IMfundiso neMinqophiso 125–128

Emva kokubuya ebufundisini baseNgilane—enye yemininzi yobufundisi awakhonzayo—uBrigham Young wafumana olunye ubizo olubalulekileyo oluvela eNkosini. Wacelwa ukuba “akhathalele ngokukodwa usapho [lwakhe]” (imiqolo 3), olwalubandezelekile ngokungabikho kwakhe. Njengoko ufunda eli candelo, cinga kutheni iNkosi ngamanye amaxesha ifuna idini enkonzweni yethu. Yintoni onokuyenza ukuze ukhathelele usapho lwakho?

Izityholo zobuxoki nesigrogriso sokubanjwa zanyanzela kwakhona uJoseph Smith ukuba aye kuzifihla kweyeThupha ngo-1842. Kodwa ngoku amazwi awayewabhalele abaNgcwele ngeli xesha (ngoku IMfundiso neMinqophiso 127) azele lithemba novuyo. Yintoni imiqolo 2-4 ekufundisa yona ngoThixo? ngokujamelana ukugculelwa okanye ukuchaswa? Ngawaphi amabinzana avela kule miqolo anokukunceda xa uziva utshutshiswa? Cinga ngokubhala indlela iNkosi ekuxhasa ngayo “emanzini anzulu” obomi bakho.

Njengoko ufunda IMfundiso neMinqophiso 127:5–8;; 128:1–8, khangela izizathu zokuba kutheni iNkosi yanika uJoseph Smith imiyalelo ethe ngqo ngokubhala ubhaptizo lwabafileyo. Ingaba oku kukufundisa ntoni malunga neNkosi nomsebenzi waYo? Uvakalelwa njani ukuba lo myalelo unokusebenza kwiingxelo zentsapho yakho, ezinjengeejenali zobuqu?

Kucacile kwinto etyhilwe nguThixo ngoJoseph Smith ukuba kutheni izinyanya zethu ezingabhaptizwanga kobu bomi zidinga thina: sibhaptizwa endaweni yabo ukuze bakhethe ukwamkela okanye ukugatya lo mmiselo. Kodwa umProfeti kananjalo wafundisa ukuba usindiso lwezinyanya zethu “luyimfuneko kwaye lubalulekile kolwethu usindiso.” Njengoko ufunda IMfundiso neMinqophiso 128:15–18, cinga ngokuba kutheni kunjalo.

Umqolo 5 ufundisa ukuba ummiselo wobhaptizelo lwabafileyo “wawulungisiwe phambi kwesiseko sehlabathi.” Yintoni le nyaniso ekufundisa yona malunga noThixo necebo laKhe?

UJoseph Smith wayesebenzisa amabinzana afana “namandla abophayo,” “unxibelelwano oludibanisayo,” kwaye “nomanyano olupheleleyo” xa wayefundisa ngemimiselo yobubingeleli nobhaptizelo lwabafileyo. Khangela la kunye namabinzana afana nawo njengoko ufunda IMfundiso neMinqophiso 128:5–25. Ngaba unokucinga ngezinto onokuzisebenzisa ukuzekelisa la mabinzana, njengetyathanga okanye intambo? Kutheni la engamabinzana alungileyo ukuchaza le mfundiso?

Ukuqwalasela le mibuzo ilandelayo kusenokukunceda kananjalo ekufundeni kwakho le miqolo:

• Ngokoluvo lwakho, kutheni ukubhaptizelwa abafileyo kunoqwalaselwa “[i]sihloko [e]sizuke ngokugqithisileyo sisesevangeli yanaphakade”? (umqolo 17). Ngawaphi amava akuncede wavakalelwa ngolu hlobo?

• Umhlaba ungaqalekiswa ngayiphi ingqiqo ukuba akukho “unxibelelwano oludibanisayo … phakathi kooyise nabantwana”? (umqolo 18).

