Сургаал ба Гэрээ 85–87

Сургаал ба Гэрээ 85:1–2 дээр дурдсан “түүх”-д Их Эзэн юуг багтаахыг хүссэнийг анзаар. Тэр яагаад Өөрийн гэгээнтнүүдээс түүх хөтлөхийг хүсдэг гэж та бодож байна вэ? Та өөрийн “амьдрал, [өөрийн] итгэл, мөн ажлуудын хэв маягийн” тухай юу бичвэл танд болон ирээдүй хойч үеийнхэнд адислал болох вэ? Хувийн түүхээ хөтлөх нь Христэд ирэхэд тань хэрхэн туслах бэ?

“Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–133; “Turning Hearts” (видео), ChurchofJesusChrist.org-ийг мөн үзнэ үү.

3:6

Иосеф Смитийн Сургаал ба Гэрээ 85:6-д Сүнсийг дүрслэхдээ ашигласан үгсийг тунгаан бод. Сүнсний дуу хоолой ямар утгаараа “намуухан” бөгөөд “аниргүй” байдаг вэ? Иосеф Смитээр өгөгдсөн дараах нэмэлт дүрслэлүүдийг хараарай. Үүнд: Сургаал ба Гэрээ 6:22–24; 8:2–3; 9:7–9; 11:12–13; 128:1. Сүнс тантай хэрхэн ярьдаг вэ?

Лук 24:32; Мозай 5:2; Алма 32:28; Хиламан 5:30; Сургаал ба Гэрээ 6:22–23; 11:12–13-ыг мөн үзнэ үү.

Сургаал ба Гэрээ 86 нь Матай 13:24–30, 37–43 дээр гардаг улаан буудай болон зэрлэг өвсний тухай сургаалт зүйрлэлийн тайлбарыг агуулдаг. Та энэхүү сургаалт зүйрлэлийн утгыг судлах явцдаа дараахтай адил хүснэгтийг бөглөөд үзээрэй.

Дараах нэмэлт асуултыг бодоод үзээрэй.

• Сургаалт зүйрлэлийг тайлбарласныхаа дараа Их Эзэн санваар, сэргээлт болон Өөрийн хүмүүсийн авралын талаар ярьсан (8–11-р шүлэг-ийг үзнэ үү). Та эдгээр сэдэв болон улаан буудай, зэрлэг өвсний сургаалт зүйрлэл хоёрын хооронд ямар ямар холбоог харж байна вэ?

• “Харийнханд гэрэл” мөн “[Их Эзэний] хүмүүст аврагч” (11-р шүлэг) байхад та ямар үүрэг гүйцэтгэдэг вэ?

87-р хэсэг дэх бошиглол эцсийн өдрүүдэд тохиох дайны биет аюулын талаар анхааруулдаг. Гэсэн ч уг илчлэлийн зөвлөмж сүнсний аюулд ч мөн хамаатай. Дараахтай адил асуултуудыг тунгаан бод.

• Бошиглол гэдэг нь ихэвчлэн ирээдүйн талаар Бурханаас бошиглогчид өгөгддөг илчлэл юм. Эртний болон өнөө үеийн бошиглогчдод өгсөн бошиглолын ямар ямар жишээ байдаг вэ? (Иохан 3:14; Мозая 3:5; Хиламан 14:2–6-г үзнэ үү). Тэдгээр нь хэрхэн биеллээ олсон бэ? (Лук 23:33; Матай 15:30–31; 3 Нифай 1:15–21).

• Бурханы бошиглогчдын бошиглолуудыг хүлээн авснаар ямар ямар адислал ирдэг вэ?

Эдгээрийг бодонгоо 87-р хэсэг-ийг унш. (Түүхэн үйл явдлыг ойлгохын тулд энэхүү тоймын удиртгал хэсгийг уншиж болно.) Та уг илчлэлийн талаар мөн энэ нь хэрхэн биелсэн талаар юу мэдэж авсан бэ? Тэр даруй биелдэггүйн улмаас бошиглолуудад эргэлздэг хэн нэгэнд та юу гэж хэлэх вэ?

