Lus Qhuab Qhia thiab Kev Khi Lus 98–101

Muaj tej teeb meem hauv lub neej no uas peb raug vim peb tau xaiv tsis yog lawm. Muaj tej kev txom nyem uas twb yog vim lwm tus xaiv tsis yog. Thiab tej lub sij hawm peb raug tej yam vim yog los ntawm lub neej no xwb. Txawm yog li cas los, kev nyuaj siab los pab tau peb ua raws li Vajtswv tej lub hom phiaj thaum peb tig mus rau Vajtswv.

Qhov no muaj tseeb rau Haiv Neeg Ntseeg hauv Missouri nyob rau xyoo 1833, thiab muaj tseeb rau peb hnub no. Thaum koj nyeem tej yam uas tus Tswv qhia Haiv Neeg Ntseeg nyob hauv phau Lus Qhuab Qhia thiab Kev Khi Lus 98 thiab 101, xav seb Nws zaj lus yuav pab koj li cas thaum koj raug tej kev sim siab thiab tej kev nyuaj siab. Nov yog tej lus nug thiab cov ntaub ntawv uas yuav pab koj.

Yog tias kev raug sim siab yog los ntawm:

• Kev xaiv ntawm tus kheej: Koj nrhiav tej lus ntuas—thiab tej kev cog lus—dab tsi hauv Lus Qhuab Qhia thiab Kev Khi Lus 98:11–12; 101:1–9? Koj kawm dab tsi los ntawm tej nqe no txog Leej Txiv Saum Ntuj Ceeb Tsheej thiab Yexus Khetos? Koj xav tias Vajtswv xav kom koj ua dab tsi?

• Lwm tus tej kev xaiv: Koj nrhiav kev nplij siab dab tsi hauv Lus Qhuab Qhia thiab Kev Khi Lus 98:1–3, 22; 101:10–16, 22? Tus Tswv xav kom peb teb li cas rau kev raug tsim txom, kev raug lwm tus txoj kev ua siab phem, los sis kev raug lim hiam? (Saib Life Help, “Abuse,” Txoj Moo Zoo cov Ntawv; Tej Ntsiab Lus thiab tej Lus Nug, “Abuse,” Txoj Moo Zoo cov Ntawv.) Tej nqe no qhia tias koj yuav tsum ua li cas kom cia siab rau tus Tswv?

• Tej yam nyuaj los ntawm lub neej no: Koj kawm dab tsi los ntawm Lus Qhuab Qhia thiab Kev Khi Lus 98:1–3; 101:22–31, 36? Koj kawm dab tsi los ntawm koj tej kev sim siab? Koj ua dab tsi kom caw Vajtswv txoj kev pab? Nws tab tom pab koj li cas?

Kom kawm ntxiv txog Vajtswv txoj kev uas “txhua yam kev tsim txom uas nej tau raug … yuav koom ua ke los pab nej” (Lus Qhuab Qhia thiab Kev Khi Lus 98:3), xav seb puas kawm Txwj Laug Anthony D. Perkins zaj lus “Nco Ntsoov Koj Haiv Neeg Ntseeg uas Raug Txom Nyem, Auj Peb tus Vajtswv” (Liyahaunas, Kaum Ib Hlis Ntuj 2021, 103–5). Tej zaum koj yuav xav nrhiav ib nqe hauv nws zaj lus uas pab koj to taub tias tus Cawm Seej caw koj saib koj tej teeb meem li cas. Koj tej kev sim siab tau koom ua ke los pab koj ua li cas los yog tau pab koj ua raws li Vajtswv lub hom phiaj li cas?

Kuj saib Loos 8:28; 2 Nifais 2:2; Lus Qhuab Qhia thiab Kev Khi Lus 90:24; D. Todd Christofferson, “Come to Zion,” Liyahaunas, Kaum Ib Hlis Ntuj 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (vidi-aus), ChurchofJesusChrist.org.

2:40

4:17

5:2

Thawj Tswj Hwm Russell M. Nelson tau qhia: “Cov uas coj raws li Yexus Khetos yuav tsum coj yam ntxwv rau neeg ntiaj teb ua. Kuv thov nej sawv daws kom ua txhua yam nej ua tau kom txiav txhua yam kev tsis sib haum uas ua rau nej chim siab nyob hauv nej lub neej” (“Lub Hwj Chim ntawm Sab Ntsuj Plig txoj Kev Muaj Zog Zuj Zus Tuaj,” Liyahaunas, Tsib Hlis Ntuj 2022, 97).

Tsis yog txhua yam nyob hauv phau Lus Qhuab Qhia thiab Kev Khi Lus 98:23–48 yuav hais txog koj txoj kev sib raug zoo nrog lwm tus, tiam sis koj kawm tej ntsiab cai twg uas pab tau koj txiav txhua yam kev tsis sib haum hauv koj lub neej? Tej zaum koj nrhiav qhov tseeb ntxiv hauv ib zaj nkauj txog kev thaj yeeb los sis kev zam txim, ib yam li “Kev Tseeb Ua rau Peb Rov Qab Nco” (Cov Nkauj Qhuas Vajtswv, zaj 128).

