1 Samuel 17–18; 24–26; 2 Samuel 5–7

Bwebwenato eo an David im Golaiat ej juon bwebwenato eo ebun̄bun̄ ilo jeje ko rekwojarjar. Aaet, ekkā aer mije Devid. Ak kiiō, ilo am̧ ekkatak 1 Samuel 17, ļōmņaki naan ko an armej ro jet ilo jebta in (lale laajrak eo ilaļ). Ta eo kwoj ekkatak kake er im kōttōpar ko aer? Ta eo kwoj katak kōn Devid? Elmen an ļein oktak?

• Golaiat: eoon ko 8–10, 43–44

• Ilaiab: eoon 28

• Saul: eoon 33

• Devid: eooon ko 26, 32, 34–37, 39, 45–47

Bwebwenato eo am̧, mekarta ejjab bun̄bun̄ jān eo an Devid, em̧ool enaaj wōt apan̄ ko dettaer wōt Goloaiat n̄an anjo̧ jān im iien em̧m̧an ko n̄an kōjerbal tōmak ilo Irooj. Ta waanjon̄ak eo an Devid ej katakin eok kōn jelm̧ae mālijjon̄ ko ilo bwebwenato eo am̧? Kwomaron̄ bar riiti enaan eo an Būreejtōn Camille N. Johnson “Invite Christ to Author Your Story” (Liahona, Nov. 2021, 80–82) ilo am̧ ļōmņake juon iien apan̄ ko am̧. Pukot uwaak ko n̄an kajjitōk rōt kein: Ilo wāween rōt Irooj ekōņaan bwe n̄a in kalimjōk apan̄ ko aō? Ewi wāween An kar jipan̄ eō m̧oktaļo̧k? Ewi wāween aō kwaļo̧k ke ij lōke E n̄an je bwbwenato eo aō?

Kwomaron̄ riit n̄an jeļā ke ewōr jebta ko rekabūrom̧ōjm̧ōj ilo jem̧ļo̧k bwebwenato eo an Devid (n̄an waanjon̄ak, lale 2 Samuel 11). Eļan̄n̄e ekar wōr juon am̧ iien n̄an leļo̧k nan in rōjan̄ n̄an Devid ālkin pata eo an ippān Goliat, ta eo kwon kar ba? Ewi wāween an rōjan̄ in jerbal ilo mour eo am̧?

Bar lale “The Lord Will Deliver Me” (video), Gospel Library.

3:24

Kobain apan̄ ko an juon make, jej bar jelm̧ae jorrāān ko reļļap me ej jelet aolepen laļin. N̄e kajoor ko an nana rej “kweilo̧ktok … n̄an tariņae” ņae kajoor eo an em̧m̧an (1 Samuel 17:1), jemaron̄ ļōmņake elmen an kijeje ko ad make maron̄ kōm̧m̧ane oktak. Ta eo kwoj loe ilo bwebwenato eo an Devid me ej lewaj n̄an eok kōjatdikdik?

Bar lale “Let Us All Press On,” Hymns, no. 243.

Ilo am̧ riiti 1 Samuel 18, ļōmņake in lale oktak ko ikōtaan Saul im ļeo nejin Jonathan (who, n̄e ear jab Devid, kōjatdikdik bwe e enkar kiin̄). Ta eo Saul im Jonathan raar kōm̧m̧ane kōn tōprak eo an Devid? Ta eo komaron̄ ekkatak jān en̄jake in?

Ta eo kwoj loe ilo m̧wil im m̧akutkut ko an Jonathan me ej kakeememej eok kōn Jisōs Kraist?

Ilo 1 Samuel 24–26, kappukot katak ko kōn utiej bōro, jeorļo̧k bōd, im jeļā dāpij en̄jake an juon make. Komaron̄ bar ļōmņak in riiti enaan eo an Elder Mark A. Bragg “Jeļā Āinwōt Kraist” āinwōt m̧ōttan ekkatak eo am̧ (Liaona, Māe 2023, 60–63). Ewi wāween an kar Devid, Abigail, im ro jet kwaļo̧k—ak likjab in kwaļo̧k—jeļā an Kraist ilo jepta kein? Iien em̧m̧an rōt ko am̧ n̄an kwaļo̧k jeļā an Kraist?

Enaan eo an Sister Kristen Yee “Bwidej in Upaaj: Iaļ in Kōmour in Jeorļo̧k Bōd” (Liaona, Nob. 2022, 36–39) emaron̄ jipan̄ eok ekkatak 1 Samuel 25 Elmen an Abigail āinwōt Jisōs Kraist?

Jekdo̧o̧n ālkin an Devid m̧an Goliat, inepata ko an ippān ri Philistine raar jab jako. Ilo am̧ riiti 2 Samuel 5:17–25, ļōmņak kōn wāween an waanjon̄ak eo an Devid maron̄ jipan̄ eok ilo apan̄ ko kwoj jelm̧aeiki (bar lale 1 Samuel 23:2, 10–11; 30:8; 2 Samuel 2:1). Ewi wāween am̧ jeraam̧m̧an ilo am̧ mour kōn revelesōn ko kwoj bōki?

