USamuweli I 8–10; 13; 15–18

USamuweli I 8 ubalisa ngesiganeko esasiya kusitshintsha unaphakade isiphelo samaSirayeli. Ukuze akhuseleke ngokuchasene neentshaba zawo, amaSirayeli ayefuna le nto abamelwane babo awayenayo—ikumkani eyayiza kuwalawula. Njengoko ufunda malunga nesicelo sabo nempendulo yeNkosi, cinga ngokuba ujonga kubani ukuze ukhuseleke kwaye ukhokelwe. Cingisisa ngokuba kuthetha ntoni ukuvumela iNkosi “ilawule [kuwe]” (USamuweli I 8:7).

Kwiiveki ezizayo, uzakufunda ngeqela leekumkani ezafumana ubizo lokuba zikhokele uSirayeli. Njengoko ufunda ngazo, cingisisa ngale mibuzo ilandelayo:

• Zazaliseka njani izilumkiso zeNkosi ku Samuweli I 8:10–18?

• Bachatshazelwa njani abantwana bakaSirayeli kukukhetha kwabo ukuba nekumkani yasemhlabeni?

• Ingaba wahluke njani uYesu Krestu kwiikumkani zasemhlabeni? Cingisisa ngokuba zeziphi iimpembelelo zehlabathi oyakudinga ukuzisusa ebomini bakho ukuze uvumele uKrestu abe nguKumkani wakho.

Funda ngokuba uThixo wazikhetha njani ikumkani kwaSirayeli ku Samuweli I 9–10 kunye 16 (bona ngakumbi 9:15–17; 10:1–12; 16:1–13). Khangela amabinzana akunceda ukuba ukuqonde ukuba kuthetha ukuthini “ukubizwa nguThixo, ngesiprofeto” kwiBandla leNkosi namhla (Izivumo zoKholo 1:5). Use nokucingisisa ngokuzibeka endaweni yenkokeli enikezela ngobizo (uSamuweli), umntu lowo unikwa ubizo (uSawule noDavide), nabantu abaye babanika ubizo lokukhonza (amaSirayeli). Yintoni oyifunda emazwini nakwizenzo zabo kwezi zahluko?

Xa kucingwa ngendlela awayenobuphakuphaku ngayo uSawule ku Samuweli I 10, kuyakhwankqisa ukufunda ngo “kuvukela” kunye “neenkani” emva kokuba eye waba yikumkani (USamuweli I 15:23). Ucinga ukuba kwakutheni ukuze kwenzeke oku? Ku Samuweli I 13:5–14, zeziphi iindlela zokucinga nezokuziphatha ezakhokelela koku kuwa kwakhe?

Ku Samuweli I 15, uyakufunda ngomyalelo ovela eNkosini awaye uSawule akawuthobela kuba ecinga okokuba waye nesizathu ezisivakalayo. Ukuze ufunde ekukhetheni okungachanekanga kukaSawule, jonga umqolo 22 uze usebenzise amagama wezinto endaweni ka “umbingelelo” no “kwamanqatha eenkunzi” ezikhangeleka zilungile kodwa zingabalulekanga njengokumamela nokuthobela ilizwi leNkosi. Uye wasikelelwa njani njengoko ububeka intando kaThixo phambili kubomi bakho?

Ingaba wakhe wenza isigqibo esisekelwe “kwinkangeleko yomphandle” yento okanye yomntu, uze ufumanise ukuba wenze isiphoso? Mhlawumbi watya into eyayingemnandanga njengoko ikhangeleka. Okanye uye wagweba umntu ngokungenaluvelwano.

