Reirei ao Berita aika Tabu 137–138

E mate Alvin Smith, tarin te Burabeti Iotebwa, onoua te ririki i mwaain kaokan te kariaia ni bwabetito iroun te Atua. Te mataata ae kinaaki irouia Kiritian n 1836 bwa ngkana e mate te aomata n aki bwabetitoaki, te aomata anne e aki kona n nako karawa. E nako ana iango Iotebwa i nanon ririki aika a mwaiti ibukin kamaiun Alvin ae akea tokina—ni karokoa e karekea te kaotioti n Reirei ao Berita aika Tabu 137.

A mwaiti aomata aika ti te arona aia titiraki n boong aikai. Bukin tera e kainanoi otenanti ao berita aika a tabu te Atua ngke a bati aomata aika e aki reke aia tai ni karekea? Teraa ae ko kona n taekinna n nakon temanna ae iaiangoa naba aei? Ko na kanga n karikirakea aia onimaki iroun te Atua ao Ana kainibaaire ibukin te kamaiuaki? Kakaei koaua are ko kona n tibwaia n mwakoro 137 ao n mwakoro 138:30–37, 57–60. Ko kona n tarai naba koaua aika a katuruturuaki n te boki n anene n taromauri ae “The Glorious Gospel Light Has Shone” (Boki n Anene n Taromauri, nambwa. 283) ao ana rongorongo Beretitenti Henry B. Eyring “Bootakia Ana Utu te Atua” (Riaona, Meei 2017, 19–22).

N am tai n kamatebwai ao n iangoia raoi, ko konaa n taua mwiin ake ko karekea i nanom man kabwaninakin kibuntaeka n aron aikai:

• Ibukin kaotioti aikai, I ataia bwa Tamara are i Karawa .

• Ibukin kaotioti aikai, I ataia bwa ana babaire ni kamaiu Tamara .

• Ibukin kaotioti aikai, I tangiri n .

Taraa naba Aoma aika Itiaki,, 1:232–35.

N tabetai e roko te kaotioti e ngae ngke ti aki ukoria. Ma n angin te tai, e roko ibukina bwa ti botumwaaka n ukeuke ao n katauroaoi nako iai. N warekan Reirei ao Berita aika Tabu 138:1–11, 25–30, tara are e iangoia Beretitenti Joseph F. Smith ngke “a kaureaki matana [n] nooraba.” Ko konaa naba ni kaboaua ana taneiei ma 1 Nibwaai 11:1–6; Iotebwa Timiti—Rongorongo 1:12–19. Ngkanne iangoia bwa ko na kanga ni ira bannan Beretitenti Smith. N aron, tera bitaki ae ko namakinna mai nanom ni karaoia nakon am kamatebwai n koroboki aika tabu bwa ko aonga ni karekea riki oin am kaotioti?

N ana marooro “Te Mii ni Burabeti ibukin Kaboakia Maate” (Riaona, Nobembwa. 2018, 71–74), e anga kawai tabeua Beretitenti M. Russell Ballard are e katauraoi iai Beretitenti Smith n karekea te kaotioti aei. Tera ae ko reiakinna man ana taneiai? Iangoa aron te Uea n katauraoiko ibukin taneiai ake ko karekei—ao E kanga ana katauraoi nakoim ibukin taneiei aikai nakon taai aika a na roko.

Taraa naba Saint, 3:202–5; “Ministry of Joseph F. Smith: A Vision of the Redemption of the Dead” (witeo), Gospel Library.

3:6

E reirei Beretitenti Russell M. Nelson, “A bebete ao a koaua ara rongorongo nakon te aonaaba: ti kaoia ni kabane natin te Atua n iteran te rabuna aika uoua nakon te Tia Kamaiu, bwa a na karekei kakabwaia n te tembora ae tabu, ni karekea te kukurei ae teimatoa, ao ni kona n karekea te maiu ae akea tokina” (“Let Us All Press On,” Liahona, May 2018, 118–19). Iangoa te rongorongo aei n warekan iroum Reirei ao Berita aika Tabu 138:25–60. Ko kona naba n iangoi titiraki aikai:

• Tera ae ko reiakinna man kiibu aikai ibukin aron tabwaninin ana mwakuri te Tia Kamaiu n te aonaaba n tamnei? Bukin tera e kakaawaki iroum ataakina bwa e waaki te mwakuri aei?

