යෙසායා 1–12

ගැලවුම්කරුවාණන් මෙසේ ඉගැන්වූවා “[යෙසායා] කථා කළ සියලු දෙවල් සිදුවූ අතර එසේම ඔහු කථා කළ දේවල් එම ආකාරයටම සිදුවන්නේය” (3 නෙපී 23:3). ඔබ යෙසායාගේ පොත අධ්‍යයනය කරන විට, යෙසායාගේ දවස, ගැලවුම්කරුවාණන්ගේ ලෞකික දේවසේවය සහ අවසාන දවස් වැනි මාතෘකා සහිත අනාවැකි සටහනක් සෑදීම ගැන සලකා බලන්න. යෙසායාගේ අනාවැකි බොහොමයක් එක් ආකාරයකට වඩා වැඩි ආකාරයකින් ඉටු වන බව සලකන්න

සභාපති ඩැලන් එච්. ඕක්ස් මෙසේ ඉගැන්වූවා: “යෙසායාගේ පොතේ බහුවිධ ඉටුවීම් ඇති බවක් පෙනෙන බොහෝ අනාවැකි අඩංගු වෙනවා. එකක් යෙසායාගේ කාලයේ සිටි මිනිසුන් හෝ ඊළඟ පරම්පරාවේ තත්වයන් සම්බන්ධ බව පෙනෙන්නට තිබෙනවා. තවත් අර්ථයක්, බොහෝ විට සංකේතාත්මක, දෙවියන්වහන්සේගේ පුත්‍රයාණන් කුරුසියේ ඇණ ගැසීමෙන් පසු යෙරුසලම විනාශ වූ අතර එහි ජනයා විසිරී ගිය විට, උච්චතම කාලයේ සිදුවීම් වෙත යොමු වන බව පෙනෙනවා. එම අනාවැකියේම තවත් අර්ථයක් හෝ ඉටුවීමක් ගැලවුම්කරුවාණන්ගේ දෙවන පැමිණීමට සහභාගී වන සිදුවීම් හා සම්බන්ධ බව පෙනෙනවා. මෙම අනාවැකි බොහෝමයකට බහුවිධ අර්ථයන් තිබිය හැකි බව, ඒවා අර්ථ නිරූපණය කිරීමට අපට උපකාර කිරීම සඳහා ශුද්ධාත්මයාණන්ගෙන් අප හෙළිදරව් කිරීම සෙවීමේ වැදගත්කම අවධාරනය කරනවා” (“Scripture Reading and Revelation,” Ensign, Jan. 1995, 8).

සෑම කාලයකම අනාගතවක්තෘවරුන් මෙන්, යෙසායා ඔවුන්ගේ අධ්‍යාත්මික තත්වය ගැන මිනිසුන්ට නොකඩවා අනතුරු ඇඟෙව්වා. ඔබ යෙසායා 1; 3; 5 කියවන විට, මිනිසුන් අධ්‍යාත්මිකව කටයුතු කරන ආකාරය විස්තර කරන වාක්‍ය ඛණ්ඩ සොයන්න (බලන්න, උදාහරණයක් ලෙස, යෙසායා 1:2–4, 21–23; 3:9, 16–17; 5:11–12, 20–23). අපේ කාලයේ ඔබ දකින ඒ හා සමාන ගැටළු මොනවාද? ඉශ්‍රායෙල් සෙනඟගේ අධ්‍යාත්මික තත්වයේ ප්‍රතිවිපාක ගැන අනතුරු අඟවන පදද ඔබට සොයන්න පුළුවන් (යෙසායා 1:7; 3:17–26; 5:5–7, 13–15 වැනි).

අනතුරු ඇඟවීම් වලට අමතරව, යෙසායා ගැලවුම්කරුවාණන් තුළින් මිදීම සඳහා බලාපොරොත්තුවේ පණිවිඩ ලබා දුන්නා (බලන්න, උදාහරණයක් ලෙස, යෙසායා 1:16–19, 25–27; 3:10; 4). මෙම පණිවිඩවලින් ඔබ ස්වාමින්වහන්සේ ගැන ඉගෙනගන්නේ මොනවාද? මෙම පදවල ඇති ස්වාමින්වහන්සේගේ පණිවිඩය අප විශ්වාස කරනවාට සාතන්ට අවශ්‍ය දේට වඩා වෙනස් වන්නේ කෙසේද?

යෙසායා මෙන්, අද දින අනාගතවක්තෘවරුන් පාපය සහ එහි ප්‍රතිවිපාක ගැන අපට අනතුරු අඟවන අතර ඔවුන් යේසුස් ක්‍රිස්තුස්වහන්සේ තුළින් බලාපොරොත්තුවේ පණිවිඩ සපයනවා. ඔබට සිතිය හැකි උදාහරණ මොනවාද? එවැනි අනතුරු ඇඟවීම් සහ පොරොන්දු සොයමින් ඔබට පසුගිය ප්‍රධාන සම්මන්ත්‍රණයකින් පණිවිඩයක් සමාලෝචනය කිරීමට අවශ්‍ය වෙන්න පුළුවන්.

