutuadila mabenesha adi maleja mu Yeshaya 58:8–12?

Mu mukenji wenda “Is Not This the Fast That I Have Chosen?” (Liahona, Ngondu Muitanu 2015, 22–25), Mulombodi Mukulu Henry B. Eyring wakafila bilejilu bia bungi bidi bileja mudi bantu babeneshibua kupitshila ku dijila dia biakudia ne milambu ya kujila kua biakudia. Mushindu kayi uwukatu mujadika mabenesha a momumua mu moyo weba?

Tangila kabidi “Bless Our Fast, We Pray,” Misambu, no. 138; Biena Bualu ne Nkonku, “Fasting and Fast Offerings,” Tshisangi tshia Mikanda ya Lumu Luimpa.

Dituku dia nsabatu didi “disanka” bueba anyi? Pawudi ulonga Yeshaya 58:13–14, ela meji mushindu uwudi mua kupeta disanka diabungi mu dituku dia Mukalenga. Tshilejilu, ntshinyi tshidi mua kumvuija kulekela “kuenza disua dieba mu dituku [Dienda] dia tshijila”? Dishilangana kayi didi pankatshi pa “[kusanka] mu Mukalenga” ne “kuenza mushindu uwudi musua”?

Tangila kabidi Russell M. Nelson, “The Sabbath Is a Delight,” Liahona, Ngondu Muitanu 2015, 129–32.

Yeshaya 58–66 udi ne tunungu tua bungi tudi tuakula bua bukenji bua Yezu Kilisto bua bupikudi. Tukeba pawudi ulonga. Nangananga, funda mianzu ne miaku idibu batela bua kuleja Musungidi. Bu tshilejilu:

• Tshinyi tshidi tshikusankisha bua muaku wa “muakuidi” mu Yeshaya 59:16–21? Mushindu kayi udi Musungidi utantamena sombelu idibu baleja mu tunungu 9–15?

• Pavua Yezu Kilisto muambila bantu ba mu Nazaleta ne uvua Masiya, wakatela mêyi a mu Yeshaya 61:1–3 (tangila Luka 4:16–21; tangila kabidi video “Jesus Declares He Is the Messiah,” Tshisangu tshia Mikanda ya Lumu Luimpa). Mushindu kayi udi Yezu Kilisto munubenesha wewa ne bakuabu mu mishindu idi miumvuija mu tunungu etu? Mushindu kayi uvuaye mufila bulenga pa muaba wa butu?

  

  3:24

• Tshinyi tshia “lusa lua Mukalenga” tshiwudi mua “kuamba”? (tangila Yeshaya 63:7–9).

• Biambilu kayi bikuabu ku Musungidi biwudi upeta mu Yeshaya 58–66?

Tangila kabidi Mosiya 3:7; Dilongesha ne Bipungidi 133:46–53.

Yeshaya 60 ne 62 idi yakula bua bukenka ne mîdima, mêsu ne kumona bua kulongesha mushindu wikala lumu luimpa lua Yezu Kilisto mua kubenesha buloba mu matuku a ndekelu. Keba ngenyi eyi mu Yeshaya 60:1–5, 19–20; 62:1–2. Pawudi ubala shapita eyi, nana meji mushindu udi Nzambi usangisha bantu benda mu mîdima bua kubuela mu Bukenka Buenda. Tshinyi tshiwudi mua kuenza mu mudimu ewu?

Tangila kabidi 1 Nefi 22:3–12; 3 Nefi 18:24; Dilongesha ne Bipungidi 14:9; Bonnie H. Cordon, “That They May See,” Liahona, Ngondu Muitanu 2020, 78–80.

Yeshaya wakakula bua dituku dikala “ntatu ya kala ne bua kupua moyo” (Yeshaya 65:16). Mudi mêyi a buprofete mikala ne akumbana mu mishindu ya bungi, mu ngumvuila wawu mujima, dituku adi kadiena dianji kulua to—diba dialua Yezu Kilisto. Yeshaya wakumvuija dituku edi mu Yeshaya 64:1–5; 65:17–25; 66. Tangila bungi bua misangu ivuaye utela miaku bu mudi “kusanka” ne “disanka” Bua tshinyi dilua dia Musungidi nedikala dituku dia disanka bueba? Tshinyi tshiwudi mua kuenza bua kudilongolola bua dilua dienda?

Tangila kabidi Tunungu tua Ditabuja 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Ngondu Muinayi. 2020, 13–17.

• Pamuapa mushindu muimpa wa kukankamika bana beba bua kujila biakudia—pakadibu bakumbana—udi wa kubambuluisha bua kumvua kabingila ka Mukalenga bua mukenji ewu. Ela meji bua kubala pamua Yeshaya 58:6–11 bua kupeta mandamuna ku nkonku eyi: bua tshinyi tudi tujila biakudia ? Mushindu kayi utudi mua kujila biakudia? Udi mua kukeba mu “Kujila, Dijila dia Biakudia” mu Buludiki bua mu Mifundu.

• Biwikala ukatu mupeta malu a mushinga wa bungi mu dijila dia biakudia, abanyangana ne bana beba. Udi kabidi mua kubebeja mushindu udibu mua kumvuija mulunda wabu bua tshinyi Mukalenga mmutupesha mukenji ewu

• Panyima pa kubala Yeshaya 58:13–14, udi mua kuleja matuku a mu lumingu ku kabala matuku ne kulomba bana beba bua kubala matuku neba. Panudi nufika pa Nsabatu, lomba bana beba bua kubikila dituku adi ne “disanka.” Bambila bua tshinyi nsabatu udi disanka kuwudi.

• Abanyangana ne bakuabu mishindu iwudi mua “kusanka mu Mukalenga” mu Nsabatu. Pamuapa bana beba badi mua kuzola ngenyi yabu ne ku yela mu “kabuta ka masanka a nsabatu.” Pashisha, padibu ne dijinga ne ngenyi ya bintu bua kuenza mu Nsabatu, badi mua kupatula ngenyi mu kabuta.

• Udi mua kubikila bana beba bua kukanga mêsu abu pawudi ubala Yeshaya 60:1–3. Bambila bakangula mêsu padibu bumvua muaku “bukenk” ne kuakanga kabidi padibu bumvua muaku “muidima.” Umvuija ne Yezu Kilisto ne lumu luimpa Luenda bidi bu butoka budi butuambuluisha bua kupanda njila wa kupingana kudi Tatu wa mu Diûlu.

• Yeshaya 65:17–25 udi uleja mushindu wikala buloba padi Musungidi ulua kabidi. Pawudi ubala tunungu etu ne bana beba, bambuluisha bua kumona mushindu udi nsombelu ne bua kuikala mushilangana mu “buloba bupiabupia” budi Yeshaya muakula. Bua tshinyi tshikondu etshi netshikala tshia “kusanka ne disanka dia kashidi”? (kanungu 18).

• Nudi kabidi mua kuimba musambu pamua, pa Dilua Dibidi, bu mudi “When the Savior Comes Again” (Tshisangi tshia Mikanda ya Lumu Luimpa). Ambilanganayi tshinudi nuindila bua dipingana dia Musungidi. Tshinyi tshitudi mua kuenza bua kudilongolola bua dituku adi?