Egzòd 14–18

Pandan w ap li Egzòd 14:1–10, imagine kijan Izrayelit yo dwe te santi yo lè yo te wè lame Farawon an ap apwoche. Petèt ou santi w bezwen yon mirak pou w siviv anba yon gwo difikilte w ap travèse. Kisa w jwenn nan Egzòd 14:13–31 ki enspire w pou chèche pouvwa Bondye nan lavi ou? Medite sou fason w konn wè pouvwa Li nan lepase. Kisa ou te aprann konsènan Li nan eksperyans sa yo?

Egzòd 15:1-19 se yon chan lwanj ke Izrayelit yo te chante apre Senyè a te separe lanmè Wouj la. Ki fraz nan chante sa a ou jwenn ki espesyalman siyifikatif? Petèt gen yon kantik ke ou santi pou w chante lè Senyè a te fè yon bagay ekstraòdinè pou ou, tankou ”Sauveur d‘Israel” (Cantiques, no. 6). Anvizaje chante oubyen tande l kòm yon pati nan adorasyon w jodia.

Gade tou Doktrin ak Alyans 8:2–3.

Li konsènan vwayaj Izrayèl la ka mennen nou reflechi konsènan bagay yo nan lavi nou ki te sanble ”anmè” tankou dlo Mara yo (gade Egzòd 15:23–27). Kijan Seyè a te fè bagay anmè yo nan lavi ou dous? Ki enpòtans eksperyans sa yo te genyen nan lavi ou?

Ou pral remake plis egzanp sou eksperyans anmè pou Izrayelit yo nan Egzòd 16 ak 17. Li tantan pou kritike mimire oswa konplenn yo, men pandan w ap li, konsidere si ou te janm fè menm bagay la. Kisa w aprann nan eksperyans Izrayelit yo ki ka ede w mimire mwens epi konfye w plis nan Bondye? Kisa vèsè sa yo anseye w apwopo Bondye?

Gade tou 1 Nefi 2:11–12.

Puiske nou tout bezwen manje, Senyè a souvan konpare bagay espirityèl yo ak manje. Chèche jwenn leson espirityèl Li yo nan eksperyans Izrayelit yo ak lamàn nan Egzòd 16. Pa egzanp, ki sa w jwenn nan enstriksyon Senyè a nan Egzòd 16:16, 19, 22–26 ki aplike pou nouriti espirityèl ou?

Pou dekouvri lòt leson Senyè a ka vle ou aprann apati mirak sa a, medite sou kesyon tankou sa yo:

• Kisa Senyè a ba mwen ki se tankou lamàn kotidyen ke Li te bay Izrayelit yo?

• Kisa mwen ka fè ki se tankou ranmase lamàn?

Ou ka jwenn ide adisyonèl nan youn oswa plis nan videyo sa yo: “Pen Kotidyen: Modèl,” “Pen Kotidyen: Eksperyans,” ak “Pen Kotidyen: Chanjman” (Bibliyotèk Levanjil).

2:52

3:12

3:0

Reflechi sou lòt bagay, anplis manje, ke ou fè chak jou. Poukisa kèk bagay dwe fèt chak jou pou yo vin efikas? Kisa w santi w enspire pou w fè pou w chèche jwenn eksperyans spirityèl chak jou?

Gade tou Dieter F. Uchtdorf, ”Restorasyon Chak Jou,” Liahona, Nov. 2021, 77–79; ”Restorasyon chak jou” (videyo), Bibliyotèk Levanjil la.

5:27

Panse a Sovè a pandan w ap li Egzòd 17:1–7. Kijan Jezikri se yon wòch pou ou? (gaden Sòm 62:6–7; Elaman 5:12). Kijan Li se tankou dlo? (gade Jan 4:10–14; 1 Korentyen 10:1–4; 1 Nefi 11:25).

Ka gen moman nan lavi ou lè ou ka idantifye w ak Moyiz —lè lòt moun depann de ou, men ”ou [santi] men ou yo lou” (Egzòd 17:12). Gen lòt fwa, ou ka vin plis tankou Arawon, Hur, ak Jetwo, ki te soutni Moyiz. Mete tèt ou nan pozisyon chak moun sa yo pandan w ap li Egzòd 17:8–16; 18:13–26, epi gade sa Senyè a ansenye nou konsènan travay Li a.

Gade tou Mozya 4:27; 18:8–9.

• Lè Senyè a te separe Lanmè Wouj la, Moyiz ak Izrayelit yo te wè jan Li puisan. Kite timoun ou yo ede ou panse a yon fason amizan pou rekonstitye istwa ki soti nan Egzòd 14:5–22 (gade tou ”Fèt Pak la” nan Istwa Ansyen Testaman yo, 70–74). Petèt ou te kapab aranje chèz oswa dra epi ”divize” yo tankou Lanmè Wouj la. Apresa, nou ka pataje youn ak lòt kijan nou te wè pouvwa Bondye nan lavi nou.

  

  2:54

• Kisa Doktrin ak Alyans 8:2–3 ajoute sou konpreyansyon nou de istwa a nan Exodus 14? Anvizaje rakonte timoun yo konsènan yon eksperyans lè Sentespri a te di w yon bagay nan lespri w oswa nan kè w, epi envite timoun yo pou yo pale konsènan eksperyans pa yo tou. Ou ta ka chante yon chan tou sou Sentespri a, tankou ”Que l‘Esprit Soit Avec Vous” (Cantiques, no. 78).

• Petèt oumenm ak timoun ou yo ta kapab bwè yon bagay dous ak yon bagay anmè pandan n ap etidye Egzòd 15:22–25 ansanm. Kijan Sovè a te fè eksperyans ”anmè” yo nan lavi nou ”dous”?

• Pandan ou ak timoun ou yo ap li Egzòd 15:23–25; 16:14–15; 17:1–6, kite yo ede w jwenn objè ki rakonte chak istwa —tankou yon branch (pou geri dlo a nan Mara), yon bokal oswa po (ranpli ak lamàn), ak yon wòch (pou dlo a nan Horeb). Kisa istwa sa yo raple nou konsènan sa Jezikri fè pou nou? Kòm yon pati nan diskisyon w lan, ou gendwa li Matye 7:24–27; Jan 4:10–14; 6:29–35, 48–51; Eelaman 5:12; Doktrin ak Alyans 20:77, 79.

• Pandan n ap li Egzòd 17:8–16, ou ka envite yon timoun pou kenbe men yo wo nan lè a. Lè timoun nan fatige, lòt timoun te ka ede, fason Arawon ak Hur te ede Moyiz la. Kisa istwa sa a anseye sou fason nou ka ede wayòm Bondye a gen siksè? Ou ta ka li tou Egzòd 18:13–26 epi pale sou responsablite lou moun k ap sèvi nan pawas ou a. Kisa nou ka fè jodi a pou ede pwofèt nou an, menm jan Aawon ak Hur te ede pwofèt Moyiz la?