යෙසායාගේ බොහෝ අනාවැකි තුළ අපගේ දවස සඳහා නිශ්චිත අර්ථයක් තිබෙනවා. ඒවා සොයා ගැනීමට, අනාගත කාල ක්‍රියාපද සොයන්න (“විය යුතුය” හෝ “යනු ඇත” වැනි). උදාහරණයක් ලෙස, ඔබ යෙසායා 2; 4; 11–12 කියවන විට මෙම ක්‍රියා පද සොයන්න. ඔබට ඒවා වර්තමාන-කාල ක්‍රියාපද සමඟ ප්‍රතිස්ථාපනය කිරීමට උත්සාහ කරන්න පුළුවන් (වේ හෝ වීමට යයි වැනි). ඔබව විශේෂයෙන් පොළඹවන්නේ කුමන අනාවැකිද? සයොනය, දේවමාළිගා ගොඩනැඟීම සහ ඉශ්‍රායෙල් සෙනඟ එක්රැස් කිරීම පිළිබඳ මෙම අනාවැකිවලින් ඔබ ඉගෙනගන්නේ මොනවාද?

යෙසායා 2:2–3 පසුදවස්වල ශුද්ධවන්තයන්ට විශේෂයෙන් අදාළ වෙනවා. මෙම අනාවැකි ඉටු වෙන්නේ කොහොමද? ස්වාමින්වහන්සේගේ ගෘහයේ “මාර්ග” සහ “මාවත්” ගැන ඔබ ඉගෙනගන්නේ මොනවාද? (3 වෙනි පදය).

තවත් බලන්න යෙසායා 5:26.

යෙසායා 6 හි, යෙසායා අනාගතවක්තෘවරයෙකු වීමට වූ ඔහුගේ කැඳවීම ගැන විස්තර කරනවා. ඔබ මෙම පරිච්ඡේදය කියවන විට, යෙසායාගේ අත්දැකීම ගැන ඔබේ සිත් ගත්තේ කුමක්ද? ස්වාමින්වහන්සේ ගැන, උන්වහන්සේගේ අනාගතවක්තෘවරුන් ගැන සහ ඔවුන්ව කිරීමට කැඳවා ඇති කාර්යය ගැන ඔබ සිතන ආකාරය කෙරෙහි මෙම පරිච්ඡේදය බලපාන්නේ කෙසේද?

යෙසායාගේ දේවසේවයේදී, ඉශ්‍රායලය සිරියාවට එරෙහිව ආරක්ෂා වීමට ඔවුන් සිරියාව සමඟ මිත්‍රසම්මුතියක් ඇති කරගත්තා. ඉශ්‍රායෙලයට සහ සිරියාවට අවශ්‍ය වූයේ යූදා හි රජු වූ ආහාස්ට ඔවුන් හා එක්වන ලෙස බල කිරීමටයි. නමුත් යෙසායා විසින් මෙම මිත්‍රසම්මුතිය අසාර්ථක වන බව අනාවැකි පළ කළ අතර ස්වාමින්වහන්සේ කෙරෙහි විශ්වාසය තබන ලෙස ආහාස්ට උපදෙස් දුන්නා (යෙසායා 7:7–9; 8:12–13).

යෙසායා ආහාස්ට උපදෙස් දෙන අතරතුර, ඔහු යෙසායා 7:14; 8:13–14; 9:2, 6–7 හි සඳහන් අනාවැකි වැනි සුප්‍රසිද්ධ අනාවැකි කිහිපයක්ම කිව්වා. මෙම අනාවැකි ආහාස්ට කුමක් අදහස් කළත්, ඒවා පැහැදිලිවම යේසුස් ක්‍රිස්තුස්වහන්සේට අදාළ වෙනවා. (තවත් බලන්න මතෙව් 1:21–23; 4:16; 21:44; ලූක් 1:31–33). “එම්මානුවෙල්” යන නම ගැලවුම්කරුවාණන්ට හොඳ පටබැඳිනාමයක් වෙන්නේ ඇයි? (බලන්න මතෙව් 1:23). උන්වහන්සේව ඔබට “උපදේශකයෙකු” හෝ “සාමයේ කුමාරයා” වෙන්නේ කොහොමද? (යෙසායා 9:7). මෙම පදවලින් ගැලවුම්කරුවාණන් ගැන ඔබ තවත් ඉගෙන ගන්නේ මොනවාද?

• යෙසායා 1:2–4 තුළ, ඔබට සහ ඔබේ දරුවන්ට ස්වාමින්වහන්සේ ජනතාව සමඟ සතුටු නොවූ බවට හේතු සොයාගන්න පුළුවන්. 3 වෙනි පදයේ සතුන් සමඟ සැසඳීම සැලකිල්ලට ගන්න—අපගේ “ස්වාමියා” කවුද? අපි උන්වහන්සේව හඳුනන බව පෙන්වන්නේ කෙසේද?

