Exodo 7–13

Sapay koma ta saan a pulos a maisuppiat ti pagayatam iti pagayatan ti Dios kas iti pagayatan ti Faraon. Kaskasdi, addaantayo amin kadagiti panawen a saan a nalukneng ti pusotayo a kas iti rumbeng. Ania ti napateg kenka maipapan kadagiti sungbat ni Faraon iti Exodo 7:14–25; 8:5–32; 9:1–26; 10:12–29; 12:29–33? Kitaen ti pannakalawlawag iti Patarus ni Joseph Smith ti Exodo 7:3, 13; 9:12.

Apay a ti “natangken” ti nasayaat a panangiladawan iti puso ni Faraon? Ibilang no ania ti masursurom manipud kadagitoy a bersikulo maipapan iti kaadda ti nalukneng a puso: 1 Nephi 2:16; Mosiah 3:19; Alma 24:7–8; 62:41; Ether 12:27. Bayat ti panangbasam kadagiti bunga ti kinatangken ti puso ni Faraon, utobem ti kasasaad ti pusom. Ania dagiti panagbalbaliw a mariknam a makaparegta nga aramidem?

Ti laeng kakaisuna a wagas tapno maispal dagiti Israelita manipud iti maikasangapulo nga angol, kas nailadawan iti Exodo 11:4–5, ket ti mangsurot a husto kadagiti instruksion nga inted ti Apo ken ni Moises iti Exodo 12, maysa a ritual a maawagan Fiesta ti Paskua. Ti Fiesta ti Paskua ti mangisuro kadatayo babaen kadagiti simbolo a kas met laeng iti panangispal ti Apo kadagiti Israelita manipud iti pannakabalud iti Egipto, maispalnatayo pay manipud iti pannakabalud iti basol. Tapno masukisok daytoy a simbolismo iti Exodo 12:1–42, mabalinmo nga usaren ti maysa a tsart kas iti daytoy:

Ania pay ti masarakam kadagiti instruksion ken simbolo ti Fiesta ti Paskua a mangipalagip kenka maipapan ken ni Jesucristo ken ti Pannubbotna? Ania ti isingasing kenka dagitoy a simbolo ken instruksion maipapan iti no kasano ti panangawat kadagiti bendision ti Pannubbotna?

Binilin ti Mangisalakan dagiti Israelita a mangrambak iti Fiesta ti Paskua iti tunggal tawen tapno matulonganna ida a manglagip nga Inispalna ida, uray kalpasan ti pannakabaludda ket nagbalin nga adayo a lagip. Bayat ti panangbasam kadagiti instruksion iti Exodo 12:14–17, 24–27; 13:1–16, panunotem maipapan no ania ti ar-aramidem a manglaglagip kadagiti bendision ti Dios kenka. Kasano a mataginayonmo dayta a pakalaglagipan “kadagiti kaputotanyo”? (kitaen iti Exodo 12:14, 26–27).

Ania dagiti pagpapadaan a makitam iti nagbaetan ti fiesta ti Paskua ken ti sakramento? Ania ti maaramidmo tapno “kanayon a laglagipen” ni Jesucristo? (Moroni 4:3; 5:2).

Mabalinmo pay nga utoben dagiti dadduma pay a banag a kayat ti Apo a laglagipem: kitaen, kas pagarigan, iti, Helaman 5:6–12; Moroni 10:3; Doktrina ken Katulagan 3:3–5, 10; 18:10; 52:40.

Kitaen met iti Kevin W. Pearson, “Are You Still Willing?,” Liahona, Nob. 2022, 67–69; “Always Remember Him” (video), Gospel Library; “In Memory of the Crucified,” Hymns, no. 190.

5:27

• Dagiti angol a nailadawan iti Exodo 7–11 impakitada kadagiti Egipcio ken Israelita nga addaan ti Apo iti naindaklan a bileg. Tulongan ti Apo dagiti annakmo iti unos ti panagbiagda inton adda pammatida iti bilegna. Tapno matulongam ida a makasursuro iti daytoy nga estoria, mabalinmo nga ikkan ti tunggal ubing iti papel a nabingbingay iti 10 a benneg, ken awisem ida a mangidrowing kadagiti ladawan dagiti angol a nailadawan kadagitoy a bersikulo: Exodo 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (kitaen met iti “Dagiti Angol iti Egipto” iti Dagiti Estoria iti Daan a Tulag, 67–69). Basaen nga aggigiddan ti Exodo 7:5 ken 9:14 a mangilawlawag no apay imbaon ti Apo dagiti angol iti Egipto.

  

  2:3

• Ibinglay kadagiti annakmo no kasano nga impakita ti Apo kenka “nga awan sabali a kas [Kenkuana] iti amin a daga” (Exodo 9:14). Paibinglay kadakuada no kasano nga ammoda a nabileg ti Apo.

• Tapno matulongan dagiti annakyo a mangiladawan no ania ti kaipapanan ti kaadda ti nalukneng a puso, mabalin a makaparagsak nga ipakita kadakuada ti maysa a banag a natangken, kas iti maysa a bato, ken sabali pay a nalukneng ken agsepsep, kas iti espongha. Mabalinmo pay nga ibukbok ti danum kadagitoy a banag tapno maipakita no kasano ti kalaka nga umawat ti nalukneng a puso iti balikas ti Apo. Kalpasanna mabalinyo nga aggigiddan a basaen ti sumagmamano a bersikulo a mangiladladawan no kasano a nagresponde ni Faraon kadagiti angol nga impatulod ti Apo (kitaen iti Exodo 8:28–32; 9:7),. Ania kadagiti banag ti kasayaatan a mangibagi iti puso wenno kababalin ni Faraon? Ania ti kaipapanan ti maaddaan iti nalukneng a puso? (kitaen iti Mosiah 3:19).

• Mabalinmo ken dagiti annakmo nga ilista ti sumagmamano a tignay a mabalin a mangipakita no addaantayo iti natangken a puso (kas pagarigan, panangusar kadagiti nagubsang a balikas wenno saan a panagtallugod a mangibinglay). Kasano a maipakitatayo iti Apo a kayattayo ti maaddaan iti nalukneng a puso?

• Ti Fiesta ti Paskua ti nangisuro kadagiti Israelita a mangpadpadaan iti Mangisalakan ken ti sakripisiona kadatayo. Bayat ti panangsukisokmo iti Exodo 12:1–13 nga aggigiddan, tulongam dagiti annakmo a mangkita kadagiti koneksion ti nagbaetan dagiti detalye ti Paskua ti Panagungar ken ti Pannubbot ni Jesucristo (kitaen met iti “Fiesta ti Paskua” iti Dagiti Estoria iti Daan a Tulag, 70–74). Kas pagarigan, kasano a maipada ni Jesus iti kordero a nailadawan iti bersikulo 5?

  

  2:54

• Ita, makiranudtayo iti sakramento a manglaglagip iti sakripisio ni Jesucristo. Mabalinmo nga ipakita kadagiti annakmo ti ladawan ti sakramento ken pagsaritaan no kasano a tulongannatayo daytoy nga ordinansa a manglagip ken ni Jesucristo. Mabalinmo a tulongan dagiti annakmo a mangbirok iti balikas a “laglagipen” kadagiti kararag ti sakramento (kitaen iti Moroni 4–5). Wenno aggigiddan nga agkantakayo iti paborito a himno maipapan iti sakramento, ken tulongam dagiti annakyo a mangpaliiw iti natalinaay a rikna nga adda kadakuada no panunotenda maipapan iti Mangisalakan. Kasano a maaddaantayo iti dayta a rikna no makiranudtayo iti sakramento?