నిర్గమకాండము 14–18

మీరు నిర్గమకాండము 14:1–10 చదువుతున్నప్పుడు, ఫరో సైన్యం వారికి దగ్గరగా రావడాన్ని చూసినప్పుడు ఇశ్రాయేలీయులు ఎలా భావించియుండవచ్చో ఊహించండి. మీరు ఎదుర్కొంటున్న కష్టమైన సవాలును జయించడానికి ఒక అద్భుతం అవసరం అని బహుశా మీరు భావించవచ్చు. మీ జీవితంలో దేవుని శక్తిని వెదకుటకు మిమ్మల్ని ప్రేరేపించేలా నిర్గమకాండము 14:13–31లో మీరు ఏమి కనుగొంటారు? గతంలో ఆయన శక్తిని మీరు ఎలా చూసియున్నారో ధ్యానించండి. ఈ అనుభవాల నుండి ఆయన గురించి మీరు ఏమి నేర్చుకున్నారు?

నిర్గమకాండము 15:1–19 అనేది ప్రభువు ఎర్ర సముద్రాన్ని విభజించిన తర్వాత ఇశ్రాయేలీయులు పాడిన స్తుతి గీతం. ఈ పాటలో ఏ వాక్యభాగాలు మీకు ప్రత్యేకంగా అర్థవంతంగా అనిపిస్తాయి?

సిద్ధాంతము మరియు నిబంధనలు 8:2–3 కూడా చూడండి.

ఇశ్రాయేలీయుల ప్రయాణం గురించి చదవడం, మీ జీవితంలో మారా జలాల వలే ‘చేదు’ గా కనిపించిన విషయాల గురించి ఆలోచించడానికి దారితీయవచ్చు (నిర్గమకాండము 15:23–27 చూడండి). మీ జీవితంలో చేదుగా ఉండే విషయాలను ప్రభువు తియ్యగా ఎలా మార్చారు? మీ జీవితంలో ఈ అనుభవాలకు ఎటువంటి విలువ ఉంది?

నిర్గమకాండము 16 మరియు 17లో ఇశ్రాయేలీయుల చేదు అనుభవాలకు సంబంధించిన మరిన్ని ఉదాహరణలను మీరు గమనిస్తారు. వారి సణుగుడు లేదా ఫిర్యాదును విమర్శించడం ఉత్సాహం కలిగిస్తుంది, కానీ మీరు చదువుతున్నప్పుడు, మీరు ఎప్పుడైనా అదే పని చేశారా అని ఆలోచించండి. తక్కువగా సణగడానికి మరియు ప్రభువును ఎక్కువగా నమ్మడానికి మీకు సహాయపడగలిగేలా ఇశ్రాయేలీయుల అనుభవాల నుండి మీరు ఏమి నేర్చుకుంటారు? ఈ వచనాలు మీకు దేవుని గురించి ఏమి బోధిస్తున్నాయి?

1 నీఫై 2:11–12 కూడా చూడండి.

మనమందరం తినవలసి ఉంటుంది కాబట్టి, ప్రభువు తరచుగా ఆధ్యాత్మిక విషయాలను ఆహారంతో పోలుస్తారు. నిర్గమకాండము 16లో మన్నాతో ఇశ్రాయేలీయుల అనుభవాలలో ఆయన ఆధ్యాత్మిక పాఠాల కోసం వెదకండి. ఉదాహరణకు, మీ ఆధ్యాత్మిక పోషణకు వర్తించేలా నిర్గమకాండము 16:16, 19, 22–26లోని ప్రభువు సూచనలలో మీరు ఏమి కనుగొంటారు?

మీరు ఈ అద్భుతం నుండి నేర్చుకోవాలని ప్రభువు కోరుకునే ఇతర పాఠాలను తెలుసుకోవడానికి, ఇలాంటి ప్రశ్నలను ధ్యానించండి:

• యెహోవా ఇశ్రాయేలీయులకు రోజూ ఇచ్చిన మన్నా వంటి దేనిని నాకు ఇస్తారు?

• మన్నాను పోగుచేయడం వంటి దేనిని నేను చేయగలను?

2:52

3:12

3:0

మీరు ప్రతిరోజూ తినే ఆహారంతో పాటు ఇతర విషయాల గురించి ఆలోచించండి. ప్రభావవంతంగా ఉండాలంటే కొన్ని పనులను ప్రతిరోజూ ఎందుకు చేయాలి? అనుదిన ఆధ్యాత్మిక అనుభవాలను కోరడానికి మీరు ఏమి చేయడానికి ప్రేరేపించబడినట్లు భావిస్తున్నారు?

డీటర్ ఎఫ్. ఉఖ్‌డార్ఫ్, “అనుదిన పునఃస్థాపన,” లియహోనా, నవ. 2021, 77–79 కూడా చూడండి.

5:27

మీరు నిర్గమకాండము 17:1–7 చదువుతున్నప్పుడు రక్షకుని గురించి ఆలోచించండి. యేసు క్రీస్తు మీకు ఒక బండగా ఎలా ఉన్నారు? (కీర్తనలు 62:6–7; హీలమన్ 5:12 చూడండి). ఆయన జలముగా ఎలా ఉన్నారు? (యోహాను 4:10–14; 1 కొరింథీయులకు 10:1–4; 1 నీఫై 11:25 చూడండి).

