1 Samuel 17–18; 24–26; 2 Samuel 5–7

Akụkọ Devid na Golayat bụ otu niime akụkọ ndị a maara ama niime akwụkwọ nsọ. Nʻezie, anyị na-elekwasịkarị anya na Devid. Mana oge nke a, dị ka ị na-amụ 1 Samuel 17, tụleekwa okwu nke ndị ọzọ niime isi nke a (lee ndepụta dị nʻokpuru). Kedụ ihe ị na-amụta banyere ha na ebumnuuche ha? Kedụ ihe ị na-amụta banyere Devid? Kedụ otu o siri dị iche?

• Golayat: amaokwu ndịa 8–10, 43–44

• Eliab: amaokwu 28

• Sọl: amaokwu 33

• Devid: amaokwu ndịa 26, 32, 34–37, 39, 45–47

Akụkọ gị, agbanyeghị amachaghị ya nke ọma dị ka nke Devid, nʻezie ga-agụnye aka mgba ndị ha ka Golayat imeri na ohere niile iji nwee okwukwe niime Onyenwe anyị. Gịnị ka ọmụmaatụ nke Devid kuziiri gị banyere ịgabiga mkpagbu dị niime akụkọ gị? I nwekwara ike gụọ ozi nke Onyeisi Camille N. Johnson “Kpọkuo Kraịst ka O Duo Akụkọ Gị” (Liahona, Nov. 2021, 80–82) buru otu niime aka mgba gị niile nʻuche. Chọọ azịza niile nye ajụjụ niile dị ka ndị a: Kedụ otu Onyenwe anyị si na-achọ m ịhụta aka mgba m niile? Kedụ otu O siworo nyere m aka nʻoge gara aga? Kedụ otu m ga-esi egosi na m tụkwasịrị obi na Ya ide akụkọ m?

E nwere ike i maraworịị na enwere isiokwu dị mwute ole ma ole nʻebe ngwụcha akụkọ nke Devid (lee, ịma atụ, 2 Samuel 11). Ọ bụrụ na i nwere ohere inye Devid ndụmọdụ mgbe agha ya na Golayat gasịrị, gịnị ka ị ga-ekwu? Kedụ otu ndụmọdụ nke a si emetụta ndụ gị?

Lee kwa “Onyenwe anyị Ga-anapụta M” (vidiyo), Ọba akwụkwọ maka Ozi ọma.

3:24

Na mgbakwunye nye aka mgba nke onwe niile, anyị nakwa ezute nsogbu ndị dị ukwuu, dị mgbagwoju anya na-emetụta ụwa dum. Mgbe ike niile nke ekwensu na-agbakọta ọnụ ịlụ agha megide ike niile nke ihe ọma (1 Samuel 17:1), anyị nwere ike tụgharịa uche otu mgbalị nke onwe anyị nwere ike ime ihe dị iche. Kedụ ihe ị na-ahụ niime akụkọ nke Devid na-enye gị olile anya?

Lee kwa “Ka Anyị Niile Gaaniihu,” Abụ, no. 243.

Dị ka ị na-agụ 1 Samuel 18, tụgharịa uche igosi ndịiche nʻetiti Sọl na nwa ya nwoke Jonathan (onye, ọ bụrụ ma ọbụghị maka Devid, nwere ike chewo na ọ ga-abụ eze na-esote). Kedụ otu Sọl na Jonathan siri akpasị ọganiihu nke Devid agwa? Kedụ ihe i nwere ike ịmụta site na nhụmiihe nke a?

Kedụ ihe ị na-ahụta niime akparam agwa niile na omume niile nke Jonathan na-echetere gị maka Jizọs Kraịst?

Niime 1 Samuel 24–26, chọọ maka ihe mmụta ndị banyere mpako, mgbaghara, na njide onwe onye. I nwekwara ike tụlee ịgụ ozi nke Okenye Mark A. Bragg “Nchekube yiri nke Kraịst” dị ka akụkụ nke ọmụmụ ihe gị (Liahona, Me 2023, 60-63). Kedụ otu Devid, Abigail, na ndị ọzọ si egosipụta—ma ọ bụ daa igosipụta—nchekwube yiri nke Kraịst nʻisi ndị a? Kedụ ohere ndị ị nwere ike iji gosi nchekwube yiri nke Kraịst?

Ozi Nwanne nwanyị Kristen Yee “Ịma mma maka Ntụ: Ụzọ Ọgwụgwọ nke Mgbaghara” (Liahona, Nov. 2022, 36–39) nwere ike nyere gị aka mụọ 1 Samuel 25. Kedụ otu Abigail si dịrị ka Jizọs Kraịst?

Ọbụna mgbe Devid merisịrị Golayat, nsogbu ya niile ya na ndị Filipaị agwụbeghị. Dị ka ị na-agụ 2 Samuel 5:17–25, tụlee otu ọmụmaatụ nke Devid nwere ike iji nyere gị aka nʻịma aka ndị ị na-ezute (lee kwa 1 Samuel 23:2, 10–11; 30:8; 2 Samuel 2:1). Kedụ otu esiworo gọzie gị site na ime ihe na mkpughe ị nataworo?

