Isaya 50–57

Ingawa Waisraeli walikaa miaka mingi utumwani—na ingawa utumwa huo ulikuwa matokeo ya uchaguzi wao mbaya—Bwana aliwataka wautazamie wakati ujao kwa tumaini. Je, unapata nini katika ujumbe wa Isaya ambacho kinakupa tumaini? Chati kama hii ingeweza kukusaidia kujifunza:

Ona pia Mosia 12:20–24; 15:13–18; 3 Nefi 20:29–46; Mafundisho na Maagano 113:7–10; Russell M. Nelson, “Kumbatia Siku za Usoni kwa Imani,” Liahona, Nov. 2020, 73–76.

Ni sura chache katika maandiko zinaelezea ujumbe wa ukombozi wa Yesu Kristo kwa uzuri zaidi kuliko Isaya 53. Fikiria shughuli kama hizi ili kuelewa vyema na kutumia mafundisho haya yenye nguvu:

• Tafakari au jadili jinsi hadithi na sinema mara nyingi huonyesha mashujaa wanaowaokoa watu. Tofautisha ufafanuzi huo na maelezo ya Mwokozi katika Isaya 53.

• Baada ya kusoma kila mstari, pumzika ili kutafakari Mwokozi aliteseka nini—“huzuni,” “masikitiko,” na “makosa” Yeye aliyoyabeba—kwa ajili ya watu wote na hasa kwa ajili yako. Unaweza kubadlisha maneno kama “sisi” na “yetu” na “mimi” na “yangu” unaposoma. Je! ni hisia au mawazo gani mistari hii inakutia moyo?

• Fikiria kutazama video “My Kingdom Is Not of This World” (Gospel Library), na tafakari jinsi unabii katika Isaya 53 ulivyotimia. Ni baadhi ya huzuni na masikitiko gani ambayo Mwokozi aliyabeba kwa ajili yetu?

  

  5:25

• Tafuta picha za matukio yanayohusiana na Upatanisho wa Yesu Kristo (ona Kitabu cha Sanaa ya Injili, na. 56–60). Kisha ungeweza kutafuta virai katika Isaya 53 ambavyo vinaelezea matukio katika picha hizo. Je, mafundisho haya yanatupatia msukumo kufanya nini?

Ona pia “Tazama Mkombozi Afa,” Nyimbo za Dini, na. 104

Sisi sote tuna nyakati ambapo tunahisi tuko mbali na Bwana kwa sababu ya dhambi zetu au madhaifu yetu. Baadhi hata wamekata tamaa kwamba Yeye hatawasamehe kamwe. Isaya 54 na57 ni sura nzuri za kusoma kwa uhakikisho na kutiwa moyo nyakati kama hizo. Hasa katika Isaya 54:4–10; 57:15–19, ni maneno gani yanakufundisha jinsi Mwokozi anavyohisi kukuhusu wewe? Kuna tofauti gani katika maisha yako kujua vitu hivi vinavyomhusu Yeye?

Rais Dieter F. Uchtdorf alifundisha:

“Bila kujali ni kiasi gani maisha yetu yanaweza kuonekana kuharibika. Bila kujali dhambi zetu ni nyekundu kiasi gani, uchungu mkubwa kiasi gani, wapweke kiasi gani, tumetelekezwa, au kuvunjika kwa mioyo yetu kunavyoweza kuwa. Hata wale wasio na matumaini, wanaoishi katika kukata tamaa, ambao wameusaliti uaminifu, wametelekeza uadilifu wao, au kugeukia mbali na Mungu wanaweza kujengwa upya. …

“Habari ya furaha ya injili ni hii: kwa sababu ya mpango wa furaha wa milele uliotolewa na Baba yetu wa Mbinguni mwenye upendo na kupitia Upatanisho wa Yesu Kristo, hatuwezi tu kukombolewa kutoka kwenye hali yetu ya anguko na kurejeshwa kwenye usafi, bali tunaweza pia kuvuka mawazo ya maisha ya kidunia na kuwa warithi wa uzima wa milele na washiriki wa utukufu usioelezeka wa Mungu” (“Atakubeba Mabegani Mwake na Kukupeleka Nyumbani,” Liahona, Mei 2016, 102).

