“Eprōļ 13–19. ‘Kom̧win Tōt Wōt, im Lo Lo̧mo̧o̧r an Irooj: Exodus 14–18,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“Eprōļ 13–19. ‘Kom̧win Tōt Wōt, im Lo Lo̧mo̧o̧r an Irooj,’” Itok, Ļoor Eō: Kallim̧ur M̧okta 2026
Eprōļ 13–19: “Kom̧win Tōt Wōt, im Lo Lo̧mo̧o̧r an Irooj”
Exodus 14–18
RiIsrael ro kar aujiidi er. Lom̧alo eo E Būrōrō ekar pād ilo turājet eo juon, im ritariņae ro an Pero raar pād ilo turājet eo juon. Diwōjļo̧k eo aer jān Ijipt, āinwōt, ear kadu kūtien. Ak Anij eaar wōr an juon ennaan n̄an riIsrael ro me E ekōņaan bwe ren keememej epepen ko: “Kom̧win jab lōļn̄on̄. … Bwe Jeova enaaj ire n̄an kom̧” (Exodus 14:13–14).
Jān iien eo, ke armej ro an Anij raar aikuj tōmak im peran, raar kwaļo̧k bwebwenato in. Ke Nipai eaar kōņaan im̧we ļōm̧aro jein, eaar ba, “Jen kajoor āinwōt Moses; bwe m̧ool eaar kōnono n̄an dān ko ilo Lom̧aļo Ekilmir im raar ajej ijeņ im ijeņ, im ro jemād raar tōpar tu rājet, jān jipo̧kwe, ioon āne em̧ōrā” (1 Nipai 4:2). Ke Kiin̄ Limai eaar kōņaan bwe armej in jipo̧kwe ro an ren “kotak bōra[er], im m̧ōņōņō,” eaar kakeememej er kōn ejja bwebwenato in (Mosaia 7:19). Alma ear bar, ke iar kōņaan kam̧ool n̄an ļōmaro nejin kōn kajoor an Anij (lale Alma 36:28). Im n̄e jej en̄jake ad lokjak—n̄e jej aikuj tōmak n̄an “lo lo̧mo̧o̧r an Jeova”—jemaron̄ keememej ekōjkan an “Jeova ear lo̧mo̧o̧ren Israel ilo raan eo” (Exodus 14:13, 30).
Ļōmņak ko n̄an Ekkatak ilo M̧weeo im ilo Kabun̄ in
Exodus 14; Exodus 15:1–21
Irooj emaron̄ kōm̧m̧ane “jerbal eo eļap” ilo mour eo aō.
Ilo am riiti Exodus 14:1–10, lōmņake elmen an riIsrael ro kar en̄jake ke rej lo an ritariņae ro an Pero epaaktok. Bōlen kwoj en̄jake bwe kwoj aikuji juon kabwilōn̄lōn̄ n̄an anjo̧ ilo juon iien epen kwoj jelm̧ae. Ta eo kwoj loe ilo Exodus 14:13–31 me ej im̧we eok n̄an pukot kajoor eo an Anij n̄an mour eo am̧? Kejōkļo̧kjen wāween ko kwaar lo kajoor eo An m̧oktaļo̧k. Ta eo kwaar ekkatak kōn E jān en̄jake kein?
Exodus 15:1–19 ej juon al in nebar me ri Israel ro raar al ālkin an Irooj kar kōjepel Lomaļo Ekilmur. Naan ta ko ilo al in me eļap meļeļein ippam? Bōlen ewōr juon al me kwoj al kake n̄e Irooj ej kōm̧m̧ane juon men ekabwilōn̄lōn̄ n̄an kwe, āinwōt “Dri Binmuren Israel” (Al Ko, no. 2). Ļōmņak in al ak ron̄jake āinwōt m̧ōttan kabun̄-jar eo am̧ rainin.
Bar lale Katak im Bujen Ko 8:2–3.
Exodus 15:22–27; 16:1–15; 17:1–7
Irooj emaron̄ kōm̧m̧ani men ko remeo n̄an tōn̄al.
Riit kōn em̧akut eo an ri Israel ro me emaron̄ tōl eok n̄an ļōmņak kōn men ko ilo mour eo am̧ me re “meo̧” āinwōt dānin Mera (lale Exodus 15:23–27). Ekōjkan an kar Irooj kōm̧m̧an bwe men ko re meo̧ ilo mour eo am̧ ren em̧m̧an? Ta en̄jake eo eaorōk ilo mour eo am?
