Kiritimati

Tera ae ko na taekinna ni boutoka te rongorongo are “akea riki ae korakora n ana kairoro [n aron Iesu Kristo] i aoia naake a tia ni maeka ao ake a na maeka n taai aika na roko i aon te aba”? Tarai koroboki i nanon “Te Kristo ae Maiu” e kakoauaa kakaawakin ana kairiiri te Tia Kamaiu. E kanga Ngaia n roota maium?

A aongoa temanna ae e aki ataa te waaki ni Kiritian e titirakiniko bwa bukin tera ko bukamarua te Kiritimati. Ko na kanga ni kaekaa? Rinanoa “Te Kristo ae Maiu” ma te titiraki aei n am iango, ao iangoa korean iango ke kaunganano are e roko nakoim.

Taraa naba “Why We Need a Savior” (witeo), Gospel Library.

2:15

I nanon “Te Kristo ae Maiu,” a kakoaua Abotoro n ni Manga utin te Tia Kamaiu, n taekin teniua man utin te Uea ae rierake (taraa barakirabu 5). Iangoa warekan tabeua karakinan rokona n Ioane 20; 3 Nibwaai 11; ao Iotebwa Timiti—Rongorongo 1:14–20. Tera ae ko reiakinna ibukin te Tia Kamaiu man Ana taeka ao Ana mwakuri n tain kaotina aikai?

N am tai ni kamatebwaia Reirei ao Berita aika Tabu n te ririki aei, e reke am tai n reiakina riki aron kaokan ana nakoanibonga te Tia Kamaiu ao Ana Ekaretia.” Tera koaua ao reirei aika a tia ni kaokaki aika a uaana riki nakoim? Iangoia n rinanon tabeua koroboki aika tabu aikai ake a reirei taekan Kaokan bwaai: Reirei ao Berita aika Tabu 1:17–23; 13; 20:1–12; 65; 110; 112:30–32; 124:39–42; 128:19–21. Iangoia bwa a kanga ni buokiko koaua n kaokan te euangkerio n ataa ao n tangira Iesu Kristo.

Te Kiritimati bon te tai n tanrikaki nakon te bong are bungiaki iai Iesu Kristo ao n ingainga nakon te bong are E na manga oki iai. Tera ae ko reiakinna ibukin manga Okina man kauoua ni kabane n te barakirabu n “Te Kristo ae Maiu”? E na kona naba ni kakaongora warekan, anenean, ke te kakauongo nakon anenen te Kiritimati ake a reirei taekan te Kauaoki, n aron “Joy to the World” ke “It Came upon the Midnight Clear” (Boki n Anene n Taromaurinambwa 201, 207).

N te moan barakirabu n “Kristo ae Maiu,” noori anuan maiu ao aara are e anga ibukin te Tia Kamaiu. Iangoa kabanean am tai n reiakina taekana tabeua. Ibukin te katooto:

Te Oota: E kanga n riki Iesu Kristo bwa kanga te oota nakoim? Ko kona n iangoa korean te tamnei ke rawean te tamnei are, iroum, e tei ibukin te oota are E anganiko. Tera ae ko namakinna ae kaungaa nanom bwa ko na tibwaa Ootana? (Taraa naba Ioane 8:12; 3 Nibwaai 18:24; Reirei ao Berita aika Tabu 50:24.)

Te Maiu: Bukin tera n am iango te maiu bon te taeka ae tamaroa n kabwarabwara Iesu Kristo? N te anga raa ae E anganiko te maiu? E na kangaa ni kaokoro maium n akean Ngaia ao Ana euangkerio? (Taraa naba Ioane 10:10; 1 I-Korinto 15:19–23; Reirei ao Berita aika Tabu 66:2.)

Te Kaantaninga: Tera ae ko kaantaningaia ibukin Iesu Kristo ao Ana Euangkerio? Ko ataa temanna ae e namakina te bwara n nano ibukin taai aika a na roko? Iangoia bwa ko na kangaa n tibwaa te kaantaninga are ko namakinna iroun Iesu Kristo ma te aomata anne. (Taraa naba I-Rom 8:24–25; Ether 12:4; Moroni 7:41.)

