“Epril 6–12. ‘Olgeta taim yupela i mas tingting long dispela dei em [bringim yupela kam aut long kantri Isip]’: Kisim Bek 1–6,” Kam, Bihainim Mi—Bilong Haus na Sios: Olpela Testamen 2026 (2026)
“Epril 6–12. ‘Olgeta taim yupela i mas tingting long dispela dei em [bringim yupela kam aut long kantri Isip],’” Kam, Bihainim Mi: Olpela Testamen 2026
Piksa bilong Moses na Aron insait long hap bilong King bilong Isip, Robert T. Barrett i mekim
Epril 6–12: “Olgeta taim yupela i mas tingting long dispela dei em [bringim yupela kam aut long kantri Isip]”
Kisim Bek 7–13
Ol kainkain hevi i bagarapim kantri Isip, tasol king bilong Isip i les long larim ol Israel i go. Na God i go het long soim strong bilong Em, long soim king bilong Isip olsem “[Em] yet [Em] Bikpela” na “long olgeta hap bilong graun i nogat wanpela man o wanpela god i olsem [Em]” (Kisim Bek 7:5; 9:14) Ating long dispela taim, Moses wantaim ol lain bilong Israel i mas lukluk wantaim bikpela amamas long strong bilong God em soim long rausim ol long kantri Isip. Ating ol dispela samting i strongim bilip bilong ol long God na strongim laik bilong ol long bihainim profet bilong God. Bihain long 9-pela bikpela hevi i no mekim ol Israel i go fri, namba 10 hevi—God i kilim ol namba wan pikinini man, wantaim namba wan pikinini man bilong king—tasol i rausim ol long kalabus bilong ol Isip. Dispela i luk olsem em i orait, long wanem, i gat wanpela rot tasol bilong ranawei long kalabus bilong spirit. Ofa bilong Jisas Krais, Namba Wan Pikinini Man bilong God tasol—blut bilong Sipsip i nogat mak na sua—bai kisim bek yumi.
Ol Sampela Tingting bilong Lainim long Haus na long Sios
Kisim Bek 7–11
Mi ken larim bel bilong mi i stap isi.
Em i gutpela olsem laik bilong yu i mas noken pait wantaim laik bilong God, olsem king bilong Isip. Tasol i gat ol taim we bel na tingting bilong yumi i save pas. Yu lukim wanem samting long ol bekim bilong king bilong Isip long ol hevi i kamap long kantri Isip, long Kisim Bek 7:14–25; 8:5–32; 9:1–26; 10:12–29; 12:29–33? Yu ken lukim tu long Joseph Smith Translation bilong Exodus 7:3, 13; 9:12. Dispela i mekim tok klia long ol dispela samting.
Bilong wanem na bel bilong king bilong Isip i “strong?” Skelim wanem samting ol dispela i lainim yu long gat bel isi: 1 Nifai 2:16 ; Mosaia 3:19; Alma 24:7–8; 62:41; Ita 12:27. Taim yu ritim wanem samting i kamap long king bilong Isip taim em pasim bel bilong em, skelim bel bilong yu i stap olsem wanem. Yu bel kirap long mekim wanem ol senis?
Kisim Bek 12:1–42
Jisas Krais i ken helpim mi, long wanem, Em karim hevi bilong ol asua bilong mi.
