“Ayɛwohomumɔ 22–28. ‘Tie Wɔn Mpaebɔ wɔ Ɔsoro’: 2 Samuel 11–12; 1 Ahemfo 3; 6–9; 11,” Bra, Di M’akyi—De ma Efie ne Asɔre: Apam Dada 2026 (2026)
“Ayɛwohomumɔ 22–28. ‘Tie Wɔn Mpaebɔ wɔ Ɔsoro,’” Bra, Di M’akyi: Apam Dada 2026
Solomon Dedicates the Temple at Jerusalem, ɛfiri James Tissot ne afoforɔ hɔ
Ayɛwohomumɔ 22–28: “Tie Wɔn Mpaebɔ wɔ Ɔsoro”
2 Samuel 11–12; 1 Kings 3; 6–9; 11
Saul, Dawid, ne Salomon, Israel ahemfo baasa a wɔdii kan no nyinaa de bɔhyɛ pii na ɛhyɛɛ aseɛ. Ahobrɛaseɛ, akokoɔduro ne anyansafoɔ, wɔn mu biara nyaa Awurade anim adom—anyɛ koraa mfitiaseɛ no. Awerɛhosɛm ne sɛ, ɔhene biara nso gyaee ne ho maa nnipa mmerɛyɛ ne nsɔhwɛ. Wɔmaa wɔn ankasa pɛ dii Awurade deɛ anim. Na sɛdeɛ yɛahunu mpɛn pii wɔ twerɛnsɛm no mu—ne yɛn ankasa abrabɔ mu no—ɛde awerɛhoɔ baeɛ.
Nanso biribi a ɛho hia sii wɔ Salomon ahennie mu a ɛmaa pintinnyɛ ho anidasoɔ bi wɔ apam nkorɔfo no asetena mu. Salomon sii tɛmpol Na ɛwɔ sɛ ɛyɛ Awurade fie a ɛtena hɔ daa kyɛn sɛdeɛ na ntomadan no ayɛ. Na ɛbɛgyina hɔ ama Awurade a ɔwɔ hɔ daa kɛse wɔ Ne nkorɔfoɔ mu. Na Salomon nim sɛ nkorɔfo no bɛkɔ so ahyia mmerɛyɛ ne nsɔhwɛ ahodoɔ. Wɔrehyira fie kronkron no so no, Salomon srɛɛ Awurade sɛ, “Sɛ wɔde wɔn akoma nyinaa san ba wo nkyɛn a, ɛnneɛ tie wɔn mpaebɔ” (1 Ahemfo 8:47–49). Ɛno yɛ deɛ tɛmpol apam ahodoɔ yɛ ma yɛn no fa—ɛma nkutahodie ba yɛne Onyankopɔn ntam. Wɔbɔ bɔhyɛ no ho ban ma yɛn sɛ ɛnam yɛn adwensakyera ne Ne mmɔborohunu so, ɔbɛtumi “atena [yɛn] mu” na ɔrennya yɛn da (1 Ahemfo 6:13).
Sɛ wopɛ 1 Ahemfo nwoma no mu nsɛm nyinaa a, hwɛ “Ahemfo, nwoma” wɔ Twerɛ Kronkron Nsɛm nkyerɛaseɛ nwoma mu.
Nsusuiɛ de ma Adesua wɔ Efie ne Asɔre
2 Samuel 11; 12:1–14
Awurade bɛtumi aboa me ma mayi deɛ ɛyɛ berɛ a wɔsɔ me hwɛ sɛ mɛyɛ bɔne.
Ɛtɔ da a yɛhwɛ nnipa a ayɛ sɛ wɔn gyidie mu yɛ den, na yɛsusu sɛ nsɔhwɛ ntumi wɔn. Dawid yie a ɛyɛ awerɛho a wɔaka ho asɛm wɔ 2 Samuel 11 no kyerɛ pefee sɛ ɛnte saa. Dwene deɛ a wobɛtumi asua afiri ne suahunu ahodoɔ no mu ho. Nsɛmmisa te sɛ yeinom bɛtumi aboa ma woasua 2 Samuel 11–12:
-
Nneɛma bɛn na Dawid yii a ɛde no kɔɔ bɔne kɛseɛ a ɛte saa mu? Nneɛma a ɛtene bɛn na anka ɔbɛtumi ayi mmom? (San hwɛ sini “To Look Upon,” Asɛmpa Akorae.)
4:15To Look Upon
Wode sini ahodoɔ redi dwuma. Sini ahodoɔ bɛtumi aboa ma woayɛ twerɛtohɔ ahodoɔ a ɛfiri twerɛnsɛm no mu mfonin wɔ w’adwenem na woadwene sɛdeɛ ɛfa wo ho no ho. Dwene sɛdeɛ wobɛtumi de adi dwuma ama nkyerɛkyerɛ ne adesua atu mpɔn ho. Sɛ nhwɛsoɔ no, berɛ a morehwɛ “To Look Upon” (Asɛmpa Nwomakorabea) no, dwene ho sɛ wobɛma sini no agyina wɔ mmea ahodoɔ na moadwene anaa moakasa afa nsɛmmisa a wɔasusu wɔ dwumadie yi mu no bi ho.