Tej kev tshwm sim nyob hauv tshooj 99 thiab 100 yog rau cov neeg uas muaj hauj lwm tseem ceeb hauv lub Koom Txoos tiam sis txhawj txog lawv tsev neeg. Koj kawm dab tsi hauv tej kev tshwm sim no uas pab tau lawv? Tus Tswv xav qhia dab tsi rau koj los ntawm tej kev tshwm sim no?

Kuj saib “John Murdock’s Missions to Missouri” nyob hauv “‘I Quit Other Business’: Early Missionaries” thiab “A Mission to Canada,” nyob hauv Revelations in Context, 87–89, 202–7.

Zaj paj lug nyob hauv Lus Qhuab Qhia thiab Kev Khi Lus 101:43–62 piav vim li cas tus Tswv tau cia Haiv Neeg Ntseeg raug ntiab tawm ntawm Xi-oos. Thaum koj nyeem tej nqe no, koj puas pom tias koj tus kheej thiab cov tub qhe hauv zaj paj lug no zoo sib xws? Koj yuav ua li cas kom qhia Vajtswv tias koj “txaus siab cia tus Tswv coj [koj] ua ib txoj kev yog thiab ncaj rau [koj] txoj kev cawm seej”? (saib nqe 63–65).

• Tej zaum koj yuav xav pib sib tham thaum koj nug koj cov me nyuam txog tej teeb meem uas cov me nyuam uas muaj hnub nyoog tib yam muaj. Ces tej zaum koj yuav xav nyeem phau Lus Qhuab Qhia thiab Kev Khi Lus 98:1–3 ua ke thiab sib tham txog txoj kev Yexus Khetos hloov tej kev sim siab los ua cov koob hmoov. Tej zaum koj yuav xav qhia koj cov me nyuam txog tej lub sij hawm Nws tau hloov koj tej kev sim siab mus ua koob hmoov.

Lus cim: Thaum koj qhia koj cov me nyuam txog txoj kev zam txim, pab lawv to taub tias yog ib tug neeg ua rau lawv raug mob, lawv yuav tsum qhia ib tug neeg uas lawv cia siab rau.

• Tshooj 34 thiab 35 nyob hauv Cov Dab Neeg hauv phau Lus Qhuab Qhia thiab Kev Khi Lus (128–34) pab tau koj qhia koj cov me nyuam txog qhov uas Haiv Neeg Ntseeg raug dab tsi nyob Missouri nyob rau xyoo 1833. Tej zaum koj thiab koj cov me nyuam yuav xav sib tham txog qhov uas Haiv Neeg Ntseeg no xav li cas. Ces tej zaum nej yuav xav nyeem Doctrine and Covenants 98:23, 39–40 ua ke kom kawm seb tus Tswv xav kom lawv ua dab tsi. Tej zaum koj thiab koj cov me nyuam yuav xav qhia txog tej lub sij hawm nej ib leeg yuav tsum zam txim rau ib leeg thiab tus Cawm Seej tau pab nej li cas.

• Tej zaum koj yuav xav muab daim duab txog ib lub ntsej muag zoo siab thiab ib lub ntsej muag tu siab rau koj cov me nyuam saib. Cia li sib tham txog tej lub sij hawm thaum ib tug neeg ua siab phem, thiab qhia txog tej yam uas lawv ua tau tom qab ntawd. Pab koj cov me nyuam xaiv seb qhov uas lawv xaiv ua tom qab ntawd puas yuav ua rau lawv zoo siab los sis tu siab thiab taw tes rau ntsej muag uas zoo siab los sis tu siab ntawd. Vim li cas Yexus xav kom peb zam txim rau tib neeg, txawm tias lawv tsis ua siab zoo rau peb?

2:42

2:10

• Tom qab koj nyeem Lus Qhuab Qhia thiab Kev Khi Lus 101:16, pab koj cov me nyuam txais txoj kev nyob kaj siab lug uas los thaum peb nyob ntsiag to thiab xav txog Yexus—piv txwv hais tias, thaum peb thov Vajtswv los sis noj lub cim nco txog. Tej zaum nej yuav xav hu ib zaj nkauj txog kev tswm seeb, ib yam li “Reverently, Quietly” los sis “To Think about Jesus” (Children’s Songbook, 26, 71). Peb yuav ua li cas kom muaj Nws txoj kev kaj siab lug hauv peb lub tsev?

• Tej zaum koj cov me nyuam yuav xav paub seb peb lub neej yuav zoo li cas thaum Yexus Khetos rov los. Cia li nyeem Lus Qhuab Qhia thiab Kev Khi Lus 101:23–32 ua ke, thiab sib tham txog tej yam lawv kawm hauv tej nqe uas ua rau peb muaj kev xyiv fab thaum Nws los. Vim li cas tej no yuav pab peb thaum peb raug tej yam nyuaj?