Yɛsaia 50–57

Ɛwom sɛ Israelfoɔ no kɔɔ nnommumfa mu mfeɛ bebree—na ɛwom sɛ saa nnommumfa no firi deɛ ɛnyɛ papa a wɔn ankasa yiiɛ—nanso na Awurade pɛ sɛ wɔnya anidasoɔ ma daakye. Deɛn na wohunu wɔ Yesaia nkrasɛm mu a ɛma wo anidasoɔ? Pono te sɛ yei bɛtumi aboa ma woasua.

San hwɛ Mosiah 12:20–24; 15:13–18; 3 Nephi 20:29–46; Nkyerɛkyerɛ ne Apam 113:7–10; Russell M. Nelson, “Embrace the Future with Faith,” Liahona, Obubuo 2020, 73–76.

Twerɛsɛm no mu ti kakra bi na ɛka Yesu Kristo gyeɛ botaeɛ no ho asɛm ma ɛyɛ fɛ sene Yesaia 53. Dwene dwumadie ahoroɔ te sɛ yeinom ho na woate nkyerɛkyerɛ a tumi wom yi ase yie na wode adi dwuma:

• Dwene anaasɛ susu sɛdeɛ abasɛm ne sini ahoroɔ taa kyerɛ akokoɔdurofoɔ a wɔgye nkorɔfoɔ no ho. Fa saa nyikyerɛ ahoroɔ no toto Agyenkwa no nyikyerɛ ahoroɔ a ɛwɔ Yesaia 53ho.

• Sɛ wokenkan nkyekyɛmu biara wie a, twɛn kakra fa dwene amane a Agyenkwa no hunuiɛ ho—“yea,” “awerɛhoɔ,” ne “mmaratoɔ” ahoroɔ a Ɔsoaeɛ—maa nnipa nyinaa na titire no, wo. Wobɛtumi de “me” ne “me” asi nsɛmfua te sɛ “yɛn” ne “yɛn” ananmu berɛ a wokenkan no. Deɛn atenka anaasɛ adwennwene na saa nkyekyɛmu yi kanyan wɔ wo mu?

• Dwene ho sɛ wobɛhwɛ sini “My Kingdom Is Not of This World” (Asɛmpa Akoraeɛ), na dwene sɛdeɛ nkɔnhyɛ ahoroɔ a ɛwɔ Yesaia 53 baa mu. Yea ne awerɛhoɔ bɛn na Agyenkwa no soa ma wo?

  

  5:25

• Hwehwɛ nsɛm a ɛsisii a ɛfa Yesu Kristo Mpata no ho mfonin (hwɛ Gospel Art Book, nos. 56–60). Afei wo bɛtumi ahwehwɛ kasasin ahoroɔ wɔ Yesaia 53 a ɛkyerɛkyerɛ dwumadie ahoroɔ a ɛwɔ mfonin no mu. Deɛn na saa nkyerɛkyerɛ yi kanyan wo sɛ yɛ?

San hwɛ “Behold the Great Redeemer Die,” Nnwom,, no. 191.

Yɛn nyinaa wɔ mmerɛ a yɛte nka sɛ yɛatwe yɛn ho afiri Awurade ho ɛnam yɛn bɔne anaasɛ yɛn mmrɛyɛ nti. Ebinom mpo apa aba sɛ Ɔremfa nkyɛ wɔn da. Yesaia 54 ne 57 yɛ ti akɛseɛ a ɛsɛ sɛ wokenkan de nya awerɛhyɛmu ne nkuranhyɛ wɔ mmerɛ a ɛtete saa mu. Titire wɔ Yesaia 54:4–10; 57:15–19, nsɛm bɛn na ɛkyerɛkyerɛ wo sɛdeɛ Agyenkwa no dwene fa wo ho? Sɛ wohunu saa nneɛma yi afa Ne ho a nsakraeɛ bɛn na ɛba w’abrabɔ mu?

Titenani Dieter F. Uchtdorf kyerɛkyerɛɛ sɛ:

“Ɛmfa ho ne baabi a yɛn abrabɔ asɛe akɔduru. Ɛmfa ho ne sɛdeɛ yɛn bɔne kɔkɔɔ teɛ, sɛdeɛ yɛn abufuo teɛ, sɛdeɛ yɛayɛ ankonam, wɔayi yɛn totwene, anaa yɛn akoma abubu ayɛ. Mpo wɔn a wɔnni anidasoɔ, wɔn aba mu abuo, wɔayi wɔn ama, wɔato wɔn mudie atwene, anaasɛ wɔatwe wɔn ho afiri Onyankopɔn ho bɛtumi apagya bio.

“Anigyesɛm a ɛwɔ asɛmpa no ho nie: esiane ɛnniawieeɛ anigyeɛ nhyehyɛeɛ a yɛn Soro Agya dɔfoɔ nam Yesu Kristo afɔrebɔ a ɛnni awieeɛ so de ama yɛn nti, nyɛ sɛ wɔbɛgye yɛn afiri yɛn ahweaseɛ mu ate yɛn ho nko ara, yɛbɛtumi nso atra wiase nsusuiɛ na yɛabɛyɛ ɛnniawieeɛ nkwa adedifoɔ na yɛabɛka Onyankopɔn animuonyam a ɛnni nkyerɛkyerɛmu no ho” (“He Will Place You on His Shoulders and Carry You Home,” Liahona, Kɔtɔnima 2016, 102).

