Гэтлэл 14–18

Та Гэтлэл 14:1–10-ыг уншихдаа израилчууд Фараоны арми бүслэн ирж байгааг хараад юу мэдэрч байсныг төсөөлөөд үз дээ. Магадгүй танд тулгараад байгаа хүнд сорилтыг даван туулахын тулд танд гайхамшиг хэрэгтэй юм шиг танд санагдаж байж болох юм. Гэтлэл 14:13–31-ээс та амьдралдаа Бурханы хүчийг эрэлхийлэхэд сүнслэгээр өдөөх юуг мэдэж авсан бэ? Та өмнө нь Түүний хүч чадлыг хэрхэн харж байснаа тунгаан бод. Та эдгээр туршлагаас Түүний талаар юу олж мэдсэн бэ?

Гэтлэл 15:1–19 нь Их Эзэн Улаан тэнгисийг хуваасны дараа израилчуудын дуулсан магтаалын дуу юм. Энэ дууны ямар үг хэллэг танд онцгой ач холбогдолтой санагдсан бэ? Магадгүй танд “Израилын Гэтэлгэгч” (Дуулал, 5) гэх мэт Их Эзэн таны төлөө ямар нэгэн гайхалтай зүйлийг хийсэн үед дуулмаар санагддаг дуулал байж болно. Өнөөдөр энэ дуугаа шүтлэг бишрэлийнхээ нэг хэсэг болгож дуулж эсвэл сонсоорой.

Мөн Сургаал ба Гэрээнүүд 8:2–3-ыг үзнэ үү.

Израилын аяллын тухай унших нь танд өөрийн амьдрал дахь Марагийн ус мэт “гашуун” санагдсан зүйлсийн талаар бодоход хүргэж болно (Гэтлэл 15:23–27-г үзнэ үү). Их Эзэн таны амьдралын гашуун зүйлсийг хэрхэн амттай болгосон бэ? Эдгээр туршлага таны амьдралд ямар ач холбогдолтой байсан бэ?

Гэтлэл 16, 17-оос израилчуудын олон гашуун туршлагын жишээнүүдийг олж анзаарах болно. Тэднийг бувтналдаж, гомдоллоход шүүмжилмээр санагдаж болох ч та уншиж байхдаа танд ч бас ийм зүйл тохиолдож байсан эсэхийг бодож үзээрэй. Та израилчуудын туршлагаас бага бувтналдаж, Бурханд илүү их найдахад туслах юуг сурч мэдсэн бэ? Эдгээр шүлэг Бурханы талаар танд юу заадаг вэ?

Мөн 1 Нифай 2:11–12-ыг үзнэ үү.

Бид бүгд идэх хэрэгтэй учраас Их Эзэн сүнслэг зүйлсийг хоолтой зүйрлэдэг. Гэтлэл 16 дахь израилчуудын маннатай холбоотой туршлагааас Түүний сүнслэг сургамжийг олж мэд. Жишээлбэл: Та Их Эзэний Гэтлэл 16:16, 19, 22–26-д өгсөн заавраас таны сүнслэг тэжээлд хамаатай юуг олж мэдсэн бэ?

Их Эзэн та нарыг энэ гайхамшгаас суралцахыг хүсэж болох бусад сургамжийг олж мэдэхийн тулд дараахтай адил асуултуудыг тунгаан бод:

• Их Эзэн израилчуудад өдөр бүр манна өгсний адил надад юу өгдөг вэ?

• Манна хураахтай адил юуг би хийж чадах вэ?

Та дараах видеонуудаас нэг юм уу хэд хэдийг үзсэнээр нэмэлт ойлголттой болж болно: “Daily Bread: Pattern,” “Daily Bread: Experience,” болон “Daily Bread: Change” (Gospel Library).

2:52

3:12

3:0

Өдөр бүр хоол идэхээс гадна хийдэг зүйлсийнхээ тухай бод. Үр дүнтэй байхын тулд яагаад зарим зүйлийг өдөр бүр хийх хэрэгтэй вэ? Та нар өдөр бүр сүнслэг туршлага эрэлхийлэхийн тулд юу хийхээр сүнсээр өдөөгдөж байна вэ?

Мөн Дийтр Ф.Угдорфын “Өдөр бүр сэргэдэг” захиасыг Лиахона, 2021 оны 11 сар, 77–79-аас; “Daily Restoration” видеог Gospel Library-аас үзнэ үү.

