Исаиа 50–57

Хэдийгээр израилчууд өөрсдийн буруу сонголтын улмаас олон жил боолчлолд байсан ч Их Эзэн тэднийг ирээдүйгээ итгэл найдвараар хараасай хэмээн хүссэн. Танд итгэл найдвар өгөх юуг та Исаиагийн захиаснаас олж уншисан бэ? Дараах хүснэгт судлахад тань тус болж болох юм. Үүнд:

Мөн Мозая 12:20–24; 15:13–18; 3 Нифай 20:29–46; Сургаал ба Гэрээнүүд 113:7–10; Рассэлл М.Нэлсон, “Ирээдүйгээ итгэлээр хүлээн ав,” 2020 оны 10-р сарын Ерөнхий чуулган, 77–80-ыг үзнэ үү.

Есүс Христийн гэтэлгэлийн үйл хэргийг Исаиа 53-аас илүү сайхан дүрсэлсэн судрын бүлэг ховор. Эдгээр хүчирхэг сургаалыг илүү сайн ойлгож, хэрэгжүүлэхийн тулд дараах үйл ажиллагаануудыг хийхийг бод:

• Хүмүүсийг авардаг баатруудыг түүх, кинонд хэрхэн дүрсэлдгийг тунгаан бодох юм уу ярилц. Эдгээр дүрслэлийг Исаиа 53 дахь Аврагчийн дүрслэлтэй харьцуул.

• Шүлэг бүрийг уншсаны дараа түр зогсож, Аврагчийн бүх хүний, ялангуяа таны өмнөөс үүрсэн бүх “өвчин зовуурь,” “зовлон шаналал,” “сул дорой байдлын” талаар эргэцүүлэн бод. Та уншихдаа “бид,” “бидний” гэх мэт үгсийг “би,” “миний” гэсэн үгсээр орлуулж болно. Эдгээр шүлгийг уншихад танд ямар мэдрэмж, бодол төрсөн бэ?

• “Миний хаант улс энэ дэлхийнх биш” (Gospel Library) видеог үзээд, Исаиа 53 дахь бошиглолууд хэрхэн биелснийг тунгаан бод. Аврагч бидний өмнөөс ямар ямар өвчин, шаналлыг тээдэг вэ?

  

  5:22

• Есүс Христийн Цагаатгалтай холбоотой үйл явдлуудыг дүрсэлсэн зургуудыг ол (Сайн мэдээний зургийн цуглуулга, д. 56–60-ыг үзнэ үү). Дараа нь та Исаиа 53-аас зургууд дээрх үйл явдлуудыг дүрсэлсэн хэллэгүүдийг олж болно. Эдгээр сургаал таныг юу хийхэд сүнслэгээр өдөөдөг вэ?

“Амиа өгөв Гэтэлгэгч минь,” Дуулал, д. 94-ийг үзнэ үү.

Бид заримдаа өөрсдийн сул дорой байдал эсвэл гэм нүглээс болж Их Эзэнээс холдож байгаагаа мэдрэх үе бий. Зарим нь Тэрээр хэзээ ч өөрсдийг нь уучлахгүй гэдэгт итгэсэн байдаг. Исаиа 54, 57 нь ийм үед тайтгарал, урам зориг авахын тулд уншиж болох гайхалтай бүлгүүд юм. Ялангуяа Исаиа 54:4–10; 57:15–19-д ямар үгс Аврагч таны талаар ямар бодолтой байдгийг зааж байна вэ? Түүний талаар эдгээр зүйлийг мэдэх нь таны амьдралыг хэрхэн өөрчилсөн бэ?

Ерөнхийлөгч Дийтр Ф.Угдорф ийн заасан.

“Бидний амьдрал бүрэн сүйрсэн мэт санагдсан ч хамаагүй. Бидний гэм нүгэл хэчнээн буруу, бидний хорсол хэчнээн гүн, бидний зүрх сэтгэл хэчнээн ганцаардсан, хаягдсан, эмтэрсэн байсан ч хамаа байхгүй. Тэр ч байтугай итгэл найдвар байхгүй, цөхрөлд амьдардаг, бусдын итгэлийг алдсан, шударга байдлаас татгалздаг, Бурханаас холдсон хүмүүс ч гэсэн сэргээгдэж болно. …

Сайн мэдээний баярт мэдээ бол бидний Тэнгэрлэг Эцэгээр өгөгдсөн аз жаргалын мөнхийн төлөвлөгөө, Есүс Христийн хэмжээлшгүй золиослолоор дамжуулан бид зөвхөн уналтын байдлаасаа гэтэлгэгдэж, цэвэр байдалд сэргээгдээд зогсохгүй бас мөнх бус төсөөллөөс давж, мөнх амьдралын өв залгамжлагчид, Бурханы үгээр дүрслэхийн аргагүй алдар сууг хүртэгчид болж чадна” (“Тэр таныг мөрөн дээрээ тавиад, гэртээ авчрах болно,” 2016 оны 4-р сарын Ерөнхий чуулган, 89).

Мөн Патрик Кийрон, “Биднийг гэртээ аваачих нь Бурханы зорилго юм” гэсэн үгийг Лиахона, 2024 оны 5-р сар, 87–89-өөс үзнэ үү.