Wanpela rot tasol bilong ol Israel bai stap gut long taim God salim kam namba-10 hevi, long Kisim Bek 11:4–5, em ol i mas bihainim stret wanem toktok Bikpela i tokim Moses long ol mas bihainim, long Kisim Bek 12. Dispela em ol kolim De God Larim ol Israel i Stap Gut. De God Larim ol Israel i Stap Gut i soim yumi ol mak na sain olsem, wankain olsem God kisim bek ol Israel long kalabus long kantri Isip, Em i ken kisim yumi bek long kalabus bilong sin. Long painimaut moa dispela long Kisim Bek 12:1–42, yu ken mekim dispela kain lista:
|
Ol mak na sain |
Wanem as bilong ol? |
God i tok wanem long mi? |
|---|---|---|
Ol mak na sain Namba wan mun (ves 2; Bikpela i tokim ol Israel long yusim dispela dei long makim stat bilong kalenda bilong ol). | Wanem as bilong ol? Dispela i mas kamap nupela stat bilong ol Israel. Ol i mas “kamap nupela gen.” | |
Ol mak na sain Pikinini sipsip (ves 3–5). | Wanem as bilong ol? Lukim Jon 1:29; 6:54; 1 Pita 1:19. | |
Ol mak na sain Blut bilong pikinini sipsip long pos bilong dua (ves 7, 13, 23). | Wanem as bilong ol? Lukim Mosaia 4:2; Kamapim Tok Hait 12:11. | |
Ol mak na sain Bret i nogat yis (ves 8, 15, 19–20). | Wanem as bilong ol? Yis i makim ol samting bilong bagarapim yumi, long wanem, em i save bagarap kwiktaim. Lukim Matyu 16:6–12; Jon 6:35. | |
Ol mak na sain Kumu i pait (ves 8). | Wanem as bilong ol? Dispela i makim pen bilong sin na kalabus. Lukim Kisim Bek 1:14; Moses 6:55. | |
Ol mak na sain Kaikai kwik, pasim klos bilong wokabaut (ves 11). | Wanem as bilong ol? Dispela i soim olsem yumi mas kwiktaim lusim kalabus bilong sin. Lukim Stat 39:12; 2 Timoti 2:22. | |
Ol mak na sain Man bilong bagarapim (ves 13, 23). | Wanem as bilong ol? Lukim Doktrin na ol Kavanen 89:18–21. | |
Ol mak na sain Ol larim ol Israel i go fri (ves 29–32). | Wanem as bilong ol? Lukim 2 Nifai 2:26; Doktrin na ol Kavanen 138;15– 19, 31. | |
Yu painim wanem moa long ol toktok bilong God na ol mak na sain bilong De God Larim ol Israel i Stap Gut, we i mekim yu tingim Jisas Krais na hevi Em karim long baim bek yumi? Ol dispela mak i soim yumi wanem samting, long kisim ol blesing bilong Dai na Kirap Bek bilong Jisas Krais?
Luksave long ol mak we i tokaut long Krais, na kam long Em. Bikpela i tokaut, “Olgeta samting i kamap na stap long tokaut long mi” (Moses 6:63; lukim tu 2 Nifai 11:4). Long Kisim Bek 12, ol mak olsem pikinini sipsip, blut, bret i nogat yis, ol mirakel, na kam aut bilong ol Israel long kantri Isip i soim yumi Krais. “Taim yumi luksave long wanem rot ol dispela samting i toktok long Jisas Krais, ol i ken skulim yumi long strong na pasin bilong Em” (Teaching in the Savior’s Way, 7).
In Remembrance of Me, Walter Rane i mekim
Kisim Bek 12:14–17, 24–27; 13:1–16
Sakramen i save helpim mi tingim olsem Jisas Krais i kisim bek mi.
Bikpela i tokim ol Israel long tingim De God i Larim ol Israel i Stap Gut long olgeta yia. Ol i mas mekim olsem bilong tingim olsem Em kisim bek ol long han bilong dai, na ol i mas mekim maski sapos ol lusim tingting long kalabus ol i bin stap long en. Taim yu ritim ol toktok bilong Em long Kisim Bek 12:14–17, 24–27; 13:1–16, tingting long wanem samting yu wok long mekim long tingim ol blesing God i givim yu. Yu bai larim dispela pasin stap strong long “ol lain bilong [yu] kamap bihain bihain” olsem wanem? (lukim Kisim Bek 12:14, 26–27).
Wanem samting i wankain namel long kaikai bilong tingim De God i Larim ol Israel i Stap Gut, na sakramen? Yu bai mekim wanem long “oltaim tingim” Jisas Krais? (Moronai 4:3; 5:2).
Ating yu ken skelim ol narapela samting Bikpela i laikim yu long tingim; kain olsem long Hilaman 5:6–12; Moronai 10:3; Doktrin na ol Kavanen 3:3–5, 10; 18:10; 52:40.
Lukim tu Kevin W. Pearson, “Are You Still Willing?,” Liahona, Nov. 2022, 67–69; “Always Remember Him” (vidio), Gospel Library; “In Memory of the Crucified,” Hymns, no. 190.
