సిద్ధాంతము మరియు నిబంధనలు 81–83

సిద్ధాంతము మరియు నిబంధనలు 81–83లోని అనేక గద్యభాగాలలో, మన చుట్టూ అవసరంలో ఉన్న జనులకు సహాయపడమని ప్రభువు మనల్ని ఆహ్వానిస్తున్నారు. వాటిని మీరు కనుగొనినప్పుడు, గద్యభాగాలను గుర్తించడాన్ని పరిగణించండి. సిద్ధాంతము మరియు నిబంధనలు 81:4–5లో అత్యంత వివరణాత్మక ఉదాహరణలలో ఒకటి ఉంది. ఈ వచనములను ధ్యానించడానికి మీకు సహాయపడేందుకు ఇక్కడ కొన్ని ప్రశ్నలున్నాయి:

• ఒక వ్యక్తి “బలహీనుడు” కాగల కొన్ని విధానాలేవి? వారికి “సహాయం చేయడం” అంటే అర్థమేమిటి? నేను బలహీనంగా భావించినప్పుడు ఇతరుల క్రీస్తువంటి సేవ నాకు ఎప్పుడు సహాయం చేసింది?

• ఉపమానరీతిలో ఒక వ్యక్తి చేతులు “వడలునట్లు” ఏది చేయగలదు? ఆ చేతులను నేనెలా “పైకెత్తగలను”?

• “సడలిన మోకాళ్ళు” అనగా అర్థమేమిటి? అవి ఎలా బలపరచబడతాయి?

రక్షకుడు మీ కోసం వీటిని ఎలా చేస్తారు?

ఈ వచనమును చదవడం బహుశా మీరు “సహాయం చేయగల,” “పైకెత్తగల” లేదా “బలపరచగల” ఒకరిని మీకు గుర్తు చేసియుండవచ్చు. ఆ వ్యక్తికి పరిచర్య చేయడానికి మీరేమి చేస్తారు?

సిద్ధాంతము మరియు నిబంధనలు 82: 18–19 లో ఇతరులకు సేవ చేయడం గురించి మీరు ఇంకేమి నేర్చుకుంటారు?

5:1

జేకబ్ 2:17–19; మోషైయ 18:8–9 కూడా చూడండి.

4:21

కార్ల్ హీన్రిచ్ బ్లాచ్ (1834–1890), క్రైస్ట్ హీలింగ్ ది సిక్ ఎట్ బెథెస్డా, 1883, ఆయిల్ ఆన్ కాన్వాస్, 100 ¾ x 125 ½ అంగుళాలు. బ్రిగమ్ యంగ్ యూనివర్శిటీ మ్యూజియం ఆఫ్ ఆర్ట్, జాక్ ఆర్. మరియు మేరీ లోయిస్ వీట్లీ అందించిన నిధులతో కొనుగోలు చేయబడింది, 2001.

ఈ వచనాన్ని చదవడం దేవుడు మీకు ఇచ్చిన భౌతిక మరియు ఆధ్యాత్మిక ఆశీర్వాదాలను సమీక్షించమని మిమ్మల్ని ప్రేరేపించవచ్చు. మీరు 82వ ప్రకరణములో మిగిలిన భాగాన్ని చదివేటప్పుడు దీన్ని గుర్తుంచుకోండి. దేవుడు మీ నుండి ఏమి కోరుతున్నారని మీరు భావిస్తున్నారు?

ప్రభువు ఇన్ని ఆజ్ఞలను ఎందుకిస్తారని మీరు లేదా మీకు తెలిసిన వారెవరైనా ఎప్పుడైనా ఆశ్చర్యపడితే, సిద్ధాంతము మరియు నిబంధనలు 82:8–10 సహాయపడగలదు. మీరు ప్రభువు యొక్క ఆజ్ఞలను అనుసరించడానికి ఎందుకు ఎంచుకున్నారని ఎవరికైనా వివరించడానికి ఈ వచనాలలోని ఏ అంతరార్థములు మీకు సహాయపడగలవు? సహాయపడగలిగేలా మీరు ఆజ్ఞలను దేనితో పోల్చవచ్చు? మీరు సిద్ధాంతము మరియు నిబంధనలు 1:37–38; 130:20–21లో అదనపు అంతర్దృష్టులను కనుగొనవచ్చు. ఆజ్ఞలను దీవెనలుగా చూడాలని మీకు ఏ అనుభవాలు నేర్పించాయి?