Ona pia Patrick Kearon, “Kusudi la Mungu Ni Kukuleta Nyumbani,” Liahona, Mei 2024, 87–89.

Kwa vizazi vingi, Israeli ilitambuliwa kama watu wa Mungu wa agano. Walakini, mpango wa Mungu umejumuisha zaidi ya taifa moja tu, kwani “kila aonaye kiu” amealikwa “njoni … majini” (Isaya 55:1). Weka hiliakilini unaposoma Isaya 55 na 56, na tafakari inamaanisha nini kuwa watu wa Mungu. Je! ni ujumbe gani wa Mungu kwa wale ambao wanahisi “wametengwa kabisa” kutoka Kwake? (Isaya 56:3). Fikiria kuwekea alama mistari inayoelezea mitazamo na matendo ya wale ambao “wanashikilia agano langu” (ona Isaya 56:4–7).

• Inaweza kuwa ya kufurahisha kwa watoto wako kugundua virai kama “amka,” “simama,” na “jivike nguvu zako” katika Isaya 51:9, 17; 52:1–2, 9 na kisha waigize virai hivyo. Baada ya kufanya hivyo, unaweza kuzungumza kuhusu kile inachomaanisha kuamka, kusimama, na kuvaa nguvu kiroho. Bwana anatuomba tufanye nini katika mistari hii?

• Waalike watoto wasome Isaya 51:1, 4 na kubainisha nani Bwana anazungumza naye na nini Yeye anawataka wao wafanye. Je, nini maana ya “kumsikiliza” Bwana? Je, tunawezaje kumwonesha Bwana kwamba “tunamsikiliza” Yeye?

• Wewe na watoto wako mngeweza kuangalia picha kadhaa zinazoonyesha mateso na kifo cha Yesu Kristo (ona, kwa mfano, Kitabu cha Sanaa za Injili, na. 56, 57, 58). Kisha mngeweza kusoma pamoja Isaya 53:3–6, 9 na mtafute maneno ambayo yanaelezea nini kinatokea katika picha hizo. Wasaidie watoto wako waelewe kwamba Isaya alishiriki kweli hizi mamia ya miaka kabla ya mambo kutokea. Kwa nini ingekuwa muhimu watu kujua mambo haya miaka mingi kabla? (ona Alma 39:15–19).

• Baada ya kusoma kutoka Isaya 53:4, “Ameyachukua masikitiko yetu, na amejitwika huzuni zetu,” watoto wako wangeweza kujaribu kuinua kitu kizito (au kujifanya kukiinua). Eleza kwamba “masikitiko” na “huzuni” (au kukosa furaha) vinaweza kuonekana kuwa ni vizito na vigumu kubeba. Kwa nini Yeye aliteseka “masikitiko,” “huzuni,” na “maovu” au “dhambi”? (Ona pia Alma 7:11–12).

• Ili kuwafundisha watoto wako kuhusu Isaya 55:6, ungeweza kuficha picha ya Yesu mahali fulani chumbani. Ungeweza kuwaalika watoto wako watafute picha na kutaja njia moja wanayoweza “kumtafuta … Bwana wakati anapoweza kupatikana.” Wimbo kama “Seek the Lord Early” (Kitabu cha Nyimbo za Watoto, 108) ungeweza kuwapa baadhi ya mawazo. Kisha ungeweza kumruhusu mmoja wa watoto kuficha picha na kurudia shughuli hiyo.

• Baada ya kusoma Isaya 55:9, inaweza kuwa burudani watoto wako kusimama kwenye kiti na kuzungumza kuhusu jinsi mambo yanavyoonekana tofauti unapokuwa “juu zaidi.” Au wangeweza kuchora picha ya kile Isaya 55:9 inamaanisha kwao. Ungeweza kujadili baadhi ya njia za Bwana ambazo ziko juu sana kuliko zetu. Kwa mfano, ni ipi njia Yake ya kuwatendea wenye dhambi? (ona Marko 2:15–17). Je, ni ipi njia Yake ya kuwaongoza wengine? (ona Mathayo 20:25–28). Waambie watoto jinsi ulivyojifunza kutumainia njia za juu na mawazo ya juu ya Bwana.