నిర్గమకాండము 7–13

మీ చిత్తము ఫరో వలే దేవుని చిత్తానికి ఎప్పటికీ చాలా వ్యతిరేకం కాదని ఆశిద్దాము. ఇంకను, మన హృదయాలు అవి ఉండాల్సినంత మృదువుగా లేని సమయాలు మనకుంటాయి. నిర్గమకాండము 7:14–25; 8:5–32; 9:1–26; 10:12–29; 12:29–33 లోని తెగుళ్ళకు ఫరో యొక్క స్పందనలను గూర్చి మీకు ఆశ్చర్యము కలిగించేది ఏది? నిర్గమకాండము 7:3, 13; 9:12 యొక్క జోసెఫ్ స్మిత్ అనువాదములో స్పష్టతను గమనించండి.

“కఠినము” అనేది ఫరో హృదయం గురించి ఎందుకు మంచి వర్ణన అయ్యున్నది? మృదువైన హృదయం కలిగియుండడం గురించి ఈ వచనాల నుండి మీరు నేర్చుకున్న దానిని పరిగణించండి: 1 నీఫై 2:16; మోషైయ 3:19; ఆల్మా 24:7–8; 62:41; ఈథర్ 12:27. మీరు ఫరో యొక్క కఠిన హృదయపు పర్యవసానాల గురించి చదువుతున్నప్పుడు, మీ హృదయపు స్థితి గురించి ఆలోచించండి. ఏ మార్పులు చేయడానికి మీరు ప్రేరణ పొందారు?

నిర్గమకాండము 11:4–5లో వివరించబడిన పదవ తెగులు నుండి ఇశ్రాయేలీయులు తప్పించుకోవడానికి గల ఏకైక మార్గము, నిర్గమకాండము 12లో పస్కా అని పిలువబడే ఆచారక్రియలో ప్రభువు మోషేకు ఇచ్చిన సూచనలను ఖచ్చితంగా పాటించడం. ప్రభువు ఐగుప్తులో దాస్యము నుండి ఇశ్రాయేలీయులను విడిపించినట్లుగా, ఆయన మనల్ని కూడా పాపము యొక్క దాస్యము నుండి విడిపించగలరని చిహ్నముల ద్వారా పస్కా మనకు బోధిస్తుంది. నిర్గమకాండము 12:1–42లో ఈ ప్రతీకాత్మకతను అన్వేషించడానికి, మీరు ఇటువంటి పటమును ఉపయోగించవచ్చు:

యేసు క్రీస్తు మరియు ఆయన ప్రాయశ్చిత్తమును గూర్చి మీకు గుర్తు చేసేలా పస్కా యొక్క సూచనలు మరియు చిహ్నములలో మీరు ఇంకేమి కనుగొంటారు? ఆయన ప్రాయశ్చిత్తము యొక్క దీవెనలను ఎలా పొందాలనే దాని గురించి ఈ చిహ్నములు మీకేమి సూచిస్తాయి?

వారి చెర పాత జ్ఞాపకమైనప్పటికీ, ఆయన వారిని విడిపించారని జ్ఞాపకముంచుకోవడానికి వారికి సహాయపడేందుకు ప్రతీ సంవత్సరం పస్కాను జరుపుకోవాలని రక్షకుడు ఇశ్రాయేలీయులను ఆజ్ఞాపించారు. నిర్గమకాండము 12:14–17, 24–27; 13:1–16లో ఆయన ఉపదేశాలను మీరు చదివినప్పుడు, మీకు దేవుడిచ్చిన దీవెనలను జ్ఞాపకముంచుకోవడానికి మీరు ఏమి చేస్తున్నారో ఆలోచించండి. ఆ జ్ఞాపకమును “మీ తరతరములకు” మీరెలా భద్రపరచుకోగలరు? (నిర్గమకాండము 12:14, 26–27 చూడండి).

పస్కా విందు మరియు సంస్కారముల మధ్య మీరు చూసే పోలికలు ఏవి? యేసు క్రీస్తును “ఎల్లప్పుడూ జ్ఞాపకముంచుకోవడానికి” మీరేమి చేయగలరు? (మొరోనై 4:3; 5:2).

మీరు జ్ఞాపకముంచుకోవాలని ప్రభువు కోరిన ఇతర విషయాలను కూడా మీరు ధ్యానించవచ్చు, ఉదాహరణకు, హీలమన్ 5:6–12; మొరోనై 10:3; సిద్ధాంతము మరియు నిబంధనలు 3:3–5, 10; 18:10; 52:40 చూడండి.

కెవిన్ డబ్ల్యు. పియర్సన్, “మీరు ఇంకా సమ్మతిస్తున్నారా?,” లియహోనా, నవ. 2022, 67–69 కూడా చూడండి.

