Isaya 58–66

Kwa nini mtu yeyote kwa hiari huacha kula chakula wakati chakula kinapatikana? Unapojifunza Isaya 58:3–12, unaweza kufikiria kuhusu sababu zako za kufunga—vile vile sababu za Bwana za kutoa sheria hii. Haya ni baadhi ya maswali ya kutafakari:

• Kwa nini kufunga wakati mwingine kunaweza kuonekana kama mzigo zaidi kuliko baraka? ( ona Isaya 58:3–5). Ni kwa jinsi gani mafundisho ya Bwana katika sura hii yanabadilisha mtazamo huo kwako?

• Inaweza kumaanisha nini “kufungua kamba za uovu” na “kuvunja kila nira”? (Isaya 58:6). Ni kwa jinsi gani kufunga kunaweza kuwabariki wengine? (ona mstari wa 7).

• Ni kwa namna gani kufunga kumekuletea baraka zilizoelezwa katika Isaya 58:8–12?

Katika ujumbe wake, “Je, Saumu Niliyoichagua, Siyo ya Namna Hii?” (Liahona, Mei 2015, 22–25), Rais Henry B. Eyring alishiriki mifano kadhaa ya jinsi watu walivyobarikiwa kwa kufunga na matoleo ya mfungo. Ni kwa jinsi gani umeshuhudia baraka kama hizo katika maisha yako?

Ona pia “Bless Our Fast, We Pray,” Nyimbo za Dini, na. 138; Mada na Maswali, “Kufunga na Matoleo ya Mfungo,” Maktaba ya Injili.

Je, siku ya Sabato ni “ya kupendeza” kwako? Unapojifunza Isaya 58:13–14, fikiria jinsi ambavyo ungeweza kupata furaha zaidi katika siku za Bwana. Kwa mfano, inaweza kumaanisha nini kugeuka “usifanye anasa yako kwenye siku [Yake] takatifu”? Kuna tofauti gani kati ya “[kujifurahisha] mwenyewe katika Bwana” na “kufanya njia zako mwenyewe”?

Ona pia Russell M. Nelson, “Sabato ni Furaha,” Liahona,” May 2015, 129–32.

Isaya 58–66 ina marejeleo mengi juu ya misheni ya upatanisho wa Yesu Kristo. Yatafute wakati unapojisomea. Hasa, tilia maanani majina na maneno yaliyotumika kumwelezea Mwokozi. Kwa mfano:

• Ni nini kinachokuvutia kuhusu maelezo ya “mwombezi” katika Isaya 59:16–21? Ni kwa jinsi gani Mwokozi anashinda hali zilizoelezewa katika mstari wa 9–15?

• Wakati Yesu Kristo alipotangaza kwa watu wa Nazareti kwamba Yeye alikuwa Masiya, Yeye alinukuu kutoka katika Isaya 61:1–3 (ona Luka 4:16–21; ona pia video “Jesus Declares He Is the Messiah,” Maktaba ya Injili). Je, ni kwa jinsi gani Yesu Kristo amekubariki wewe na wengine katika njia zilizoelezewa katika mistari hii? Je! Ni kwa jinsi gani Yeye ametoa uzuri badala ya majivu?

  

  3:24

• Ni “fadhili za Bwana” gani unaweza “kutaja”? ( ona Isaya 63:7–9).

• Je, unapata marejeo gani mengine kwa Mwokozi katika Isaya 58–66?

Ona pia Mosia 3:7; Mafundisho na Maagano 133:46–53.

Isaya 60 na 62 zinazungumza juu ya nuru na kiza, macho na kuona ili kufundisha jinsi gani injili ya Yesu Kristo itakavyo ubariki ulimwengu katika siku za mwisho. Tafuta dhana hizi hususani katika Isaya 60:1–5, 19–20; 62:1–2. Unaposoma sura hizi, tafakari jinsi Mungu anavyowakusanya watoto Wake toka gizani kuja kwenye nuru Yake. Jukumu lako ni lipi katika kazi hii?

Ona pia 1 Nefi 22:3–12; 3 Nefi 18:24; Mafundisho na Maagano 14:9; Bonnie H. Cordon, “Ili Wapate Kuona,” Liahona, Mei 2020, 78–80.

Isaya alisema juu ya siku ambapo “taabu za kwanza zimesahauliwa” (Isaya 65:16). Wakati unabii huu una utimilifu kadhaa, kwa maana yake kamili, siku hiyo bado haijafika—wakati Yesu Kristo atakaporudi. Isaya anaielezea siku hii ya baadaye katika Isaya 64:1–5; 65:17–25; 66. Angalia ni mara ngapi alitumia maneno kama “furahi” na “kufurahia.” Kwa nini kurudi kwa Mwokozi itakuwa siku ya furaha kwako? Je, unaweza kufanya nini kujiandaa kwa ajili ya ujio Wake?

Ona pia Makala ya Imani 1:10; Russell M. Nelson, “Siku za Baadaye za Kanisa: Kuuandaa Ulimwengu kwa Ajili ya Ujio wa Pili wa Mwokozi,” Liahona, Apr. 2020, 13.

• Pengine njia bora zaidi ya kuwahimiza watoto wako wafunge—wanapokuwa tayari—ni kuwasaidia kuelewa madhumuni ya Bwana kwa ajili ya sheria hii. Fikiria kusoma pamoja Isaya 58:6–11 ili kupata majibu ya maswali haya: Kwa nini sisi tunafunga? Tunafunga kwa namna gani? Ungeweza pia kuangalia katika “Mfungo, Kufunga” katika Mwongozo wa Maandiko.

• Kama umekuwa na uzoefu wa maana wa kufunga, ushiriki na watoto wako. Ungeweza pia kuwauliza jinsi ambavyo wangemwelezea rafiki kwa nini Bwana alitupatia sheria hii.

• Baada ya kusoma Isaya 58:13–14, ungeweza kuonyesha siku za wiki kwenye kalenda na waalike watoto wako waseme siku pamoja nawe. Unapofika Sabato, waombe waite siku hiyo “furaha.” Waambie wao kwa nini Sabato ni ya furaha kwako.

• Shirikianeni njia mnazoweza “kujifurahisha mwenyewe katika Bwana” siku ya Sabato. Pengine watoto wako wangeweza kuchora mawazo yao na kuyaweka katika “sanduku la furaha ya Sabato.” Kisha, wanapohitaji mawazo kuhusu mambo ya kufanya siku ya Sabato, wangeweza kuvuta wazo kutoka kwenye sanduku.

• Waalike watoto wako wafumbe macho yao wakati unaposoma Isaya 60:1–3. Waombe wafumbue macho yao pale wanaposikia neno “nuru” na kuyafumba pale wanaposikia neno “giza.” Eleza kwamba Yesu Kristo na injili Yake ni kama nuru inayotusaidia kuona njia yetu ya kurudi kwa Baba wa Mbinguni.

• Isaya 65:17–25 inafafanua vile dunia itakavyokuwa wakati Mwokozi atakapokuja tena. Unaposoma mistari hii pamoja na watoto wako, wasaidie watafute jinsi maisha yatakavyokuwa tofauti katika “dunia mpya” Isaya aliyoelezea. Kwa nini huu utakuwa wakati wa “kufurahi na kushangilia daima”? (mstari wa 18).

• Mngeweza pia kuimba pamoja wimbo kuhusu Ujio wa Pili, kama vile “When He Comes Again” (Gospel Library). Shirikiane ninyi kwa ninyi kile mnachotazamia kuhusu kurudi kwa Mwokozi. Je, tunaweza kufanya nini ili kujiandaa kwa ajili ya siku hiyo?