Ekoruhe 7–13

Te manako ia, kua kore rawa e tauaro tāu e pai ai ki tā te Atua e pai ai pērā i a Parao. Heoi, he wā tōna kāore ō tātou ngākau i te ngāwari. He aha te mea e puta mai ana ki a koe e pā ana ki ngā whakautu a Parao ki ngā urutā i Ekoruhe 7:14–25; 8:5–32; 9:1–26; 10:12–29; 12:29–33? Kia aro ki te whakamārama i te Whakapākehātanga a Hōhepa Mete mō Ekoruhe 7:3, 13; 9:12.

He aha te kupu “pakeke” i te kupu pai hei whakamārama i te āhua o tō Parao ngākau? Kia whakaarohia ngā mea e ako ai koe i ēnei whiti e pā ana ki te ngākau ngāwari: 1 Nīwhai 2:16; Mōhia 3:19; Arami 24:7–8; 62:41; Etere 12:27. I a koe e pānui ana e pā ana ki ngā utu i puta ai i te pakeke o te ngākau o Parao, kia whakaaroarohia te āhua o tō ngākau. He aha ngā panonitanga e hihiko ana i tō ngākau hei mahi māu?

Ko te huarahi anake kia kaua e tau iho te urutā tekau ki runga ki ngā Iharaira i whakamāramahia ai i Ekoruhe 11:4–5, koia ko te whai tika i ngā tohutohu i hoatu ai e te Ariki ki a Mohi i Ekoruhe 12, he tikanga e mōhiotia nei ko te Kapenga. E whakaako mai ana te Kapenga i a tātou mā roto i ngā tohu e mea ana, i te mea nā te Ariki ngā Iharaira i whakaputa mai ai i te hereherenga i Īhipa, Māna hoki tātou e whakaputa i te hereherenga me te hara. Hei whāwhā atu i tēnei mahi tohu i Ekoruhe 12:1–42, māu tētahi hoahoa e whakamahi pēnei i tēnei:

He aha atu tāu e kite ai i ngā tohutohu o te Kapenga mā konā hoki o mahara ki a Ihu Karaiti me Tōna Whakamārietanga? He aha tā ēnei tohutohu ki a koe e pā ana ki te huarahi e whiwhi ai i ngā manaakitanga o Tana Whakamārietanga?

I whakahaua ngā Iharaira e te Kaiwhakaora kia ū ki te Kapenga ia tau, ia tau hei whakamaharatanga Nāna rātou i whakaputa, whai muri hoki i ngā tau maha i tō rātou hereheretanga. I a koutou e pānui ana i Ana tohutohu i Ekoruhe 12:14–17, 24–27; 13:1–16, me huri ō whakaaro ki tāu e mahi nei kia mahara ki ngā manaakitanga a te Atua mōu. Me pēhea koe e ū ai ki taua whakamaharatanga “puta noa i ngā whakatipuranga”? (tirohia Ekoruhe 12:14, 26–27).

He aha ngā ōritetanga e kitea ai e koe i waenganui i te Kapenga me te hākarameta? He aha tāu hei “mahara tonu” i a te Karaiti? (Moronai 4:3; 5:2).

Tērā pea, ka whakaaroarohia e koe ētahi atu mea e hiahia ana te Ariki hei whakamaharatanga māu; hei tauira, tirohia, Heraman 5:6–12; Moronai 10:3; Whakaakoranga me ngā Kawenata 3:3–5, 10; 18:10; 52:40.

Tirohia anōtia tā Kevin W. Pearson, “Are You Still Willing?,” Liahona, Nov. 2022, 67–69; “Always Remember Him” (whitiāhua) Wharepukapuka Rongopai “In Memory of the Crucified,” Hymns, no. 190.

5:27

• He mea whakaatu ngā urutā i Ekoruhe 7–11 ki ngā Īhipiana me ngā Iharaira i te mana nui o te Ariki. Ka āwhina te Ariki i ō tamariki puta noa i ō rātou oranga ina whakapono rātou ki Tōna mana. Hei āwhina i a rātou kia mātau i tēnei kōrero, māu e hoatu tētahi pepa ki tētahi tamaiti, kua whakaritea taua pepa ki ngā wāhanga tekau, kātahi ka tonoa rātou ki te tā pikitia mō ngā urutā i kōrerohia ai i ēnei whiti: Ekoruhe 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (tirohia anōtia “The Plagues of Egypt” i Old Testament Stories, 67–69). Pānuitia ngātahitia Ekoruhe 7:5 me te 9:14 kia whakamāramahia he aha te Ariki i tono ai i ngā urutā.

  

  2:3

• Me kōrero atu ki ō tamariki e pā ana ki tā te Ariki whakaatu ki a koe “kāore he mea e rite ana ki a Ia i te whenua katoa” (Ekoruhe 9:14). Tonoa rātou kia whakamāramahia mai nā te aha e mōhio ai he mana nui te Ariki.

• Ka pai pea kia whakaatu atu ki ō tamariki i tētahi mea, pērā i te kohatu, me tētahi atu mea pūngohe e pērā ana me tētahi pūngorungoru hei āwhina i ō tamariki kia whēkite i te kōrero kia whai ngākau ngāwari. Ka taea hoki te riringi iho i te wai ki runga i ēnei mea hei whakaatu i te māmā o te ngākau ngāwari ki te rapu i te kupu a te Ariki. Kātahi ka taea te pānui i ētahi whiti e kōrero ana mō tā Parao ki ngā urutā i tonoa mai e te Ariki (tirohia Ekoruhe 8:28–32; 9:7). He aha te mea e hāngai ana ki te āhua o tō Parao ngākau? He aha te tikanga o te kōrero kia ngāwari te ngākau? (tirohia Mōhia 3:11).

• Me whakarite e koutou ko ō tamariki tētahi rārangi mō ētahi ā–ringa hei mahi ina pakeke tō ngākau (hei tauira, te kōrero hahani, te kore hiahia rānei ki te tohatoha). Me pēhea tātou e whakaatu ai kei te hiahia hoki tātou kia whakangāwari i ō tātou ngākau?

• Nā te Kapenga ngā Iharaira i ako kia titiro whakamua ki te Kaiwhakaora me Tana whakahere mō tātou. I a koutou e tirotiro ngātahi i Ekoruhe 12:1–13 , āwhinatia ō tamariki kia kite atu i ngā hononga i waenganui i ngā meka o te Kapenga me te Whakamārietanga o Ihu Karaiti (tirohia anōtia “The Passover” i Old Testament Stories, 70–74). Hei tauira, he aha te āhua e ōrite ai a Ihu ki te reme i kōrerohia ake nei i te whiti 5?

  

  2:54

• I tēnei rā, ka kainga e tātou te hākarameta hei whakamaharatanga ki te whakahere a Ihu. Māu e hura atu tētahi pikitia o te hākarameta ki ō tamariki me te kōrero atu e pā ana ki tā tēnei tikanga tapu āwhina kia mahara tātou ki a Ihu Karaiti. Māu ō tamariki e akiaki kia rapua te kupu “mahara” i roto i ngā karakia hākarameta (tirohia Moronai 4–5). Me waiata rānei tētahi hīmene makau e pā ana ki te hākarameta, kātahi ka āwhina ō tamariki kia mōhio ki te wairua rangimārie e rongo nei rātou i ō rātou whakaaro e huri ana ki te Kaiwhakaora. Me aha tātou hei rapu i taua wairua i a tātou e kai ana i te hākarameta?