Израилчууд үе удмаараа Бурханы гэрээний хүмүүс хэмээн тодорхойлогддог байв. Гэсэн хэдий ч анхнаасаа Бурхан төлөвлөгөөгөө ганцхан үндэстэнд зориулаагүй. Учир нь “цангагч бүгдийг” “ус руу ирэгтүн” (Исаиа 55:1) хэмээн урьсан. Исаиа 55, 56-г уншихдаа үүнийг санаж, Бурханы ард түмэн байх гэдэг нь юу гэсэн үг болохыг тунгаан бод. Бурханаас үнэхээр “салсан” гэж боддог хүмүүст Бурхан ямар захиас өгсөн бэ? (Исаиа 56:3). “Гэрээг минь чанд мөрдөгч” (Исаиа 56:4–7-г үзнэ үү) хүмүүсийн хандлага, үйлдлийг дүрсэлсэн шүлгүүдийг тэмдэглэх талаар бодож үз .

• Хүүхдүүд Исаиа 51:9, 17; 52:1–2, 9-д гардаг “сэрэгтүн,” “босогтун,” “сүр хүчээ өмсөөч” гэх мэт үг хэллэгийг олоод, тэдгээр үг хэллэгээ үйлдлээр харуулах нь таалагдаж болох юм. Үүний дараа сэрж, босож, сүнслэг байдлын хувьд хүчирхэг байхын утга учир юу болохыг ярилцаж болно. Энэ шүлэгт Их Эзэн биднийг юу хийгээсэй гэж хүсэж байна вэ?

• Хүүхдүүд тань Исаиа 51:1, 4, 7-г уншаад, Их Эзэн хэнд хандан ярьж, тэднээр юу хийлгэхийг хүсэж байгааг тодорхойлж болно. Их Эзэнийг “сонсогтун” гэдэг нь юу гэсэн утгатай вэ? Бид Их Эзэнийг “сонс[догоо]” хэрхэн Түүнд харуулах вэ?

• Та хүүхдүүдтэйгээ Есүс Христийн зовлон, үхлийг харуулсан хэд хэдэн зургийг үзэж болно (жишээ нь: Сайн мэдээний зургийн цуглуулга, д. 56, 57, 58-ыг үзнэ үү). Дараа нь Исаиа 53:3–6, 9-ийг хамтдаа уншаад, зургуудад болж буй үйл явдлыг дүрсэлсэн үгсийг олж болно. Исаиа эдгээр үнэнийг тохиохоос нь хэдэн зуун жилийн өмнө хуваалцсан гэдгийг ойлгоход нь хүүхдүүддээ тусал. Хүмүүс эдгээр зүйлийг олон жилийн өмнөөс мэддэг байх нь яагаад чухал байж болох вэ? (Алма 39:15–19-ийг үзнэ үү).

• Исаиа 53:4-өөс “Тэр бидний сул дорой байдлыг тээж өвчин зовлонг маань үүрчээ“ гэж уншсаны дараа танай хүүхдүүд хүнд зүйл өргөж (эсвэл өргөж байгаа дүр эсгэх) гэж үзэж болно. “Сул дорой байдал,” “өвчин зовлон” (эсвэл уйтгар гуниг) зэрэг нь хүнд бөгөөд тээж явахад хэцүү гэдгийг тайлбарла. Тэр яагаад бидний “сул дорой байдал,” “өвчин зовлон,” “гэмт үйлдлийн” улмаас зовсон бэ? (Мөн Алма 7:11–12-ыг үзнэ үү).

• Хүүхдүүддээ Исаиа 55:6-ийн тухай заахын тулд өрөөний хаа нэгтээ Есүсийн зургийг нууж болно. Та нар хүүхдүүдээ зургийг олоод, “Их Эзэнийг хайж байхдаа Түүнийг “хайж олох” нэг арга замыг нэрлэхэд урьж болно. “Их Эзэнийг эрэлхийл” (Хүүхдийн дууны ном, д. 67) дууг дуулах нь тэдэнд зарим санааг өгч болох юм. Дараа нь та нэг хүүхдээр зургийг нуулгаад, үйл ажиллагааг нь дахин хийж болно.

• Исаиа 55:9-ийг уншсаны дараа хүүхдүүдэд сандал дээр зогсоод, “өндөр” газраас юмс хэрхэн өөр харагддаг тухай ярилцах таалагдаж болох юм. Эсвэл Исаиа 55:9 тэдний хувьд ямар утга агуулгатай болохыг зурж болно. Та дараа нь Их Эзэний зам хэрхэн бидний замаас илүү өндөр байдаг талаар хүүхдүүдтэй ярилцаж болох юм. Жишээлбэл: Тэрээр нүгэлтнүүдэд хэрхэн ханддаг вэ? (Марк 2:15–17-г үзнэ үү). Тэр бусдыг ямар арга замаар удирддаг вэ? (Матай 20:25–28-ыг үзнэ үү). Та Их Эзэний дээгүүр түвшний арга зам, бодол санаанд хэрхэн итгэж сурснаа хүүхдүүдэд хуваалц.