Reirei ao Berita aika Tabu 85–87

Taraia bwa e tangiria te Uea bwa e na karinaki taekana i nanon te “rongorongo n kawai” n Reirei ao Berita aika Tabu 85:1–2. Bukin tera n am iango ngkai E tangiria Ana Aomata aika Itiaki bwa a na kawakina te rongorongo? Tera ae ko kona n korei n taekan maium, [am] onimaki, ao mwakuri” ake a kona n riki bwa te kakabwaia nakoim ao rooro aika a na roko? E na kanga n buokiko n roko nakon Kristo kawakinan taekan rongorongom?

Taraa naba “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (witeo), ChurchofJesusChrist.org.

3:6

Iangoi taeka ake e kabonganai Iotebwa Timiti n kabwarabwara te Tamnei n Reirei ao Berita aika Tabu 85:6. N te aro raa ae bwanaan te Tamnei e “rau” ao e “maraara”? Iangoi kabwarabwara riki aikai mairoun Iotebwa Timiti: Reirei ao Berita aika Tabu 6:22–24; 8:2–3; 9:7–9; 11:12–13; 128:1. E kanga aron te Tamnei n taetae nakoim?

Taraa naba Ruka 24:32; Motiaea 5:2; Aramwa 32:28; Ereman 5:30; Reirei ao Berita aika Tabu 6:22–23; 11:12–13.

Reirei ao Berita aika Tabu 86 iai i nanona kabwaranakoan kaikonakan te wiita ao te titania, ae kuneaki n Mataio 13:24–30, 37–43. Ngke ko reiakina taekan nanon te kaikonaki, iangoa kanoaan te taibora n aron aio:

Aikai tabeua riki titiraki aika a na iangoaki:

• I mwiin kabwaranakoan te kaikonaki, e taetae te Uea n taekan te nakoanibonga, kaokan bwai, ao kamaiuaia Ana aomat (taraa kiibu 8–11). Tera te irekereke ae ko nooria i marenan botoniango aikai ao kaikonakan te wiita ao te titania?

• Tera tibwangam n riki bwa te “oota nakoia Tientaire” ao “te tia kamaiu nakoia ana aomata [te Uea]”? (kibu 11).

Te taetae ni burabeti n mwakoro 87 e anga te kauring ibukin kabuanibwai n rabwata n irekereke nakon buaka n boong aika kaitira. Ma te reirei n te kaotioti aei e kaineti naba nakon kabuanibwai n taamnei. Iangoi raoi titiraki n aron aika oti i mwiina:

• Te kaotioti bon te kaotioti mairoun te Atua nakon te burabeti, n taainako ibukin te tai ae na roko. Tera tabeua katooto n taetae ni burabeti ae a tia n anga burabeti ngkoa ao ni boong aikai? (taraa Ioane 3:14; Motiaea 3:5; Ereman 14:2–6). A kanga n kakoroaki nanoia? (taraa Ruka 23:33; Mataio 15:30–31; 3 Nibwaai 1:15–21).

• Tera kakabwaia man butimwaean aia taetae ni burabeti ana burabeti te Atua?

Ma iango akanne n am iango, wareka mwakoro 87. (Ibukin tabeua nanon rongorongo, ko kona naba n tangiria n wareka te kabwarabwara nakon ae kaotaki aei.) Tera ae ko reiakinna ibukin taetae ni burabeti man te kaotioti aei ao te kawai ae kakoroaki iai bukina? Tera ae ko na taekinna nakon temanna are e nano uoua n te taetae ni burabeti ibukina bwa e aki koro bukina n te tai ae waekoa?

Tera te reirei ae anga te Uea n kibu 8? Tera am “tabo aika tabu” are ko kunea iai te rau ao te mano? Tera ae karika te tabo bwa e na tabu? N ikotaki ma taabo, tao iai taai aika tabu, mwakuri aika tabu, ke iango aika tabu ake a kona n anga te rau. Te katooto, a na kanga aia taeka ana burabeti te Atua n riki bwa te tabo ae tabu ibukim? Tera ae nanonaki n te tei” ao “n aki mwainging” man taabo aikai?

Taraa naba “Where Love Is,” Aia Boki n Anene Ataei, 138–39; Saints, 1:163–64; “Peace and War,” n Revelations in Context, 158–64.

• Tera ae a na taekinna am ataei ngkana temanna e tuangiia bwa a kanga n ataia ngkana e taetae te Tamnei ae Raoiroi nakoia? Kaoiia bwa a na wareka taekan te kawai teuana ngke Iotebwa Timiti e kabwarabwara iai bwanaan te Tamnei inanon Reirei ao Berita aika Tabu 85:6. A kona ngkanne n kammwakuriongoraa nakon ao n taetae n te bwanaa ae maraara. Ko kona naba n tibwai taneiai ngke e taetae nakoim te Tamnei n te bwanaa ae maraara n rau.

• N buokiia am ataei n mataata n te mwakoro n taeka ae “maraara n rau,” ko kona n katanga aia anene ataei n katanga n karauraua, n aron “The Holy Ghost” (Aia Boki n Anene Ataei, 105). Titirakina temanna mai buakoia ataei bwa e na ketinna bwa tera te anene ao tabeman a ataei a karaoa te karongoaa n kabua iango. I mwiina ko kona n kaoka te anene ma akean te kakarongoa. Tera katabeaianga aika ti kona n kanakoi man maiura bwa ti aonga n namakina riki te Tamnei n taainako?

• Ni buokiia am ataei n mataata n te kaikonaki are e kabwarabwaraaki i nanon mwakoro 86, ko kona ni katauraoi tamnei tabeua aika a uarereke ke korotamneian wiita ao n karabai n katobibia te ruu. Kabwarabwara nakoia am ataei kaikonakan te wiita ao te titania (taraa Mataio 13:24–30), ao bootaki n wareka ana taeka te Uea n Reirei ao Berita aika Tabu 86:1–7. A kona ngkanne n botii tamnein wiita ake a karabaaki ao n koreia i aoia aran temanna are a kona n “bootia” nakon Iesu Kristo. Tera ae nanonaki n ikotakiia aomata nakon Iesu Kristo? Tera tabeua kawai aika ti kona ni karaoa iai te bwai aei?

• Aikai tabeua titiraki ake ko kona n titiraki nakoia am ataei ngke ko marooroa Reirei ao Berita aika Tabu 86:11: E kangaa n kakabwaiara te oota? E na kanga arora ngkana akea te oota iroura? Ti na kanga n riki bwa te oota nakoia aomata? Buokiia ataei n iangoi kawai ake ti kona n “reitanako te raoiroi iroun [Iesu]” ao n tibwaia ma tabeman.

• Bootaki ni wareka Reirei ao Berita aika Tabu 87:6 n reiakin iai bwaai aika e taekin te Uea bwa ana riki ni boong aika kaitira. I mwiina ko kona n marooroakina taekan tabeua kangaanga are ko kaitarai ma am ataei. N te kibu 8, tera ae taekinna te Uea ae ti kona n karaoia i nanon taai ni kangaanga?

• Buokiia am ataei n karaoa rinanin taabo aika a tabu, iango aika a tabu, ao mwakuri aika a tabu ake a kona n buokiia n kaitarai kangaangan n tamnei. Ibukin iango, taraa te witeo “Standing in Holy Places” and “Stand Ye in Holy Places—Bloom Where You’re Planned” (Gospel Library).

  

  5:36

  

  4:36