یسعیاہ 50–57

اگرچہ بنی اِسرائیل نے کئی سال اَسِیری میں گُزارے—اور یہ اَسِیری اُن کے اپنے ناقص اِنتخابات کا نتیجہ تھی—خُداوند چاہتا تھا کہ وہ اُمید کے ساتھ مُستقبل پر نظر کریں۔ یسعیاہ کے پیغام میں آپ کو کیا چیز اُمید دیتی ہے؟ اِس طرح کا جدول آپ کی مُطالعہ میں مدد کر سکتا ہے:

مزید دیکھیے مُضایاہ 12:‏20–24؛ 15:‏13–18؛ 3 نِیفی 20:‏29–46؛ عقائد اور عہُود 113:‏7–10؛ رسل ایم نیلسن، ”اِیمان کے ساتھ مُستقبل کو گلے لگائیں،“ لیحونا، نومبر 2020، 73–76۔

صحائف میں بُہت کم اَبواب یسعیاہ 53 کی طرح یِسُوع مسِیح کے مُخلصی بخش مقصد کو اِتنی خُوب صُورتی سے بیان کرتے ہیں۔ اِن طاقت ور تعلیمات کو بہتر طور پر سمجھنے اور لاگُو کرنے کے لیے ایسی سرگرمیوں پر غور کریں:

• غور کریں یا تبادلہِ خیال کریں کہ کہانیاں اور فِلمیں اکثر ایسے ہیروز کو کیسے دِکھاتی ہیں جو لوگوں کو بچاتے ہیں۔ اِن تصویروں کا موازنہ یسعیاہ 53 میں مُنّجی کی صِفات سے کریں۔

• ہر آیت پڑھنے کے بعد، اِس بات پر غور کرنے کے لیے رُکیں کہ نجات دہندہ نے کیا دُکھ—”مُصیبتیں،“ ”غم،“ اور ”خطائیں“ برداشت کِیں اُس نے—تمام لوگوں کے لیے اور بالخصُوص آپ کے واسطے سہے۔ آپ پڑھتے وقت ”ہم“ اور “ہمارے“ جیسے الفاظ کو ”مَیں“ اور ”میرا“ سے بدل سکتے ہیں۔ یہ آیات آپ میں کیا جذبات یا خیالات پیدا کرتی ہیں؟

• ویڈیو ”میری بادشاہی اِس دُنیا کی نہیں ہے“ (گاسپل لائبریری) کو دیکھنے پر غور کریں، اور غور و فِکر کریں کہ یسعیاہ 53 کی نبُوتیں کیسے پُوری ہُوئیں۔ مُنّجی آپ کے لیے کون سے دُکھوں اور غموں کو اُٹھاتا ہے؟

  

  5:25

• یِسُوع مسِیح کے کفّارہ سے مُتعلق واقعات کی تصاویر تلاش کریں (دیکھیے اِنجِیلی فن پاروں کی کِتاب، نمبر 56–60)۔ پھر آپ یسعیاہ 53 میں ایسے فِقرات تلاش کر سکتے ہیں جو تصاویر کے واقعات کو بیان کرتے ہیں۔ یہ تعلیمات آپ کو کیا کرنے کی ترغیب دیتی ہیں؟

مزید دیکھیے ”دیکھو عظیم مُخلصی دینے والا مُوا،“ گیت، نمبر 191۔

ہم سب کی زِندگی میں ایسے لمحے آتے ہیں جب ہم اپنے گُناہوں یا کم زوریوں کے باعث خُداوند سے دُوری محسُوس کرتے ہیں۔ حتیٰ کہ بعض نے یہ اُمید بھی چھوڑ دی ہے کہ وہ اُنھیں کبھی مُعاف کرے گا۔ یسعیاہ 54 اور 57 ایسے اوقات میں یقین دِہانی اور حوصلہ افزائی کے لیے پڑھنے کے لیے بہترین اَبواب ہیں۔ خاص طور پر یسعیاہ 54:‏4–10؛ 57:‏15–19، میں کون سے الفاظ آپ کو یہ سِکھاتے ہیں کہ نجات دہندہ آپ کی بابت کیا محسُوس کرتا ہے؟ اُس کی بابت یہ باتیں جاننا آپ کی زِندگی میں کیا فرق ڈالتا ہے؟

