Te Utu: Te Katanoata nakon te Aonaaba

“Te Utu: Te Katanoata nakon te Aonaaba” e matata bwa bon ibukiia utu. Ma bon rongorongon naba ana babaire ni kamaiu te Atua. Teuana te kawai ni kamatebwaia te katanoata bon korean kiibu n taeka te maiu i mwain te maiu aei, te maiu aei, ao te maiu i mwiin te mate i aon te moti ni beeba ao koreia bwa tera te katanoata ae e reireia taekan atuu n reirei aikai. Tera ae ko reiakinna ngke ko kamatebwaia te katanoata n te kawai aei? E kanga ni buokiko n ataia bwa bukin tera te mare ao te utu a kakaawaki n ana babaire te Atua? A kanga koaua i nanon te katanoata ni karekea te bitaki nakon am rinerine?

A mwaiti aomata aika, ni bukina aikaa bati, tao a na maaka te mare ke ni karikirakeaia ataei. Ngkana raoraom a kangai nakoim, “I bon aki tangiria ni kan mareaki ke ni katei utu,” tera ae ko na taekinna? Tao ko na kona n taraa te katanoata ao ni kakaea te bwai ae e na buoka raoraom ni karekea te kaantaninga n ana babaire te Atua.

Teuana riki te titiraki ae ko kona n anga—ke ae tao ko kona ni bon titirakiniko—bon teuana n aron aio: “A na tera ngkana te bwai are a rinanona au utu e aki botau ma are e kabwarabwaraki n te katanoata?” Aikai uoua taabo ae ko kona n tarai ibukin reirei n taetae ni burabeti: te mwakoro “Te Bitaki ae Korakora” n ana rongorongo Unimwaane Dieter F. Uchtdorf “Iesu Kristo bon Korakoraia Kaaro” (Riaona, Meei 2023, 55–59) ao te kaaua ni kabane ni barakarabu n ana rongorongo Unimwaane D. Todd Christofferson “Why Marriage, Why Family” (Riaona, Meei 2015, 52).

Tera ae ko namakinna ae ko kaungaaki iai bwa ko na karaoia i aon te bwai ae ko kamatebwaia?

Taraa naba Dallin H. Oaks, “The Plan and the Proclamation,” Riaona, Nov. 2017, 28–31; Topics and Questions, “Family,” Gospel Library.

Ti aki toki ni iangoa te katanoata ibukin te utu bwa te kairi ibukin maiuia kaain te utu. Ma e reirei naba koaua aika kakawaki i aon ara utu i karawa ao rikira ae akea tokina. Bukin tera e kakaawaki iroum ataakina bwa ngaira bon mwakoron te utu aei? E kanga te koaua aei n rooti am rinerine ake ko karaoi?

Taraa naba “Ngai Natin te Atua,” Anene n Taromauri, nambwa 301.

Iangoa te barakarabu 6 ao 7 n te katanoataibukin te utu bwa te banna ni katooto ibukin “te kukurei n te maiu n utu.” Ngkai ko wareki barakirabu aikai, kinai reirei n te “nakoraoi n taian ni mare ao n utu.” Tao ko na iangoi katotoon reirei aikai ake ko a tia n nori n am utu ke utu tabeua. A kanga reirei aikai ni karika Iesu Kristo bwa aan maiuia utu?

Ngkanne iangoa te reitaki n te utu ae ko tangiria ni kakorakora. Karaoa te babaire, ma ana buoka te Tia Kamaiu, ni mwakuri i aon namakin ake ko karekei.

Taraa naba L. Whitney Clayton, “Mweenga Aika Tamaroa,” Riaona, Meei 2020, 107–9.

