හිතෝපදේශ 1–4; 15–16; 22; 31; දේශනාකාරයා 1–3; 11–12

හිතෝපදේශ සහ දේශනාකාරයා යන පොත් ප්‍රඥාව පිළිබඳ තීක්ෂණ බුද්ධියෙන් පිරී තිබෙනවා. හිතෝපදේශ 1–4; 15–16; දේශනාකාරයා 1–3; 11–12 තුළ ඔබ සොයා ගන්නා පරිදි “ප්‍රඥාව” යන වචනය සහ “දැනුම” සහ “අවබෝධය” වැනි එයට අදාළ වචන සලකුණු කිරීම ගැන සලකා බලන්න. ප්‍රඥාව ගැන ඔබ සිතන ආකාරයට මෙම පරිච්ඡේද බලපාන්නේ කොහොමද? ඔබ සොයාගත් දේ මත පදනම්ව, “ස්වාමින්වහන්සේ දෙන” ප්‍රඥාව ඔබ විස්තර කරන්නේ කොහොමද? (ගීතාවලිය 2:6). දෙවියන්වහන්සේගේ ප්‍රඥාවෙන් ලැබෙන ආශිර්වාද මොනවාද?

තවත් බලන්න මතෙව් 7:24–27; 25:1–13.

හිතෝපදේශ සහ දේශනාකාරයා පොත් පුරා දක්නට ලැබෙන තවත් තේමාවක් තමයි “ස්වාමින්වහන්සේ කෙරෙහි භය.” ඔබ කියවන විට මෙම වාක්‍ය ඛණ්ඩයට අවධානය දෙන්න. ඔබට සිතෙන ආකාරයට, ස්වාමින්වහන්සේ කෙරෙහි භය වීම යන්නෙන් අදහස් වන්නේ කුමක්ද? ස්වාමින්වහන්සේ කෙරෙහි භය, වෙනත් ආකාරයේ භයෙන් වෙනස් වන්නේ කොහොමද?

තවත් බලන්න හිතෝපදේශ 8:13.

“[අපගේ] අවබෝධයට නතු වීමට” වඩා “ස්වාමින්වහන්සේ කෙරෙහි විශ්වාසය තැබීම” වඩා හොඳ බව යමෙකුට ඒත්තු ගැන්වීමට ඔබ උත්සාහ කරන්නේ කෙසේද? (ගීතාවලිය 3:5). ඔබ භාවිතා කරන සැසඳීම් හෝ භාණ්ඩ යොදාගනිමින් කරන පාඩම් මොනවාද? ඔබ හිතෝපදේශ 3:5–7 මෙනෙහි කරන විට, ඔබට මෙවැනි වාක්‍ය සම්පූර්ණ කළ හැකි ක්‍රම ගැන සිතන්න: ස්වාමින්වහන්සේව විශ්වාස කිරීම … වගෙයි, අපගේම අවබෝධය මත රඳා සිටීම …වගෙයි

අපගේම අවබෝධය මත රඳා සිටීම නුවණට හුරු නොවන්නේ ඇයි? ස්වාමින්වහන්සේ විශ්වාස කළ හැකි බව ඔබ සොයා ගත්තේ කොහොමද?

එසේ වුවද, සමහර අවස්ථාවලදී ස්වාමින්වහන්සේ කෙරෙහි විශ්වාසය තැබීම අපට අපහසු වෙන්න පුළුවන්. එසේ වන්නේ ඇයි? වැඩිහිටි ජෙරිට් ඩබ්. ගොන්ග්ගේ “නැවත විශ්වාස කරන්න” (ලියහෝනා, නොවැ. 2021, 97–99) යන පණිවිඩය තුළ ප්‍රයෝජනවත් උපදෙස් සමඟින් හේතු කිහිපයක් යෝජනා කරනවා. මෙම පණිවිඩය තුළ සොයාගන්නා, යමෙකුට ස්වාමින්වහන්සේ කෙරෙහි ඇති විශ්වාසය නැවත ඇති කර ගැනීමට උපකාර වන කථා හෝ ඉගැන්වීම් මොනවාද?