5:27

• నిర్గమకాండము 7–11లో వివరించబడిన తెగుళ్ళు ప్రభువుకు గొప్ప శక్తి ఉందని ఐగుప్తీయులకు మరియు ఇశ్రాయేలీయులకు చూపించాయి. ఆయన శక్తిపై వారు విశ్వాసం కలిగి ఉన్నప్పుడు ప్రభువు మీ పిల్లలకు వారి జీవితమంతా సహాయం చేస్తారు. ఈ కథ నుండి నేర్చుకోవడంలో వారికి సహాయపడడానికి, మీరు ప్రతి బిడ్డకు 10 విభాగాలుగా విభజించబడిన ఒక కాగితాన్ని ఇవ్వవచ్చు మరియు ఈ వచనాలలో వివరించబడిన తెగుళ్ళ చిత్రాలను గీయడానికి వారిని ఆహ్వానించవచ్చు: నిర్గమకాండము 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (పాత నిబంధన కథలు, 67–69లో “ఐగుప్తులో తెగుళ్ళు” కూడా చూడండి). ప్రభువు తెగుళ్ళను ఎందుకు పంపారో వివరించడానికి నిర్గమకాండము 7:5 మరియు 9:14 కలిసి చదవండి.

  

  2:3

• “భూమియందంతట [ఆయన] అంతటివాడు లేడని” ప్రభువు మీకు ఎలా చూపించారో మీ పిల్లలతో పంచుకోండి (నిర్గమకాండము 9:14). ప్రభువు శక్తిమంతుడని వారు ఎలా తెలుసుకుంటారో వారిని పంచుకోనివ్వండి.

• మృదువైన హృదయాన్ని కలిగియుండడం అంటే ఏమిటో మీ పిల్లలు ఊహించడంలో సహాయపడడానికి, వారికి ఒక రాయి వంటి గట్టి వస్తువును మరియు స్పాంజి వంటి మృదువైన మరియు శోషించే మరొక వస్తువును చూపించడం సరదాగా ఉంటుంది. మృదువైన హృదయం ప్రభువు వాక్యాన్ని ఎంత సులభంగా స్వీకరిస్తుందో చూపించడానికి మీరు ఈ వస్తువులపై నీటిని కూడా పోయవచ్చు. తర్వాత, ప్రభువు పంపిన తెగుళ్ళకు ఫరో ఎలా స్పందించాడో వివరించే కొన్ని వచనాలను మీరు కలిసి చదవవచ్చు (నిర్గమకాండము 8:28–32; 9:7 చూడండి). ఏ వస్తువులు ఫరో హృదయాన్ని లేదా వైఖరిని ఉత్తమంగా సూచిస్తాయి? మృదువైన హృదయాన్ని కలిగియుండడం అంటే అర్థమేమిటి? (మోషైయ 3:19 చూడండి).

• మనము కఠినమైన హృదయాన్ని కలిగియున్నట్లు చూపగల కొన్ని చర్యల జాబితాను మీరు మరియు మీ పిల్లలు తయారు చేయవచ్చు (ఉదాహరణకు, దయలేని మాటలను ఉపయోగించడం లేదా పంచుకోవడానికి ఇష్టపడకపోవడం వంటివి). మనం మృదువైన హృదయాలను కలిగి ఉండాలని కోరుకుంటున్నట్లు ప్రభువుకు మనమెలా చూపించగలము?

• రక్షకుడు మరియు మన కొరకు ఆయన చేసిన త్యాగం కోసం ఎదురుచూడాలని పస్కా ఇశ్రాయేలీయులకు నేర్పింది. మీరు నిర్గమకాండము 12:1–13 ను కలిసి అన్వేషిస్తున్నప్పుడు, పస్కా మరియు యేసు క్రీస్తు ప్రాయశ్చిత్తానికి సంబంధించిన వివరాల మధ్య సంబంధాలను చూడడానికి మీ పిల్లలకు సహాయం చేయండి (పాత నిబంధన కథలు, 70–74లో “పస్కా పండుగ” కూడా చూడండి). ఉదాహరణకు, యేసు 5వ వచనములో వర్ణించబడిన గొర్రెపిల్లలా ఎలా ఉన్నారు?

  

  2:54

• నేడు, యేసు త్యాగాన్ని జ్ఞాపకం చేసుకోవడానికి మనం సంస్కారమును తీసుకుంటాము. మీరు మీ పిల్లలకు సంస్కారము యొక్క చిత్రాన్ని చూపవచ్చు మరియు యేసు క్రీస్తును గుర్తుంచుకోవడానికి ఈ విధి ఎలా సహాయపడుతుందనే దాని గురించి మాట్లాడవచ్చు. సంస్కార ప్రార్థనలలో “జ్ఞాపకముంచుకొను” అనే పదాన్ని కనుగొనడంలో మీరు మీ పిల్లలకు సహాయపడవచ్చు (మొరోనై 4–5 చూడండి). లేదా సంస్కారము గురించి ఇష్టమైన కీర్తనను కలిసి పాడండి మరియు రక్షకుని గురించి ఆలోచించినప్పుడు వారు కలిగియున్న ప్రశాంతమైన అనుభూతిని గమనించడంలో మీ పిల్లలకు సహాయపడండి. మనం సంస్కారమును తీసుకున్నప్పుడు ఆ అనుభూతిని మనమెలా కోరుకోగలము?