5:41

దేవుడు మీకు ఇచ్చిన కొన్ని ఆజ్ఞల గురించి ఆలోచించండి. ఆయన గురించి మరియు ఆయన చిత్తం గురించి ఈ ఆజ్ఞలు మీకు ఏమి బోధించాయి? (8వ వచనము చూడండి). ఈ ఆజ్ఞలను పాటించడం ద్వారా మీ జీవితం ఎలా ప్రభావితమైంది?

10వ వచనము నుండి ప్రభువు గురించి మీరేమి నేర్చుకుంటారు? ప్రభువు “బద్ధుడైయుండడం” అంటే ఏమిటని మీరు అనుకుంటున్నారు? (15వ వచనము కూడా చూడండి).

మీ జీవితంలో ప్రభువు తన వాగ్దానాలను ఎలా నిలుపుకున్నారు? వారు ఆశించిన దీవెనలు పొందనందున ఆజ్ఞలను పాటించడానికి ప్రేరేపించబడని వ్యక్తికి మీరు ఏమి చెప్పగలరు? ఎల్డర్ డి. టాడ్ క్రిస్టాఫర్సన్ గారి సందేశము “దేవునితో మన సంబంధము”లో ఏవైనా సహాయకరమైన అంతర్దృష్టులను మీరు కనుగొన్నారా? (లియహోనా, మే 2022, 78-80).

యువతుల ప్రధాన అధ్యక్షత్వము యొక్క మాజీ సభ్యురాలైన సహోదరి వర్జీనియా హెచ్. పియర్స్, అన్యాయమైన ఎంపికలు చేస్తున్న తన పిల్లల గురించి తీవ్రంగా చింతిస్తున్న ఒక మహిళ గురించి మాట్లాడారు. దాదాపు భయాందోళనలో, ఆమె వారి తరఫున ప్రభువు యొక్క దీవెనలను వెదకడానికి తాను ఆలోచించగలిగిన ప్రతీదాన్ని ప్రయత్నించింది. మనఃపూర్వకమైన ప్రార్థనతో పాటు, ఆమె దేవాలయ హాజరును పెంచాలనే ప్రతిష్టాత్మక లక్ష్యాన్ని నిర్దేశించింది మరియు తన పిల్లల హృదయాలను మార్చడం ద్వారా ప్రభువు ఈ ముఖ్యమైన త్యాగాన్ని గౌరవిస్తారని ఖచ్చితంగా భావించింది. ఆ మహిళ ఇలా నివేదించింది:

“పదేళ్ల పాటు అధిక దేవాలయ హాజరు మరియు నిరంతర ప్రార్థనల తర్వాత, నా పిల్లల ఎంపికలు మారలేదని చెప్పడానికి నేను చింతిస్తున్నాను. …

“కానీ నేను మారాను. నేను భిన్నమైన మహిళను. … నాకు మృదువైన హృదయం ఉంది. నేను కరుణతో నిండి ఉన్నాను. నేను నిజంగా ఎక్కువ చేయగలను మరియు భయం, ఆందోళన, అపరాధం, నింద మరియు దిగులు లేకుండా ఉన్నాను. నేను నా సమయ పరిమితులను వదులుకున్నాను మరియు ప్రభువు కోసం వేచి ఉండగలుగుతున్నాను. మరియు ప్రభువు శక్తి యొక్క వ్యక్తీకరణలను నేను తరచుగా అనుభవిస్తున్నాను. ఆయన నాపట్ల మరియు నా పిల్లల పట్ల తనకున్న ప్రేమను తెలియజేసే మృదు కనికరములను, చిన్న సందేశాలను పంపుతారు. నా అంచనాలు మారిపోయాయి. నా పిల్లలు మారతారని ఆశించే బదులు, నేను తరచూ ఈ మృదు కనికరములను ఆశిస్తున్నాను మరియు వాటి పట్ల కృతజ్ఞతతో నిండి ఉన్నాను. …