San hwɛ Patrick Kearon, “God’s Intent Is to Bring You Home,” Liahona, Kɔtɔnima 2024, 87–89.

Wɔ awoɔntoatoasoɔ pii mu, wɔahunu Israel sɛ Onyankopɔn apam nkorɔfoɔ. Nanso, Onyankopɔn nhyehyɛeɛ no awɔ hɔ ama aman a ɛboro baako berɛ biara, ɛfiri sɛ wɔfrɛ “obiara a sukɔm de no” sɛ “ɔmmra nsuo no ho” (Yesaia 55:1). Fa yei to wo tirim berɛ a wokenkan Yesaia 55 ne 56, na susu deɛ ɛseɛ kyerɛ sɛ mobɛyɛ Onyankopɔn nkorɔfoɔ ho. Deɛn ne Onyankopɔn nkrasɛm ma wɔn a wɔte nka sɛ “wɔate wɔn ho koraa” afiri Ne ho? (Yesaia 56:3). Dwene ho sɛ wobɛhyɛ nkyekyɛmu ahoroɔ a ɛkyerɛkyerɛ wɔn a “wɔkura m’apam mu” no suban ne wɔn nneyɛɛ nso” (hwɛ Yesaia 56:4–7).

• Ɛbɛtumi ayɛ anika ama wo nkwadaa sɛ wɔbɔhunu kasasin ahoroɔ te sɛ “nyane,” “sɔre gyina hɔ,” ne “hyɛ w’ahoɔden aduradeɛ” wɔ Yesaia 51:9, 17; 52:1–2, 9 na afei wɔayɛ kasasin ahoroɔ no. Moayɛ saa akyi no, mobɛtumi akasa afa deɛ nyane, sɔre gyina hɔ, na hyɛ honhom mu ahoɔden aduradeɛ ase kyerɛ. Deɛn na Awurade sɛ yɛnyɛ wɔ saa nkyekyɛmu yi mu?

• Wo nkwadaa bɛtumi nso akenkan Yesaia 51:1, 4, 7 na wɔahunu wɔn a Awurade rekasa kyerɛ wɔn ne deɛ Ɔpɛ sɛ wɔyɛ. Deɛn na “tie” Awurade ase kyerɛ? Sɛn na yɛbɛtumi akyerɛ Awurade sɛ “yɛtie” No?

• Wo ne wo nkwadaa bɛtumi ahwɛ mfonin ahoroɔ pii a ɛkyerɛ Yesu Kristo amanehunu ne ne wuo (hwɛ, sɛ nhwɛsoɔ, Gospel Art Book, nos. 56, 57, 58). Afei mobɛtumi abom akenkan Isaiah 53:3–6, 9 na moahwehwɛ nsɛm a ɛkyerɛkyerɛ deɛ ɛrekɔso wɔ mfonin no mu. Boa wo nkwadaa ma wɔnte aseɛ sɛ Yesaia kaa nokorɛ ahoroɔ yi ho asɛm mfeɛ ha pii ansa na ɛreba. Adɛn nti na ɛbɛhia sɛ nkorɔfoɔ di kan hunu saa nneɛma yi mfeɛ pii ansa? (hwɛ Alma 39:15–19).

• Moakenkan Yesaia 53:4, “Wafa yɛn yea, na wasoa yɛn awerɛhoɔ akyi no,” wo nkwadaa bɛtumi abɔ mmɔden sɛ wɔbɛpagya adeɛ bi a ɛmu yɛ duru (anaasɛ ayɛ wɔn ho sɛ wɔrepagya bi). Monka sɛdeɛ “yea” ne “awerɛhoɔ” mu bɛtumi ayɛ duru na ayɛ den sɛ yɛsoa. Adɛn nti na Yesu soaa yɛn “yea,” “awerɛhoɔ,” ne “amumuyɛ” anaasɛ bɔne? (san hwɛ Alma 7:11–12).

• Sɛdeɛ wobɛkyerɛ wo nkwadaa fa Yesaia 55:6ho no, wobɛtumi de Yesu mfonin asie dan no mu baabi. Wobɛtumi ama nkwadaa ahwehwɛ mfonin no na wɔaka kwan baako a wɔbɛtumi “ahwehwɛ Awurade berɛ a wɔbɛtumi ahunu no.” Dwom te sɛ “Seek the Lord Early” (Nkwadaa Nnwomnwoma, 108) bɛtumi ama wɔn nsusuiɛ. Afei wobɛtumi ama nkwadaa no baako de mfonin no asie na moasan ayɛ dwumadie no.

• Moakenkan Yesaia 55:9awie no, ɛbɛtumi ayɛ anika sɛ wo nkwadaa bɛgyina adwa so na wɔaka sɛdeɛ nneɛma yɛ soronko berɛ a wowɔ “soro.” Anaasɛ wɔbɛtumi ayɛ mfonin fa deɛ Yesaia 55:9 ase kyerɛ ma wɔn ho. Afei mobɛtumi akasa afa Awurade akwan a ɛkorɔn sene yɛn akwan no bi ho. Nhwɛsoɔ, sɛn na Ɔyɛ abɔneyɛfoɔ? (hwɛ Marko 2:15–17). Sɛn na Ɔdi afoforɔ anim? (hwɛ Mateo 20:25–28). Ka sɛdeɛ woasua sɛ wode wo ho bɛto Awurade akwan ne nsusuiɛ a ɛkorɔn so no kyerɛ wo nkwadaa.