N te kabanea ni barakirabu n te te katanoata ibukin te utu e raonaki ma te waaki ibukin te mwakuri. Ngkai ko iangoia bwa ko na kanga ni kaeka nakon te wewete anne, e na ibuobuoki kamatebwaian atuun te katanoata nakon te aonaaba. N aron aei, tera te katanoata nakon te aonaaba? Tera iroum ae e katerea te taeka aio ibukin ana baire te Atua? Tera ae tau iai te Moan Beretitentii ao te Kauntira n te Tengaun ma Uoman n kanakoa te katanoata nakon te aonaba ni kaineti ma te utu? Ko na bae naba ni korei ni karinanii koaua ni baike ko taku bwa oin taian rongorongo n te katanoata nakon te aonaaba. Ko na kanga ni katerei rongorongo aikai i nanon maium, ni mweengam, ao n am komiuniti?

Taraa naba Bonnie L. Oscarson, “Defenders of the Family Proclamation,” Liahona, May 2015, 14–17; “Defenders of the Faith” (video), Gospel Library.

6:56

• Buokiia am ataei bwa a na iangoi bwaai aika a rangi ni kakawaki are a na kan karakina rongorongona nakoia aomata. Kaota nakoia ataei katotoon “Te Utu: Te Katanoata nakon te Aonaaba,” ao kabwarabwaraa bwa burabeti ao abotoro a koreia bwa a na tuangiira aron kakawakiia utu iroun Tamara are i Karawa. Bukin tera a kakawaki utu Irouna? (taraa naba te witeo “What Is the Purpose of Family?” [ChurchofJesusChrist.org]).

  

  1:19

• Tibwaia ma am ataei te bwai man te katanoata are ko namakinna bwa ti riai n ataa taekana. Kaoiia ataei bwa a na tibwauai aia namakin ibukin koaua akanne. A na kanga ni kaokoro maiura ngke arona bwa tiaki atai bwaai aikai? Tao kam kona n uaia n anenea te kuna are irekereke ma koaua ake a kuneaki i nanon te katanoata, n aron “I Will Follow God’s Plan” (Aia Boki n Anene Ataei, 164–65).

• N te mwakoro IV n te rongorongo aei “Te Babaire ao te Katanoata” (Riaona, Nobembwa 2017, 30), Beretitenti Dallin H. Oaks e kabwarabwaraa bwa e kanga te katanoata ibukin te utu ni koreaki. Tao ngkoe ao am ataei kam kona n uaia n rinanoa te kabwarabwara aei ao marooro i aona bwa bukin tera ko kakaitaua Ana toro te Uea ngkai a reireiniira koaua aikai ibukiia te utu.

• Ko kona naba ni kaotia nakoia am ataei tamnei (ke kaoiia bwa a na korei tamnein) koaua aika a taekinaki ake a kuneaki i nanon te katanoata ibukin te utu. E kona n ae tamnein te tembora, te utu ae a tataro ke ni kaai n takakaro, ke taanga ae a mare. I mwiina a kona am ataei ni kakaei tiententi i nanon te katanoata ibukin te utu are a irekereke ma taian tamnei. Tera ae e reireiniira te Uea i aon baikai n te katanoata?

• Ngkai kam uaia n anenea “Ngai Natin te Atua” (Aia Boki n Anene Ataei, 2–3), ko kona ni karea temanna te ataei ngkai ko taekina, “I ataa natin te Atua ae arana [aran te ataei].” Ngkanne te ataei anne e na karea temana riki, n atonga naba taeka akanne ao ni karina aran te ataei anne. Buokiia am ataei ni kunea te kibuntaeka ae “te nati te mwaane ao aine aika tangiraki irouia ara karo ake i karawa” te katanoata ibukin te Utu, ao kaota am koaua i aon te koaua aei.

• Ni moana te marooro i aon kakorakoraan am utu, ngkoe ao am ataei kam kona ni marooro i aon ae tera ae ti na karaoia bwa ti aonga ni kona ni karaoi bwaai tabeua bwa a na korakora—n aron wiira, rabwatara, ke te kateitei. Ko kona ngkanne ni kabotaua anne nakon katean te utu ae matoatoa. Buokiia am ataei ni kunei reirei n anuan Kristo ake a kairi nakon te maiu ni kukurei n te utu, ae kuneaki n barakarabu 7 n te katanoata ibukin te utu (taraa naba te iteraniba ni kakukurein te wiiki aei).