නික්මයාම 14–18

ඔබ නික්මයාම 14:1–10 කියවන විට, පාරාවෝගේ හමුදාව වට වී සිටින ආකාරය දුටු ඉශ්‍රායෙල්වරුන්ට කෙසේ හැඟෙන්නට ඇද්ද කියා සිතා බලන්න. ඔබ මුහුණදෙන දුෂ්කර අභියෝගයකින් බේරීමට ප්‍රාතිහාර්යයක් අවශ්‍ය බව සමහරවිට ඔබට හැඟෙන්න පුළුවන්. ඔබගේ ජීවිතය තුළ දෙවියන්වහන්සේගේ බලය සෙවීමට ඔබට උදව් වන, නික්මයාම 14:13–31 තුළ ඔබ සොයාගන්නා දේවල් මොනවාද? අතීතයේදී ඔබ උන්වහන්සේගේ බලය දැක ඇති ආකාරය ගැන මෙනෙහි කරන්න. මෙම අත්දැකීම්වලින් ඔබ උන්වහන්සේ ගැන ඉගෙනගෙන ඇත්තේ මොනවාද?

නික්මයාම 15:1–19 යනු ස්වාමින්වහන්සේ රතු මුහුද දෙබෑ කළ පසු ඉශ්‍රායෙල්වරුන් ගායනා කළ ප්‍රශංසා ගීතයකි. මෙම ගීතයේ ඔබ විශේෂයෙන් අර්ථවත් ලෙස සලකන්නේ කුමන වාක්‍ය ඛණ්ඩද? සමහර විට ස්වාමින්වහන්සේ ඔබ වෙනුවෙන් පුදුමාකාර දෙයක් කළ විට, ඔබට ගායනා කිරීමට හැඟෙන ගීතිකාවක් තිබෙන්න පුළුවන්. අද ඔබේ නමස්කාරයේ කොටසක් ලෙස එය ගායනා කිරීම හෝ එයට සවන් දීම ගැන සලකා බලන්න.

තවත් බලන්න දහම් සහ ගිවිසුම් 8:2–3.

ඉශ්‍රායෙල්වරුන්ගේ ගමන ගැන කියවීම, මාරා හි ජලය මෙන් ඔබේ ජීවිතයේ “තිත්ත” ලෙස පෙනෙන දේවල් ගැන සිතීමට ඔබව පොළඹවනු ඇත (බලන්න නික්මයාම 15:23–27). ස්වාමින්වහන්සේ ඔබේ ජීවිතයේ කටුක දේවල් මිහිරි කර ඇත්තේ කෙසේද? මේ අත්දැකීම් ඔබේ ජීවිතයට මොනතරම් වටිනවද?

නික්මයාම 16 සහ 17 හි ඉශ්‍රායෙල්වරුන් සඳහා ලැබුණු කටුක අත්දැකීම් පිළිබඳ තවත් උදාහරණ ඔබ දකියි. ඔවුන්ගේ කෙඳිරීම හෝ මැසිවිලි නැගීම ගැන දැඩි වීමට පරික්ෂාවක් දැනෙන්න පුළුවන්, නමුත් ඔබ කියවන විට, ඔබ කවදා හෝ ඒ ලෙස කර ඇත්දැයි සලකා බලන්න. මැසිවිලි නැඟීම අඩු කිරීමටත් දෙවියන්වහන්සේ කෙරෙහි වැඩි විශ්වාසයක් තැබීමටත් උපකාරවත් වන ඉශ්‍රායෙල්වරුන්ගේ අත්දැකීම්වලින් ඔබ ඉගෙනගන්නා දේවල් මොනවාද? මෙම පදවලින් දෙවියන්වහන්සේ ගැන ඔබට උගන්වන්නේ මොනවාද?

තවත් බලන්න 1 නෙපී 2:11–12.