හිතෝපදේශ 3:6 සහ හිතෝපදේශ 4 යන දෙකම ජීවිතය “මාර්ගයකට” හෝ “මාවතකට” සසඳනවා. ඔබ සිතන ආකාරයට ස්වාමින්වහන්සේට “[ඔබේ] මාර්ග පෙන්වීමට” ඉඩ දීම යන්නෙන් අදහස් කරන්නේ කුමක්ද? (ගීතාවලිය 3:6). “4 වෙනි පරිච්ඡේදය තුළ ඔබ සොයා ගන්නා, [ඔබේ] පාදවල මාර්ගය ගැන මෙනෙහි කිරීමට” (26 වෙනි පදය). ඔබට උපකාර වන දේවල් මොනවාද? උදාහරණයක් වශයෙන්, නිවැරදි මාර්ගය අනුගමනය කිරීමේ ආශිර්වාද ගැන 11–12 සහ 18–19 පදවලින් උගන්වන්නේ මොනවාද? 26–27 පද තුළින් ඔබට අදහස් කරන්නේ කුමක්ද?

තවත් බලන්න 2 නෙපී 31:18-21.

හිතෝපදේශ 15–16 තුළ සමහර අදහස් ඔබ අන් අය සමඟ, විශේෂයෙන් ආදරණීයයන් සමඟ සන්නිවේදනය කරන ආකාරය වැඩිදියුණු කිරීමට ඔබව පොළඹවයි. උදාහරණයක් වශයෙන්, “මෘදු උත්තරයක්” “කෝපය පහ කිරීමට” උපකාර වූ නිශ්චිත අවස්ථා ගැන සිතන්න (හිතෝපදේශ 15:1).

ගැවුම්කරුවාණන් විසින් හිතෝපදේශ 15:1–4, 18 තුළ ඉගැන්වීම් ආදර්ශයට ගත් අවස්ථා ගැනද ඔබට සිතන්න පුළුවන් (බලන්න මාර්ක් 12:13–17; යොහන් 8:1–11). ඔබ අන් අය සමඟ කටයුතු කරන විට ඔබට උන්වහන්සේගේගේ ආදර්ශය අනුගමනය කළ හැක්කේ කෙසේද?

හිතෝපදේශ 15; 16:24–32 තුළ ඇති උපදෙස් වර්තමාන ඩිජිටල් සන්නිවේදනයට අදාළ විය හැක්කේ කෙසේද? සමාජ මාධ්‍ය හරහා හෝ කෙටි පණිවිඩ හරහා අන්තර් ක්‍රියා කිරීම පිළිබඳ උපදෙස් ලෙස, ඔබට නැවත ප්‍රකාශ කළ හැකි පදයක් ඔබට මෙම පරිච්ඡේදවල සොයාගත හැකිදැයි බලන්න.

තවත් බලන්න නීල් එල්. ඇන්ඩර්සන්, “යේසුස්වහන්සේව අනුගමනය කිරීම: සාමය ඇතිකරන්නෙකු වීම,” ලියහෝනා, මැයි 2022, 17–20; රොනල්ඩ් ඒ. රස්බැන්ඩ්, “වචන වැදගත්,” ලියහෝනා, මැයි 2024, 70–77; යෞවනයන්ගේ ශක්තිය සඳහා: තේරීම් කිරීමට මාර්ගෝපදේශයක් (2022), 11–12.

“ගුණවත් ස්ත්‍රියක්” නොහොත් අධ්‍යාත්මික ශක්තියක්, හැකියාවක් සහ බලපෑමක් ඇති ස්ත්‍රියක් ගැන හිතෝපදේශ 31:10–31 විස්තර කරනවා. මේ සෑම පදයක්ම ගුණවත් කාන්තාවන් ගැන පවසන දේ ඔබේම වචනවලින් සාරාංශ කිරීමට ඔබට උත්සාහ කරන්න පුළුවන්. ඔබට අනුකරණය කළ හැක්කේ මෙම ගතිලක්ෂණවලින් කුමන ඒවාද?

දේශනාකාරයා 1–2 ප්‍රකාශ කරන පරිදි මේ ලෝකයේ බොහෝ දේ “නිෂ්ඵල” (හෝ තාවකාලික සහ බොහෝ විට නොවැදගත්) බව මතක තබා ගැනීම ඔබට වටින්නේ ඇයි? දේශනාකාරයා 12 තුළ ඔබ සොයාගන්නා, බලාපොරොත්තුවක් ලබාදෙන දේවල් මොනවාද?