5:27

Гэтлэл 17:1–7-г уншихдаа Аврагчийн талаар бод. Есүс Христ таны хувьд яагаад хадтай адил вэ? (Дуулал 62:6–7; Хиламан 5:12-ыг үзнэ үү). Тэрээр устай юугаараа адил вэ? (Иохан 4:10–14; 1 Коринт 10:1–4; 1 Нифай 11:25-ыг үзнэ үү).

Бусад хүн танаас хамааралтай байгаа ч “гар [тань] цуцсан” (Гэтлэл 17:12) үед та Мосетой адилхан байж болох юм. Заримдаа та нар Мосег дэмждэг байсан Аарон, Хур, Иетро нартай илүү адилхан байж болох юм. Гэтлэл 17:8–16; 18:13–26-г уншихдаа өөрийгөө эдгээр хүн нэг бүрийн оронд тавьж, Их Эзэн Өөрийн ажлын талаар та нарт юу зааж байгааг хараарай.

Мөн Мозая 4:27; 18:8–9-ийг үзнэ үү.

• Их Эзэнийг Улаан тэнгисийг хуваахад Мосе болон израилчууд Түүний хэр хүчтэй болохыг харсан. Гэтлэл 14:5–22 түүхийг хөгжилтэй байдлаар жүжигчлэн үзүүлэх арга замыг бодохдоо хүүхдүүдээр туслуул (мөн Хуучин Гэрээний түүхүүд дэх “Алгасал баяр”-ыг 70–74-өөс үзнэ үү). Магадгүй та нар сандал эсвэл хөнжлүүд байрлуулаад, Улаан тэнгис шиг “хувааж” болох юм. Дараа нь та нар амьдралдаа Бурханы хүчийг хэрхэн харсан тухайгаа бие биетэйгээ хуваалцаж болно.

  

  2:54

• Сургаал ба Гэрээнүүд 8:2–3 нь Гэтлэл 14 дээрх түүхийн талаарх бидний ойлголтыг хэрхэн нэмэгдүүлж байна вэ? Ариун Сүнс таны оюун ухаан, зүрх сэтгэлд ямар нэгэн зүйл шивнэж байсан туршлагаасаа хүүхдүүддээ ярьж өгөөд, тэднийг туршлагаа хуваалцахыг урихыг бод. Та нар бас Ариун Сүнсний тухай “Ариун Сүнс биднийг хөтлөг” (Дуулал, 75) гэх зэрэг дууг дуулж болно.

• Магадгүй та хүүхдүүдтэйгээ хамт Гэтлэл 15:22–25-ыг судалж байхдаа ямар нэгэн амттай болон гашуун зүйл ууж болох юм. Аврагч бидний амьдралын “гашуун” туршлагуудыг хэрхэн “амттай” болгодог вэ?

• Та хүүхдүүдтэйгээ Гэтлэл 15:23–25; 16:14–15; 17:1–6-г уншиж байхдаа түүх бүрийг ярихад туслах мөчир (Марагийн усыг эдгээх), шилэн сав эсвэл тогоо (маннагаар дүүргэх), чулуу (Хоребын хаднаас ус гаргах) гэх мэт зүйлсийг олохдоо тэднээр туслуул. Эдгээр түүх нь Есүс Христийн бидний төлөө хийсэн зүйлсийн талаар бидэнд юуг сануулж байна вэ? Та нар ярилцаж байхдаа Матай 7:24–27; Иохан 4:10–14; 6:29–35, 48–51; Хиламан 5:12; Сургаал ба Гэрээнүүд 20:77, 79-ийг уншиж болно.

• Гэтлэл 17:8–16-г уншихдаа та, гараа дээш өргөхөд нэг хүүхдийг урьж болно. Түүнийг ядрахад бусад хүүхэд Аарон, Хур хоёр Мосед тусалсан шиг түүнд тусалж чадна. Бурханы хаант улсыг амжилтад хүргэхэд бид хэрхэн тусалж чадах талаар энэ түүх бидэнд юу зааж байна вэ? Та мөн Гэтлэл 18:13–26-г уншиж, тойрогтоо үйлчилж байгаа хүмүүсийн хүнд үүрэг хариуцлагын талаар ярилцаж болно. Яг Аарон, Хур хоёр бошиглогч Мосед тусалсны адил бид өнөөдөр Сүмийн удирдагчдадаа туслахын тулд юу хийж болох вэ?