Eksodi 7–13

Shpresojmë që vullneti juaj nuk është kurrë kundër vullnetit të Perëndisë siç ishte vullneti i faraonit. Megjithatë, të gjithë kemi raste kur zemrat tona nuk janë aq të buta sa duhet të jenë. Çfarë ju bën përshtypje rreth përgjigjeve të faraonit ndaj plagëve tek Eksodi 7:14–25; 8:5–32; 9:1–26; 10:12–29; 12:29–33?

Përse fjala “e ngurtë” është një përshkrim i mirë për zemrën e Faraonit? Merrni parasysh se çfarë mësoni nga këto vargje rreth të pasurit të një zemre të butë: 1 Nefi 2:16; Mosia 3:19; Alma 24:7–8; 62:41; Ethëri 12:27. Teksa lexoni rreth pasojave të zemërngurtësisë së faraonit, përsiatni gjendjen e zemrës suaj. Çfarë ndryshimesh ndiheni i/e frymëzuar të bëni?

E vetmja mënyrë se si izraelitët t’i shpëtonin plagës së dhjetë, e përshkruar tek Eksodi 11:4–5, ishte që të ndiqnin me saktësi udhëzimet që Zoti i dha Moisiut tek Eksodi 12, një ritual i njohur si Pashka. Nëpërmjet simboleve, nga Pashka mësojmë që, ashtu si Zoti i çliroi izraelitët nga skllavëria në Egjipt, Ai mund të na çlirojë gjithashtu nga skllavëria e mëkatit. Për ta shqyrtuar këtë simbolikë tek Eksodi 12:1–42, mund të përdorni një tabelë si kjo:

Çfarë gjeni tjetër tek udhëzimet dhe simbolet e Pashkës që ju kujtojnë Jezu Krishtin dhe Shlyerjen e Tij? Çfarë ju sugjerojnë këto simbole për mënyrën se si t’i merrni bekimet e Shlyerjes së Tij?

Shpëtimtari i urdhëroi izraelitët që ta vëzhgonin Pashkën çdo vit për t’i ndihmuar që të kujtonin se Ai i kishte çliruar, edhe pasi robëria e tyre u bë një kujtim i largët. Ndërsa lexoni udhëzimet e Tij tek Eksodi 12:14–17, 24–27; 13:1–16, mendoni rreth asaj që po bëni për t’i kujtuar bekimet e Perëndisë për ju. Si mund ta ruani atë kujtesë “nëpër brez[a]”? (Shihni tek Eksodi 12:14, 26–27.)

Çfarë ngjashmërish shihni midis festës së Pashkës dhe sakramentit? Çfarë mund të bëni që “gjithmonë ta kujto[ni]” Jezu Krishtin? (Moroni 4:3; 5:2.)

Ju gjithashtu mund të përsiatni gjëra të tjera që Zoti do që ju t’i kujtoni; shihni, për shembull, te Helamani 5:6–12; Moroni 10:3; Doktrina e Besëlidhje 3:3–5, 10; 18:10; 52:40.

Shihni edhe te Kevin W. Pirson, “A Jeni Ende të Gatshëm?”, Liahona, nëntor 2022, f. 67–69; “Always Remember Him” [“Gjithmonë Kujtojeni Atë”] (material filmik), Gospel Library [Biblioteka e Ungjillit]; “Në Kujtim të t’Kryq’zuarit”, Himne, nr. 109.

5:27

• Plagët e përshkruara tek Eksodi 7–11 u treguan egjiptianëve dhe izraelitëve se Zoti ka fuqi të madhe. Zoti do t’i ndihmojë fëmijë tuaj gjatë gjithë jetës së tyre kur kanë besim te fuqia e Tij. Për t’i ndihmuar të mësojnë nga ky tregim, mund t’i jepni secilit fëmijë një letër të ndarë në 10 pjesë dhe t’i ftoni të bëjnë vizatime të plagëve të përshkruara në këto vargje: Eksodi 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (shihni edhe mësimin “Plagët e Egjiptit” tek Tregime nga Dhiata e Vjetër, f. 67–69). Lexojini së bashku vargjet tek Eksodi 7:5 dhe 9:14 për të shpjeguar arsyen përse Zoti i dërgoi plagët.

  

  2:3

• Tregojuni fëmijëve tuaj se si Zoti ju ka treguar se “nuk ka asnjë të ngjashëm me [Të] në gjithë dheun” (Eksodi 9:14). Lërini të tregojnë se nga e dinë që Zoti është i fuqishëm.

• Për t’i ndihmuar fëmijët tuaj që të përfytyrojnë se çfarë do të thotë të kesh një zemër të butë, mund të jetë argëtuese që t’u tregoni një send që është i fortë, si një gur, dhe një tjetër që është i butë, si një sfungjer. Gjithashtu mund të derdhni ujë mbi këto sende për të treguar se me sa lehtësi një zemër e butë e pranon fjalën e Zotit. Më pas mund të lexoni së bashku disa vargje që përshkruajnë se si iu përgjigj faraoni plagëve që u dërguan nga Zoti (shihni tek Eksodi 8:28–32; 9:7). Cilat prej sendeve e përfaqësojnë më mirë zemrën apo qëndrimin e faraonit? Çfarë do të thotë të kesh një zemër të butë? (Shihni te Mosia 3:19.)

• Ju dhe fëmijët tuaj mund të bëni një listë të disa veprimeve që mund të tregojnë kur kemi një zemër të ngurtë (për shembull, përdorimi i fjalëve jodashamirëse apo mospasja e dëshirës për të dhënë diçka). Si mund t’i tregojmë Zotit se duam të kemi një zemër të butë?

• Pashka u mësoi izraelitëve që ta prisnin me padurim Shpëtimtarin dhe flijimin e Tij për ne. Ndërkohë që shqyrtoni së bashku vargjet tek Eksodi 12:1–13, ndihmojini fëmijët tuaj që të kuptojnë lidhjet midis hollësive të Pashkës judease dhe Shlyerjes së Jezu Krishtit (shihni edhe mësimin “Pashka” tek Tregime nga Dhiata e Vjetër, f. 70–74). Për shembull, si është Jezusi si qengji i përshkruar te vargu 5?

  

  2:54

• Sot, ne e marrim sakramentin që të kujtojmë flijimin e Jezusit. Ju mund t’u tregoni fëmijëve tuaj një figurë të sakramentit dhe të flisni rreth mënyrës se si kjo ordinancë na ndihmon që të kujtojmë Jezu Krishtin. Ju mund t’i ndihmoni fëmijët që të gjejnë fjalën “kujtojnë” në lutjet e sakramentit (shihni te Moroni 4–5) Ose këndoni së bashku një himn të parapëlqyer rreth sakramentit dhe ndihmojini fëmijë tuaj që të vënë re ndjenjën paqësore që kanë kur mendojnë rreth Shpëtimtarit. Si mund ta kërkojmë atë ndjenjë kur marrim sakramentin?