Konaaj kile waanjon̄ak in en̄jake ko re meo̧ n̄an ri Israel ro ilo Exodus 16 im 17. Elap kapo n̄an kōnanaik aer unoojdikdik im ellotaan, ak ilo am̧ riit, ļōmņake n̄e em̧ōj ke am̧ kōm̧m̧ane ejja men in wōt. Ta eo kwoj ekkatak jān en̄jake ko an ri Israel me emaron̄ jipan̄ eok dikļo̧k am̧ bae ņae im ļapļo̧k lōke Anij? Ta eo eoon kein rej katakin eok kōn Anij?
Bar lale 1 Nipai 2:11–12.
Riisrael ro rej aiintok pilawā manna Neo-gothic fresco, Trnava (kōmeļeļe)
Exodus 16
Irooj ej letok n̄an eō ōn in jetōb kajjojo raan.
Kōnke kōj aolep jej aikuj m̧ōn̄ā, ekkā an Irooj keidi ien ko an jetōb n̄an m̧ōn̄ā. Pukot katak in jetōb ko an ilo en̄jake ko an ri Israel kōn manna eo ilo Exodus 16. N̄an waanjon̄ak, ta eo kwoj loe ilo katak eo an Irooj ilo Exodus 16:16, 19, 22–26 me emaron̄ jerbal n̄an am̧ ōn ilo jetōb?
N̄an pukot katak ko jet Irooj emaron̄ kōņaan bwe kwon ekkatak jān kabwilōn̄lōn̄ in, lin̄ūri kajjitōk ko āinwōt kein:
-
Ta eo Irooj ej letok n̄an eō kajjojo raan āinwōt manna bwe E kar leļo̧k n̄an ri Israel ro?
-
Ta eo imaron̄ kōm̧m̧ane n̄an ainiin tok manna?
Komaron̄ bar lo ļōmņak ko jet ilo pija in alooj kein: “Daily Bread: Pattern,” “Daily Bread: Experience,” im “Daily Bread: Change” (Gospel Library).
Daily Bread: Pattern
Daily Bread: Experience
Daily Bread: Change
Ļōmņak kōn men ko jet ijelo̧kin m̧ōn̄ā, me kwoj kōm̧m̧ani aolep raan. Etke jet men rej aikuj kōm̧m̧an aolep raan n̄an aer jerbal? Ta eo kwoj im̧we n̄an kōm̧m̧an n̄an pukot en̄jake in jetōb ko kajjojo raan?
Bar lale Dieter F. Uchtdorf, “Jepļaaktok eo Raan Otemjej,” Liaona, Nob. 2021, 77–79; “Daily Restoration” (pija in alooj), Gospel Library
Daily Restoration
Exodus 17:1–7
Jisōs Kraist ej aō ejm̧aan in mour in jetōb im dānnin mour.
Ļōmņak kōn Rilo̧mo̧o̧r eo ilo am riiti Exodus 17:1–7. Elmen an Jisōs Kraist āinwōt juon ejm̧aan n̄an kwe? (lale Sam Ko 62:6–7; Hilamōn 5:12). Elmen An āinwōt dān? (lale Jon 4:10–14; 1 Korint 10:1–4; 1 Nipai 11:25).
bwe em̧ool rej kam̧ool kōn Kraist. Jabdewōt iien jeje ko rekwojarjar rej kōmeļeļeik men ko me remaron̄ kakōļļe in Jisōs Kraist, āinwōt ilo Exodus 17:1–7 , emaron̄ juon mennin katak. Kalimjōk ak jibwe juon dekā ak dān emaron̄ kōm̧m̧an bwe en pidodo meļele ekōjkan an men kein āinwōt Jisōs Kraist. N̄e komaron̄ kobaiktok elōn̄ en̄jake ilo ekkatak, emaron̄ mennin kakeememej im ļap an jerbal.
Exodus 17:8–16; 18:13–26
Ro rikaļoor rej jipan̄ doon “ineek eddo in” kōm̧m̧ane jerbal eo an Irooj.
Emaron̄ lōn̄ iien ko ilo mour eo am̧ me kwoj ekkeijel ilo jekjek eo an Moses—n̄e ro jet rej pedped ioom̧, ak “e ṃōk [peim̧]” (Exodus 17:12). Jet iien, komaron̄ en̄jake āinwōt kar Arōn, Hur, im Jethro, ro raar jipan̄ Moses. Likūt eok make ilo jekjek eo an kajjojo armej rein ilo am̧ riiti Exodus 17:8–16; 18:13–26, im lale ta eo Irooj ej katakin eok kōn jerbal eo An.