-
Sɛn na ɔtamfo no rebɔ mmɔden sɛ ɔde wo bɛkɔ bɔne akwan so? Nneɛma bɛn na wobɛtumi ayi seesei na ama woakɔ so anya honhom fam bammɔ?
-
Hyɛ deɛ Dawid yɛɛ wɔ Natan abasɛm no ho nso wɔ 2 Samuel 12:1–6. Deɛn na deɛ Dawid yɛeɛ no kyerɛ fa sɛdeɛ ɔhunu ne ho no ho? Deɛn na Awurade ayɛ de aboa wo ma woahunu wo ho pɛpɛɛpɛ?
-
Sɛn na wobɛbɔ nsɛm a ɛsisii wɔ 2 Samuel 11–12 no mua wɔ kasamu baako kɔkɔbɔ mu?
Sɛ wokenkan fa deɛ Dawid yii a ɛnyɛ no ho a, ɛbɛtumi ama woasua asiane a ɛwɔ adwaman mfonin ne nna mu bɔne ho. Adesua boadeɛ a ɛyɛ papa maa yei ne De ma Mmabunu Ahoɔden: Woreyi Ɔpɛ ho Akwankyerɛ, titire afa a wɔato din “What to do in the moment” ne “Your body is sacred” (nkratafa 21–28). Ebia wobɛtumi ahwɛ saa adesua aboadeɛ no mu apɛ afotuo a anka ɛbɛboa Dawid ma wayi deɛ ɛyɛ. Anaa wobɛtumi akenkan “Jesus Christ will help you” (pages 6–9), ahwehwɛ biribi a anka ɛbɛboa Dawid ma wasan aba Awurade nkyɛn.
Dwene ho sɛ wobɛto dwom bi te sɛ “I Need Thee Every Hour” (Hymns, no. 98) na woadwennwe sɛdeɛ Agyenkwa no ahyɛ wo den berɛ a woahyia nsɔhwɛ no ho.
San hwɛ 2 Nephi 28:20–24; Ulisses Soares, “Seek Christ in Every Thought,” Liahona, Obubuo 2020, 82–85; “Taking Charge of Technology,” Asɛmpa Akoraeɛ; “Watch Your Step” (sini), Asɛmpa Akoraeɛ.
Watch Your Step
1 Ahemfo 3:1–15
Nhumu akyɛdeɛ boa me ma mehunu nsonsonoeɛ a ɛda papa ne bɔne ntam.
Sɛ Awurade ka kyerɛ wo sɛ, “Bisa deɛ memfa mma wo” a (1 Ahemfo 3:5), deɛn na wobɛbisa? Deɛn na w’ani gye ho fa Salomo abisadeɛ no ho? Dwene deɛ enti a “nteaseɛ akoma” a ɛma “wohunu papa ne bɔne” (nkyekyɛmu 9) yɛ akyɛdeɛ a ɛsom bo ho. Deɛn na wobɛtumi ayɛ de ahwehwɛ saa akyɛdeɛ yi?
San hwɛ Moroni 7:12–19.
1 Ahemfo 6–8; 9:1–9
Ɛnam apam a mayɛ wɔ Awurade fie nti, Awurade ne me na ɛte.
Wɔ 1 Ahemfo 6–7 mu no wobɛhunu fie kronkron a Salomo si maa Awurade no ho nkyerɛkyerɛmu a ɛkɔ akyiri. Ebia nkyerɛkyerɛmu no ho renhyɛ da nhia wo sɛdeɛ na ɛhia tete Israelfoɔ no. Nanso sɛ wokenkan saa ti ahodoɔ yi a ɛbɛtumi ama woahunu sɛdeɛ na ɛho hia wɔn sɛ wobɛnya Awurade fie. Adɛn nti na ɛho hia ma wo?
Ebia wobɛdwennwene deɛ Salomo tɛmpol no afa ahodoɔ no gyina hɔ ma ho. Sɛ nhwɛsoɔ no, dwene deɛ kerubim, nnua, ne nhwiren a ɛwɔ 1 Ahemfo 6:35 no bɛtumi agyina hɔ ama ho. (San hwɛ Gyenesis 3:24.)
Ti 8 twerɛ Salomon mpaebɔ berɛ a ɔwiee tɛmpol no (hwɛ nkyekyɛmu 22–61). Dwene ho sɛ wobɛtwerɛ nhyira ahodoɔ a Salomon bisaeɛ no. Deɛn na ɛma w’ani gye nhyira ahodoɔ yi ho? (Hyɛ Awurade bɔhyɛ ahodoɔ nso a ɛwɔ 2 Ahemfo 6:11–13; 9:1–9) no nso. Sɛ woakɔ Awurade fie pɛn a, dwene suahunu ahodoɔ a wnyaeɛ berɛ a wosom wɔ hɔ no ho. Sɛn na tɛmpol apam a wodi so no aboa wo ma woanya Awurade nhyira?