“నా ప్రార్థనలు మారాయి. నేను మరింత ప్రేమను వ్యక్తం చేస్తున్నాను మరియు మరింత కృతజ్ఞతతో ఉన్నాను. … ప్రభువు అద్భుతమైన మార్గాల్లో పనిచేస్తారు మరియు నేను నిజంగా శాంతితో నిండి ఉన్నాను, అది అన్ని అవగాహనలను అధిగమించింది (in “Prayer: A Small and Simple Thing,” At the Pulpit [2017], 288–89).

1832 ఏప్రిల్‌లో, మిస్సోరిలో సమకూడిన పరిశుద్ధులను దర్శించడానికి ప్రభువు చేత సూచించబడినట్లుగా జోసెఫ్ స్మిత్ దాదాపు 800 మైళ్ళు ప్రయాణించారు (సిద్ధాంతము మరియు నిబంధనలు 78:9 చూడండి). ఆయన అక్కడున్నప్పుడు, ఆయన దర్శించిన ఒక సమాజంలో ఒంటరిగా తమ పిల్లలను పెంచుతున్న విధవరాండ్రు చాలామంది ఉన్నారు. వారిలో ప్రవక్త వ్యక్తిగతంగా యెరిగియున్న ఫీబి పెక్ మరియు అన్నా రోగర్స్ ఉన్నారు. 1830లలో, మిస్సోరిలోని రాష్ట్ర చట్టాలు, మరణించిన తమ భర్త ఆస్తిపై విధవరాండ్రకు పరిమిత హక్కులను ఇచ్చాయి. విధవరాండ్రు, దిక్కులేని పిల్లల గురించి ప్రభువు ఎలా భావిస్తారనే దాని గురించి 83వ ప్రకరణము నుండి మీరేమి నేర్చుకుంటారు? ఈ పరిస్థితిలో మీ ప్రేమ లేదా శ్రద్ధ మూలముగా లాభము పొందే వారెవరైనా మీకు తెలుసా? మీరు విధవరాండ్రు, దిక్కులేని పిల్లలు, ఒంటరి తల్లులు మరియు అవసరంలో ఉన్న ఇతరులతో మీ వద్ద ఉన్న వాటిని పంచుకోవడానికి గల కొన్ని మార్గాలు ఏవి?

యెషయా 1:17; యాకోబు 1:27 కూడా చూడండి.

• మీరు సిద్ధాంతము మరియు నిబంధనలు 81:3ను మీ పిల్లలతో కలిసి చదువుతున్నప్పుడు, వారు ప్రార్థన చేయగల వివిధ “బహిరంగ” మరియు “వ్యక్తిగత” స్థలాల గురించి ఆలోచించడంలో వారికి సహాయపడండి. ప్రార్థన గురించి ఒక కీర్తనను కూడా మీరు వారితోపాటు వినవచ్చు లేదా పాడవచ్చు. ప్రార్థన గురించి ముఖ్యమైన సత్యాన్ని బోధించే దేనినైనా కీర్తన నుండి ఒకరితో ఒకరు పంచుకోండి. మీరు పరలోక తండ్రితో భక్తిపూర్వకంగా మాట్లాడడం గురించి కూడా మాట్లాడవచ్చు.

