Exodus 7–13

Kōjatdikdik bwe ankilaam eban jum̧ae ankilaan Anij āinwōt kar Pero. Ijoke, kōj aolep ewōr iien me būruōd ejjab mera. Ta ko kwoj loi kōn uwaak eo an Pera ikkijeen nan̄inmej eo ilo Exodus 7:14–25; 8:5–32; 9:1–26; 10:12–29; 12:29–33? Lale kein kalikkar eo ilo Ukook eo an Josep Smith n̄an Exodus 7:3, 13; 9:12.

Etke “epen” juon kōmeļeļe em̧m̧an kōn būruōn Pero? Ļōmņake ta eo kwoj ekkatak jān eoon ko kōn juon bōro mera: 1 Nipai 2:16; Mosaia 3:19; Alma 24:7–8; 62:41; Ether 12:27. Ilo am̧ riit kōn tōprak in pen bōro eo an Pero, kōļmenļo̧kjen kōn jekjek in būruōm̧. Ta oktak ko me kwoj en̄jaki me raar im̧we eok n̄an kōm̧m̧ani?

Wāween eo wōt bwe riIsrael ro ren mour jān en̄taan eo kein kajon̄oul, ej kōmeļeļeik ilo Exodus 11:4–5, ekar n̄an ļoor kōmeļeļe ko Irooj eaar liļo̧k n̄an Moses ilo Exodus 12, juon imminene āinwōt Kwojkwoj in kijoone. Kwojkwoj in kijoone eo ej katakin kōj kōn kōkaļļe ko me Irooj eaar kadiwōjļo̧k riIsrael ro jān kōm̧akoko ilo Ijipt, E maron̄ bar kadiwōjļo̧k kōj jen kōm̧akoko in jerawiwi. N̄an etale kakōļļe kein ilo Exodus 12:1–42, komaron̄ kōjerbal juon jaat āinwōt in:

Ta eo kwoj lo ilo kōmeļeļe ko im kōkaļļe ko an Kwojkwoj in Kōjota eo me ej kakeememej eok kōn Jisōs Kraist im Pinmuur eo An? Ta jerbal eo an kōkaļļe im kōmeļeļe kein n̄an kwe kōn ewi wāween bōk kōjeraam̧m̧an in Pinmuur eo An?

Rilo̧mo̧o̧r ear kakien ri Israel ro n̄an kōjpārok Kwojkwoj in Kijoone eo kajjojo iiō n̄an jipan̄ er keememej E ear kanemkwoj er, jekdoon ālkin an kōmakoko eo aer naaj erom juon bwebwenato wot. Ilo am̧ riiti kakien ko An ilo Exodus 12:14–17, 24–27; 13:1–16, ļōmņake ta eo kwoj kōm̧m̧ane n̄an keememj kōjeraam̧m̧an ko an Anij n̄an kwe. Elmen am maron̄ kōjparok kein kakeememej ilo “aolepen epepen ko am”? (lale Exodus 12:14, 26–27

Ta āinjuon ko kwoj loi ikōtaan m̧ōn̄ā in Kwojkwoj in kijoone im kwojkwoj eo? Ta eo kwomaron̄ kōm̧m̧ane n̄an “keememej aolep” Jisōs Kraist? (Moroni 4:3; 5:2).

Komaron̄ bar ļōmņake men ko jet Irooj ekōņaan bwee kwon keememeje; lale, n̄an waanjon̄ak, Hilamōn 5:6–12; Moronai 10:3; Katak im Bujen Ko 3:3–5, 10; 18:10; 52:40.

Bar lale Kevin W. Pearson, “Kwoj Ke Mōnōnō Wōt?,” Liaona, Nob. 2022, 67–69; “Always Remember Him” (pija in alooj), Gospel Library; “In Memory of the Crucified,” Hymns, no. 190.