• දෙවියන්වහන්සේට භයවීම පිළිබඳ ඡේද තේරුම් ගැනීමට ඔබේ දරුවන්ට උපකාර කිරීම සඳහා, ඔබට “භය” යන වචනය ගෞරවය, ආදරය හෝ කීකරුකම වැනි වචන සමඟ ආදේශ කරන්න පුළුවන් (තවත් බලන්න හෙබ්‍රෙව් 12:28). මෙම පද ගැන අප සිතන ආකාරයට මෙය බලපාන්නේ කෙසේද? අපි ස්වාමින්වහන්සේට භය බව පෙන්වන්නේ කොහොමද?

• ඔබට සහ ඔබේ දරුවන්ට හිතෝපදේශ 3:5–7 අනුව ඔබේ අතින් හදවතක් සාදා ගැනීම, එක පැත්තකට හේත්තු වීම, තැනින් තැන ඇවිදීම සහ ඔබේ ඇස් යොමු කිරීම වැනි ක්‍රියාවන් කරන්න පුළුවන්. අපගේ මුළු හදවතින්ම යේසුස් ක්‍රිස්තුස්වහන්සේව විශ්වාස කරන බව අපට පෙන්විය හැක්කේ කෙසේද?

• “නුඹේම නුවණෙහි නොපිහිටා” (හිතෝපදේශ 3:5) යන්නෙන් අදහස් කරන්නේ කුමක්ද යන්න පෙන්වීමට, බිත්තියක් වැනි ශක්තිමත් හා ස්ථාවර දෙයකට හේත්තු වීමට ඔබේ දරුවන්ට ආරාධනා කිරීම සලකා බලන්න. පසුව ඔවුන්ට කොස්සක් වැනි ශක්තිමත් නැති දෙයකට හේත්තු වීමට උත්සාහ කරන්න පුළුවන්. එසේත් නැතිනම් පොතක් හෝ කඩදාසි කැබැල්ලක් වැනි විවිධ ඝනකම් ඇති වස්තූන් වෙතට කෝටුවක් හෝ පැන්සලක් හේත්තු කිරීමට උත්සාහ කරන්න පුළුවන්. අපි “අපගේම අවබෝධය” නොව “ස්වාමින්වහන්සේ කෙරෙහි විශ්වාසය තැබීම” (5 වෙනි පදය) වැදගත් වෙන්නේ ඇයි?

• සමහරවිට ඔබට සහ ඔබේ දරුවන්ට, ඔබ හෝ ඔවුන් කෝපයට පත් විය හැකි අවස්ථා ගැන සිතන්න පුළුවන්. එකට එක්ව හිතෝපදේශ 15:1 කියවන්න, ඔබේ දරුවන්ට ඔවුන් සිතූ තත්වයන්ට මෙම පදය අදාළ කර ගැනීමට උදව් කරන්න. සමහර විට ඔවුන්ට “මෘදු පිළිතුරු” පුහුණු වෙන්න පුළුවන්.

• “කෝපයට ප්‍රමාද වීම” (හිතෝපදේශ 15:18) යන්නෙන් අදහස් කරන්නේ කුමක්ද යන්න ඉගෙන ගැනීමට, ඔබට සහ ඔබේ දරුවන්ට, ඔබට (හෝ ඔබ දන්නා කෙනෙකුට) කෝපයක් ඇති වූ නමුත් කරුණාවන්ත වීමට තෝරාගත් අවස්ථා බෙදා ගත හැකිය. අපි “කෝපයට ප්‍රමාද” වුණොත් අපිට ඉක්මනින් කරන්න පුළුවන් දේවල් ගැන සිතීමට ඔබේ දරුවන්ට උදව් කරන්න. උදාහරණයක් වශයෙන්, අපට යේසුස්වහන්සේ ගැන සිතීමට, ස්වර්ගීය පියාණන්වහන්සේගෙන් උපකාර ඉල්ලා සිටීමට, ප්‍රාථමික ගීතයක් ගැන සිතීමට හෝ, හැකි නම්, එතනින් ඉවත්ව යාමට ඉක්මන් වෙන්න පුළුවන්.