صدر ڈئیٹر ایف اُکڈورف نے سِکھایا:

”یہ کوئی فرق نہیں پڑتا کہ ہماری زِندگی کتنی مُکمل طور پر تباہ و برباد نظر آتی ہو۔ یہ کوئی فرق نہیں پڑتا کہ ہمارے گُناہ کتنے قرمزی ہوں، ہماری تلخی کتنی گہری ہو، یا ہمارے دِل کتنے تنہا، ترک شُدہ، اور شِکستہ ہوں۔ حتیٰ کہ جو لوگ بے اُمید ہیں، جو مایُوسی میں غمگین زِندگی گُزار رہے ہیں، جنھوں نے بھروسا توڑا ہے، اپنی دیانت داری کو قُربان کِیا ہے، یا خُدا سے مُنہ موڑا ہے وہ بھی دوبارہ بحال کِیے جا سکتے ہیں۔ …

اِنجِیل کی خُوشی کی بشارت یہ ہے: ہمارے پیارے آسمانی باپ کے خُوشی کے اَبَدی منصُوبے اور یِسُوع مسِیح کی لا محدُود قُربانی کی بدولت، ہم نہ صِرف اپنی زوال پذیری کی حالت سے نجات پا سکتے اور پاکیزگی کو بحال کر سکتے ہیں، بلکہ ہم فانی تصوّر سے ماورا ہو کر ہمیشہ کی زِندگی کے وارث بن سکتے ہیں اور خُدا کے ناقابلِ بیان جلال میں شریک ہو سکتے ہیں (”وہ آپ کو اپنے کندھوں پر اُٹھا کر گھر لے جائے گا،“ لیحونا، مئی 2016، 102)۔

مزید دیکھیں پیٹریک کیرون، ”خُدا کا اِرادہ آپ کو گھر واپس لانا ہے،“ لیحونا، مئی 2024، 87–89۔

کئی نسلوں سے، بنی اِسرائیل کو خُدا کی موعُودہ اُمّت کے طور پر شناخت کِیا گیا ہے۔ تاہم، خُدا کا منصُوبہ ہمیشہ صِرف ایک قوم تک محدُود نہیں رہا، کیوں کہ ”ہر شخص جو پیاسا ہے“ اُسے دعوت دی جاتی ہے کہ وہ ”پانی کے پاس … آئے“ (یسعیاہ 55:‏1)۔ جب آپ یسعیاہ 55 اور 56 کو پڑھتے ہیں، تو اِس بات کو ذہن میں رکھیں، اور غور کریں خُدا کی اُمّت ہونے سے کیا مُراد ہے۔ خُدا کا اُن لوگوں کے لیے کیا پیغام ہے جو اُس سے ”جُدا“ محسُوس کرتے ہیں؟ (یسعیاہ 56:‏3)۔ اُن آیات پر نِشان لگانے پر غور کریں جو اُن لوگوں کے رویوں اور اعمال کو بیان کرتی ہیں جو ”میرے عہد پر قائم رہتے ہیں“ (دیکھیے یسعیاہ 56:‏4–7)۔

• آپ کے بچّوں کے لیے پُرلُطف ہو سکتا ہے کہ وہ یسعیاہ 51:‏9، 17؛ 52:‏1–2، 9 میں ”جاگنا،“ ”اُٹھنا،“ اور ”اپنی شوکت سے مُلبس ہونا“ جیسے فِقرات کو دریافت کریں اور پھر اُن فِقرات پر اداکاری کریں۔ ایسا کرنے کے بعد، آپ اِس بارے میں بات کر سکتے ہیں کہ جاگنے، اُٹھنے، اور توانائی سے مُلبس ہونے کا رُوحانی مفہُوم کیا ہے۔ اِن آیات میں خُداوند ہمیں کیا کرنے کو کہہ رہا ہے؟

• آپ کے بچّے یسعیاہ 51:‏1، 4، 7 بھی پڑھ سکتے ہیں اور نِشان دہی کر سکتے ہیں کہ خُداوند کس سے بات کر رہا ہے اور وہ اُن سے کیا کروانا چاہتا ہے۔ خُداوند کی طرف ”کان لگانے“ سے کیا مُراد ہے؟ ہم خُداوند کو کیسے دِکھا سکتے ہیں کہ ہم اُس کی ”طرف کان لگائے“ ہیں؟

