Egzòd 7–13

Chans pou nou, volonte w pa p janm osi dramatikman opoze ak volonte Bondye tankou Farawon an. Kanmèm, nou tout gende fwa kote kè nou pa dou jan l ta dwe ye an. Kisa ki atire atansyon w sou reyaksyon Farawon an kont plè ki nan Egzòd 7:14–25; 8:5–32; 9:1–26; 10:12–29; 12:29–33? Remake klarifikasyon ki nan tradiksyon Egzòd 7:3, 13; 9:12 Joseph Smith yo.

Poukisa “di” se yon bon deskripsyon pou kè Farawon? Ann konsidere kisa ou aprann nan vèsè sa yo konsènan yon kè ki dou: 1 Nefi 2:16; Mozya 3:19; Alma 24:7–8; 62:41; Etè 12:27. Pandan w ap li sou konsekans kè di Farawon an, medite sou kondisyon kè pa w. Ki chanjamn ou enspire pou w fè?

Sèl fason pou Izrayelit yo te epaye anba dizyèm plè a, ki dekri nan Egzòd 11:4–5la, sete pou yo te presizeman suiv enstriksyon Senyè a te bay Moyiz nan Egzòd 12yo, yon seremoni ki pote non Pak. Pak la anseye nou atravè senbòl yo ke menmjan Senyè a te delivre Izrayelit yo anba esklavaj nan Lejip la, Li ka delivre nou anba esklavaj peche tou. Pou eksplore senbòl sa a nan Egzòd 12:1–42, ou ta ka itilize yon tablo tankou sa a:

Kisa w jwenn ankò nan enstriksyon ak senbòl Pak yo ki raple w de Jezikri ak Sakrifris Ekspyatwa L la? Kisa sijesyon senbòl sa yo ba ou konsènan fason pou w resevwa benediksyon Sakrifis Ekspyatwa yo?

Sovè a te kòmande Izrayelit yo pou yo obsève fèt Pak la chak ane pou ede yo sonje Li te delivre yo, menm apre kaptivite yo te vin yon memwa byen lwen. Pandan w ap li enstriksyon L yo nan Egzòd 12:14–17, 24–27; 13:1–16, panse sou sa w ap fè pou w sonje benediksyon Bondye ba ou yo. Kòman w ka prezève souvni sa a “atravè jenerasyon w yo”? (gade nan Egzòd 12:14, 26–27).

Ki similarite ou wè ant bi fèt Pak la ak Sentsèn nan? Kisa w ka fè pou w “toujou sonje” Jezikri? (Mowoni 4:3; 5:2).

Epi tou, ou ta ka medite sou lòt bagay Senyè a vle pou w sonje; gade, paregzanp, Elaman 5:6–12; Mowoni 10:3; Doktrin ak Alyans 3:3–5, 10; 18:10; 52:40.

Gade tou Kevin W. Pearson, “Èske ou toujou vle?,” Liahona, Nov. 2022, 67–69; “Toujou sonje Li” (videyo), Libreri Levanjil; “En souvenir de Jésus-Christ,” Cantiques, no. 114.

5:27

• Plè yo te dekri nan Egzòd 7–11 te montre Ejipsyen yo ak Izrayelit yo ke Senyè a gen gwo pouvwa. Senyè a ap ede timoun ou yo pandan tout lavi yo lè yo gen lafwa nan pouvwa Li. Pou ede yo aprann nan istwa sa a, ou ta ka bay chak timoun yon papye divize nan 10 seksyon, epi envite yo pou yo desine foto kalamite ki dekri nan vèsè sa yo: Egzòd 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (gade tou “Plè Ejip yo” nan Istwa Ansyen Testaman yo, 67–69). Li ansanm Egzòd 7:5 ak 9:14 pou eksplike poukisa Senyè a te voye plè yo bay Lejip.

  

  2:3

• Pataje ak timoun ou yo kijan Senyè a te montre w “ke pa gen okenn tankou [L] sou tout latè” (Egzòd 9:14). Kite timoun yo pataje kijan yo fè konnen Senyè a puisan.

• Pou ede timoun ou yo vizyalize sa sa vle di pou yon moun gen yon kè ki dou, li ta ka yon plezi pou w montre yo yon objè ki di, tankou yon wòch, ak yon lòt ki dou epi ki absòbe, tankou yon eponj. Ou ta ka vide dlo sou objè sa yo pou demontre kijan li fasil pou yon kè ki mou resevwa pawòl Senyè a. Apresa, ou ta ka li ansanm kèk vèsè ki dekri kijan Farawon te reponn kont plè Senyè a te voye (gade Egzòd 8:28–32; 9:7). Kiyès nan objè sa yo ki pi byen reprezante kè Farawon an oswa atitid li? Kisa sa vledi pou n gen yon kè adousi? (gade nan Mozya 3:19).

• Oumenm ak pitit ou te kapab fè yon lis kèk aksyon ki ta ka montre lè nou gen yon kè di (pa egzanp, lè l sèvi avèk move pawòl oswa yo pa dispoze pataje). Kijan nou ka montre Senyè a ke nou vle gen kè ki adousi?

• Fèt Pak la te anseye Izrayelit yo pou yo vire gade Sovè a ak sakrifis Li a pou nou. Pandan w ap eksplore Egzòd 12:1-13 ansanm, ede timoun ou yo wè koneksyon ant detay fèt Pak la ak Ekspyasyon Jezikri a (gade tou “Pak” nan Istwa Ansyen Testaman, 70–74). Pa egzanp, kijan Jezi tankou ti mouton yo dekri nan vèsè 5la?

  

  2:54

• Jodi a, nou pran sentsèn pou nou sonje sakrifis Jezi a. Ou ka montre pitit ou yon foto Sentsèn nan epi pale sou kijan òdonans sa a ede nou sonje Jezikri. Ou ka ede pitit ou yo jwenn mo “sonje” nan priyè Sentsèn yo (gade Mowoni 4–5). Oubyen chante ansanm yon kantik prefere nou sou sentsèn nan, epi ede timoun ou yo remake santiman lapè yo genyen lè yo reflechi sou Sovè a. Kijan nou kapab chèche santiman sa a lè nou pran Sentsèn la?