మీ జీవితంలో మీరు మోషేతో సంబంధింపజేసుకోగల సందర్భాలు —ఇతరులు మీపై ఆధారపడినప్పుడు, కానీ మీ “చేతులు [బరువు] ఎక్కినప్పటి సందర్భాలు ఉండవచ్చు” (నిర్గమకాండము 17:12). ఇతర సమయాల్లో, మీరు మోషేకు మద్దతిచ్చిన అహరోను, హూరు మరియు యిత్రో వలె ఉండవచ్చు. మీరు నిర్గమకాండము 17:8–16; 18:13–26 చదువుతున్నప్పుడు ఈ వ్యక్తులలో ప్రతీ ఒక్కరి స్థానంలో మిమ్మల్ని మీరు ఉంచుకోండి మరియు ప్రభువు తన పని గురించి మీకు ఏమి బోధిస్తున్నారో చూడండి.

మోషైయ 4:27; 18:8-9 కూడా చూడండి.

• యెహోవా ఎఱ్ఱ సముద్రాన్ని చీల్చినప్పుడు, మోషే మరియు ఇశ్రాయేలీయులు ఆయన ఎంత శక్తిమంతుడో చూసారు. నిర్గమకాండము 14:5–22 నుండి కథను మళ్లీ ప్రదర్శించడానికి ఒక ఆహ్లాదకరమైన మార్గం గురించి ఆలోచించడంలో మీ పిల్లలు మీకు సహాయం చేయనివ్వండి (పాత నిబంధన కథలు, 70–74లో “పస్కా పండుగ” కూడా చూడండి). బహుశా మీరు కుర్చీలు లేదా దుప్పట్లు ఏర్పాటు చేసి, వాటిని ఎఱ్ఱ సముద్రంలా “విభజించవచ్చు”. తర్వాత, మీరు మీ జీవితాల్లో దేవుని శక్తిని ఎలా చూశారో ఒకరితో ఒకరు పంచుకోవచ్చు.

  

  2:54

• నిర్గమకాండము 14లోని కథ గురించి మన అవగాహనకు సిద్ధాంతము మరియు నిబంధనలు 8:2–3 ఏమి జోడిస్తుంది? పరిశుద్ధాత్మ మీ మనస్సులో లేదా హృదయంలో ఏదైనా చెప్పినప్పటి అనుభవం గురించి మీ పిల్లలకు చెప్పండి మరియు వారి అనుభవాల గురించి మాట్లాడమని వారిని ఆహ్వానించండి.

• మీరు మరియు మీ పిల్లలు కలిసి నిర్గమకాండము 15:22–25 చదువుతున్నప్పుడు, తియ్యగా మరియు చేదుగా ఉన్నదేదైనా త్రాగవచ్చు. రక్షకుడు మన జీవితాలలోని “చేదు” అనుభవాలను ఎలా “తియ్యగా” చేసారు?

• మీరు మరియు మీ పిల్లలు నిర్గమకాండము 15:23–25; 16:14–15; 17:1–6 ​​చదువుతున్నప్పుడు, ప్రతి కథను చెప్పడంలో సహాయపడే వస్తువులను—ఒక కొమ్మ (మారా వద్ద నీటిని బాగు చేయడానికి), ఒక కూజా లేదా కుండ (మన్నాతో నింపడానికి) మరియు ఒక బండ (హోరేబు వద్ద నీటి కోసం) వంటివాటిని కనుగొనడంలో వారిని మీకు సహాయం చేయనివ్వండి. యేసు క్రీస్తు మన కొరకు ఏమి చేస్తారనే దాని గురించి ఈ కథలు మనకు ఏమి గుర్తు చేస్తాయి? మీ చర్చలో భాగంగా మీరు మత్తయి 7:24–27; యోహాను 4:10–14; 6:29–35, 48–51; హీలమన్ 5:12; సిద్ధాంతము మరియు నిబంధనలు 20:77, 79 కూడా చదువవచ్చు.

• మీరు నిర్గమకాండము 17:8–16 చదువుతున్నప్పుడు, తన చేతులను గాలిలో పైకెత్తి ఉంచమని మీరు ఒక బిడ్డను ఆహ్వానించవచ్చు. బిడ్డ అలసిపోయినప్పుడు, అహరోను మరియు హూరులు మోషేకు సహాయం చేసిన విధంగా ఇతర పిల్లలు సహాయం చేయగలరు. దేవుని రాజ్యం విజయవంతం కావడానికి మనం ఎలా సహాయం చేయవచ్చనే దాని గురించి ఈ కథ ఏమి బోధిస్తుంది? మీరు నిర్గమకాండము 18:13–26 కూడా చదివి, మీ వార్డులో సేవచేసే వ్యక్తుల యొక్క బరువైన బాధ్యతల గురించి మాట్లాడవచ్చు. అహరోను మరియు హూరులు మోషే ప్రవక్తకు సహాయం చేసినట్లే, మన సంఘ నాయకులకు సహాయం చేయడానికి ఈరోజు మనం ఏమి చేయవచ్చు?