• آپ اور آپ کی اولاد کئی تصاویر دیکھ سکتے ہیں جو یِسُوع مسِیح کی اذیتوں اور موت کو ظاہر کرتی ہیں (دیکھیے مثال کے طور پر، اِنجِیلی فن پاروں کی کِتاب، نمبر 56، 57، 58)۔ پھر آپ اِکٹھے مِل کر یسعیاہ 53:‏3–6، 9 پڑھ سکتے ہیں اور اِن تصاویر میں جو کُچھ ہو رہا ہے اُس کی وضاحت کرنے والے الفاظ تلاش کر سکتے ہیں۔ اپنے بچّوں کو یہ سمجھنے میں مدد دیں کہ یسعیاہ نے یہ سچّائیاں اِن واقعات کے رُونُما ہونے سے کئی سو سال پہلے بیان کی تھیں۔ لوگوں کے لیے یہ باتیں کئی سال پہلے جاننا کیوں ضرُوری ہوں گی؟ (دیکھیے ایلما 39:‏15–19)۔

• یسعیاہ 53:‏4 میں سے پڑھنے کے بعد، ”تو بھی اُس نے ہماری مُشقتیں اُٹھا لِیں، اور ہمارے غموں کو برداشت کِیا،“ آپ کے بچّے کوئی بھاری چیز اُٹھانے کی کوشِش کر سکتے ہیں (یا کُچھ اُٹھانے کی اداکاری کر سکتے ہیں)۔ اِس بارے میں بات کریں کہ کس طرح ”مُشقتیں“ اور ”غم“ یا اُداسی کو اُٹھانا بھاری اور مُشکل محسُوس ہو سکتا ہے۔ یِسُوع نے ہماری ”مُشقتوں،“ ”غموں،“ اور ”بدکاریوں“ یا گُناہوں کو کیوں اُٹھایا؟ (مزید دیکھیے ایلما 7:‏11–12)۔

• اپنی اولاد کو یسعیاہ 55:‏6 کے مُتعلق سِکھانے کے لیے، آپ کمرے میں کہیں یِسُوع کی تصویر کو چھپا سکتے ہیں۔ آپ اپنے بچّوں کو تصویر تلاش کرنے کی دعوت دے سکتے ہیں اور ایک طریقہ بتانے کو کہ وہ کیسے ”خُداوند کے … طالب ہوسکتے ہیں جب تک وہ مِل سکتا ہے۔“ جیسا کہ گیت ”جلدی خُداوند کے طالب ہو“ (بچّوں کے گیتوں کی کِتاب، 108) اُنھیں تجاویز دے سکتا ہے۔ پھر آپ بچّوں میں سے کسی ایک کو تصویر چھپانے اور سرگرمی کو دہرانے دیں۔

• یسعیاہ 55:‏9 پڑھنے کے بعد، آپ کے بچّوں کے لیے لُطف اندوز ہو سکتا ہے کہ وہ سٹول پر کھڑے ہوں اور بات کریں کہ جب آپ ”بُلندی“ پر ہوتے ہیں تو چیزیں کس طرح مُختلف نظر آتی ہیں۔ یا یسعیاہ 55:‏9 کا اپنے لیے مطلب ایک تصویر میں دِکھا سکتے ہیں۔ پھر آپ خُداوند کے چند طریقوں پر گُفت و شُنید کر سکتے ہیں جو ہمارے طریقوں سے بُلند ہیں۔ مِثال کے طور پر، گُناہ گاروں کے ساتھ برتاؤ کرنے کا اُس کا طریقہ کیا ہے؟ (دیکھیے مرقس 2:‏15–17)۔ دُوسروں کی راہ نُمائی کرنے کا اُس کا کیا طریقہ ہے؟ (دیکھیے متّی 20:‏25–28)۔ اپنی اولاد کے ساتھ بیان کریں کہ آپ نے خُداوند کی بُلند راہوں اور خیالات پر توّکل کرنا کیسے سیکھا ہے۔