Eksodɔs 7–13

Yɛgye di sɛ w’apɛdeɛ ntia Onyankopɔn apɛdeɛ sɛdeɛ na Farao deɛ teɛ no. Nanso, yɛn nyinaa wɔ mmerɛ bi a yɛn akoma nyɛ mmrɛ sɛdeɛ ɛsɛ sɛ ɛyɛ. Deɛn na ɛda nso ma wo fa mmuaeɛ a Farao de maa wɔ ɔhaw ahoroɔ no ho wɔ Eksodɔs 7:14–25; 8:5–32; 9:1–26; 10:12–29; 12:29–33? Hwɛ nkyerɛkyerɛmu a ɛwɔ Joseph Smith Nkyerɛaseɛ ma Eksodɔs 7:3, 13; 9:12.

Adɛn nti na “den” yɛ nkyerɛkyerɛmu pa ma Farao akoma? Dwene deɛ wosua firi nkyekyɛmu ahoroɔ yi mu fa akoma a ɛyɛ mmrɛ a wobɛnya: 1 Nephi 2:16; Mosiah 3:19; Alma 24:7–8; 62:41; Ether 12:27. Berɛ a wokenkan fa Farao akoma-den ho nsunsuansoɔ ho no, susu w’akoma tebea ho. Nsakraeɛ bɛn na wote nka sɛ yɛ?

Ɔkwan baako pɛ a na wɔbɛfa so agye Israelfoɔ no afiri ɔhaw a ɛtɔ so du no mu, a wɔaka ho asɛm wɔ Eksodɔs 11:4–5, ne sɛ na wɔbɛdi akwankyerɛ a Awurade de maa Mose wɔ Eksodɔs 12, amanneɛ a wɔfrɛ no Twam Afahyɛ no so pɛpɛɛpɛ. Twam Afahyɛ no nam sɛnkyerɛnneɛ kwan so kyerɛkyerɛ yɛn sɛ sɛdeɛ Awurade gyee Israelfoɔ firii nkoasom mu wɔ Misraim no, saa ara na ɔbɛtumi agye yɛn nso afiri bɔne nkoasom mu. Sɛ wopɛ sɛ wohwehwɛ saa sɛnkyerɛnneɛ yi mu wɔ Eksodɔs 12:1–42, a, wobɛtumi de ɛpono te sɛ yei adi dwuma:

Deɛn bio na wohunu wɔ Twam Afahyɛ no akwankyerɛ ne ahyɛnsodeɛ ahoroɔ mu a ɛkae wo Yesu Kristo ne Ne Mpata no? Deɛn na saa ahyɛnsodeɛ ahoroɔ yi kyerɛ wo fa sɛdeɛ wobɛnya Ne Mpata no nhyira ho?

Agyenkwa no hyɛɛ Israelfoɔ no sɛ wɔnni Twam Afahyɛ no afe biara na ɛmmoa ma wɔnkae sɛ Wagye wɔn, mpo berɛ a wɔn nnommumfa no atwam. Berɛ a wokenkan N’akwankyerɛ wɔ Ek 12:14–17, 24–27; 13:1–16, dwene deɛ woreyɛ de akae Onyankopɔn nhyira ma wo no ho. Sɛn na wobɛtumi akora saa nkaeɛ no “wɔ w’awoɔntoatoaso nyinaa mu”? (hwɛ Eksodɔs 12:14, 26–27).

Nsɛdie bɛn na wohunu wɔ Twam afahyɛ no ne adidi kronkron no ntam? Deɛn na wobɛtumi ayɛ no berɛ biara de “akae” Yesu Kristo? (Moroni 4:3; 5:2).

Wobɛtumi nso adwennwene nneɛma afoforɔ a Awurade pɛ sɛ wokae ho; sɛ nhwɛsoɔ no, hwɛ Helaman 5:6–12; Moroni 10:3; Nkyerɛkyerɛ ne Apam 3:3–5, 10; 18:10; 52:40.

San hwɛ Kevin W. Pearson, “Are You Still Willing?,” Liahona, Obubuo 2022, 67–69; “Always Remember Him” (sini), Asɛmpa Nwomakorabea; “In Memory of the Crucified,” Nnwom, nɔma 190.