San hwɛ Nkyerɛkyerɛ ne Apam 109; Henry B. Eyring, “I Love to See the Temple,” Liahona, Obubuo 2021, 28–31.
Barranquilla Colombia Tɛmpol
1 Ahemfo 8:61; 11:1–11
“N’akoma anni mu wɔ Awurade ho.”
Deɛn na ɛkyerɛ sɛ “ma w’akoma nni mu wɔ Awurade ho”? (1 Ahemfo 8:61). So ɛno yɛ sononko firi yɛn nneyɛɛ a ɛyɛ pɛ no ho? Adɛn nti? Kenkan 1 Ahemfo 11:1–11, na hyɛ deɛ Awurade ka faa Salomo akoma ho nso. Wobɛtumi adwene ho sɛ ebia nkɛntɛnsoɔ ahodoɔ bi wɔ w’abrabɔ mu a ɛbɛtumi adane w’akoma afiri Awurade ho akɔ “anyame foforɔ” so.
Sɛ wopɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.
Nkwadaa Adekyerɛ ho Adwenekyerɛ
2 Samuel 11
Awurade bɛtumi aboa me berɛ a wɔsɔ me hwɛ.
-
“King David” wɔ Apam Dada mu Abasɛm, 117–20, bɛtumi aboa wo ma woaka abasɛm no akyerɛ wo nkwadaa wɔ 2 Samuel 11. Wobɛtumi ama wo nkwadaa akyerɛ nneɛma a ɛnyɛ a Dawid yii na wɔasusu nneɛma pa a na anka ɔbɛtumi ayi mmom. Deɛn nneɛma na yɛbɛtumi ayɛ berɛ a wɔresɔ yɛn ahwɛ a ɛbɛtumi aboa yɛn ma yɛayi deɛ ɛyɛ?
2:11King David
-
Sɛ yɛkenkan Dawid bɔne a ɛyɛ awerɛhoɔ no a ɛbɛtumi ayɛ akwanya pa a yɛde bɛka asiane a ɛwɔ adwamansɛm mfonin ho asɛm. Sini a wɔato din “Sɛ Mehunu Adwamansɛm mfonin a, Deɛn na Ɛsɛ sɛ Meyɛ?” (Asɛmpa Nwomakorabea) wɔ akwankyerɛ a ɛboa. Boa wo nkwadaa ma wɔnyɛ nhyehyɛeɛ mfa deɛ wɔbɛyɛ berɛ a wɔhyia adwamansɛm mfonin no ho.
5:46What should I do when I see pornography?
1 Ahemfo 8:22–61
Apam a meyɛ no wɔ Awurade fie—na medi soɔ no—boa me ma menate wɔ N’akwan so.
-
Berɛ a wo ne wo nkwadaa sua fa tɛmpol so hyira ho wɔ 1 Ahemfo 8, no, mobɛtumi ahwɛ tɛmpol mfonin ahodoɔ wɔ nnawɔtwe yi nhyehyɛeɛ mu. Ma wo nkwadaa nka deɛ wɔhunu nyinaa wɔ mfonin ahodoɔ no mu. Wobɛtumi asi so dua nkyekyɛmu 57–58. Deɛn na “sɛ wobɛnante [Awurade] akwan nyinaa so” no kyerɛ? (1 Ahemfo 8:58). Ebia wo nkwadaa bɛtumi atu anammɔn baako wɔ mmuaeɛ biara a wɔde bɛma ho.
-
Ka sɛdeɛ apam a woyɛ wɔ tɛmpol na wodi so no boa ma wonante Awurade akwan so no kyerɛ wo nkwadaa. Wobɛtumi aka sɛdeɛ saa apam ahodoɔ yi teɛ akyerɛ wɔn (hwɛ General Handbook, 27.2, Asɛmpa Akoraeɛ). Mobɛtumi nso abom ato dwom bi te sɛ “I Love to See the Temple” (Nkwadaa Nnwom nwoma, 95).
Solomon tɛmpol mfonin, ɛfiri Sam Lawlor hɔ
1 Ahemfo 11:1–11
Mɛtumi de Awurade adi kan wɔ m’abrabɔ mu.
-
Sɛ yɛkenkan sɛdeɛ Salomo yerenom nyaa ne so tumi a, ɛbɛtumi ama yɛakasa afa “anyame foforɔ”—anaa nneɛma a nkorɔfo som anaa wɔdɔ mmom kyɛn Awurade ho nhwɛso ahodoɔ ho. Sɛn na yɛbɛkyerɛ sɛ yɛdɔ No kyɛn biribiara wɔ yɛn abrabɔ mu?
Sɛ wopɛ bebree a, hwɛ bosome yi Adamfoɔ nsɛmma nwoma mu.