අප සියල්ලන්ම ආහාර ගත යුතු බැවින්, ස්වාමින්වහන්සේ බොහෝ විට අධ්‍යාත්මික දේවල් ආහාර සමඟ සංසන්දනය කරනවා. නික්මයාම 16 හි මන්නා සමඟ ඉශ්‍රායෙල්වරුන්ගේ අත්දැකීම් තුළ ඇති උන්වහන්සේගේ අධ්‍යාත්මික පාඩම් සොයන්න. උදාහරණයක් වශයෙන්, නික්මයාම 16:16, 19, 22–26 හි ඇති ස්වාමින්වහන්සේගේ උපදෙස්වලින් ඔබ සොයාගන්නා ඔබේ අධ්‍යාත්මික පෝෂණයට අදාළ වන දේවල් මොනවාද?

මෙම ප්‍රාතිහාර්යයෙන් ඔබ ඉගෙනගන්නවාට ස්වාමින්වහන්සේට අවශ්‍ය විය හැකි වෙනත් පාඩම් සොයා ගැනීමට, මෙවැනි ප්‍රශ්න ගැන මෙනෙහි කරන්න:

• ස්වාමින්වහන්සේ ඉශ්‍රායෙල්වරුන්ට දිනපතා දුන් මන්නා මෙන්, උන්වහන්සේ මට දෙන්නේ මොනවාද?

• මන්නා එකතු කරනවා වගේ මට කරන්නට පුළුවන් මොනවාද?

2:52

3:12

3:0

ආහාර ගැනීම හැර ඔබ දිනපතා කරන වෙනත් දේවල් ගැන සිතන්න. යම් දෙයක් තුළ ඵලදායී වීමට ඇතැම් දේවල් දිනපතා කළ යුත්තේ ඇයි? දෛනික අධ්‍යාත්මික අත්දැකීම් සෙවීමට ඔබට පෙළඹවීමක් දැනෙන්නේ මොනවා කිරීමටද?

තවත් බලන්න ඩියේටර් එෆ්. උක්ඩ්‍රොෆ්, “දිනපතා නැවත පිහිටුවීම,” ලියහෝනා, නොවැ. 2021, 77–79

5:27

ඔබ නික්මයාම 17:1–7 කියවන විට ගැලවුම්කරුවාණන් ගැන සිතන්න. යේසුස් ක්‍රිස්තුස්වහන්සේ ඔබට පර්වතයක් මෙන් වන්නේ කෙසේද? (බලන්න ගීතාවලිය 62:6–7; හිලමන් 5:12). උන්වහන්සේ ජලය හා සමාන වන්නේ කෙසේද? (බලන්න යොහන් 4:10–14; 1 කොරින්ති 10:1–4; 1 නෙපී 11:25).

ඔබේ ජීවිතයේ අනෙක් අය ඔබ මත යැපෙන විට, නමුත් ඔබේ “අත් බර වන” විට—මෝසෙස් සමඟ ඔබට එය අදාළ කරගත හැකි අවස්ථා තිබෙන්න පුළුවන් (නික්මයාම 17:12). වෙනත් අවස්ථාවලදී, ඔබ මෝසෙස්ට සහාය දුන් ආරොන්, හූර් සහ යෙත්‍රෝ වගේ වෙන්න පුළුවන්. ඔබ නික්මයාම 17:8–16; 18:13–26 කියවන විට මේ සෑම කෙනෙකුගේම තත්වයට ඔබවම පත් කරගෙන, ස්වාමින්වහන්සේ උන්වහන්සේගේ කාර්යය ගැන ඔබට උගන්වන්නේ කුමක්දැයි බලන්න.

තවත් බලන්න මොසායා 4:27; 18:8–9.

• ස්වාමින්වහන්සේ රතු මුහුද දෙබෑ කළ විට, උන්වහන්සේ කොතරම් බලවත්ද කියා මෝසෙස් සහ ඉශ්‍රායෙල්වරුන් දැක්කා. නික්මයාම 14:5–22 තුළ ඇති කතාව නැවත ප්‍රතිනිර්මාණය කිරීමට විනෝදජනක ක්‍රමයක් ගැන සිතීමට ඔබේ දරුවන්ට උපකාර කිරීමට ඉඩ දෙන්න. සමහරවිට ඔබට පුටු හෝ පොරවනයන් සකස් කර රතු මුහුද මෙන් “දෙබෑ කිරීම” කරන්න පුළුවන්. ඉන්පසු ඔබ ඔබගේ ජීවිත තුළ දෙවියන්වහන්සේගේ බලය දැක ඇති ආකාරය ඔබට එකිනෙකා සමඟ බෙදාගන්න පුළුවන්.