Taraa naba Topics and Questions, “Jesus Christ,” Gospel Library.

N “Te Kristo ae Maiu,” Abotoro a taekina te Tia Kamaiu bwa te “bwaintangira” mairoun Tamara are i Karawa. Ni boboto i aon are ko kunea i nanon “Te Kristo ae Maiu,” ko na kanga n kabwanina te kibuntaeka aio: “Iroun Iesu Kristo, e anganai te bwaintituaraoi n …” Iangoia raoi bwa ko na kangaa ni karekei raoi bwaai n tituaraoi aikai.

E kanga kamatebwaian “Te Kristo ae Maiun roota am onimaki ao am tangira ibukin te Tia Kamaiu?

Taraa naba Russell M. Nelson, “Four Gifts That Jesus Christ Offers to You” (Bootaki n Taromauri Moan Beretitentii, Ritembwa. 2, 2018), Gospel Library; “Excerpts from ‘The Living Christ: The Testimony of the Apostles’” (witeo), ChurchofJesusChrist.org.

2:46

• Iangoia bwa kko na kanga n kabwarabwara nakoia am ataei “Te Kristo ae Maiu.” Tao ko kona n buokia ni koteia nakoia aran Kristo n nakoia ao aia tiaaina te Moan Beretitentii ao te Katengaun ma Uoman. Ko kona n kabwarabwara nakoia bwa aio bon aia kakoaua iroun Iesu Kristo are a tangiria n tibwaia ma te aonaaba.

• Ko kona n angania ataei n tatabemaniia te mwakoro n taeka man “Te Kristo ae Maiu” ao n tuangiia bwa a na kunei ke n korea tamnein te mwakoro n taeka anne. I mwiina ko kona n buokia n kunea te mwakoro n taeka i nanon “Te Kristo ae Maiu.” Ko kona naba n bobotii tamnei akanne ao mwakoro n taeka i nanon te boki.

• Tibwaia ma temanna aron karekean am koaua iroun Iesu Kristo. Tao ko kona n kabuta tamnein te Tia Kamaiu ao tibwaa te bwai ae ko ataia ibukina temanna i mwaiin temanna (ni ikotaki ma koaua i nanon “Te Kristo ae Maiu”).

• Ibukim ao am ataei wareka te kauoua n barakirabu n “Te Kristo ae Maiu,” marooro ma ngaia ibukin tabeua bwaai ake e karaoi Iesu. Ko kona naba n tarai tamnei man Maiuna (taraa te iteranibaa ni kakukurei n te wiiki aei ao te Gospel Art Book). Kaoiia am ataei n marooroa are e karaoia te Tia Kamaiu n taian tamnei. Ti na kangaa ni beku ibukia tabeman n ai Arona? Te witeo n “Light the World” n the Gospel Library e kona n anganiko iango.

• Buokiia ataei ni kakaei anene ni ka Kiritimati are a taekina te ota, te maiu, ao te kantaninga are e uotia n bungaiana te Tia Kamaiu nakon te aonaaba, n aron, “O Little Town of Bethlehem” (Boki n Anene n Taromauri, nambwa, 208). Bootaki anenea te kuna, ao tuangiia ataei bwa a na tibwaia bwa e kanga n uota te oota, te maiu, ao te kaantaninga Iesu nakon nanon maiuiia.

• Tera bwaintangira aika ti a tia ni karekei ibukin Iesu Kristo? Tao ko konaa ma am ataei n tarai bwaai n te “Te Kristo ae Maiu” ke anene n aron “He Sent His Son” (Aia Boki n Anene Ataei, 34–35). I mwiina a kona n niira te bwai teuana ae tei ibukin bwaintituaraoi akanne. Ko kona n baireia bwa ana kaukii bwaaintiruaraoi akanne am ataei n Bongin te Kiritimati n buokia membwa n ururinga te Tia Kamaiu ao Ana bwaintiruaraoi nakoira.