Te Otinako 7–13

Te kaantaninga, bwa e aki kaaitara te Atua nanom n ai aron Bwarao. N ae teimatoa, bane n iai ara tai ngke aikoa marau nanora n aron ae a na bon riai. Tera ae kateretereaki nakoim ibukin ana kaeka Bwarao nakon aoraki aika a eweewe inanon Te Otinako 7:14–25; 8:5–32; 9:1–26; 10:12–29; 12:29–33? Noora te kamataata n ana Rairairi Iotebwa Timiti n Te Otinako 7:3, 13; 9:12.

Bukin tera e “matoatoa” te kabwarabwara ae tamaroa n nanon Barao? Iangoia tera ae ko reiakinna man kiibu aikai ibukin te nano ae marau: 1 Nibwaai 2:16; Mosiah 3:19; Alma 24:7–8; 62:41; Ita 12:27. Ngkai ko wareka taekan mwiin matoatoan nanon Bwarao, iangoi bwaai aika a riki inanom. Tera taian bitaki ae ko namakini aika ko tangiria ni karaoia?

Tii teuana te kawai are a na kamaiuaki iai tibun Iteraera man te katebwina ni karekekai, are e kabwarabwaraki i nanon Te Otinako 11:4–5, bwa irakin raoi kaetieti are e anga te Atua nakon Mote i nanon Te Otinako 12, te waaki ni bootaki are aranaki bwa te Toa are te Riao. E reireinira te Toa are te Riao rinanon kanikina bwa ngkai e a tia te Uea ni kainaomataia tibun Iteraera man te tautoronaki i Aikubita, E kona naba ni kainaomataira man ana taurekereke te bure. Ni kakaea te kanikina aei n Te Otinako 12:1–42, ko kona ni kabongana te tiata n aron ae teuana aei:

Tera riki ae ko kunea n taian kaetieti ao kanikina n te Toa are te Riao ae kauringko iaon Iesu Kristo ao Ana mwakuri ni Kamaiu? Tera ae a kaotia nakoim kanikinaa ao kaetieti aikai i aon aron karekean kakabwaia man Ana Mwakuri ni Kamaiu?

E tua te Tia Kamaiu nakoia tibun Iteraera bwa a na uringa te Tua are te Riao ni katoa ririki ni buokaki ni kauringaki bwa E a tia ni kainaomataia, e ngae ngke tautoronakiia te bwai ae e a maan nako. Ngkai ko wareka Ana kaetieti i nanon Te Otinako 12:14–17, 24–27; 13:1–16, iangoia bwa tera ae ko karaoia n uringa ana kakabwaia te Atua nakoim. Ko na kanga ni kateimatoaa te kauring anne “irouia kanoam”? (taraa Te Otinako 12:14, 26–27).

Tera baika titebo ake ko nori imarenan te baka ibukin te Toa are te Riao ao te toa? Tera ae ko kona ni karaoia bwa ko aonga n “ururinga n tainako” Iesu Kristo? (Moronaai 4:3; 5:2).

Ko kona n iangoi naba bwaai are e tangiria te Uea bwa ko na uring; taraa, te katooto, Ereman 5:6–12; Moronaai 10:3; Reirei ao Berita aika Tabu 3:3–5, 10; 18:10; 52:40.

Taraa naba Kevin W. Pearson, “Ko Teimatoa naba ni Kukurei?,” Riaona, Nob. 2022, 67–69; “Always Remember Him” (video), Gospel Library; “In Memory of the Crucified,” Anene n Taromauri, nambwa 190.

5:27

• Taian karekekai ake a kabwarabwaraaki n Te Otinako 7–11 e kaotia nakoia kaain Aikubita ao tibun Iteraera bwa e rangi ni mwaaka te Uea. E na buokiia am ataei te Uea rinanon maiuia ngkana a onimakina Mwaakana. Ni buokiia n reiakinaki man te karaki aei, ko kona n anganiia am ataei te beeba ae bwenauaaki nakon uoua te mwakoro, ao kaoiia bwa a na korea tamnein taian karekekai ake a kabwarabwaraaki inanon kiibu aikai: Te Otinako 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (taraa naba“Te Aoraki are e Kamamate i Aikubita” n Karaki man te O Tetemanti, 67–69). Ikotaki wareka Te Otinako 7:5 ao 9:14 ni kamataata bwa bukin tera ngkai e kanakoa te aoraki ae kakamate te Uea nako Aikubita.

  

  2:3

• Tibwauaia ma ataei bwa e kanga te Uea ni kaotia nakoimi ae “Bon akea temanna ae ai [Arona] i aonaba ni kabane” (Te Otinako 9:14). Tuangiia ataei bwa a na tibwauaia bwa a kanga n ataia ae e rangin ni mwaaka te Uea.

• Ni buokiia am ataei ni katamneia tera ae nanonaki ni karekea te nano ae marau e na kaunga ngkana ko kaota nakoia te bwai ae matoatoa, n aron te atiibu, ao te bwai teuana ae maraurau, ao ae kai tooma te ran, n aron te sponge. Ko kona naba ni kabwaroa te ran iaon bwaai aikai ni kaotia bwa bebetera te nano ae marau ni karekei ana taeka te Uea. Kam kona ngkanne n ikotaki ni wareki tabeua kiibu ni kabwarabwara bwa e kanga Bwarao ni kaekai aoraki aika a kamamate ake e kanakoi te Uea (taraa Te Otinako 8:28–32; 9:7). E nga mai buakon bwaai aikai ae e tei ibukin nanon ma anuan Bwarao? Tera ae nanonaki ni karekean te nano ae marau? (taraa Motiaea 3:19).

• Ko kona ngkoe ma am ataei ni korei ni karinani tabeua mwakuri aika karaoaki ake a na kaota ngkana a matoatoa nanora (n aron te katooto, kabonganaan taeka aika aki raraoi ke n rawa n ibuokanbwai n am bwai). Ti na kanga ni kaotia nakon te Uea ae ti tangiria ni karekei naano aika marau?

• Te Toa are te Riao e reireiniia tibun Iteraera bwa a na reitinako n taraa te Tia Kamaiu ao Ana anga karea ibukira. Ngkai kam ukora te Otinako 12:1–13 ni kabane, buokiia am ataei n tarai baika a irekereke imarenan rongorongon te Toa are te Riao ao ana Mwakuri ni Kamaiu Iesu Kristo (taraa naba “Te Toa are te Riao” inanon Karaki man te O Tetemanti, 70–74). N aron te katooto, e kanga Iesu n riki kanga ai aron te tibutetei are e kabwarabwaraaki n te kibu 5?

  

  2:54

• N te bong aei, ti kana te toa ni kauringa ana angakarea Iesu. Ko kona ni kaotia nakoia am ataei tamnein te toa ao maroroakinna e kanga te otenanti aei ni buokiira n uringa Iesu Kristo. Ko na bae ni buokiia am ataei ni kakaea te taeka ae “uringnga” inanon tataron te toa (taraa Moronaai 4–5). Ke ikotaki anenea te anene n taromauri ae mamate nanom iai ibukin te toa, ao buokiia am ataei n ataa te namakin ae a karekea ngkana a iangoa taekan te Tia Kamaiu. Ti na kanga ukora te namakin anne ngkana ti kana te toa?