• Yintoni ekuchukumisayo ngamazwi kaJoseph Smith kuyo imiqolo 19–25? Ingaba le miqolo iyichaphazela njani indlela oziva ngayo ngoYesu Krestu? ngenkonzo yasetempileni oyenzela izinyanya zakho?

Emva kokufunda le miqolo, ungaziva uphefumlelwe ukuba wenzele into izinyanya zakho? Izimvo eziku FamilySearch.org zinganceda.

UMongameli Gordon B. Hinckley wathi:

“Intlawulelo kaYesu esenzela bonke imele idini elikhulu lentlawulelo. Yena wamisela umzekelo awathi phantsi kwawo waba ngummeli walo lonke uluntu. Lo mzekelo apho umntu omnye anokwenzela omnye umntu uqhutyelwa phambili kwimimiselo yendlu yeNkosi. Apha sikhonza endaweni yabo bafe bengenalwazi lweendaba zevangeli. Olwabo lukhetho lokwamkela okanye ukwala ummiselo owenziweyo. Babekwe kwinqanaba elilinganayo nabo bahamba emhlabeni. Abafileyo banikwa ithuba elifanayo nabaphilayo. Kwakhona, olunjani lona ulungiselelo oluzukileyo nolumangalisayo uSomandla alenzileyo ngesityhilelo saKhe kumProfeti waKhe” (“The Great Things Which God Has Revealed,” Liyahona, UCanzibe 2005, 82–83).

• Usenokugxininisa ibinzana elithi “ukhathalele ngokukodwa usapho lwakho” (umqolo 3) kwaye uthethe nabantwana bakho ukuba kuthetha ukuthini ukukhathalela ngokukodwa iintsapho zethu.

  

  1:33

• Kusenokuba mnandi kuwe nakubantwana bakho ukujonga imifanekiso yosapho (okanye ukuzoba imifanekiso) njengoko nithetha kunye ngeendlela esinokunceda ngazo “ukukhathalela” amalungu osapho.

• Mema abantwana bakho ukuba bafumane kuyo IMfundiso neMinqophiso 128:1 ukuba yeyiphi ingongoma eyayihleli engqondweni kaJoseph Smith. Basenokuphengulula umqolo 17 ukuze bafumanise ukuba nguwuphi umbandela owayewuqwalasela “[o]zuke ngokugqithisileyo.” Bavumele babelane ngoko bakufumanayo baze bathethe kutheni lo mbandela ubangel’ umdla.

• Ukongeza ekuncedeni abantwana bakho balungiselele (kwaye baphile) iminqophiso yabo yobhaptizo, ungabanceda bazi indlela yokunceda abantu abangazange benze le minqophiso ngexesha lobomi babo. Cinga ngokuxelela abantwana bakho ngomntu omaziyo owafa engabhaptizwanga. Emva koko ninokufunda kunye IMfundiso neMinqophiso 128:5 kwaye nijonge kumfanekiso wegumbi lokubhaptizela etempileni (njengalowo usekupheleni kolu lwandlalo). Xelela abantwana bakho ukuba uziva njani ngokubhaptizelwa ezitempileni endaweni yabantu abafileyo ukuze wonke umntu abe nethuba lokwenza iminqophiso noBawo waseZulwini.

• Kusenokuba mnandi kuwe nakubantwana bakho ukwenza ikhonkco lephepha elinamagama abazali, oomakhulu, ootatomkhulu, ookhokho, njalo njalo (bona elale veki iphepha lomsebenzi). Emva koko ningabelana nabanye ngezinto enizaziyo ngezi zinyanya. Fundani kunye IMfundiso neMinqophiso 128:18 ukufumanisa ukuba yintoni “unxibelelwano oludibanisayo” olwenza imbali yosapho lwethu “[lo]lupheleleyo noluzeleyo nolugqibeleleyo.”

  

  1:38

• Imisebenzi eyongezelelekileyo yokunceda abantwana bakho bathathe inxaxheba kwimbali yosapho inokufumaneka kuyo “ITempile neCebo loLonwabo” kwisihlomelo B okanye ku FamilySearch.org.