5:27

• Ɔhaw ahoroɔ a wɔaka ho asɛm wɔ Eksodɔs 7–11 no kyerɛɛ Misraimfoɔ ne Israelfoɔ no sɛ Awurade wɔ tumi kɛseɛ. Awurade bɛboa wo nkwadaa wɔ wɔn abrabɔ nyinaa mu berɛ a wɔwɔ gyidie wɔ Ne tumi mu. Sɛdeɛ ɛbɛboa wɔn ma wɔasua biribi afiri abasɛm yi mu no, wobɛtumi ama abɔfra biara krataa a wɔakyekyɛ mu afa 10, na woama wɔayɛ ɔhaw ahoroɔ a wɔaka ho asɛm wɔ nkyekyɛmu ahoroɔ yi mu no ho mfonin: Eksodɔs 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (san hwɛ “The Plagues of Egypt” wɔ Apam Dada mu Abasɛm, 67–69). Mommom nkenkan Eksodɔs 7:5 ne 9:14 nkyerɛkyerɛ deɛ enti a Awurade de ɔhaw ahoroɔ no baeɛ mu.

  

  2:3

• Wo ne wo nkwadaa nkyɛ sɛdeɛ Awurade akyerɛ wo “sɛ obiara nni hɔ a ɔte sɛ [Ɔno] wɔ asase so nyinaa” . (Eksodɔs 9:14). Ma wɔnkyɛ sɛdeɛ wɔnim sɛ Awurade wɔ tumi.

• Sɛdeɛ ɛbɛboa ma wo nkwadaa ayɛ deɛ akoma a ɛyɛ mmerɛ aseɛ kyerɛ ho mfonin wɔ wɔn adwene mu no, ɛbɛtumi ayɛ anika sɛ wobɛkyerɛ wɔn adeɛ bi a ɛyɛ den te sɛ ɔbotan, ne foforɔ a ɛyɛ mmerɛ na ɛtwe nsuo, te sɛ sapɔ. Wobɛtumi nso ahwie nsuo agu saa nneɛma yi so de akyerɛ sɛdeɛ ɛnyɛ den sɛ akoma a ɛyɛ mmerɛ bɛgye Awurade asɛm. Afei mobɛtumi abom akenkan nkyekyɛmu kakraa bi a ɛkyerɛkyerɛ deɛ Farao yɛeɛ wɔ ɔhaw ahoroɔ a Awurade de kɔɔ wɔn so ho (hwɛ Eksodɔs 8:28–32; 9:7). Nneɛma no mu deɛ ɛwɔ he na ɛgyina hɔ ma Farao akoma anaa ne suban yie? Sɛn na ɛkyerɛ sɛ obi bɛnya akoma a ɛyɛ mmerɛ? (hwɛ Mosiah 3:19).

• Wo ne wo nkwadaa bɛtumi atwerɛ nneyɛɛ ahoroɔ bi a ɛbɛtumi akyerɛ berɛ a yɛwɔ akoma a ɛyɛ den (sɛ nhwɛsoɔ no, yɛreka nsɛm a ɛnyɛ anaa yɛmpɛ sɛ yɛbɛkyɛ). Sɛn na yɛbɛkyerɛ Awurade sɛ yɛpɛ sɛ yɛnya akoma a ɛyɛ mmerɛ?

• Twam Afahyɛ no kyerɛkyerɛɛ Israelfoɔ no sɛ wɔnhwɛ Agyenkwa no ne N’afɔrebɔ ma yɛn no kwan. Berɛ a mobom hwehwɛ Eksodɔs 12:1–13 mu no, boa wo nkwadaa ma wɔnhunu nkutahodie a ɛda Twam Afahyɛ no nkyerɛmu ne Yesu Kristo Mpata no ntam (san hwɛ “Twam Afahyɛ no” wɔ Apam Dada mu Abasɛm, 70–74). Sɛ nhwɛsoɔ no, sɛn na Yesu te sɛ odwammaa a wɔaka ne ho asɛm wɔ nkyekyɛmu 5?

  

  2:54

• Ɛnnɛ, yɛfa adidi kronkron no de kae Yesu afɔrebɔ no. Wobɛtumi de adidi kronkron mfonin akyerɛ wo nkwadaa na woaka sɛdeɛ saa ayɛyɛdeɛ yi boa yɛn ma yɛkae Yesu Kristo. Wobɛtumi aboa wo nkwadaa ma wɔahunu asɛmfua “kae” wɔ adidi kronkron mpaebɔ no mu (hwɛ Moroni 4–5). Anaasɛ mommom nto dwom bi a wɔn ani gye ho fa adidi kronkron ho, na boa wo nkwadaa ma wɔnhyɛ asomdwoeɛ atenka a wɔnya berɛ a wɔdwene Agyenkwa no ho no nso. Sɛn na yɛbɛtumi ahwehwɛ saa atenka no berɛ a yɛfa adidi kronkron no?