Kenning og sáttmálar 129–132

Það er margt sem við vitum ekki um upphafningu eða lífið í æðstu gráðu himneska ríkisins – lífið sem Guð lifir. Mikið af því kann að vera utan núverandi getu okkar til að skilja. Guð hefur þó opinberað nokkrar vísbendingar um það, sem margar eru í Kenningu og sáttmálum 130–32. Þið gætuð lesið með álíka spurningar í huga og þessar: Hvað læri ég um Guð? Hvað læri ég um lífið eftir dauðann? Hvernig blessar það líf mitt nú að hafa þessar upplýsingar?

Sjá einnig „Our Hearts Rejoiced to Hear Him Speak,” í Revelations in Context, 277–80.

Hvernig mynduð þið orða það sem Drottinn kennir í Kenningu og sáttmálum 130:20–21 og 132:5? Ígrundið hvernig þessi kenning hefur sýnt sig í ykkar lífi.

Stundum koma þær blessanir sem við óskum eftir ekki strax, jafnvel þó við séum hlýðin Guði. Hvernig viðhöldum við trú okkar og von þegar það gerist? Leitið innsæis í boðskap öldungs D. Todd Christofferson, „Samband okkar við Guð,“ (aðalráðstefna, apríl 2022).

Sjá einnig 1. Nefí 17:35; Kenning og sáttmálar 82:10.

Fyrir tilstuðlan spámannsins Josephs Smith, endurreisti Drottinn sannleikann um að hjónabönd og fjölskyldusambönd geti verið eilíf. Þegar þið lesið Kenningu og sáttmála 132:13–21, leitið þá að orðtökum sem hjálpa ykkur að skilja muninn á því sem mun „[vara]“ um eilífð og hvað ekki. Hvað haldið þið að það þýði fyrir hjónaband að vera „af [Drottni]“? (vers 14).

Í boðskap sínum „Til vegsemdar þeim sem bjarga,“ ber Dieter F. Uchtdorf forseti saman eilíft hjónaband og það sem er „einnota“ (aðalráðstefna, apríl 2016). Hvað kenna þessar andstæður ykkur um það að hlúa að – eða búa sig undir – hjónaband? Hugsið um fjölskyldusambönd ykkar – núverandi og framtíðar – er þið lesið boðskap öldungs Uchtdorfs. Hvað finnið þið þar sem veitir ykkur von í Kristi fyrir fjölskyldusambönd ykkar?

Henry B. Eyring forseti miðlaði þessari leiðsögn sem hann hlaut þegar hann hafði áhyggjur af aðstæðum í fjölskyldu sinni: „Þú skalt sjálfur lifa verðugur himneska ríkisins og fjölskylduhagir þínir verða dásamlegri en þú færð ímyndað þér“ (í „Heimili þar sem andi Drottins dvelur,“ aðalráðstefna, apríl 2019.) Hvernig getur þetta ráð hjálpað ykkur eða einhverjum sem þið þekkið?

Sjá einnig „Fjölskyldur geta átt eilífð saman,“ Barnasöngbókin, nr. 98: Topics and Questions, „Marriage,“ Gospel Library.

Margir sem hafa lesið Gamla testamentið velta fyrir sér að Abraham, Jakob, Móse og fleiri giftust mörgum konum. Voru þessir þjónar Drottins að drýgja hór? Lagði Guð blessun sína yfir hjónabönd þeirra? Joseph Smith hafði svipaða spurningu. Leitið svaranna sem Guð veitti í Kenningu og sáttmálum 132:1–2, 29–40.

Hjónaband eins karls og einnar konu er staðall Guðs varðandi hjónabandið (sjá kaflafyrirsögn í Opinber yfirlýsing 1; Jakob 2:27, 30). Hins vegar hafa komið upp tímabil, þar sem Guð hefur boðið börnum sínum að iðka fjölkvæni.

Fyrstu ár hinnar endurreistu kirkju voru eitt þessara undantekningartímabila. Ef þið viljið læra meira um fjölkvæni á meðal hinna heilögu í upphafi, sjá „Mercy Thompson and the Revelation on Marriage“ (í Revelations in Context, 281–93); Heilagir, 1:290–92, 432–35, 482–92, 502–4; Topics and Questions, „Plural Marriage in The Church of Jesus Christ of Latter-day Saints,“ Gospel Library; „Why Was It Necessary for Joseph Smith and Others to Practice Polygamy?“ (myndband), ChurchofJesusChrist.org.

10:8

• Hvað kennir Kenning og sáttmálar 132:13 okkur um það sem heimsins er? Ef til vill gætuð þið og börn ykkar sett í ferðatösku eða bakpoka það sem samkvæmt Kenningu og sáttmálum 130:2, 18–19; 132:19, táknar það sem við getum tekið með okkur í næsta líf.

• Kannski gæti einföld samlíking kennt börnum ykkar um að hlýða boðorðum Guðs. Þið gætuð til dæmis beðið þau að veita ykkur leiðbeiningar til að ganga eitthvert, eins og út í skóla eða í kirkjubyggingu. Hvað gerist ef við fylgjum ekki leiðbeiningum? Þá gætuð þið lesið Kenningu og sáttmála 130:21 og borið þessar leiðbeiningar saman við þau boðorð sem Guð hefur gefið okkur.

• Þið gætuð einnig sungið saman söng um hlýðni, eins og „Boðorðin haldið“ (Barnasöngbókin, 68) og leitið að orðum í Kenningu og sáttmálum 130:20–21 og 132:5 sem eru svipuð þeim í söngnum. Hvernig blessar Guð okkur þegar við reynum að halda boðorð hans?

• Eftir að hafa lesið Kenningu og sáttmála 130:22 saman, gætuð þið og börn ykkar skoðað mynd af Jesú Kristi, bent á augu hans, munn og aðra hluta líkama hans. Börn ykkar gætu síðan bent á sömu líkamshluta á sjálfum sér. Segið þeim hvers vegna það er ykkur mikilvægt að vita að líkamar okkar líti eins út og líkamar himnesks föður og Jesú.

• Hjálpið börnum ykkar að finna dæmi um hluti sem vara ekki að eilífu – matvara sem spillist, blóm sem fölna og svo framvegis. Lítið síðan saman á Kenningu og sáttmála 132:19 og finnið lykilorðtök eins og „ævarandi [sáttmáli],“ „innsiglaður,“ „um alla eilífð,“ og „alltaf og að eilílfu.“ (Sjá einnig „kafla 55: Opinberun um hjónaband,“ í Sögur úr Kenningu og sáttmálum, 198 eða samsvarandi myndband í Gospel Library). Þið gætuð einnig skoðað myndir af fjölskyldu ykkar og borið vitni um að fyrir tilstuðlan helgiathafna og sáttmála musterisins, hafi Drottinn gert það mögulegt að fjölskyldur geti varað að eilífu.

0:42