  

  2:54

• නික්මයාම 14 හි කතාව පිළිබඳ අපගේ අවබෝධයට දහම සහ ගිවිසුම් 8:2–3 එකතු කරන්නේ කුමක්ද? ශුද්ධාත්මයාණන්වහන්සේ ඔබට ඔබේ මනසට හෝ හදවතට යමක් පැවසූ ආකාරය ගැන අත්දැකීමක් ගැන ඔබේ දරුවන්ට පැවසීම ගැන සලකා බලන්න, එමෙන්ම ඔවුන්ගේ අත්දැකීම් ගැන කතා කිරීමට ඔවුන්ට ආරාධනා කරන්න. ඔබට එකට එකතු වී ශුද්ධාත්මයාණන්වහන්සේ ගැන ගීතයක් ගායනා කරන්න පුළුවන්.

• සමහර විට ඔබ සහ ඔබේ දරුවන් එකට එක්ව නික්මයාම 15:22–25 අධ්‍යනය කරන අතරතුර මිහිරි හා තිත්ත යමක් ඔබට පානය කරන්න පුළුවන්. ගැලවුම්කරුවාණන් අපගේ ජීවිතයේ “තිත්ත” අත්දැකීම් “මිහිරි” කර ඇත්තේ කෙසේද?

• ඔබ සහ ඔබේ දරුවන් නික්මයාම 15:23–25; 16:14–15; 17:1–6, කියවන විට, අත්තක් (මාරා හි ජලය සුව කිරීමට), භාජනයක් හෝ බඳුනක් (මන්නාවලින් පිරවීමට), සහ ගලක් (හොරෙබ් හි ජලය සඳහා) වැනි මේ එක් එක් කථාව පැවසීමට උපකාර වන භාණ්ඩ සොයා ගැනීමට ඔබට උපකාර කිරීමට ඔවුන්ට ඉඩදෙන්න. යේසුස් ක්‍රිස්තුස්වහන්සේ අප වෙනුවෙන් කරන දේ ගැන මෙම කථා අපට මතක් කරදෙන්නේ මොනවාද? ඔබේ සාකච්ඡාවේ කොටසක් ලෙස, ඔබට මතෙව් 7:24–27; යොහන් 4:10–14; 6:29–35, 48–51; හිලමන් 5:12; දහම සහ ගිවිසුම් 20:77, 79 කියවන්න පුළුවන්.

• ඔබ නික්මයාම 17:8–16 කියවන විට, දරුවෙක්ට තම දෑත් ඉහළට ඔසවා තබා ගැනීමට ඔබට ආරාධනා කරන්න පුළුවන්. එම දරුවා වෙහෙසට පත් වූ විට, ආරොන් සහ හූර් මෝසෙස්ට උදව් කළ ආකාරයට අනෙක් දරුවන්ට උපකාර කරන්න පුළුවන්. දෙවියන්වහන්සේගේ රාජ්‍යය සාර්ථක කරගැනීමට අපට උපකාර කළ හැකි ආකාරය ගැන මෙම කතාවෙන් උගන්වන්නේ මොනවාද? ඔබට නික්මයාම 18:13–26 කියවා, ඔබේ කොට්ඨාශයේ සේවය කරන අයගේ භාරදූර වගකීම් ගැන කතා කරන්න පුළුවන්. ආරොන් සහ හූර් අනාගතවක්තෘ මෝසෙස්ට උදව් කළාක් මෙන් අපගේ සභාවේ නායකයන්ට උපකාර කිරීමට අද අපට කළ හැකි දේවල් මොනවාද?