Ke Devid eaar kōtļo̧k n̄an kalōk juon em̧, meļeļein juon tampeļ, n̄an Irooj (lale 2 Samuel 7:1–3), Irooj eaar ba bwe ļeo nejin Devid emaron̄ kalōk e (lale eoon 12–15; bar lale 1 Kronikel 17:1–15). Irooj ear ba ke E enaaj baj kalōk juon “em̧” m̧ōn Devid, meļeļein juon ineen, im bwe tron eo an enaaj n̄an indeeo (lale 2 Samuel 7:11, 16, 25–29; Sam Ko 89:3–4, 35–37). Kallim̧ur in ekar kūrm̧ool ilo Jisōs Kraist, Kiin̄ eo ad Indeeo, eo kar bwijjin Devid (lale Matu 1:1; Luk 1:32–33; Jon 18:33–37).

• Kwomaorn̄ kōjerbal “Devid im Goliat” ilo Bwebwenato ko jān Kallim̧ur M̧okta, 112–16, n̄an jipan̄ ajri ro nejum̧ jeļā ta eo eaar waļo̧k ilo 1 Samuel 17:20–54. Innām kwomaron̄ bar bwebwenato kake bwebwenato eo ilo am̧ kōjerbal pija ak ļain ko em̧ōj jin̄aiki ilo unin tōl in. Kajjitōk ippāer ta rej lōmņak me Irooj ekōņaan bwe ren ekkatak jān bwebwenato in.

  

  2:36

• Kwe im ajri ro nejum̧ maron̄ bar kōm̧m̧ane juon laajrak in jet men apan̄ ko reppen raar jelm̧ae ilo mour eo aer. Innām jipan̄ er kappukot ta ko Devid ear ba me emaron̄ jipan̄ ilo apan̄ kein (lale 1 Samuel 17:26, 32, 34–37, 45–47). Kwaļo̧k ekōjkan an Jisōs Kraist kar jipan̄ eok ilo iien apan̄ ko.

• Ajri ro nejum̧ remaron̄ m̧aaj āinwōt n̄e rej etal ippān Devid in m̧an Golaiat ilo aer al juon al kōn peran, āinwōt “I Will Be Valiant” (Children’s Songbook, 162).

• Elmen am̧ maron̄ jipan̄ ajri ro nejum̧ ekkatak jān jemjerā eo an Jonathan im Devid? Juon wāween emaron̄ n̄an leļo̧k ruo bōro kōm̧m̧an jān peba n̄an kajjojo ajri, juon ej pinej jenkwan Devid im eo juon ej pinej jenkwan Jonathan. Innām riit ippān doon jejjo eoon jān 1 Samuel 18:1–4 me rej kalikkar iakwe eo jemjerā rein raar en̄jake n̄an doon. Innām ajri ro nejum̧ remaron̄ je ak jin̄aik ioon bōro pepa ko wāween aer maron̄ kwaļo̧k iakwe n̄an juon m̧ōttaer.

• Ilo jebta kein, Devid ear erom juon kiin̄ an Israel. Emaron̄ in kam̧ōņōņō n̄an ajri ro n̄e rej arin juon kiin̄ ak juon lerooj. Ta kakien ko renaaj kar kōm̧m̧ani? Ia eo renaaj kar etal ie ļo̧k n̄an kappok jipan̄? Jipan̄ ajri ro jeļā bwe ke Devid ear aikuj jipan̄, ear “kajjitō,” ak jar n̄an kappok uwaak. N̄an waanjon̄ak, ilo am̧ riit 2 Samuel 5:19, 23, karuwanene ajri ro bwe ren keron̄jak kōn naan eo “kajjitōk” im nukwij peier n̄e rej ron̄. Etke Devid eaar aikuj jipan̄ eo an Irooj ilo eddo eo ekāāl an?

• Kajjitōkin doon kōn iien ko kom̧ kar jar n̄an Jemedwōj Ilan̄ kōn jipan̄. Ta oktak eo ekar kōm̧m̧an bwe En jipan̄ eok?

• Aolep kiin̄ ro jej riit kaker ilo Kallim̧ur M̧okta ewōr aer likjab, im aelōn̄ in kiin̄ ko aer raar jem̧ļo̧k. Ak Jisōs Kraist ej juon Kiin̄ eweeppān im naaj irooj n̄an indeeo. Komaron̄ jipan̄ ajri ro jeļā ilo aer riit ippān doon ta eo rikanaan Nathan ear jiron̄ Kiin̄ Devid ilo 2 Samuel 7:16–17. Elmen an aelōn̄ in kiin̄ eo an Devid ban jem̧ļo̧k? Jipan̄ ajri ro nejum̧ pukot im riiti eoon ko me rej katakin bwe Jisōs Kraist, juon bwijjin Devid, ej ad Kiin̄ Luk 1:32–33; Jon 18:33–37; im Revelesōn 19:16. Elmen an Jisōs oktak jān kiin̄ ro an laļin? Elmen ad kautiej Jisōs Kraist āinwōt ad Kiin̄ Indeeo?