• మీ పిల్లలను వారి హృదయాలలో ప్రార్థించమని ప్రోత్సహించడానికి, మీరు వారికి కాగితపు హృదయాలను ఇచ్చి, వారు పరలోక తండ్రిని ప్రార్థించాలనుకుంటున్న దానిని గీయమని లేదా వ్రాయమని వారిని ఆహ్వానించవచ్చు. మనం ఏమి ఆలోచిస్తున్నామో మరియు అనుభూతి చెందుతున్నామో పరలోక తండ్రికి తెలుసునని మరియు మన ప్రార్థనలను మనం బిగ్గరగా చెప్పకపోయినా ఆయన వినగలరని సాక్ష్యమివ్వండి. మీరు మీ హృదయంలో ప్రార్థించగా పరలోక తండ్రి మీ ప్రార్థన వినినప్పటి ఒక అనుభవాన్ని మీరు వారితో పంచుకోవచ్చు.

• మీ పిల్లలతో కలిసి చేతులు మరియు మోకాళ్ళ చిత్రాలను గీయండి మరియు సిద్ధాంతము మరియు నిబంధనలు 81:5లో ఈ శరీర భాగాలను కనుగొనమని మీ పిల్లలను అడగండి. ఈ వచనములో ఏమి చేయమని ప్రభువు మనల్ని అడుగుతున్నారు? మీరు “బలహీనంగా” లేదా “సడలినట్లుగా” భావించినప్పుడు జనులు మిమ్మల్ని బలపరిచిన కొన్ని మార్గాలను మీరు ఒకరితో ఒకరు పంచుకోవచ్చు. ChurchofJesusChrist.org మీరు సేవ గురించి ఒక పాటను కూడా పాడవచ్చు. ఈ వారంలో అవసరంలోనున్న కనీసం ఒక వ్యక్తికి సహాయం చేయడానికి ప్రణాళికను రూపొందించడంలో మీ పిల్లలకు సహాయం చేయడాన్ని పరిగణించండి.

  

  2:18

• యేసు క్రీస్తు ఇతరులకు సేవ చేస్తున్న సాధారణ కథలను చెప్పడానికి మీరు చిత్రాలు లేదా వీడియోలను కూడా ఉపయోగించవచ్చు (ఈ నమూనా‌లోని చిత్రాలను చూడండి). ఇతరులకు సహాయం చేయడంలో రక్షకుని మాదిరిని మనం ఎలా అనుసరించవచ్చు?

  

• పరలోక తండ్రి మనకు ఆజ్ఞలను ఎందుకిస్తారు? అనే ప్రశ్నకు జవాబుల కొరకు మీరు మరియు మీ పిల్లలు సిద్ధాంతము మరియు నిబంధనలు 82:8–10 లో చూడవచ్చు. ఆయన ఆజ్ఞల యొక్క ఉదాహరణల గురించి ఆలోచించడంలో మీరు మీ పిల్లలకు సహాయపడాలనుకోవచ్చు (ఉదాహరణకు, నిర్గమకాండము 20:4–17; మత్తయి 22:37–39; సిద్ధాంతము మరియు నిబంధనలు 89:5–17 చూడండి). మీరు మరియు మీ పిల్లలు వాటిలో కొన్నింటిని సూచించడానికి చిత్రాలను కనుగొనడం లేదా గీయడం చేస్తే అవి మీకు సహాయపడవచ్చు. పరలోక తండ్రి ఆజ్ఞలు మనపట్ల ఆయనకున్న ప్రేమను ఎలా చూపుతాయి?

• బహుశా ఒక సాధారణ ఆట దేవుని ఆజ్ఞలను భారంగా కాకుండా దీవెనలుగా చూడడంలో మీ పిల్లలకు సహాయపడవచ్చు. ఒక వ్యక్తి కళ్ళకు గంతలు కట్టుకుని ఉన్న మరొక వ్యక్తికి శాండ్‌విచ్ తయారు చేయడం లేదా చిత్రాన్ని గీయడం వంటి వాటిలో సహాయం చేయడానికి సూచనలు ఇవ్వగలడు. ఆహ్లాదకరమైనది మరియు సృజనాత్మకమైనది ఏదైనా ఆలోచించండి. తర్వాత, దేవుని ఆజ్ఞలు ఈ ఆటలోని సూచనల వలె ఎట్లున్నాయనే దాని గురించి మాట్లాడండి.