Mgbe Devid kwuru iwu ụlọ, nke pụtara tempụl, maka Onyenwe anyị (lee 2 Samuel 7:1-3), Onyenwe anyị zara na nwa nwoke nke Devid ga-ewu ya (lee verses 12–15; lee kwa 1 Ihe e mere 17:1–15). Onyenwe anyị kwukwara na Ya otu aka ahụ ga-ewuru Devid “ụlọ” nke pụtara ụmụ ụmụ, ma na ocheeze ya ga-anọgide ruo ebighị ebi (lee 2 Samuel 7:11, 16, 25–29; Abụ ọma 89:3–4, 35–37). Nkwa nke a ka emezuru niime Jizọs Kraịst, Eze Ebighị ebi anyị, onye bụ onye agbụrụ nke Devid (lee Matiu 1:1; Luk 1:32–33; Jọn 18:33–37).

• I nwere ike na-achọ iji “Devid na Golayat” niime Akụkọ niile nke Agba Ochie, 112-16, ji nyere ụmụ gị aka mara nke ọma ihe mere niime 1 Samuel 17:20-54. Mgbe ahụ i nwere ike kwe ha ịkọgharị akụkọ ahụ jiri foto niile ma ọ bụ eserese ahịrị dị niime ndepụta nke a. Jụọ ha ihe ha chere Onyenwe anyị na-achọ ka ha mụta site nʻakụkọ nke a.

  

  2:36

• Gị na ụmụ gị nwekwara ike depụta ụfọdụ aka mgba ndị siri ezigbo ike ha nwere ike izute nʻoge ndụ ha. Emesịa nyere ha aka chọta ihe ndị Devid kwuru nwere ike nyere ha aka na aka mgba ndị a (lee 1 Samuel 17:26, 32, 34–37, 45–47). Kesaa otu Jizọs Kraịst siworo nyere gị aka nʻoge aka mgba niile.

• Ụmụ gị nwere ike zọrọ ije dị ka na ha bụ Devid na-aga ịlụso Golayat ọgụ mgbe ha na-agụ otu egwu banyere inwe obisike, dị ka “Aga m Agbasịike” (Akwụkwọ Ukwe Ụmụntakịrị, 162).

• Kedụ otu i nwere ike i si nyere ụmụ gị aka mụta ihe site na ịbụ enyi nke Jonathan na Devid? Otu ụzọ ga-abụ inye nwa nke ọbụla Akwụkwọ Ukweọ ejiri kpụọ obi, otu iji nọchite Devid ma nke ọzọ iji nọchite Jonathan. Mgbe ahụ gụkọta nkebiokwu ole ma ole sitere na 1 Samuel 18:1–4 nke na-ekwusike ịhụnaanya enyi abụọ ndị a nwere maka ibe ha. Ụmụ gị nweziri ike dee ma ọ bụ see nʻelu akwụkwọ obi ha otu ha nwere ike i si egosi otu enyi ha ịhụnaanya.

• Niime isiokwu ndị a, Devid ghọrọ eze nke Izrel. O nwere ike bụrụ ihe ọn̄ụ nye ụmụ gị ime ka aga asị na ha bụ eze ma ọ bụ eze nwanyị. Kedụ iwu ndị ha nwere ike ime? Kedụ ebe ha ga-aga maka enyemaka? Nyere ụmụ gị aka chọpụta na mgbe Devid chọrọ enyem aka, o “rịọrọ,” ma ọ bụ kpee ekpere, maka azịza niile. Ịma atụ, dị ka ị na-agụ 2 Samuel 5:19, 23, kpọkuo umụ gị ige ntị maka mkpụrụ okwu ahụ “rịọrọ” na ịfụkọ ogweaka ha mgbe ha nụrụ ya. Gịnị mere Devid ga-eji chọọ enyemaka nke Onyenwe anyị n’ọrụ ọhụrụ ya?

• Gwa ibe unu banyere oge niile mgbe i kpere ekpere maka enyemaka nke Nna nke Eluigwe. Kedụ ndịiche o mere na inwere Ya ịnyere gị aka?

• Ndị eze anyị gụrụ banyere ha niime Agba Ochie ha niile nwere ntụpọ, ma alaeze ha niile bibiri ebibi. Mana Jizọs Kraist bụ eze zuru oke ma ga-achị ruo mgbe ebighị ebi. I nwere ike nyere ụmụ gị aka chọpụta nke a site na-ịgụkọta ọnụ ihe onye amụma Nathan gwara Eze Devid niime 2 Samuel 7:16–17. Kedụ otu alaeze nke Devid si abịa na ngwụcha? Nyere ụmụ gị aka chọta ma gụọ edereede akwụkwọ nsọ nke na-akuzi na Jizọs Kraist, onye agbụrụ Devid bụ Eze anyị, dị ka Luk 1:32–33; Jọn 18:33–37; na Mkpughe 19:16. Kedụ otu Jizọs si dịrị iche site na eze niile nke ụwa? Kedụ otu anyị na-esi asọpụrụ Jizọs Kraist dị ka Eze Ebighị ebi anyị?