• Tera ae kakukureia nanom ibukin ana taan uarongorongo te Uea n te aonaaba n tamnei?

• E kangaa ni kakorakoraa am onimaki n ana babaire ni kabomwi te Atua?

Ngkana ko tangiria n reiakina riki taekan te aonaaba n tamnei, ko kona n kamatebwaia ana rongorongo Beretitenti Dallin H. Oaks “Onimakin te Uea” (Riaona, Nobembwa. 2019, 26–29).

Taraa naba “Susa Young Gates and the Vision of the Redemption of the Dead,” i nanon Revelations in Context, 315–22; “A Visit from Father” (weteo), Gospel Library.

3:20

• N reiakinna bwa tera nanona nakon Iotebwa Timiti n noorakiia tabeman man ana utu n te aba n uea ae te tiretio, a kona am ataei n matakuakina te witeo aeI “Ministry of Joseph Smith: Temples” (Gospel Library), ke ko kona n tibwaai Karakin Reirei ao Berita aika Tabu, 152–53 (or the corresponding video in Gospel Library). Tao ko kona n marooroakina temanna ae ko kina are e mate i mwain are e bwabetitoaki. Tera ae reireiniira Reirei ao Berita aika Tabu 137:5–10 ibukin te aomata anne?

  

  2:20

  

  2:17

• Iangoa kabonganaa tamnein ruanimaten te Tia Kamaiu (taraa Gospel Art Book, nambwa. 58, ke Tamnei n te Bwaibwara, nambwa. 14) ao te tamnei ae n tokin ae kaotaki ikai n reiakiniia am ataei bwa e nakea tamnein Iesu ngke e mena rabwatana n te ruanimate. I mwiina kam kona n bootaki n wareka Reirei ao Berita aika Tabu 138:18–19, 23–24, 27–30 bwa tera ae karaoia Iesu ngke E mena ikekei. Antai ae E kawariia? Tera ae e tuangiia bwa a na karaoia? Bukin tera E karaoa aio?

  

• Ko kona n kabongana naba te iteraniba ni kakukurei n te wiiki aei ni buokiia am ataei n kabotaua are a reireia mitinare n iteran te rabuna ikai (taraa, te katooto n Taekan te Onimaki 1:4) ma are a reireia mitinare n te aonaaba n tamnei (taraa Reirei ao Berita aika Tabu 138:33). Tera bwaai aika titebo i nanon kiibu aikai, ao tera ae e kaokoro? Tera ae reireiniira aei ibukin Tamara are i Karawa ao Ana babaire?

• N warekan Reirei ao Berita aika Tabu 138:1–11 ni bootaki ma am ataei, ko kona ni kaoiia bwa a na baka n riki bwa Beretitenti Joseph F. Smith ao ni katea kain ake a taekinaki n a na taekin kiibu n kibu 6 ao 11. Ko kona ni kaota naba tamnein Beretitenti Smith (iai ae kaairaki i nanon te reirei aei) ao n kabwarabwara bwa ngaia te kaonoman n Burabeti n te Ekaretia. Ko kona naba n marooroa te tai ngke ko iangoa raoi te bwai teuana n koroboki aika Tabu ao e buokiko te Tamnei ae Raoiroi ni mataa iai.

• Bairea te bootaki n anene n anenea te anene ibukin kamatebwaian koroboki aika tabu, n aron “Search, Ponder, and Pray” (Aia Boki n Anene Ataei,, 109). Tera ae taekinna te kuna aei ae ti riai ni karaoia bwa ti na mataata iai n koroboki aika a tabu?