Always Remember Him
Long kisim sampela moa tingting, lukim Liahona na For the Strength of Youth megesin bilong dispela mun.
Ol Sampela Tingting bilong Lainim ol Pikinini
Kisim Bek 7–11
Strong bilong God i antap long olgeta samting.
-
Ol dispela hevi, long Kisim Bek 7–11 i soim ol lain bilong Isip na bilong Israel olsem strong bilong God i bikpela tru. Bikpela bai helpim ol pikinini bilong yu long laip bilong ol taim ol bilip long strong bilong Em. Long helpim ol lainim ol samting insait long dispela stori, yu ken givim wan wan bilong ol wanpela pepa yu tilim i go 10-pela hap, na askim ol long droim piksa bilong hevi insait long ol dispela ves: Kisim Bek 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (lukim tu “The Plagues of Egypt” long Old Testament Stories, 67–69). Ritim Kisim Bek 7:5 na 9:14 long painim wanem as Bikpela i salim ol dispela hevi kam long ol.
2:3The Plagues of Egypt
-
Yu wantaim ol pikinini bilong yu ken toktok go kam long wanem rot Bikpela i soim yupela olsem “long olgeta hap bilong graun i nogat wanpela man o wanpela god i olsem [Em]” (Kisim Bek 9:14). Larim ol toktok long wanem rot ol save olsem Bikpela i gat olgeta strong.
Kisim Bek 8:28–32; 9:7
Bikpela i ken helpim mi kisim gutpela bel.
-
Long helpim ol pikinini bilong yu save long pasin bilong gat gutpela bel, yu ken soim ol wanpela strongpela samting olsem ston, na narapela samting i malumalum na wara ken go insait, olsem spans. Yu ken kapsaitim wara antap long dispela tupela samting long soim olsem ol man bel bilong ol i isi na i malumalum i save kisim isi tru tok bilong God. Yupela ken ritim ol sampela ves i stori long king bilong Isip i mekim wanem taim Bikpela i salim ol hevi kam long ol (lukim Kisim Bek 8:28–32; 9:7). Wanem insait long dispela tupela samting i makim bel na pasin bilong king bilong Isip? Wanem as bilong yumi mas gat gutpela na malumalum bel? (lukim Mosaia 3:19).
-
Yu wantaim ol pikinini bilong yu ken mekim wanpela lista bilong ol pasin yumi bai mekim sapos yumi bel bilong yumi i strong (kain olsem, yu bai mekim toktok i no stret, o yu bai les long givim samting long ol narapela). Yumi ken soim Bikpela olsem yumi laik gat gutpela na malumalum bel olsem wanem?
Kisim Bek 12:1–13
Sakramen i ken helpim mi tingim Jisas.
-
De God Larim ol Israel i Stap Gut i skulim ol Israel long lukluk long Jisas Krais na ofa Em mekim bilong yumi. Taim yupela ritim Kisim Bek 12:1–13 wantaim, helpim ol pikinini bilong yu long lukim olsem ol samting i kamap long De God i Larim ol Israel i Stap Gut i wankain olsem ol samting i kamap taim Jisas Krais givim laip bilong Em long baim bek yumi (lukim tu “The Passover” insait long Old Testament Stories, 70–74). Kain olsem, long wanem rot Jisas i wankain olsem dispela pikinini sipsip long ves 5?
2:54The Passover
-
Long taim bilong yumi nau, yumi save kisim sakramen long tingim ofa Jisas i mekim bilong yumi. Yu ken soim ol pikinini bilong yu wanpela piksa bilong sakramen, na toktok long wanem rot sakramen i save helpim yumi tingim Jisas Krais. Ating yu ken helpim ol pikinini bilong yu painim dispela tok “tingim” insait long beten bilong blesim sakramen (lukim Moronai 4–5). O singim wanpela song yupela i save laikim tumas, we i toktok long sakramen. Helpim ol pikinini bilong yu luksave long dispela bel isi ol pilim taim ol tingting long Jisas Krais. Bai yumi ken pilim dispela kain olsem wanem taim yumi kisim sakramen?
Long kisim sampela moa tingting, lukim Friend piksa buk bilong dispela mun.