Xa uSamuweli wayefuna ikumkani entsha kaSirayeli, iNkosi yamfundisa indlela engcono. Funda ngayo ku Samuweli I 16:6–7, kwaye cinga ngokwenza uludwe lweendlela abantu abagweba ngazo abanye “ngenkangeleko yomphandle.” Kuthetha ntoni ukukhangela “entliziyweni,” njengoko iNkosi isenza? (USamuweli I 16:7). Ungafumana imizekelo ya lento, nayo, kumyalezo kaMdala Giraud-Carrier. Mhlawumbi ungacinga ngamaxesha uMsindisi wajonga ngaphesheya kwenkangeleko yangaphandle yomntu. (Bona, ngokomzekelo, UMarko 12:41–44; Luka 5:1–11; 19:1–9; UYohane 4:5–30; Moses 6:31–36.) Yintoni oyifunda kuloo mizekelo?

Ungawulandela njani umzekelo woMsindisi kwindlela obabona ngayo abanye—nawe? Ukwenza oku kunokuluchaphazela njani unxibelelwano lwakho okanye ubudlelwane bakho nabanye? Cinga ngokuxelela umntu ngobuhle obubona kwintliziyo yabo.

• Njengoko ufunda USamuweli I 8 nabantwana bakho, bancede bafumane izizathu uSamuweli awaxelela amaSirayeli okokuba ukuba nekumkani kwakungengo mbono mhle. Kutheni kungcono ukuba noYesu Krestu njengoKumkani wethu? Mhlawumbi ningenza isithsaba sephepha kunye kwaye nitshintshiselane ukusinxiba nokwabelana ngento esinokuyenza ukubonakalisa ukuba siyamfuna uYesu ukuba abe nguKumkani wethu. (Bona kananjalo UYeremiya 23:5; IMfundiso neMinqophiso 45:59.)

• Iimbali zikaThixo ekhetha uSawule noDavide ukuba babe ziikumkani zingabanceda abantwana bakho baqonde ukuba banikwa njani ubizo lokukhonza abantu eBandleni namhla ngesityhilelo. Ukuze ubafundise amabali, ungabhala phantsi iziganeko ezivela kumabali asemaphepheni acukuceziweyo, kwaye abantwana bakho bangawabeka ngokulandelana kwawo njengoko nifunda imiqolo yezibhalo kunye (bona kananjalo “UDavide oMncinane” kuwo Amabali eTestamente eNdala, 110–11). Emva koko ungathetha ngamaxesha uThixo awakusikelela ngamandla asemoyeni okuzalisekisa indima okanye ubizo (bona USamuweli I 10:9–10).

  

  1:16

• Eli lisenokuba lixesha elihle lokufundisa abantwana bakho ngesivumo sokholo sesihlanu. Baxelele ukuba walufumana njani ubizo lwakho eBandleni. Uzazi njani ukuba ububizwe nguThixo?

• Isifundo sento singabanceda abantwana bakho baqonde umgaqo ku Samuweli I 16:7. Ngokmzekelo, usenokuba bonisa ukutya okuthile okanye incwadi enomkhavarisho okanye into esongelwe kuyo engahambelani ncam nezinto eziqulathileyo. Ingaba USamuweli I 16:7 kwaye nesi sifundo sento sicebisa ntoni malunga ngendlela ekumele sizibona ngayo thina nabanye abantu.

  Sebenzisa izifundo zento. Xa abantwana benento abanokuyibona bayibambe enonxibelelwano nomgaqo wevangeli, base nokuyikhumbula ngcono. Umzekelo, njengoko ufunda USamuweli 16:7 nabo, ungabanceda bafumane imizekelo yezinto eziqhatha amehlo ukubonisa inqaku lokuba kumele sizame ukubona ngohlobo uThixo abona ngalo—ngokukhangela “intliziyo”—kunezigwebo ezisekelwe “kwinkangeleko yomphandle.”

• Wena nabantwana bakho ningabelana ngamava enifunde kuwo ukuba kutheni kumele “[u]khangel[e] intliziyo” hayi “inkangeleko yomphandle” kuphela (umqolo 7). Nise nokuthatha amathuba nixelelana ngeempawu enizibona kwiintliziyo zomnye nomnye.