5:27

• Nan̄inmej eo kōmeļeļe kake ilo Exodus 7–11 ej kwaļo̧k n̄an ri Ijipt im ri Israel ro ke eļap kajoor eo an Irooj. Irooj enaaj jipan̄ ajri ro nejim ilo aolepe mour ko aer n̄e ewōr aer tōmak ilo kajoor eo An. N̄an jipan̄ er ekkatak jān bwebwenato in, komaron̄ leļo̧k n̄an kajjojo ajri pepa eo kar ajej ilo 10 m̧ōttan ko, im karuwanene er n̄an jin̄aik pija in nan̄inmej eo kar kōmeļeļe kake ilo eoon kein: Exodus 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (see also “Nan̄inmej ko ilo Ijipt” ilo Bwebwenato ko jān Kallim̧ur M̧okta, 67–69). Riit ippān doon Exodus 7:5 im 9:14 n̄an kōmeļeļe etke Irooj ear jilkinļo̧k nan̄inmej ko.

  

  2:3

• Kwaļo̧k n̄an ajri ro ekōjkan an Irooj kar kwaļo̧k n̄an eok “bwe ejjeļo̧k juon āinwōt [E] ilo aolepen laļ” (Exodus 9:14). Kōtļo̧k bwe ren kwaļo̧k rejaam̧ jeļā bwe Irooj ekajoor.

• N̄an jipan̄ ajri ro loe ta meļeļein bōk juon bōro ettā, emaron̄ limo n̄an kwaļo̧k n̄an er juon men epen, āinwōt juon dekā, im juon men epidodo im meomeo, āinwōt juon matmat. Komaron̄ lutok dān ioon juon ian men kein n̄an kwaļo̧k an pidodo an bōro eo emeoeo bōk naan an Irooj. Innem kom̧ maron̄ riit ippān doon jet eoon me rej kōmeļeļeik an Pero uwaak n̄an nan̄inmej eo Irooj ear jilkinļo̧k (lale Exodus 8:28–32; 9:7). Ewi iaan men kein em̧m̧antata aer pijak būruōn im m̧wilin Pero? Ta meļeļe n̄an bōk juon bōro ettā? (lale Mosiah 3:19).

• Kwe im ajri ro maron̄ kōm̧m̧ane juon laajrak in jet m̧akutkut ko me remaron̄ kwaļo̧k n̄e epen būruōm̧ (n̄an waanjon̄ak, kōjerbal naan ko renana ak makoko in jeer). Ekōjkan ad kwaļo̧k n̄an Irooj ke jekōņaan bwe en ettā buruōd?

• Kwojkwoj in kijoone ekar katakin ri Israel ro n̄an reilo̧k n̄an Rilo̧mo̧o̧r im en̄taan eo An n̄an kōj. Ālkin riit Exodus 12:1–13 ippān doon, jipan̄ ajri ro lale ekkejel ko ikōtaan kōmeleļe in Kwojkwoj in Kijoone im Pinmuur eo an Jisōs Kraist (bar lale “Kwojkwoj in Kijone eo” ilo Bwebwenato ko jān Kallim̧ur M̧okta, 70–74). N̄an waanjon̄ak, elmen an Jisōs āinwōt lamb eo kōmeļeļe kake ilo eoon 5?

  

  2:54

• Rainin, jej bōk kwojkwoj eo n̄an keememej katok eo an Jisōs. Komaron̄ kwaļo̧k juon pija in kwojkwoj eo n̄an ajri ro im kōnono kōn ekōjkan an kain̄i ko jipan̄ kōj keememej Jisōs Kraist. Komaron̄ jipan̄ ajri ro nejum kappukot naan eo “keememej” ilo jar in kwojkwoj ko (lale Moronai 4–5). Ak al juon al ippān kōn kwojkwoj eo, im jipan̄ ajri ro keememej en̄jake in aenōm̧m̧an eo rej en̄jake n̄e rej ļōmņak kōn Rilo̧mo̧o̧r. Ekōjkan ad maron̄ kappukot en̄jake eo n̄e jej bōkkwojkwoj eo?