Bar lale Mosaia 4:27; 18:8–9.
N̄an eļapļo̧k meļeļe, lale ennaan eo an allōn̄ in ilo Liaona im N̄an Kōkajoorļo̧k Jodikdik Ro māākjiin.
Ļōmņak ko n̄an Katakin Ajri ro
Exodus 14:5–22
Irooj emaron̄ kōm̧m̧ane “jerbal eo eļap” ilo mour eo aō.
-
Ke Irooj ear kōjepel Lomaļo Ekilmur, Moses im ri Israel ro raar lo jon̄an An kajoor. Kōtļo̧k bwe ajri ro nejum̧ ren jipan̄ eok ļōmņake juon wāween elimo n̄an arin bwebwenato eo jān Exodus 14:5–22 (bar lale “Kwojkwoj in Kijone eo” ilo Bwebwenato ko jān Kallim̧ur M̧okta, 70–74). Bōlen komaron̄ karōk jea ak būļan̄kōj ko im “kōjepeļo̧k” i āinwōt Lomaļo Ekilmur. Innem kom̧ maron̄ kwaļo̧k n̄an doon elmen ami lo kajoor an Anij ilo mour ko ami.
2:54The Passover
-
Ta eo Katak im Bujen Ko 8:2–3 ej kobaiktok n̄an jeļā eo ad kōn bwebwenato eo ilo Exodus 14? Ļōmņak in jiron̄ ajri ro njeum̧ kōn juon en̄jake me Jetōb Kwojarjar ear jiron̄ eok juon men ilo kōļmenļo̧kjen ak būruōm̧, im karuwanene er n̄an kōnono kōn en̄jake ko aer make. Kom maron̄ al juon al kōn Jetōb Kwojarjar, āinwōt “Let the Holy Spirit Guide” (Hymns, no. 143).
Exodus 15:22–25
Irooj emaron̄ kōm̧m̧ani men ko remeo n̄an tōn̄al.
-
Bōlen kwe im ajri ro nejum̧ maron̄ daak juon men etōn̄ak im juon men emeo ilo ami ekkatak Exodus 15:22–25 ippān doon. Ekōjkan an kar Irooj kōm̧m̧an bwe men ko “remeo̧” ilo mour eo am̧ ren em̧m̧an?
Exodus 15:23–25; 16:14–15; 17:1–6
Jisōs ej aō Dānin Mour, aō Bred in Mour, im aō Dekā.
-
Ilo am riit ippān ajri ro Exodus 15:23–25; 16:14–15; 17:1–6, kōtļo̧k bwe ren jipan̄ eok kappukot men ko n̄an jipan̄ bwebwenato kōn kajjojo bwebwenato—āinwōt juon ra (n̄an kōmour dān eo ilo Mera), juon tarbōj ak ainbat (n̄an kanne kōn manna), im juon dekā (n̄an dān eo ilo Horeb). Elmen an bwebwenato kein kakeememej kōj kōn ta eo Jisōs Kraist ekar kōm̧m̧ane n̄an kōj? Āinwōt m̧ōttan ekōnono eo am, kom̧ maron̄ riiti Matu 7:24–27; Jon 4:10–14; 6:29–35, 48–51; Hilamōn 5:12; Katak im Bujen Ko 20:77, 79.
Juon Wōt Im̧aan Anij, jān Joseph Brickey (kōmeļeļe)
Exodus 17:8–16; 18:13–26
Imaron̄ jipan̄ “ineek eddo in” kōm̧m̧ane jerbal in an Irooj.
-
Ilo am̧ riiti Alma 17:8–16, ļōmņak kōn ekōjkan am̧ m̧aanjabpopo n̄an ron̄jake naan eo an Anij. N̄e ajri eo ej em̧ōk, ajri ro jet remaron̄ jipan̄, āinwōt an kar Arōn im Hur jipan̄ Moses. Ta eo bwebwenato in ej katakin kōn ekōjkan ad maron̄ jipan̄ bwe aelōn̄ in kiin̄ eo an Anij en tōprak? Komaron̄ bar riiti Exodus 18:13–26 im kōnono kōn eddo ko reļļap an armej ro rej jerbal ilo ward eo ami. Ta eo jemaron̄ kōm̧m̧ane n̄an jipan̄ ritōl ro an Kabun̄ in, āinwōt Aaron im Hur kar jipan̄ rikanaan Moses?
N̄an eļapļo̧k meļeļe, lale ennaan eo an allōn̄ in ilo eo Jera māākjiin.