8-р шүлэг-т Их Эзэн юуг зөвлөсөн бэ? Таны амар амгалан, аюулгүй байдлыг мэдэрдэг “ариун газрууд” юу вэ? Тухайн газрыг юу ариун болгодог вэ? Бодит байршлаас гадна ариун цаг мөч, ариун зан үйл, ариун бодол санаа нь амар амгаланг өгч болно. Жишээлбэл: Бурханы бошиглогчдын үгс хэрхэн таны хувьд ариун газар байж болох вэ? Эдгээр газарт “зогсогтун” мөн “бүү шилжин нүүлгэгд” гэдэг нь юу гэсэн утгатай вэ?

“Хайр байх газар,” Хүүхдийн дууны ном, 76–77; Гэгээнтнүүд, 1:163–164; “Peace and War,” in Revelations in Context, 158–164-ийг мөн үзнэ үү.

• Ариун Сүнс тэдэнтэй ярьдаг гэдгийг хэрхэн мэддэг талаар хэн нэгэн асуух юм бол хүүхдүүд тань юу гэж хэлэх вэ? Тэднийг Сургаал ба Гэрээ 85:6 дахь Иосеф Смитийн Сүнсний дуу хоолойг дүрсэлсэн нэг арга замын тухай уншихыг урь. Дараа нь тэд намуун дуу хоолойг сонсох мөн намуун дуу хоолойгоор ярих дадлага хийж болно. Түүнчлэн та Сүнс тантай намуухан, аниргүй дуу хоолойгоор ярьсан тохиолдлоо ярьж өгч болох юм.

• Та хүүхдүүддээ “намуухан аниргүй дуу хоолой” гэдгийг ойлгоход туслан “Ариун Сүнс” (Хүүхдийн дууны ном, 56) зэрэг дууг аяархан тоглуулж болох юм. Бусад хүүхэд анхаарал сарниулах дуу чимээ гаргаж байх зуур энэ ямар дуу болохыг таахыг нэг хүүхдээс хүс. Дараа нь та тухайн дууг анхаарал сарниулах зүйлгүйгээр дахин тоглуулж болно. Сүнсийг илүү ойр ойрхон мэдрэхийн тулд бид амьдралаасаа анхаарал сарниулах ямар ямар зүйлийг холдуулж болох вэ?

• Хүүхдүүддээ 86-р хэсэг дэх сургаалт зүйрлэлийг ойлгоход туслахын тулд та улаан буудайг харуулсан хэдэн жижиг зурсан эсвэл фото зургийг бэлдээд, өрөөний энд тэнд нууж болно. Та Матай 13:24–30 дээрх улаан буудай ба зэрлэг өвсний сургаалт зүйрлэлийг тайлбарлаад Сургаал ба Гэрээ 86:1–7 дээрх Их Эзэний тайлбарыг хамтдаа унш. Дараа нь таны хүүхдүүд нуусан улаан буудайн зургуудыг цуглуулж, дээр нь Есүс Христэд “цуглуулж” болох хэн нэгний нэрийг бичиж болох юм. Есүс Христэд хүмүүсийг цуглуулна гэдэг нь юу гэсэн үг вэ? Бид үүнийг ямар арга замаар хийж болох вэ?

• Сургаал ба Гэрээ 86:11-ийн талаар хүүхдүүдтэйгээ ярилцаж байхдаа та дараах асуултуудыг асууж болно. Гэрэл биднийг хэрхэн адисалдаг вэ? Бидэнд гэрэл байхгүй бол ямар байх вэ? Бид хэрхэн бусдад гэрэл байж чадах вэ? “[Есүсийн] сайн сайханд … үргэлжлүүлэх” арга замуудыг бодож олоход хүүхдүүддээ тусал.

• Хожмын өдрүүдэд болно хэмээн Их Эзэний хэлсэн зүйлсийг олж мэдэхийн тулд Сургаал ба Гэрээ 87:6-г хамтдаа унш. Дараа нь танд болон таны хүүхдүүдэд тулгардаг зарим бэрхшээлийн талаар ярилцаж болно. 8-р шүлэг-т Их Эзэн хэцүү цаг үед биднийг юу хий гэж хэлсэн бэ?

• Сүнслэг байдлын хувьд тулгарсан аюулыг даван гарахад нь туслах ариун газар, ариун бодол, ариун үйлдлийн жагсаалт гаргаж бичихэд хүүхдүүддээ тусал. “Standing in Holy Places” болон “Stand Ye in Holy Places—Bloom Where You’re Planted,” (Gospel Library) видеоноос санаа авна уу.

  

  5:36

  

  4:36