• යෙසායා 1:16–18 සිතින් මවා ගැනීමට, ඔබට සහ ඔබේ දරුවන්ට දීප්තිමත් රතු දෙයක් සහ පිරිසිඳු සුදු දෙයක් දෙස බලන්න පුළුවන්. එසේත් නැතිනම් ඔබට යමක් සේදීමට එකට එක්ව වැඩ කරන්න පුළුවන්. අපි ආධ්‍යාත්මිකව අපවිත්‍ර වෙන්නේ කොහොමද? පවිත්‍ර වීමට යේසුස්වහන්සේ අපට උපකාර කරන්නේ කොහොමද? මෙම පදවලින් ගැලවුම්කරුවාණන් ගැන අප ඉගෙනගන්නේ කුමක්ද? උන්වහන්සේ ගැන ඔබට හැඟෙන ආකාරය සහ උන්වහන්සේ ඔබ වෙනුවෙන් කර ඇති දේ ඔබේ දරුවන් සමඟ බෙදා ගන්න.

• “ස්වාමින්වහන්සේගේ ගෘහයේ කන්ද” “සියලු ජාතීන්” වල මිනිසුන් ආකර්ෂණය කරන කාලයක් ගැන යෙසායා පුරෝකථනය කළා (යෙසායා 2:2). ස්වාමින්වහන්සේගේ ගෘහයට යෑම ගැන ඔබේ දරුවන්ට උද්යෝගිමත් වීමට ඔබට උපකාර කරන්න පුළුවන් කොහොමද? ඔවුන්ගේ නිවසේ පින්තූරයක් ඇඳීමට ඔබට ඔවුන්ට ආරාධනා කරන්න පුළුවන්. ඉන්පසු එකට එක්ව යෙසායා 2:2 කියවා, දේවමාළිගාවක් වන “ස්වාමින්වහන්සේගේ ගෘහයේ” පින්තූරයක් අඳින්න කියා ඔවුන්ට ආරාධනා කරන්න. එකට එක්ව යෙසායා 2:3 කියවන්න. ඔවුන්ගේ පවුලේ අය ඇතුළුව දේවමාළිගාවට බොහෝ පිරිසක් එන ආකාරය ඔවුන්ගේ පින්තූරවලට එකතු කිරීමට ඔවුන්ට ආරාධනා කරන්න.

• ඔබට එකට එක්ව යෙසායා 2:2–3 කියවා, ඔබටත් ඔබේ දරුවන්ටත් දේවමාළිගාවට යාමට පොළඹවන දෙයක් හඳුනාගන්න. ඉන්පසු එකට එක්ව, යෙසායා 2:4 කියවීමෙන් පසු, දේවමාළිගාව ඔවුන්ට සාමය ගෙන දෙන ආකාරය ගැන සාකච්ඡා කරන්න ඔබට පුළුවන්. දේවමාළිගාව ගැන කියවෙන ගීතයක් ගායනා කිරීම සලකා බලන්න. දේවමාළිගාව යනු කුමක්ද සහ එහි අප කරන්නේ කුමක්දැයි අපට, කියාදෙන එම ගීතයේ වචන සොයා ගැනීමට ඔබේ දරුවන්ට උපකාර කරන්න.

• ක්‍රිස්තුස්වහන්සේ පිළිබඳ යෙසායාගේ අනාවැකි හඳුන්වා දීමට, ඔබට සහ ඔබේ දරුවන්ට සභාපතිවරයා, සභා නායකවරයා හෝ ගුරුවරයා වැනි පුද්ගලයින්ගේ පදවි නාම ගැන කතා කරන්න පුළුවන්. මෙම පදවි නාම මෙම පුද්ගලයින් ගැන අපට පවසන්නේ මොනවාද? යෙසායා 7:14 සහ 9:6–7 තුළ යේසුස් ක්‍රිස්තුස්වහන්සේගේ පටබැඳි නාම සොයා ගැනීමට ඔබේ දරුවන්ට උදවු කරන්න (මෙම සතියේ ක්‍රියාකාරකම් පිටුවද බලන්න). මේ සෑම පටබැඳි නාමයකින්ම උන්වහන්සේ ගැන උගන්වන්නේ කුමක්ද? මෙම පදවලින් යේසුස් ක්‍රිස්තුස්වහන්සේ ගැන අප තවත් ඉගෙන ගන්නේ මොනවාද?

• යේසුස් ක්‍රිස්තුස්වහන්සේ ඉපදීමට වසර ගණනාවකට පෙර යෙසායා උන්වහන්සේව ගැන දැන සිටියේ මොනවාදැයි කියා විමසීමට වරින් වර නවත්තන්න. පසුව ඔබට යෙසායා 7:14; 9:6–7 තුළ යෙසායාගේ අනාවැකි සම්පූර්ණ වුනේ කොහොමද යන්න කතා කිරීමට මතෙව් 1:21–23; ලූක් 1:31–33 භාවිතා කරන්න පුළුවන්.

  

  1:18